山城小麵 (德福廣場2期)

营业中

休息中

山城小麵發跡於街鋪，在大埔和深水埗地鋪起家🏘近年受邀打入美食廣場接待愛吃辣的粉絲們，主打麵食和川菜，有種令人不流汗不可離開的精神🥵 在美食廣場接近末端位置，可能相對不起眼，但走至近處便有酸辣香氣滲出，令人垂涎欲滴🤤足以和旁邊的Pepper lunch分庭抗禮。 單人套餐也只是$69，有齊了粉麵小食飲品，在商業區來說也是能接受的價錢。粉麵有8款，配上9款小食，單是吃辣也能玩出不同花樣😍 🍜渝港擔擔麵說到川菜，擔擔麵也是其中一樣特色麵食，湯面會有一層紅油，少辣。剛開始吃的時候，麻醬花生味不夠突出，原來麻醬沉底了，建議進食前先攪拌一番，令湯底的每樣材料均稱好。麵質煮得剛好，不會過軟。 🥘正宗酸辣粉酸辣粉湯底惹味，酸味比辣味多，但也吃得相當過癮。紅薯粉的口感煙韌彈牙，掛上湯汁入口更好味。配菜還有蠔油豆和酸菜，令口感層次更豐富。肉碎調味不會過鹹，肥瘦適中。 🐥口水雞翼雞肉經過急凍處理，肉質仍然保持嫩滑，辣汁仍然滲入到雞肉內，帶有辛香料的複雜味道，麻辣味比較不突出。 🥓蒜泥白肉蒜泥味道十足，要夾著白肉，白肉的肉片比較薄，不算肥膩。但可能是上菜時才澆上辣油，令白肉不夠入味。

繼續試下新FOODCOURT今次揀左呢間食麵既好似川菜咁點左~山城牛肉麵小辣~擔擔麵小辣一望個麵係覺得好似好油似係辣椒油0係面咁但其實食落味道NOT BAD我地揀左幼麵同刀削麵幼麵質感都幾好刀削麵就略嫌硬左少少但兩碗份量都好多真係食唔晒呀其實兩個麵既湯底好似差不多咁所以呢個擔擔麵味道係同平時唔同可以話係另一個感覺

今日又試新嘢之前無聴過尼個名「山城小麵」，都唔知出名食咩，原本想試秘制排骨麵！但怕太肥所以最後決定食山城牛肉麵（小辣）（粗麵）$49！山城牛肉麵～份量唔算太多！但都可接受，啲牛肉都算啲琳，但略嫌有點乾，最有驚喜係啲麵質地幾彈牙辣油唔夠香！但整體都OK!

今日一個人食lunch見冇乜嘢好簡，行行吓見到food court新開睇吓有咩食。最後揀咗依一間山城小面$70左右。先講吓有啲咩，我食嘅係淡淡面加皮蛋再加冰粉。先講個面，面質普普通通但係啲麻辣味都幾足，如果想食辣啲可以叫店家幫手加辣。第二道皮蛋，比想像中好食，香麻並存，個人認為比X仔雲X香都好食而且份量幾足，冇數錯應該有八舊。最後到冰粉，正常味道唔會話太甜太淡。成個餐來講一個男仔食就好夠女仔可能會飽少少。環境一個給新式嘅food court。可能個位有少少偏所以人數唔算太多都算舒服。可以encore.

光顧開太子總店，今日居然九龍灣偶遇。food court 黎的山城小麵。這裡的冷氣比較足，就是吃大辣也不會大汗淋漓。可能係food court 關係有幾款麵食都冇上架可幸主打的山城牛肉麵還在提供名單中叫了中辣，粗麵湯底佢同一班麵線/川辣店唔同。類似係清湯加入辣椒/油，再由食客自己攪拌而成。個人習慣先喝一口清湯，再攪拌，一嘗麻香辣。感覺尚可，辣不算太香，油有點小油膩，附帶一點小麻，使得湯汁不太單調枯燥。麵很有嚼勁，麵味突出，很掛湯。個人覺得最可取的一點。牛肉碎腩，入味。總的來說，味精調味料的味道很突出。但偶爾吃一些味精調味重口味的東西，感覺就是十分的舒暢爽快。

今晚返夜，晚餐唔想堂食（因疫情唔想喺人多地方逗留太耐）唯有買外賣，買了個麻醬雞絲涼麵（但英文譯名係Peanut butter而不是sesame sauce/paste）。首先，麵條偏硬身，應該係雪櫃直接攞出嚟放落碗。雞絲係絲狀同粒狀混合，應該係用雪藏雞脾肉，所以有明顯雪味雞腥味。醬汁份量足夠，麻醬味道可以，豉油就咸咗啲同過多，最後嗰幾啖變咗豉油浸麵，如果可減咸同加少許甜味會更佳。不過food court嘛，點可以要求咁多吖，$49單一碗麵仲想點呀？而且由落單至攞到外賣大概只係二分鐘已完成，隨時快過麥當當