山城小麵 (懷仁街) (已結業)

講開食川菜小菜，我與朋友都很喜愛食，尤其是太太，每次食川菜都喜歡食口水雞，喜愛川菜麻辣的味道，那鋪滿面上的干辣椒，講起真是流口水啦！天氣凍凍地最適合食辣暖下身！今日與朋友來到大埔的山城小麵，是地鋪，近著鐵路博物館以及火車站附近，雖然不大，但裡面裝修精緻乾凈企理，卡位設計非常舒適，裡面都坐了很多的客人。看看餐牌，選擇很多，非常大眾化的價錢！終於決定要試試這小店的招牌，秘制排骨麵（$35），紅油抄手/6粒（$26）和豆漿（$7）！我們試點了一份超值套餐：可以選山城小麵：山城牛肉麵，滋味小食﹔口水雞翼﹔甜品：紅糖冰粉（$59），十分抵食！首先上枱的是秘制排骨麵，排骨大大條，啖啖肉!肉質嫩滑，我點了少辣，是幼麵，有辣椒乾放上湯上邊，味道不算極之嗆辣，但是辣油非常夠香，湯底有微微酸辣，一啖肉，一啖麵，一口湯，十分滋味 ！大推介！另外點的麵是山城牛肉麵，牛肉有別於我們平常食的牛肉，牛肉味道香濃軟嫩，朋友點了少辣，刀削麵，5香味出色，刀削麵條煙韌彈牙有口感 ! 湯底牛味十足，愛吃牛，又愛吃辣的朋友一定要試！而紅油抄手，以往我一向吃的都是一口小小的size，但是這家的紅油抄手，每顆都圓滾滾，皮薄之余，

近排天氣轉涼最啱食啲辣野，身為大埔人，行過見到呢間外表溫暖特別嘅重慶食店，所以就決定入去試吓。本身都係諗住食下麵，但係可能因為天氣凍，又俾店家見到我好凍，遲遲未決定，店家推薦我哋食呢個隱藏左係餐牌嘅麻辣火鍋。依家香港越開越多下辣火鍋，但好多都係不停咁加啲辣油落去得個辣字🔥，一啲重慶風味都冇。🤔但呢間嘅火鍋一食就發覺有唔同佢真係用好多嘅辣椒而係好有重慶嘅地道風味絕對唔係辣油淨係得個辣字嗰種！同老闆傾開先知原來呢度嘅老闆同大廚都係重慶人，好鐘意呢種小店的人情味，他們好有禮貌，笑容好好，間中就過來問下好唔好食。食火鍋好溫暖，人情味更溫暖佢哋仲推介左另外兩樣地道嘅重慶美食包括手撕雞同埋紅油炒手。我們叫左少少辣，食得到之餘，隻味好獨特，好正！最後佢哋仲介紹咗呢個紅糖冰粉，呢個冰粉甜甜地，有山楂有提子乾，原來好解辣！食完麻辣火鍋食簡直一流。

我媽就好鍾意食辣係後生嗰陣時，但係而家老左，呢就食唔到，跟住我又病咗所以食唔到辣。我阿妹就係食小小辣，都要狂灌水個d，直頭係完全唔食得辣。最食得辣嗰個係我男朋友，但因為公司要加班，所以佢今日冇同我地一齊食飯。但係因為我好想食好似重慶啊上海啊嗰啲面，所以呢我地就去左山城小麵到試下啦。我媽叫左山城拉麵傢山城擔擔麵加左隻滷蛋，我同妹同媽都角得好食。我地又有叫到紅油抄手，正呀，仲有少少川味，我最中意食，病左都照食。我妹就食唔到啦，太辣，佢角得。我媽狂讚，之後店員就話我地知，原來d辣油係重慶個到調味，我媽話好想買，好搞笑！我叫左個牛肉刀削麵，正，我叫微辣，好適中，我食到，又惹味，我好中意呀！最後我地叫左個冰粉，我同媽都角得上面d東西似午餐肉粒，笑死我地，笑到我地勁開心。我同媽狂笑，妹就食左，話係山渣，好搞笑。因為好好食，我地就食左2個。

第二次黎幫趁 二人餐再加紅油抄手同加左好食牛肉都係159蚊 又有糖水 又有野飲！ 推介！d姐姐又nice 同埋坐得幾舒服！口水雞同皮旦都高質！中意麻醬涼面！另外冰粉都好食 小食粉量都足夠👍🏻

成日經過都無乜機會去試，今手中午行過見入面人少少就試下。嗌佐個小辣酸辣粉，啲粉無乜咬口，湯底有酸辣味，但無麻味，份量正正常常。餐牌都幾多野食，或者其他會好味啲。

半夜三間想喺大埔搵食真係唔容易，好彩見到呢間鋪頭仲未閂門裝修得好似幾靚咁，睇吓個餐牌價錢又唔貴，咁今晚就食呢間其實真係好抵食，一個二人餐， $125 ，有兩個面兩個小食仲有甜品，晚餐來講真係唔知係邊度食到咁平，咁當然啦質素都應該好緊要嘅我哋叫咗一份蒜泥白肉，一份手撕雞，雖然我冇問佢哋個手撕雞點整，但係佢個手撕雞入邊放咗一啲好有咬口嘅嘢，增加左成疊手撕雞嘅質感，而家蒜泥白肉呢味道呢就好濃，但係我比較欣賞佢嘅就係佢啲肉都唔會太肥跟住我哋又帶咗一份撈麵，同埋牛肉麵最特別嘅我覺得係呢一個冰粉，感覺好似涼粉又好似啫喱，佢再加上一啲山楂同埋提子乾調一調過味呢個甜品真係喺出邊冇乜點食過，原來係佢哋特色嘅甜品嚟嘅

如果喜歡吃重慶口味，這裡真係又係一個超正選擇，本身餐廳位置就唔係係人多大街嘅地方，剛好行過，見到有新店，反正都係一於座下，餐牌清晰，如果吃得不多可以單點，而個超值套餐確實十分超值，兩個人吃個食勻山城二人餐，相信絕對足夠，唔夠亦可以再加其他小吃，今晚就係點了個二人餐$125，一個山城牛肉麵，牛肉味道香濃軟熟，麵條煙韌彈牙好有口感，再配個燃情刀削麵加錢加了幾款菜，滷蛋、牛肉、郊外油菜一碟，呢個麵都十分之特別，係乾撈，麵身更彈牙爽口，牛肉一樣都係咁味道香濃軟熟，麵條配埋滷肉一齊入口味道更佳，小吃就點了入麻辣手撕雞，夠晒味道，雞肉嫩滑！同埋尖椒皮蛋，入口香滑，皮蛋唔會有陣石膏味道，伴埋帶點辣嘅尖椒十分刺激！油菜亦十分爽脆，帶點辣汁，夠晒刺激，跟餐還有飲品同糖水選擇，飲品就點了冰凍嘅甜豆漿一解口中辣味嘅感覺，而最好係佢個甜品紅糖冰粉，入口清涼軟滑，將口中嘅麻辣感覺盡消！另外佢嘅小食亦好好味，今次多點了個老麻紅油抄手$26，入口啖啖肉，味道帶點點辣，味道夠晒香濃！如果喜歡吃重慶口味，這裡絕對值得一試！

朋友無辣不歡，到處搜尋美食之際，發現一間位於小巷入面嘅川菜餐廳，之前也記得太子有一間分店的。餐廳門口非常開陽，學生仲可以每位減兩蚊，相信Lunch時段一定非常滿座。餐牌有兩版紙，都比較多食物款式選擇，有滋味小食、湯麵系列，仲有糖水等。先叫了一份黃金皮蛋，套餐加$4仲可以升級流心黃金皮蛋，一份大約有八件，食落去質感好軟，而且好入味，蛋黃有入口即溶的口感。除此之外，還有口水雞翼同埋手拍青瓜。套餐叫咗一碗滷蛋炸醬紅薯粉，仲可以加錢加多種配料，我分別加了肥腸、雞絲同埋兩隻煎蛋，仲可以有四種辣度選擇，頓時覺得成碗粉非常豐富。當中嘅肥腸口感軟熟，而且非常入味，入面完全冇膏，好潔淨！朋友嘅刀削麵似闊條麵，食落去有口感，而且有煙靭度，他說第一次食感覺良好！餐飲仲可以配熱華田，最適合暖笠笠嘅秋冬天飲，正！

朋友介紹大埔墟有一間特色川菜，突然好想食湯麵，我們就二話不說入去坐低。店員招呼親切殷勤，隨即安排我哋坐中間長枱的位置，還給我們幾杯水。餐廳旁邊位置還有一些二人卡位以及梳化位位置。我們先點了一些飲品，女士們要暖一暖個胃，我就叫一杯熱華田，華田味道好濃郁！小食叫了麻辣手撕雞同埋蒜泥白肉。手撕雞如果跟套餐都只係加$4，非常抵食。手撕雞一條條一啲都唔鞋，除咗有辣椒之外，仲有蔥花粒，而且份量好多啊！雞肉肉質鮮嫩，非常滋味！鮮湯清湯炒手$26就有六粒，我哋每款味道都叫一份試吓，我就鍾意清清地嘅湯底，配以大大粒嘅雲吞，皮薄餡靚之外，入面嘅蝦肉同豬肉份量都好多，果然足料。如果想加一點辣椒，每一台都有辣椒油等配料，可見餐廳細心體貼。除此之外，朋友還叫了一些套餐湯麵系列，還可以追加不同配料，包括雞翼、排骨等，每款只係加$8，另外再加一碟郊外油菜都只係$15，認真抵食！

朋友一向喜歡食川菜，難得大埔墟有一間由太子總店開第二分店入來大埔的山城小麵，就特意去試一試。餐廳門口非常方便，臨近小巴總站，而且附近仲有咪錶位可以泊車。餐牌多款選擇，還有圖片可供參考，每一款食物都好想試吓，我哋先叫了一些小食及麵類share嚟食。滋味小食我最喜歡的口水雞翼大約有三隻，每隻雞翼切成兩件，食落去有好香嘅辣椒味道，咬落去雞翼肉質鮮嫩，好入味。有套餐、特色湯麵、涼麵選擇，見到特色單人餐咁抵，我哋隨即轉左套餐，餐牌上嘅山城牛肉麵旁邊有個手指公，相信都係鎮店之寶，必食之選。仲可以加錢追加配料，我就加咗兩隻煎蛋。牛肉麵好大碗，飲一啖湯底估唔到非常濃郁，而唔係淡味道的，而且幼麵入味，牛肉非常林！仲有係半肥瘦的，好好食。最後再加一罐可樂爽一爽喉嚨，今餐真係非常滿足！

今日心血來潮想食辣野，所以就同男朋友去左大埔食山城小麵☺。我叫咗碗麻醬雞絲涼麵，雞絲配麻醬既味道好夾😋，而且呢碗涼麵既份量超多😗，價錢都好平，另外仲跟套餐送咗一碟郊外油菜比我地，真係好抵食😝!而我男朋友就叫咗碗渝港擔擔麵，我坐喺我男朋友對面都聞到碗擔擔麵嘅花生醬味，真係好香😍，我朋友仲話碗擔擔麵既辣度啱啱好，就算唔鍾意食辣嘢嘅人都會鍾意食😎。喺小食方面，我哋仲叫咗麻辣手撕雞、手拍青瓜同埋口水雞翼😌。啲手撕雞嘅肉質好嫩滑，配埋佢哋嘅麻辣醬汁食真係好惹味🤭，而且啲手撕雞撕得好幼細，完全係考心機😳，撕得一啲都唔馬虎；青瓜嘅口感好爽口，食落嘅感覺完全唔會覺得有青草味👍🏻； 口水雞翼啲雞翼配埋佢哋自家製嘅麻辣汁，味道超夾，辣得嚟又食到雞嘅鮮味🤤。食辣既嘢一定要配冰粉，咁先可以解到辣😆，所以我黎到食山城小麵，當然都有叫冰粉黎食，聽聞呢間店嘅冰粉仲要係老闆每日親手製作既，真係好有心機😃。冰粉入面唔單只有提子乾仲有山楂，真係好足料。山城小麵嘅菜式唔單止好食，仲非常之抵食，一個字“掂”😝!

抵食 有質素四川菜山城小麵位於大埔一條不起眼的小街裏，但這不起眼的小店卻令我有意外的驚喜。餐牌食物選擇很多 有小食 ，主菜客飯，麵食，甜品，應有盡有，而且價錢一點也不貴。由於我和朋友收工後都不想費腦筋，所以我們選了二人餐，份量也不小，而且有飲品同甜品各兩份，這個價錢來說十分超值。山城牛肉麵牛肉屬於半筋半肉，肥瘦度剛剛好，不會太過肥膩，味道亦夠入味，刀削麵麵質不錯，很有口感，而且食落很飽肚。老麻紅油炒手六粒通堂常食四川菜我有一定會點紅油炒手，紅油炒手是加了秘制辣油的雲吞，小店的秘制辣油味道都很惹味。由於我們不吃得太辣，點了微辣，辣度剛剛好，適合平時吃小辣的朋友。尖椒皮蛋皮蛋配尖椒，再加一點蒜令味道更加惹味，辣辣地食落好開胃。蒜泥白肉蒜泥白肉的份量很多，蒜泥的口感十分滑溜，肉質都很嫩滑，吃起來很滿足。手拍青瓜和口水雞翼是套餐以外額外點的。青瓜好爽甜，味道清新，作為餐前小食，再吃主菜十分開胃。口水雞翼切了一半，因此比較易入口，雞肉嫩滑又入味，味道夠濃，很有四川風味。紅糖冰粉冰粉味道不會太甜太濃，剛剛好可以中和剛吃完辣辣的四川菜，十分清甜解渴。

估唔到係度都有北方風味美食，平時都有食開米線，鐘意佢湯底夠辣食得又刺激，但講到惹味必定要食番原有地道風味，包你食得高興又滿足，講番呢度係食正宗川菜係辣度方面都可以都分為五種級別視乎接受程度，至於食物方面大致分左有山城湯麵、特色麵食同滋味小食同超值套餐，我地就點左個食匀山城二人餐，唔夠食先再叫過，先有滋味小食兩款，手拍青瓜同口水雞翼，食落各有特色，手拍青瓜咬落爽口又清新，至於口水雞翼肉質夠嫩滑，配埋香辣醬汁食得惹味輪到麵有渝港擔擔麵（幼麵），睇落最簡單其實要攪一輪工夫，先製成美味肉醬粒，我都食番啖先品嚐一下味道，入口肉粒香嫩味濃郁又有香脆花生碎，記得先撈埋麵一齊食更入味而另一款老麻紅油抄手6粒，入口皮薄滑溜內裡滿口香甜肉汁，加上辣椒食落更香又帶點微辣食到咁上下好友話唔夠喉，要再食多碗紅燒肥腸加滷蛋刀削麵，要中辣咁食先夠地道風味真識食，等左陣碗麵終於出來，已見一半清湯一半香濃辣椒未食都知好刺激，趁佢未攪勻先食番件肥美又香甜肥腸再飲啖湯又幾正雖然佢食得辣但點都會有D麻，好彩呢度糖水專為大家解辣，食完即刻降溫好有效，有紅糖冰粉同養生銀耳羹兩款而我就比較鐘意食前者食到提子乾同山渣酸酸甜甜，再食啖

天氣愈來愈凍，第一時間就想起渝菜。實際上渝菜是川菜的一種，自從重慶成為直轄市就漸漸發展並分支出來。具麻、辣、酸、香的特點，並以麻辣為重。在大埔的「山城小麵」做渝菜做得出色，主打重慶小麵。店名「山城」就是重慶的別稱，因為當地缺乏平地，建築物依山而建而聞名。先來一客秘製排骨麵。店家把麵條煮好，淋上清湯，再放入以葱蒜酱醋辣椒调味的辣油，配上清炖排骨。小麥麵條爽韌彈牙；清炖排骨外酥內嫩，軟糯而不失嚼勁；湯頭清甜，辣油色澤紅亮，麻而不燥，麻香醇厚，要人垂涎三尺。友人則點了山城牛肉麵。一碗重慶小麵，已叫人食指大動，不點小食看來是不夠。紅油炒手辣油依然麻香醇厚。薄薄的皮包裹著滑嫩的肉餡，配料幼細，炒手一口就滑進嘴裡。黃金尖椒皮蛋「這皮蛋是怎樣由黑褐變得晶瑩通透，外透內黃？」友人問。很簡單，這是老閭特意購入的四川皮蛋。四川跟廣東皮蛋的醃製方法不同，所以顏色跟味道都有差異。四川皮蛋吃起來更清新，沒有平常皮蛋的鹼澀，蛋黃更香濃，也更適合涼拌。蒜泥白肉蒜泥香濃幼細，配辣油帶回甜。腩肉全部用上半肥瘦，而且每塊厚度均勻，用心之作。最後一人一碗糖水作結。

不嬲無辣不歡，但係太辣又食唔到😂好似我哩種中意食辣又食唔到好辣嘅朋友仔，就一定要去試下山城小麵，包啱口味！哩間小店主打川菜，而且口味正宗，辣度仲可以因應個人口味而作調節。我同朋友仔一人叫咗一碗麵，幾唔錯！我哩碗係肥腸粗麵，小辣，麵爽口而且咬落有口感，麵質唔會太硬或太淋，啱啱好！肥腸好香口，而且好入味，小辣嘅湯底辣得黎又好剌激，十分開胃。朋友要咗雞翼寬條麵，麵條爽口而且好滑，索曬湯底嘅精華！雞翼肉質鮮美多汁，滷得超入味，口感較為淋身。另外仲叫咗一個蒜泥白肉同埋口水雞翼。蒜泥白肉味道適中，唔會好似岀面餐廳咁過咸，而且肥瘦亦控制得好好，好食！口水雞翼好易拆骨，而且肉質鮮嫩仲入曬味，必試啊！我地當然要試埋佢哩度岀曬名嘅冰粉！食完辣野食翻碗冰粉係人間一大爽事！哈哈！冰粉好冰凍，食落口勁滑，解辣又解渴，面頭嘅提子乾同山渣夾埋冰粉一齊食又岀奇地夾！