山脈流川 (已結業)

唔知有幾多食客，係俾呢度嘅名字吸引過黎，我地係其中之一。一開始只知道呢度係一間cafe，唔知野食好唔好食，環境有幾靚，就係因為呢個幾有型嘅名，一班女仔就黎到工廈中嘅山脈流川聚舊。野食價格偏貴，下午茶時段，所有野都係散叫。有啲肚餓，叫左個最正路嘅all day breakfast。估唔到有牛角包，加分。其他食物都屬中等水準。抹茶latte亦不俗。最有驚喜係不同款式嘅朱古力凍飲，朱古力味香濃，唔會過甜，又有朱古力碎粒在內，好飲。

觀塘真的有超多各式各樣的咖啡館 每次來這邊都像尋寶1樣看看這次發掘到的寶藏又是什麼 這次來到山脈流川喔！觀塘的特色就是幾乎所有咖啡館都是在工廈裡面 吼！在這邊上班真的好幸福 就能每天都去試1家了哈哈山脈流川在工廈的3樓 1出電梯就能很清晰的看到店名進去店面之後 映入眼廉的是像柑仔店的各式各樣糖果小物 後面就是收銀台和水吧的部份 然後就是室內的休憩位置 再走出去1點就是室外的休憩位置如果想呼吸1下新鮮的空氣就能坐在外面 那因為是夏天好熱我們就選了室內的坐下了餐點的部份是採取自助的形式 要先出去買票 然後餐具的部份也是要自己拿的 很快就點好餐等著食物送來囉先上來的是香煎帶子墨魚汁意粉 每次都說因為會把嘴巴弄髒所以不要點墨魚汁意粉但每次看到了MENU還是會點 哈哈這就是賤嘛！沒辦法啦 因為覺得墨魚的味道很香 所以就是忍不住要點墨魚汁意粉很Q彈 灑上了起司粉令味道更香濃 帶子也煎得很香 也許是肚子餓了 所以很快就把它KO掉了接下來是重頭戲他們家的巧克力飲品 因為怕別的加了不同料的巧克力會太甜所以我們點了原味巧克力 巧克力用好看的瓶子裝著 然後掛上店鋪的牌子在勃子上喝上1日 哇！好好喝 然後是1

而家啲cafe周圍都係,喺觀塘工廈裏面嘅就特別多！ 上網搵咗呢一間， 好似有啲懷舊feel ，有少少特別就試一試！入到去已經見到好多舊時細個嘅糖果 ，真係可以懷緬過去！ 糖果係自助形式的可以購買， 種類都非常多！因為室內已經滿咗所以我們選擇了室外不用等位， 室外看見有人吸煙有人帶狗， 適合吸煙及養狗人士！ 但因為在工廠區內就沒有什麼風景可言！叫了一個墨魚汁意粉， 味道似乎有點淡 意粉內有墨魚片 同帶子粒都係無乜味 再來一個三文魚菠菜麵 ，因為煙三文魚本身都是鹹鹹地加上菠菜意粉， 係有點清新， 但味道不是十分出色！ 唯一可稱讚的是意粉比 外面cafe份量係多d 個凍朱古力 都幾好飲嘅， 唔會太過死甜 又不是粉少水多！ 但食物質素不是太過 出色 ，應該不會再來！

觀塘勁多文青 cafe，好多都好小清新 😂好啱 weekend 去 fing 下每格都有本簿比客人畫下畫、寫下（無聊）嘢不過幾乎無哂位喇 😂 睇嚟大家都好踴躍order 咗個 all day breakfast味道正正常常啦，份量都幾多幾飽肚支旗仔好可愛～焗肉醬意粉本來只係諗住叫啲飽肚求祈揀嘅點知勁好食喎，唔係焗定哂嗰隻有好多芝士，每條意粉都撈到芝士同肉醬好驚喜 👍🏻會變色嘅飲品本身紫色，督完檸檬就變藍色味道 ok，唔係好酸

好耐之前食 不過唔記得左打因為係cafe 有好多玩具部遊戲玩，又唔趕客，所以等左好耐！成個鐘都有食物質素一般，冇好大驚喜。係一般餐廳會有嘅水準。整份all day breakfast不過不失啦，炒蛋冇過火，都尚算嫩滑有牛油香味，加啲鹽同胡椒就必要嫁喇！炒蘑菇都好食嘅，菇味夠濃。煙三文魚擺得好靚，視覺上都享受到！不過我覺得可以熱啲上碟，攤凍左先食就麻麻地！服務以少少自助形式咁，我唔知係咪佢地太忙定真係咁，自己拎餐具，食完碗碟要自行清理。最特別係有糖果架，有啲糖都好懷舊下，影相幾靚。

呢間餐廳係loop 文青fd子 ig 時見到佢張呃like相而專登黎一試正所謂一樣野好唔好食 外貌擺盤真係好重要！呢間餐廳得兩個人打理 一個煮野食 一個整野飲 真係忙到甩轆！所以佢地採用自助形式落單同收碟所以好講求service 既人就唔岩黎啦1/ 香煎帶子墨汁意粉 $88食墨魚面一定唔可以同愛人或新朋友黎食因為真係無論幾有儀態既人都會食到儀態盡失🙈🙈墨汁味唔算濃 而且配料太少2/忌廉蘑菇菠菜三文魚意粉 $78輕口味之意粉可能我同fd子都太重口味 食到後面要加辣辣醬食3/金莎朱古力 $48 ；藍梅沙冰 $48難得係香港飲得一杯朱古力沙冰唔係得個甜字仲有濃濃朱古力味藍梅沙冰有加新鮮藍梅打成 即刻加分！食後感：主食類有好大進步空間！

咁大份All Day Breakfast係住家既味道 覺得有d淡味成間餐廳一入到去有好多糖果仲有好多書 岩哂偽文青黎影相另外仲提供左以前好興個d樓上cafe咁有好多一盒盒益智既遊戲 棋啊 卡啊等等 不過就唔見有人拎黎玩 應該拎黎做拍攝道具就多

繽紛樂朱古力呀！媽呀！點解可以咁邪惡！加埋個all day breakfast! 爆晒quota!!!!!講真all day breakfast 真係無咩特別！但佢個野飲！真係不得了！

呢間食過兩次，食評炒埋一碟👇🏼第一次黎食係食all-day-breakfast，大大份，賣相唔錯，鍾意佢係牛角酥唔係hea多士薯仔粒同蘑菇粒炒得幾香口，炒蛋略嫌唔夠滑，有d散散地，沙律算新鮮爽口，煙三文魚煙肉還可以。整體都可以。試左兩杯朱古力，賓紛樂朱古力沙冰、士多啤梨朱古力。沙冰賣相好吸引！好濃，好味。另一杯就...中伏，假士多啤梨味，得個甜字，冇朱古力味邊度先有真士多啤梨汁😔。第二次食午餐，lunch set 六十至七十蚊配朱古力。墨魚汁帶子意粉，正啊，食到好多墨魚汁，成口黑麻麻，幾creamy,再食帶子，好鮮味，輕輕煎過。好食！仲有一個白汁雞肉黑松露長通粉，好香黑松露味，勁creamy，雞肉都幾多，味道適中，長通粉有點煮太林。最後，推仲招牌經典特濃朱古力（個名我改架咋😂，好好飲！餐廳細細間，一眼望哂冇死角，人流唔多，可以坐好耐慢慢傾計/當自修室🤔

佢D咖啡衰過老麥，美❤️，大瓜樂....好少啡味，奶水味，我最憎...賣得唔係平咖你地，你地要對得住自己...沖杯比自己飲，你真心飲完會覺得好飲？太差太差....

上網搵到 , 眼見店內好靚,好特別=而且地點係觀塘, 亦係我中意搵食的其中一個地方。一於去搵同事S齊齊覓食, 同事與我好夾, 大家都中意搵地方食飯, 今次就輪到我揀啦 !當日可以早放工, 網上話該店地方不大,太遲要等位, 所以我地早早6點鐘去到。店外佈置好像一個佈景, 未入去已經影左唔少相上到去, 室內一眼睇晒, 有高枱及其他枱,入到去時已經剩返兩張高枱,  我地就揀左其中一張。睇下周圍環境, 最中意有個懷舊小食亭, 裡面有好多懷舊的零食及玩具,我同S同事完全忘我地影相。在另一角, 有好多broad game, 棋類供應,可以比數個朋友齊齊玩, 主意唔錯呀 !見到有顧客行出室外, 估計室外都有枱。餐牌唔算好選擇, 一般意粉也有, 我和S同事點了以下 :蒜香蕃茄蜆肉扁意粉 香煎帶子墨汁意粉飲品 :巧克力巧金莎朱古力食物方面要自行到收銀處購買, 然後再送上。餐具亦要自已由取, 亦代表食飽飽後要自已執返啦 !ORDER完後, 與S同事傾傾計, 講下近況時,已經好快送上.蒜香蕃茄蜆肉扁意粉 :蜆肉及蕃茄份量好多, 唔會馬虎, 雖然話蒜香味, 但唔算好重,如果用上多點蒜香相信生色不少, 扁意粉稍

蒜香白酒蕃茄蜆肉意粉 $88一直想黎但一直都未黎，因為地點就係好唔就腳😂好懶得特地過黎，而後尾朋友提起原來可以帶埋狗狗，終於～黎探探路先！地方唔算太懶搵，一出電梯，右手邊，你就會見到山脈流川～個燈箱。慢慢行入去，環境都算闊落，有遊戲提供，例如：波子棋等兒時遊戲，仲有啲兒時玩具/食物可以購買（戒指糖，吹泡泡）。點餐/結賬同時進行，而餐具請help your self ，而食完野都請將餐具歸還於清洗嘅架內。點咗蒜香白酒蕃茄蜆肉意粉，中伏之舉✨蒜香：沒吃到✨白酒：有吧？✨蕃茄：有對意粉有作用嗎？✨蜆肉：就蜆肉飯味道吧～你唔係想有幾鮮好甜，令個意粉都香埋？🙈✨意粉：可能我唔係我口味，乾，硬，食落仲口乾，而啲汁（白酒？無咩作用，差啲想問下可唔可以比啲芝士粉）我就一般麻麻，朋友：仲🙅🏻過自己煮🙊 香煎帶子墨汁意粉 $88一碟係絕對唔夠食，點多碟香煎帶子墨汁意粉～咦，依個反而唔錯哦。起碼食落唔會口乾乾，越食越口渴😂墨汁意粉用黑色碟，放心，你一定會睇到啲墨汁意粉😂墨汁成功咁攻略成每條意粉，食落都幾creamy，唔好旨意好味都嘩嘩聲，但比起之前個碟蒜香，依碟簡直可以話：好味😅 帶子都唔錯，都幾帶彈性；芝

今日約左朋友傾旅行行程，特登搵左間文青cafe坐低一邊飲野一邊傾下點plan個行程，最後揀左哩間去試下，下午四至五點去到門口，已經見到好有文青風既擺設放左係門外，入到店內，只有2-3枱客人，依度除左室內座位之外，仲有室外座位同埋座位多少少，由於天氣有d熱同埋我地需要wifi，所以選擇左係室內坐低左。依度有夾糖同其他零食買，岩哂d口痕既客人，同埋係自助形式叫野，行去收銀處拎個meun牌睇下想叫d咩先，決定好就好似咖啡店咁排隊買，睇完個meun要自己放返係原處，包括你想拎餐具，紙巾同食完既碟同垃圾，店員係唔會幫你執手尾的，我覺得依樣鼓勵客人自己食完自己收拾既方式幾好最後我地分別只係叫左兩杯飲品，我朋友叫左繽紛樂朱古力，我就叫左士多啤梨沙冰。我地一邊傾一邊等野飲黎，好似等下等下都成20分鐘，好似耐左少少喎終於到啦，緊係相機食先用牛奶樽載住飲品，睇得又影得，再拼埋去店內既半木牆身影，特別有文青風。士多啤梨沙冰首先唔係我想像中既顏色，好似太過粉紅色，但一入落口，好淡既士多啤梨味同好似太過稀，真係似飲緊士多啤梨味既稀奶昔繽紛樂朱古力飲第一啖係有繽紛樂味，味道唔算特別，加上都係太稀身，唔覺有濃烈既朱

Weekend諗住揾個地方食個afternoon tea, 揀左哩間山脈流川試下。環境不錯，係一間文青cafe, 西式menu有big breakfast, salad, pasta等等。 自己試左個日式蟹棒沙律，$68，portion係幾大碟，但係唔特別，係現成沙律醬，菜都一般新鮮，後悔自己點解唔叫all day breakfast。另外點左Ice Baileys Chocolate，更加係普通之中嘅普通，少許baileys酒加朱古力奶，盛惠$58。友人點左個cabonara同重推介的凍繽紛樂chocolate，純粹係加左啲milo粉吧，淡淡味的。而$78嘅cabonara, 更加係味淡量少，哩個價錢，我相信出面會揾到更多更好的！最重要提及的是服務，太差劣吧，零笑容。明白吃完後要自己收拾碗碟，但係態度差得非常，好似得罪左佢地咁！改善下員工態度啦，食物唔算太特別但服務都差嘅話我真係唔打算會再番來幫襯！

禁不住登記openrice寫第一個食評。199蚊一杯latte, 一杯double chocolate, 一份carbonara, 一份松露芝士牛角包。價錢並不十分貴，但質素絕不值199蚊。咖啡， 冇咖啡味，奶泡太水。同問職員可唔可以換， 即刻話整過杯，態度幾好， 但可惜第二杯味道更差。朱古力， 水汪汪。pasta, 好咸， 真係好咸。牛角包，個包冧ji ji。 冇牛油香， 同埋都係好咸。