山見台式火鍋 (雅蘭中心)

营业中

休息中

平日工作忙碌，週末最大的樂趣莫過於和女朋友一起四處嘗鮮，這個週末去了旺角新開的山見台式火鍋，雖說是火鍋店但店內裝潢舒適，很適合情侶一邊聊天一邊涮涮。一坐下先點杯珍珠奶茶，然後在外面的自助餐區先拿點小吃，配上麻辣鍋，又是一絕。建議喊鴛鴦，一個麻辣一個養生美人鍋和牛和封門柳都十分好吃，女友則偏愛牛爽腩，肉質入口嫩滑帶點麻辣香，配上奶茶讓人食慾大增，雖然吃得頭頂冒汗但完全停不下來。自助餐區中的配菜選擇很多，蔬菜也很新鮮，入口清甜，再涮幾片封門柳，加上那個淮山刀削麵，又是另一番風味。直接上了我和女友的口袋名單！

Nat最近食過咁多放題中，🐮和牛邊爐最高性價比top 1！人氣臺式放題，終於係旺角開設新分店喇😍Nat最近食過咁多放題中，🐮和牛邊爐最高性價比top 1！人氣臺式放題，終於係旺角開設新分店喇😍饌和牛·吃到飽 90分鐘成人$358 小童/長者$268 🇯🇵饌·和牛真係勁正勁新鮮，牛味重，口感超香滑。🥩靚靚紋路，敢保證，食過之後一定會上癮😎🐮月見封門柳細細片，配埋蛋漿一齊食超香！爽嫩質感，更有嚼勁。新鮮活鱔片，爽滑牛骨髓，清境鮮雞子，少見配菜，同樣唔可以錯過❤出邊仲有自助吧，推薦特色臺式滷味，牛筋牛肚，豬手，甜不辣，豆腐，雞蛋，可以無限任拎😉🍨最後記得食埋雪條，芋圓甜品，同埋牛奶磚先走呀~😋一開始都驚個半鐘唔夠食，到最後時間覺得啱啱好，夠哂時間，好飽好滿足！環境舒服，服務態度好好，上菜齊，速度快😘

因為經常在旺角一帶覓食，很早就見到了雅蘭中心一樓”山見”的新店招牌，台式麻辣火鍋的招牌十分吸引人。今日剛好同幾位波友打完波，自然少不了一番大快朵頤，味蕾對於經常吃的餐廳已經有些審美疲勞，於是選擇了之前就有印象的山見旺角店。軟件上搜索才知道，原來山見這個品牌早在屯門已經有一家店，今次新開業的已是第二件分店。門面非常新，裝修的色調以淺色系為主，台式的小清新感撲面而來。門口裝飾用的火車頭，讓人回想起疫情前隨意往返港台的快樂時光，不免有些唏噓。既然人沒法翻鄉下，不如比胃翻下先！我們選擇的是368的和牛套餐，講真下單前，對於這個價錢的和牛是不免有些擔心的，又是放題，但是待菜品呈上時，已經完全超乎我們的期待。這裡的和牛看上去質量上乘，下湯後的口感無可挑剔，搭配一眾不輸台灣夜市的小食，讓我們停不下來。蚵仔煎和各式鹵水是我的最愛，但重點提出滷肉飯是個人認為在香港吃到最好吃的滷肉飯，即使覺得在放題餐廳吃主食有些虧，卻還是不忍放過這美味。一番風捲殘雲想必今日打波消耗的熱量已經盡數收回，play hard eat hard！想必下次波友相聚，這裡還是我們的不二之選。

同朋友約左食飯，經過見到好吸引，淨係個門口已經好打卡，見唔太多人入左去食。我地叫左和牛set，鴛鴦湯底美人鍋同椰子雞湯，一黎到個椰子味勁香，美人鍋都好正😍一坐低自動上左一碟和牛，encore 左幾碟都仲係咁靚，蔬菜之外仲有勁多小食，有滷肉飯，滷牛筋，第一次見到任食火鍋有鹽水雞，鹽酥雞任食如果有埋水蓮就仲正。見到有優惠加左6蚊可以叫台式飲品，珍珠奶茶🧋唔太甜，甜品有牛奶磚我最愛嘅芋圓，估唔到打卡得黎又幾好食。

見旺角有新開張台式火鍋放題黎試下中午放題， 入門口睇啲裝修都幾靚，坐位幾闊落，叫左和牛套餐，湯底叫左美人鍋同椰子鍋，手機落單，比起其他火鍋多勁多台灣野食，有鹽水雞，鹽酥雞，滷肉飯，台式香腸咁多到數唔晒。牛肉就係感覺似係美國和牛，比起出面啲澳洲和牛有牛味，仲有封門柳黎到已經包左蛋液，食落會好滑。出面有好多飲品都有啲台式飲品可以揀，都有啲小食甜品同各種菜可自取。食飽之後最後落甜品，每款都試左都唔錯，最好食係個芋圓，茶杯上咁又好好睇。都算幾滿足。

旺角新開高質台式任食火鍋 最近係旺角開咗分店 最平午市$178 如果食豪d即使和牛餐都唔算貴 岩哂食肉獸去狂食（餐牌睇圖）.呢日晚市去到 大概8點左右差唔多滿座 座位空間都算闊落 環境乾淨 都有少少打卡位 打邊爐冷氣夠凍佢哋有8款湯底 ⭐️豚骨 ⭐️酸菜白肉 ⭐️蕃茄湯加$18可以轉⭐️牡丹美人鍋 ⭐️藥膳花雕醉雞湯 ⭐️山見青花椒麻辣湯 ⭐️椰子雪耳湯 ⭐️台式臭臭鍋.⭐️牡丹美人鍋 雞味勁濃郁👍🏻仲有花膠杞子喺入面 真心推薦呢個湯底⭐️山見青花椒麻辣湯 夠晒麻同辣 岩哂鐘意食麻辣嘅朋友.叫咗最貴嘅餐⭐️饌•和牛 吃到飽 成人$358小童/長者$268👍🏻肉類質素真心好好 每塊都好大片 可睇圖（佢地頭盤和牛 完全冇忍手 直接出一大盤）.完全感受到 出面自助區 充滿台灣元素👌🏻自助區有 丸 菜 冷盤日式小食 選擇嘅種類都多👌🏻台式刀削麵 王子麵類 都有4-5款👌🏻熱盤選擇足夠 滷蛋豆腐豬手大腸牛筋甜不辣等等😋最重要係佢哋滷肉飯好好食 係落咗大量豬皮粒粒製造嘅滷肉汁 有五花feel 超級送飯（記得以前台灣朋友都係咁樣教我整 呢個好正宗）‼️但呢個幾飽肚 即使好食 試試就好👌🏻仲有出面嘅自助調味料區 有款山見秘製

同朋友行旺角見到新開台式火鍋 膽粗粗入左去吃 竟然有意外收穫 咁啱安排到卡位比我地坐 座位舒服過其他火鍋餐廳 同埋餐廳有非常多抽風裝係天花 吃完完全無好臭ge邊爐味 我好怕吃完成身邊爐味叫左$308加一個餐 豬肉質素好好 每塊都非常大片 完全無留手美人鍋拼台式麻辣鍋（好似有6-8款湯底揀）美人鍋有驚喜 美人鍋係花膠雞湯 非常濃郁雞湯味 一嚟到即刻飲左碗湯先 再碌野食 自助食物區都非常有誠意 有刀削麵 王子麵 刀削麵真係無咩台式火鍋有仲有台式滷味 不過個日太飽 吃唔到啦同埋有炸物提供 吃熱盤好易吃飽特別一提係秘製辣醬 呢個好出色 鍾意吃辣ge一定要試呢個醬 佢唔係死辣 整體火鍋有誠意 服務好好 經理臨走前仲過嚟講笑話吃唔飽 要繼續吃

環境：台灣夜市裝修，吧檯好多燈牌可以打卡，墻身又貼咗好多舊式海報，俾人感覺好似黎到台灣。食物：我地選咗和牛套餐，湯底方面選擇咗鴛鴦湯-麻辣+臭臭鍋。麻辣湯底麻辣香味十足，香麻爽快，而臭臭鍋裡面臭豆腐吸曬濃郁嘅湯汁，越食越上癮。牛肉鮮嫩，鹵水惹味濃郁，炸物香脆可口，飲品選擇都好多。服務：特別值得一提嘅係，店員好主動細心，見我frd著淺色衫，係入座時先提醒咗我地鋪頭有圍裙提供，我地擺低袋之後即時出去自助吧攞嘢食，可能係見我地都沒去攞圍裙掛，店員好主動攞過黎俾我地，話驚食嘢唔小心會彈到，真係好貼心。

通常去食台式火鍋好多都係主要的第一碟質量ok的，但係再叫就不同樣。朋友介紹話山見台式火鍋唔錯所以係7月25曰晚上去咗旺角呢間（山見台式火鍋）就不一樣，我叫咗麻辣火鍋，主食饌、和牛，估唔到由主食到再添食饌和牛有肉味香濃，入口有口感，另外黑毛豬肉都係好食嫩滑，羊肉海鮮新鮮，其他火鍋配料都好齊，第一次見配料有雞蛋，小食海蜇，螺肉，牛孖筋，炸芋丸，台式甜品都好👍👍👍。店舖坐位舒服，員工整體服務都唔錯。整體食物質素

雅蘭呢度越黎越多野食，是晚就同朋友黎試左新開張嘅山見，門口又火車頭又郵筒咁，都幾多打卡位。橫掂仲有消費券未用晒，食個和牛餐試下先，$368/位包括所有餐牌上嘅野食任叫。店內都幾濶，環境唔錯冷氣足。醬料區有芫茜同腐乳醬正呀。湯底揀左鳳梨蕃茄湯，濃郁蕃茄味幾正。第一轉嘅和牛同封門柳，好靚好好味，啲牛勁滑。自助區有菜有丸之類嘅火鍋料，其中呢個花生芽好好食，夾左幾轉。炸物小食有地瓜條，地瓜丸同油條，新鮮炸起好香脆。繼續都係自助區嘅滷水系列，有豬手，甜不辣，牛筋同蛋，好入味，個人覺得個牛筋最正。落單點的鬼馬油條，台式香腸同口水雞，賣相欠奉但味道唔錯的。仲有黃金魚皮同蔥油餅，魚皮略微過左氣有啲淋。鹽酥雞新鮮炸又酥又脆，未影相就比人偷食左幾舊。飲品有幾個大雪櫃放滿樽裝罐裝，其中最受歡迎嘅冷泡茶有桂花烏龍同白桃烏龍，兩支個茶底都好香好正。另外仲可以加6蚊叫台式手搖飲品，呢杯係黑糖珍珠烏龍茶，黑糖味多哂濃，好飲。最後梗係要食埋甜品啦，叫左一份仙草芋圓，一份愛主芋圓，芋圓煙煙韌韌有咬口，細細杯剛剛好，唔怕打邊爐食得太飽食唔落甜品啦。除左呢兩樣，自助區仲有雪條，紫薯芋泥糖水㗎。總括黎講味道唔錯環境又靚，食物

行街見到mk山見火鍋新開，見個裝修幾得意，入去試下，同埋好耐都冇打過台式嘅邊爐。佢有三個餐揀今日揀最貴嗰個啦食盡佢～我哋揀咗美人鍋同埋麻辣湯底因為我老公鍾意食辣。 入到去啲小食有驚喜喎，勁多唔同款式揀。最貴呢個餐而家仲有珍珠奶茶飲👍，唔使係出面掃街就有鹽酥雞、台式炸雞扒、鹽水雞、台灣腸、滷水嗰啲嘢食仲要唔係差，淨係有得嘆冷氣唔使企喺度食都抵番。略嫌個湯底唔夠濃，不過滾多兩round都OK嘅。我覺得可以再辣多些少。我老公唔食咁咸佢就覺得咁先出到啲肉味😂牛都唔錯，呢個就係最貴個餐果款牛👅呢款牛都okEncore左幾次勁推呢個松露墨魚滑自助勁多款菜攞最後食返個芋圓仙草☺️

食涮涮鍋放題都可以好文青嘅講緊係 #山見台式火鍋啲裝修好似鐵路車箱，大量舒服卡座出面啲自助區帶 #台灣夜市 風味但就當然係乾淨企理好多啦台式火鍋同日式最大唔同嘅係湯底唔洗加錢嘅湯底印象中得3款選擇就比日式少喇我哋揀左蕃茄鳳梨湯🍅個湯非常之濃厚，甜酸度幾balance 所以雖然出面醬料區好多嘢揀但我覺得淨係個湯都好夠味喇😋肉類質素方面有豐儉由人餐一場黎到我哋就升紙到最豪華嘅和牛餐肉係靚嘅同埋唔會有「越叫越差」情況肉同海鮮選擇都唔少（食完發覺冇影相🙈）QR code落單方便冇漏單，上菜速度中上台式火鍋賣點之一係大量台式小食同配料的確有啲比較少見嘅例如花生苗、鴨血、油條等最期待係乜？梗係甜品啦！係呀佢哋連仙草芋圓愛玉呢啲都有呀真係好開心可以任食芋圓呀😍自助飲品區冷熱都有選擇非常多，當中以山見冷泡茶最吸引解膩又解渴，非常之正👍 encore數遍台式手搖茶例如黑糖珍珠鮮奶佢哋都有我個餐就人頭送一杯，單購價$6好飲嘅，有質素㗎！入場嗰陣服務員會比張名信片你食完可寫寫幾隻字放入郵筒記得寫啱地址，佢會寄比你，幾得意嘅😆整體來講食物質素✅服務✅環境✅個人覺得係物有所值如果真係要講一個缺點就係90分鐘難以

喺咁熱嘅時間有咩爽得過涼着冷氣打邊爐呢，之前喺屯門幫襯過嘅呢一間山見！所以今次見到嘅時候即刻入咗去幫襯！我覺得酸菜白肉鍋非常之有水準佢同我喺台灣食嘅酸菜白肉鍋味道是一樣的，而且佢嘅豬肉非常之好味不用任何嘅醬料亦都可以食到嗰種嘅味道。另外最好味嘅一定要試嘅就係台灣嘅地道小吃包括蚵仔煎 惡魔雞扒最重要嘅係一定要叫大家試吓佢個滷水佢個滷水豬腸同埋滷水豬手非常惹味喺必食之選我見佢最新推出咗臭臭鍋下次一定要試

餐廳內有好多打卡位，幾有趣。仲有免費寄明信片，好有心思。場內環境舒服，卡位座位都夠闊落，自助區擺位同食物分隔空間夠大，就算人多都唔逼。飲品種類多，冷泡茶類比較少，得白桃烏龍、桂花烏龍同茉莉花茶，白桃烏龍同茉莉花茶都唔錯，桂花烏龍有啲苦澀。熱葷種類多，味道中規中矩，但炸物地瓜球好好食🤤🤤。冷盤小食類要讚👍🏻，夠多種類之餘，手拍青瓜同埋雲耳好食🤤，唔經唔覺都食咗好多碟，小小建議可以大碟啲。我地揀咁麻辣同藥膳雞湯底，湯底味道還好，都係一般台式火鍋例牌。牛肉我地揀咗最貴嗰款，好彩與價錢相符，真係同另外2款牛肉類有明顯分別，靚好多好食好多，切割方面都偏薄易熟。上菜非常快，基本一落單即到咁滯，係海鮮類要等耐啲。但海鮮好新鮮，啲蝦有成手掌咁大隻，肉質又彈牙，有驚喜。至於服務方面，招呼我地既同事都好有禮貌，帶位個陣有提我可以寄明信卡同介紹湯底，坐低時啲朋友話唔夠冷氣，同事聽到即刻幫我地加大個冷氣，隔咗一陣仲俾人頭數既風扇仔俾我地用，不過無電用唔到😂😂😂。收碟速度都算快，最後走時都無催我地走。整體嚟講都好滿意既，都對得住個價錢，如果時間可以食耐啲會更perfect。都會想再嚟食多次，到時都希望質素保持到

第一次黎都係俾門口嘅裝修吸引過來，大大嘅郵筒好得意，鋪頭裝修係十足台灣feel，好多打卡位置可以影相。湯底揀咗酸菜白肉湯，酸菜濃郁香味好開胃。調味料選擇好多，其中山見秘製醬真係俾我𢳂咗好多次，夠辣夠麻。食材方面選擇都好多，肉類同海鮮唔單止選擇多，品質都好好，特別係鱔片，口感超正，點咗一份又一份，超過癮。最抵讚係好多台灣小食可以選擇，味道又好出色。仲有舊式懷舊雪條任食，真係好似去咗台灣甘。整體黎講，成個用餐體驗都好好，下次再黎過。