影片
有次逛新北江商场误打误撞看到这间拉面店，店内布置很有特色，台椅数量不多，很有日本小店风格，由于下午茶时段去，所以座位任拣。看到铺面食品标价很平宜，没抱大期望，姑且一试，点了吉列猪扒拉面同咖哩猪扒饭试，两罐饮品及四个小食，埋单只需$198，二百元有找，除咗平之外，最大惊喜系好好食，即叫即做，试过D出名拉面店绝不比下去，唯一缺点系九曲十三弯，对路盲来说绝不容易发现和找到，好似行迷官😂认真系隐世正食店，自此当谂唔到食乜好都会搭几个轻铁站到此揾食😂成为我哋嘅食堂，试过唔同嘅食品，全都有惊喜同水准👍PS: 呢度嘅服务员都好 nice服务态度好好，同客人会热诚交流，主厨仲系个年轻人，加油，支持小店💪
继续阅读
🍽️食物方面：🧄黑蒜猪骨汤叉烧拉面💲52唔重黑蒜似浓味啲嘅猪骨汤 叉烧嫩滑🧀浓缩芝士汤猪软骨拉面💲49少量芝士唔会食到滞 肉够味 细块方便食蛋睇样觉得有啲过熟 但食落唔错啱啱好一个面饼 我少面再饮汽水都饱🧃汽水/几款纸包甜嘢跟餐💲4 无普通茶📷打卡方面：墙身贴满插画介绍日本餐厅食物图🔈环境方面：Lunch好多学生 1点去会好啲虽然好忙 但系staff都几有礼貌💬其他资讯：山谦📍天水围天湖路1号嘉湖新北江商场1楼原宿地带D16号舖
继续阅读
一间新开嘅日本拉面舖头…好多年前味太郎执咗之后新北江都好似冇拉面舖头啦！…所以真系好想试一试佢价钱十分之优惠 40几蚊可以食到一碗拉面头先叫咗一碗香浓芝士汤底叉烧拉面然后再叫咗一碗炸鸡扒地狱汤底乌冬呢个价钱嚟讲，味道都算合理 …香浓芝士汤底～可能系个汤唔够热个芝士未溶得晒 有淡淡芝士味 ～类似韩国芝士面汤底𠮶一种..叉烧来讲，系真系唔错嘅！有少少入口即溶𠮶种感觉…糖心蛋系普通烚蛋𠮶只味道～如果系用日式酱料腌制𠮶只就高兴啦🤪🤪地狱汤底都几辣，如果真系食得辣先好叫！下次会想试吓佢啲饭睇吓会唔会比较有惊喜！
继续阅读
同同事喺天水围工作，晏昼咁啱要食嘢嘅时候，谂起中学运动会嘅时候成日过嚟新北江食嘢。好挂住新北江嘅食物，今次行到巷仔入边，见到呢间平价日式拉面店。睇完佢啲餐单，觉得食物都几正又平！今次嘅食物叫左：1）吉列豚肉拉面🍜（$49）浓缩芝士辣汤底2）照烧鸡扒拉面🍜（$49）浓缩芝士汤底2碗拉面都系同様价钱！浓缩芝士其实就系上面放咗一块芝士，等佢慢慢溶入汤底度。汤底本身都系猪骨汤，我𠮶份就加埋辣！汤底都好饮嘅，加上拉面煮得啱啱好，所以都要赞嘅！吉列豚肉同照烧鸡扒，我两样都有试，我推荐吉列豚肉多啲！好食😋会配埋沙律酱😽食物评分：⭐️⭐️⭐️⭐️环境：⭐️⭐️⭐️⭐️（预咗会有少少迫）回访度：⭐️⭐️⭐️⭐️⭐️
继续阅读
其实之前已经去过一次，想食吉列猪扒拉面，但点知卖晒，结果食咗照烧鸡扒拉面，其实都唔错。今个星期打风，谂唔到食乜嘢外卖好，唔甘心上次试唔到，所以今日又去过。晏昼已经打咗电话去问佢哋开唔开先，费事白行，接电话果位哥哥好有礼貌，话8号风球所以唔开，叫我夜晚落咗波再去过。今晚真系去咗买，终于比我买到。以咁嘅价钱来讲，真系好抵食。个吉列猪扒用纸袋分开装，唔会俾啲汤浸到林晒。仲要送埋沙律酱，真系细心。下次会试埋佢哋其他拉面。
继续阅读