岐記

营业中

休息中

lunch過後時間，本身想去大排檔搵下有冇魚蛋粉之類野食，見倒有間藏左喺最入面既店，樓面阿姐同個廚師食緊福食，都走埋黎熱心介紹有咩食，仲話煲仔飯係主打，就試下啦。廚師即刻唔食野走入去煮，有點唔好意思。叫左咸魚肉餅飯，飯係即煲既，一上檯就好有飯香，咸魚係馬友，佢放左少少果皮絲薑絲，一d都唔聲，仲好香，肉餅淋得黎有咬口，係手打功夫，估唔到沙田都有做得咁好既煲仔飯！下次會再黎試！

今日中午經過火炭，光顧「歧記大排檔」。叫咗一個臘腸雞煲仔飯、豉汁蒸魚頭，埋單一百一十二蚊。由於製作需時，等咗大約十零分鐘，都算合理。1. 煲仔飯D雞好咸，飯煲得唔錯，三片臘腸味道可以。2. 較為經典的算是魚頭，竟然是四分一塊三文魚頭夾雜著三文魚肉。講真三文魚刺身、壽司食過不少，但中式豉汁蒸三文魚都係第一次見識。同女侍應講點解唔寫明是蒸三文魚頭？佢答我：’呢個餸很多人叫㗎，餐牌下次先改翻啦‘。假如餐牌寫明是「豉汁蒸三文魚頭」的話自覺一定唔會叫囉，佢嘅回覆令我無言以對。因體驗實在太差，只食咗少許已經冇食，該女侍應便立即過嚟將碟收走，匆忙間只影咗煲仔飯。呢間嘢真係無下次囉。

我因為見客來到火炭火車站附近， 在火炭山尾街有間熟食市場大排檔， 去了這間岐記大排檔， 點了薑汁炒豬膶飯， 新鮮熱辣出爐， 真係好好味！ 再送細碗的湯水， 我食得好滋味呢！ 值得一讚！

岐記可以先係手機訂餐先，然後訂位就可以了，煲仔飯時期最好先訂位，因為中午時間會好多人，唔訂位就有排等同等餐，我已經來吃過兩次了。各種煲仔飯味道不錯，又有飯焦，好好味，肉嫩不錯。湯是自己去盛，免費的，足料十足。員工態度友善，而中午時間多人，所以到時再另點餐或飲料就會上得比較慢。