岩盤牛扒 ミディアムレア ステーキ (香港嘉里酒店) (已搬遷) 新店位置

岩盤封門柳牛扒套餐今日去咗岩盤試咗佢哋嘅封門柳牛扒套餐，整體體驗相當滿意。牛扒煮得剛好，外層香脆，內裡嫩滑，多汁而充滿牛肉香。配菜新鮮，搭配得宜，可以自己搭配薯條或者白飯，一定夠晒飽雖然價錢略高，但考慮到食物質素同整體用餐體驗，覺得相當值得。岩盤嘅封門柳牛扒套餐係一個值得一試嘅選擇。

之前睇過唔少人介紹，今次終於嚟到試吓，我哋兩個人每人叫咗個鐵板餐，一個牛一個豬，兩個都好食😋，特別係個豬，唔好睇佢厚厚咁，但佢嘅肉質鮮嫩，一d 都唔會過熟，值得一讚👍🏻👍🏻個mushroom soup 都好好飲，食完仲行出去外面海景打咭，真係幾ok …. 性價比高，值得再嚟！！

酒店內既平價美食🤭😂嘉里酒店成日都黎，裏面有co-working office，有美食廣場，有afternoontea 既lounge，又有自助餐等等，呢度環境好舒服，好多落地玻璃，成間酒店日照好充足，陽光下好悠閒自在！美食廣場地方夠大又多位，環境又好真係好唔錯！有時想食少少野，或者快快食，呢度有間食牛既有個方便飯，食得好快好方便又好好食，份量細細好啱心水😂加上美食廣場內自助落單，無人理你點食物多與少，手機落完好快就有人送到你枱木魚絲三文魚子溫泉蛋海苔丼 $33呢個快飯我間唔中會買黎食，貪佢份量細細，有齊木魚絲、三文魚子、溫泉蛋、海苔、飯素，成個配搭好美味又令人好好胃口，非常好！

第三次嚟食啦！😆燒牛柳丼配溫泉蛋$80牛柳夠淋，有牛味，飯和溫泉蛋撈埋一齊食，好正🤤M6肉眼部位（300g)$237熱辣辣鐵板上，燒得焦脆外皮，牛排4成熟，如果覺得太生，可以切開再用鐵板煮吓😬最鐘意面頭啲生蒜，配埋一齊好好味🤭酒店food court 地方寬敞闊落，搵咗個近海景的位置，用手機點餐比錢後，就有專人送餐，舒適方便😄食飽可以出去紅磡碼頭，吹下海風散吓步。

上次食完覺得好正，今次帶埋朋友一齊去，分別叫咗3款唔同部位的扒👇🏽M4A 西冷部位(200g)💲158M6A 肉眼部位(200g)💲158M5B 後腰三角肉(300g)💲237其中一份加$30跟餐，全部揀咗果汁飲😆基本上3款都好食😋咁啱今日遇上有現場樂隊表演，好有氣氛，食完出去睇海景，好正！

今次嚟到嘉里酒店入面個food court度食下嘢，嗌咗一份 300克g rib-eye ，上枱嘅時候應該係三成熟， 牛扒肉質可以，牛扒下面係粟米， 如果可以多啲粟米就可以墊高牛扒令他不會那麼快熟， 可能我手腳慢，食嘅時候我諗已經變了八成熟 😅牛扒肉汁都多，另外有黑椒汁跟的如果下面配薯條就好啦 哈哈😉

第一次去酒店嘅food court食嘢！環境好大，坐得好舒服，有人送餐，又有海景睇😎M3封門柳（200g)💲114M6 肉眼部位（200g)💲158套餐加💲30有白飯、沙律和飲品熱辣辣鐵板上，塊排表面好焦香，內裡有啲生，自己可以在鐵板上再調教喜歡的熟成度，兩塊牛扒都好濃牛味，配埋蒜茸和醬汁一齊食，好好味🤤有景有服務，食物有質素，會再嚟😎

係嘉里酒店food court 入面嘅 岩盤牛扒Food court 黎講坐得都舒服，仲有個台，可能間中會有live band今次試左 200 g 牛柳，配左溫泉蛋三文魚子飯牛柳嫩口，牛味唔算太濃不過唔記得搬開塊扒🫣食到最尾就有啲過熟了

今日lunch 同同事行遠少少去黃埔海濱附近chill，嘉里酒店入面有個大food court ， 又冇乜人，唔洗排隊，地方闊落張枱又夠大，環境舒服～ 入面有好多餐廳可以揀，日式、泰式、中式、西式⋯乜都有，我揀咗個日式丼飯：日式溫泉蛋燒牛肉丼飯：牛肉燒得好香～牛肉唔會好硬/好乾，仍然有肉汁！個汁好正，啲洋蔥又住得夠香，而且好淋！送飯一流呀！配埋溫泉蛋夠濕潤！加埋蔥花同一啲醃咗嘅蘿蔔，增加個口感！冇咁油膩之餘，非常之有層次！

見到網上好多人講同介紹紅磡嘉里酒店百味村入面嘅岩盤牛扒好食又抵食。今日特登嚟試吓，叫咗一個櫻花丼燒牛肉眼丼，同一個300g岩盤牛柳。燒牛肉眼丼黎到一食…塊牛肉係臭咗嘅…仲有好濃嘅黑椒汁，但都掩蓋唔到嗰種臭咗嘅肉味😮‍💨拎返去櫃面問，呀姨話「唔會臭㗎喎」…我仲無奈🤦🏻‍♀️另一個職員先話換一份新嘅俾我，心諗都唔知要唔要好，但都接受咗。新嗰一份係正常，塊燒牛肉大塊好多，唔似之前嗰份一粒一粒肉咁。個岩盤牛扒亦都無問我要幾多成熟，可能係我唔識野…但如果無必要唔洗特登嚟試！

這家日式牛扒店設在在酒店內的大食堂，價廉物美，而且座檯間隔寬躺，200g 牛扒由$140-350不等，任君選擇而且還可以任選其他大食堂的其他菜式。我們又點了印度咖哩雞薄餅餐。大滿足酒店還設有大遍戶外區，下午陽光普照時，更可以看海。

今次試間鐵板燒店～🏠原來係香港都有幾間分店。Menu係有唔體部位既牛扒俾你揀既，揀完邊款牛扒再揀重量，有200g, 300g, 400g。我叫左牛板鍵200g🥩🥩🥩一上枱個鐵板仲係好熱，‘吱吱聲’，要用紙巾擋住啲油，唔係就成身都係 😂好懷舊呀，係以前食扒房既感覺呀～牛板鍵部位本身較軟林，不過食鐵板扒既技巧係要一上枱就墊高塊扒，唔係就好易過熟喇 😂😂加$30配3款Side dishes有飯，味噌湯同溫泉蛋👍仲係foodcourt另一間叫左熱辣辣既薯條，已經夠哂飽lu。

呢輪豹豹乖咗、定咗！話咗會奬賞佢，就同佢去食個牛扒！朋友介紹屋企附近嘅Kerry Hotel -Food court 《盤岩牛扒-Medium Rare Steak》望住個海，已經令我哋心曠神怡😌😌入到去店可以見到有好幾款嘅牛肉比你揀：肉眼🥩西冷🥩牛柳🥩牛板腱🥩封門柳🥩後腰三角肉我哋就揀咗肉眼扒，最吸引我當然係佢即叫🌟即切🌟即煎🌟套餐包埋沙律🥗、飲品🧃、雪糕🍨牛扒肉質十分靚，小朋友都喜愛，你就知啲肉完全唔靭，睇住個靚海景鋸扒，仲要係即切即煎，保留嘅肉汁更加豐滿！而且肉眼有油花，煎超上來就更加甜美！咁近屋企，我哋可以隨時過嚟食喇！豹豹已經揀定下次食邊款扒喇🤭🤭

估唔到，五星級酒店入面會有一個food court呀😍位於嘉里酒店入面有一個位置，以沉木嘅顏色格調，帶點美式風嘅酒吧設計，加埋海景，成個感覺好似去左渡假咁，好舒服☺️呢度新開咗一間日式牛扒餐廳，份量由200g至400g，適合唔同胃口嘅朋友。而牛分別有不同部位選擇，日本M7/M8和牛，牛柳，牛板腱，肉眼，西冷，後腰三角肉，連封門柳都有 🥩 喜歡有咬感嘅我選擇咗300g肉眼，醬料仲可以三選一，我選擇左好香嘅蒜蓉味。另外，加配$30仲可以跟埋飯，湯同埋飲品，而牛肉亦可以選擇熟成度👍🏻五成肉眼熟度剛剛好，口感軟腍，脂肪分布平均。用鐵板配牛扒係無得輸嘅配搭，配埋海景同朋友一齊食飯傾吓偈感覺好舒服 🍺

放假去左黃埔玩，lunch喺紅磡碼頭旁邊既嘉里酒店1樓 foodcourt食飯。果度有間食石燒牛扒餐廳，見到玻璃櫃入面啲牛肉好正咁，啲牛肉打晒燈閃lingling好似叫我快啲食左佢。個foodcourt超級大，外國木系風格，好有渡假感覺。仲要有個無敵海景喺出面，呢個foodcourt真係非一般！欣賞緊個靚靚海景時，喺岩盤牛扒 ミディアムレア ステーキ 點左既兩份牛扒套餐送到。每份牛扒300g，份量十足，即叫即切即燒，新鮮熱辣。牛扒加轉套餐$30就有，可以任選3款食品，幾抵食。西冷牛扒300g套餐 $219＋30配蒜蓉，套餐配白飯，味噌湯，沙律肉眼牛扒300g 套餐 $213＋30配蒜蓉，套餐配白飯，溫泉蛋，沙律牛扒喺岩盤上za za聲，外層已熟，切開內裡呈現粉紅，按自己喜好控制熟度。岩盤好keep到熱，同時亦能幫牛肉鎖住肉汁，唔會因為高溫直接辣住肉塊太耐而燒到乾硬。