岸久巿場 (已結業)

老實說，我對這間店名擺明玩食字的日本浜燒居酒屋「岸久市場」的名字其實不太欣賞，試問，有誰想在一間擺明「岸久」的「市場」吃東西呢！幸好，這次來吃午餐，餐後我的感覺就一點也不「岸久」，還覺得很抵食呢！這間環境佈置滿是濃濃的日本風，以和紙傘、燈籠、懷舊日本動漫電影海報、繪畫、鯉魚旗等作為店舖裝飾，並播出悠揚悅耳的日本歌曲的居酒屋，晚市以浜燒海燒為主，午市就有多款套餐供應，刺身丼、定食都有，價錢合理，味道不錯，份量又多，甚為抵食，與這幢食廈中遍佈各層的中西食肆競爭對手相比，性價比絕不輸蝕。這次光顧，我吃的是餐牌中多款不同組合套餐中的 A1+B1組合，價錢在各款組合之中已算最貴（$98），但份量豐富，並不將貨就價。A1其實有刺身或壽司可揀，B1則是「鰻魚丼」。既然已有「鰻魚丼」，那便不需再吃那麼多飯了吧，就要有三文魚x2、帶子x1、赤蝦x1和海膽一份的刺身吧！「日式沙律」最先送到，下了柚子醋的沙律，酸得開胃。「麵豉湯」雖然只是配角，但加了蜆在裡面，也加了印象分。附送的「煎餃子」不過不失，勝在夠熱，正所謂「雞髀打人牙骹軟」，又是一個本小利大，討人喜歡的安排。「鰻魚丼」比預期的大碗，兩件鰻魚都頗厚身

岸久市場洋溢東瀛風格，天花板懸掛着和式紙傘、日式紙燈籠，牆壁裝修成和風趟門，令人置身於日本的築地市場。浜燒帆立貝兩隻$136、貴妃蚌兩隻$96為了品嚐原始的鮮甜滋味，浜燒的烹調手法最合我意。店員幫忙燒製，把帆立貝放在小型烤爐上，並倒入高湯，當湯汁精華煮至起泡，便是享用的最佳時刻。帆立貝圓潤肥厚，肉感紮實，質感彈牙、滑溜，熱辣辣之餘，連高湯呷入口，品嚐最純樸的鮮香，滋味停不了。貴妃蚌極為鮮味，口感爽脆、啖啖肉，吃下去啖啖清甜，細嚼到爽彈口感，令人食指大動。日本海膽手卷$78有別一般壽手卷，享用前才把海膽捲起來，令紫菜口感達至脆卜卜狀態。海膽控不可錯過，澄黃海膽紋理清晰，海膽軟綿，入口即化，和青瓜絲配搭清新，Creamy口感夾在脆紫菜中，啖啖窩心。香蔥吞拿魚蓉手卷$36吞拿魚蓉肉質柔軟，入口鮮甜，魚脂豐腴，十分幸福。一下咬下去，微脆的紫菜，包滿著新鮮餡料，誘人吸引。岸久漁師沙律$78沙律份量不少，表面鋪滿海量櫻花蝦，清新沙律菜淋上檸檬汁黑醋，清新而醒胃。墊底還有粒粒雜錦魚生，綿滑新鮮，拌匀香脆櫻花蝦，是口感豐富的滋味。

餐廳名字十分有趣， 令人忘不了 ，環境簡潔明亮， 佈置很有心思，七彩和式紙傘、 紙燈籠 、 懷舊海報，充滿日本居酒屋風情。三文魚壽司兩件$12吞拿魚壽司兩件$18墨魚壽司兩件$28芝麻油甘魚壽司兩件$38魚壽司一件$24壽司用青瓜雕刻成的小綠花及小黃菊作點綴 ， 十分吸睛 ，每件壽司肥美飽滿， 顏色悅目， 令人垂涎， 壽司飯剛好， 一口一件， 不會太飽， 食多幾件都唔怕 。吞拿魚壽司， 滑溜細緻 ，口感飽滿。 墨魚壽司， 鮮味爽口， 滋味驚喜。 芝麻油甘魚壽司， 魚油豐盛 ， 配上芝麻， 口感豐富， 將魚鮮味帶出來 ，十分搭配。三文魚壽司和鰻魚壽司是我的至愛，肥美的三文魚，入口甘香軟嫩，散發出鮮味魚油， 真是滋味無窮。 鰻魚壽司， 鰻魚表面燒到焦香，配上甜甜的燒汁 ，大口咬下去肥美無骨 ，香甜嫩滑，滿口油香。浜燒帆立貝兩隻$136、貴妃蚌 兩隻$96帆立貝及貴妃蚌， 大隻肥美，色澤明亮有光澤，新鮮貨色， 店員專人服務，放在燒爐上燒 ， 十分貼心， 燒烤時加入高湯，引出海鮮鮮味出來， 香氣四溢，令人垂涎，北寄貝和貴妃蚌， 燒得剛剛好，十分爽口彈牙， 別忘記與鮮美的湯汁一起吃， 啖啖鮮味

近排對於疫情嘅情況令到個人都無冇心機，無他之前訂了嘅賞櫻之旅打消之外，還有就係可以大食大喝嘅機會都打消埋，朋友見裝就帶我去了這裡，和風味重嘅餐廳，裝修就好似在魚市場嘅感覺，當然今晚就點了份岸久刺身四點盛合止渴一下，四點內有爽口鮮甜嘅帶子，肥美軟滑嘅三文魚、比較爽口嘅油甘魚、同埋爽口彈牙味道鮮甜嘅赤蝦，感覺真係唔錯！而另一個就係燒喜之次，平時喜歡吃啖啖肉大大塊嘅魚肉，而原條魚吃比較少吃，怕有骨，但呢條喜之次肉質嫩滑鮮甜，燒得恰到好處，啲魚鰭還脆卜卜非常香口！加埋個鋤燒牛肉喜善燒，用一個好似鋤頭嘅鐵器嘅鐵板上枱，上面嘅牛肉軟滑香甜入味，可能用上善燒汁處理，在熱盪盪鐵板上繼續煎牛肉關係，所以真係唔同時間有唔同口感，未段時味道更濃郁！唉，近排如果思鄉都係要食返啲日本美食了！

我喜歡食海鮮，尖沙咀厚福街的日式海鮮餐廳～岸久市場，朋友話睇過餐牌好似比以前更加平？！咁一於去刺激下香港經濟先！餐廳供應好多款海鮮和貝類，如果鍾意自己落手落腳嘅可以體驗DIY浜燒海鮮，我就喜歡這裏的燒物，好耐冇食燒魚啦！燒喜之次 $268簡直係人氣推介！平時食一條靚嘅燒喜之次最低消費$600-$700，而家一半價錢就食到，當然不能夠錯過啦！廚師為我們準備好新鮮肥美原條的喜之次，燒得香噴噴，皮脆肉厚又鮮甜。喜之次肉質非常鮮嫩，魚油甘香入口細膩。岸久刺身四點盛盒 $158賣相精緻到不得了，飯堆魚生特選四式刺身色彩繽紛。帆立貝、甜蝦、油甘魚、三文魚，全部刺身都新鮮肥美，入口幼滑鮮甜，而且又看得見的光澤，肉質軟彈，味道真的好！鋤燒牛肉壽喜燒 $88牛肉壽喜燒以鐵鋤版送上，啱晒喜歡打卡的食客，新鮮感是師傅先將牛肉燒至 medium 生熟度，我自己可以按個人喜好在鐵板煎來煎去，把牛肉燒至啱心水為止，再淋上壽喜燒汁份外甜美，牛肉味道濃郁，入口柔滑。海之幸炊飯　$98最後食一客主食，事事動手DIY，店員教我將白蜆加入高湯中煮幾分鐘，然後加入魚生、飯、日本蛋，過程都幾得意喎！煮成炊飯最後先加入芝士、蟹柳

十二點左右，和朋友去了尖沙咀的岸久市場食午市定食。我點了漁師特選刺身定食，這套餐包跟飯、漬物、沙律及麵豉湯。首先，店員會送上漬物、沙律及麵豉湯。漬物是光炸餃子，口感帶脆，溫度夠熱，內裡的是豬肉碎，味道不會帶有雪藏味。而沙律份量剛好，味道酸酸地來給我們開一開胃。麵豉湯帶了一隻蜆及少許海帶，可惜味道較重咸味啊！漁師特選刺身定食(跟飯)：這定食以三文魚、油甘魚、赤蝦、帶子、海膽半板。由於當日赤蝦還未有貨，所以改了兩隻甜蝦。三文魚和油甘魚厚度很足，所以食落特別有口感。三文魚味道帶少少魚油味，入口慢慢溶化。油甘魚魚鮮味突出，同樣甘香。甜蝦鮮味不錯，甜甜地。帶子一粒切開的，帶子鮮中帶甜啊！至於海膽是最討好我的，入口即溶，絕無變味及腥臭味。另外，點了飲品(巨峰乳酸汽酒)：店員說這些飲品可以不揀酒精成份。飲品中加入了一條雪條，乳酸好夠氣，十分解渴。而巨峰味道好甜，岩晒我。

刺身四點：油甘魚相當厚切，油香味撲鼻得黎又有口感。帆立貝相當幼滑。三文魚都算幾新鮮。而且四點的擺碟花了相當的心思，影相打卡一流。刺身拼盤黎講性價比都幾高。岸久漁師沙律，粉紅色的櫻花蝦唔但上顏色鮮艷，而且鮮味十足。是整道沙律的重點。沙律的調味酸酸甜甜，好開胃。有刺身加埋係沙律入面，沙律份量好多好抵食。鰻魚沒有碎骨，油份十足，肉質軟滑。用上原條鰻魚，而且厚度不薄，有光澤，性價比高。鰻魚汁稠身帶微甜，調味剛好。最後的野菜火焰鍋，呢個真係打卡一流。雖然係野菜鍋，食野菜盤前店員會幫你煮左三文魚骨同埋蜆，跟住先落湯底打邊爐。湯底帶啖啖清酒味，唔洗好似平時打邊爐甘用醬油都好夠味。

刺身四點分量都幾多，同埋都係大眾喜歡的刺身，有三文魚，帶子，赤蝦同埋油甘魚。三文魚的魚脂比例都算高，魚油香味十足。油甘魚都同樣肥美！赤蝦大大隻，啖啖肉！.岸久漁師沙律，有角切刺身混係沙律菜入面，感覺健康得黎又不失美味。沙律上佈滿櫻花蝦，蝦好脆口，加入沙律令整道沙律口感提升。.超吸晴的火焰野菜鍋，用清酒🍶用湯底，加入海鮮再點火慢煮，最喜歡魚頭，鮮味十足。野菜盤入面的青蔥卷平時好少食到。外面的腐皮吸收曬湯底的精華，入面的香蔥完全冇青味！.鰻魚上淋上的醬汁較為厚身，鮮甜入味，咸甜度平衡得好好，唔洗送飯都唔會過咸。鰻魚肉肥美嫩滑，入口即化。飯粒粒分明，蛋包飯再加上蛋香。

充滿禪日式搭配細膩的木製欄柵, 充滿日本磯燒店的風情帶有淡黃色的菠蘿乳酸汽酒，喝起來不僅有梅子的乳酸香甜，搭配清新濃郁的菠蘿香，喉韻變得更加溫潤滑順，酸甜清爽又開胃，而且沒有太厚重的酒感今朝漁獲今夜食, 這個係池魚飛機貨, 原條刺身, 除了有鮮美的食材之外，擺盤跟盤器也相當用心，像是特別搭配來呈現，看起來賞心悅目又讓人胃口大開! 更鮮甜肉質爽更滑, 看起來晶瑩剔透又滑溜, 吃起來非常鮮美甘甜，搭配帶點池魚的酸汁更是提味不少!原條魷魚一口吃下, 不僅Q彈鮮美，還多了股炙烤香氣，加上超鮮甜的醬汁更增添甜美口感烤好的大蝦仍然相當飽滿紮實，可見烤功了得啊, 帶有微微甘甜的滋味，搭配火烤香氣更提襯不少味蕾層次岸久漁師特選丼，不僅有蟹肉的鮮甜美味，搭配三文魚子的獨特香氣、微微鹹香又帶點爆漿口感的鮭魚卵等配料，再加上新鮮的TUNA 魚蓉，整體吃起來香氣十足、層次多元，一口吃下有各種香味不停竄出，在嘴裡融合成一股和諧又順口的美味

今日約左舊同事慶祝生日,同事喺尖沙咀做野，咁就行左去厚福街H8食日本野,上到餐廳好有日本風。牛肉壽喜燒，鐵板燒到熱辣辣，上枱時沙沙聲，勁香，甜甜地的醬汁配薄薄的牛肉，加洋蔥片一起食，好嘢味。岸久廚師特選丼，放滿蟹肉、蟹柳、三文魚籽的小木桶，丼有三種食法，第一食是傳統食法，加豉油wasabi攪拌後食，蟹肉鮮甜，好有蟹味。二食是放在紫菜，卷做手卷，有紫菜香，這食法最好味。三食茶漬飯，湯有魚味，奶白色，這食法的三文籽特別好味，又鮮又脆。火炎鍋是今晚最特別，清酒火炎後，還有小小酒香，三文魚頭和蜆的甜，令加入的野菜特別甜。

又同朋友出街揾食，去左尖沙咀厚福街既岸久，店內幾有日本風味！而且店員幾好服務態度呀！我就叫咗一杯蘋果味既生啤！味道清甜帶蘋果清香！好清新，i like it! 店員就推介池魚刺身，今日係新鮮番貨，價錢唔貴又幾抵食！所以叫咗一條嚟食，池魚質數真係幾新鮮。 好香濃嘅魚味再配上酸汁，蔥，薑一齊食！完全冇咗魚嘅腥味。再一客特選don, 吞拿魚蓉，蟹肉絲，三文魚籽做上topping, 新鮮十足，又夠份量！good呀再叫咗一份燒三文魚腩邊， 真係可以叫做燒到外脆內軟" 外層嘅皮脆脆的， 口感層次豐富！而且魚肉嫩滑。正呀！燒黃金貝， 肉汁飽滿又嫩滑，keep到豐富既海水味，相當有水準呀！燒蠔， 蠔肉非常飽滿！配上清酒去燒，帶陣陣清酒香味！店員會為我們燒！唔使驚自己燒到熟哂或者太生！nice service

朋友話食日本菜，上星期經過見到這間，今晚就來食飯。餐廳全是日式擺設，燈光柔和，一邊有個切魚生吧枱位置，亦有播放音樂。食日本菜，當然必食魚生刺身，先來岸久刺身四點盛合，魚生件件都是厚切，肉厚肥美，三文魚刺身勁鮮甜，帆立貝刺身夾住檸檬放在青瓜上，食時除了帆立貝的鮮味，還有小小檸檬味道。赤蝦勁大隻，肉質彈牙又甜美，好有口感。第四款是我最愛的油甘魚，亦是厚切，美味。岸久漁師野菜火炎鍋，真勁。先煮滾清酒，再點着火炎，火炎燒得好勁，火停了放入湯，昆布、三文魚頭件和蜆，大滾後放入野菜盤。湯底有清酒香，不是太濃，有蜆的鮮甜味，好好飲。一齊煮的野菜，吸收了湯的味，都特別甜。

想食日本野 第1次黎到岸久市場 個名相當搞笑且印象深刻環境好日本Feel 好多Decoration 算幾好坐叫左個Lunch Set A1刺身配B1鰻魚井 $98 份量十分 相當抵食跟餐仲會有麵豉湯 沙律 前菜麵豉湯印象深刻 因佢唔係死咸 而係有種鮮味 有隻新鮮連殼蜆肉 飲完成碗唔會覺得渴之餘仲想飲多碗暖胃刺身有原隻牡丹蝦 帶子 三文魚 三文魚子 原本有跟埋海膽, 但因缺貨所以換左其他料 魚生都算新鮮 尤以帶子最得我心鰻魚井 鰻魚肥美 D汁惹味 配埋珍珠米 正另外追加左小食唐揚雞翼 $15其實即係支麻雞翼 炸得非常香脆Juicy 同時加左杯特飲 柚子乳酸汽酒 $68味道幾好 柚子+乳酸+酒味平均 唔會太甜 仲有條雪條係裡面 賣相特別

肺炎疫症令到連旅行都要無限期delay, 唯有同朋友留係香港食餐飯gathering補數啦! 尖沙咀厚福街係美食集中地, 特別係H8整座都係新興食肆, 其中一間餐廳名字幾有趣, 好奇上去望望。正好12點左右剛營業, 看看menu剛巧有lunch-set供應, 價錢不太貴, 就入去試試。餐廳內天花上掛了多把油紙傘, 牆上更貼了不少清酒招紙, 佈置很有日系氣氛。我就揀左【漁師特選刺身定食】HK$158定食包括有沙律、前菜、麵豉湯沙律酸酸的很開胃, 前菜係一隻炸餃子, 外皮脆, 入面既豬肉甜甜地有肉香, 但麵豉湯味道過鹹。刺身賣相很新鮮, 魚類刺身均為厚切, 三文魚有魚香, 近皮位置爽; 油甘魚甘香帶鮮; 帶子肥美鮮甜; 海膽份量雖少, 但入口即溶, 非常鮮甜。當日因甘蝦缺貨, 餐廳以兩隻甜蝦取代, 味道同樣鮮甜。還有一碗暖暖既日本米飯食, 夠飽肚。另外+$15 追加左吉列蟹肉忌廉餅: 外脆內軟, 甜甜軟滑半固體忌廉, 但蟹味唔太突出定食沒有跟飲品, 所以就另外散叫【菠蘿乳酸梳打】HK$58 (可自選含酒精/無酒精)我就揀左無酒精, 乳酸梳打很有汽, 甜中帶微酸, 仲有幾件菠蘿果肉。有支雪條

好有日本顧客致上嘅感覺，去到除低囗罩，waiter 就問需唔需要紙巾包囗罩，好細心啊～之後就再提供消毒酒精搓手。點咗壽喜燒鍋，另外一個係芥辣燒雞，set 包湯，餃子同沙律，壽喜燒係推介，但好普通，燒雞等好耐，成20mins ,lunch 時間短，等20mins 真係好難接受，不過嚟到幾有驚喜，係鐵板上，雞燒得好香，雖然我唔鍾意芥辣，但都覺得好味。埋單先知有discount ,不過疫市厚福街大部份都有折，waiter 為上菜遲都有再三講唔好意思，好有禮貌。