峰壽司魚屋

营业中

休息中

今次約埋荃灣返工嘅朋友仔食lunch佢帶左我黎呢間話午市特別抵食的確午市menu都幾豐富89蚊可以有8件壽司加手卷99蚊有12件壽司👍🏻👍🏻👍🏻連買湯 沙律 少少前菜成個lunch set好豐富

荃灣CP值極高壽司店-峰壽司魚屋Fb:下一站豬欄; IG@Pig7station今晚突然想食壽司，就試下walk in 峰壽司，都等左半個鐘😪好耐無食啦，點左：軟殼蟹卷麵豉湯北海盛-有海膽壽司、三文魚子、蔥粒吞拿魚腩蟹膏壽司芥末八爪魚壽司貝盛-赤貝、海螺同帶子壽司炸紫薯薯餅最鐘意係"盛”類🤣1碟點3件唔同款式，仲有海膽🤤赤貝都好爽口，估唔到炸紫薯薯餅有驚喜🤣好香脆，overall 黎講唔錯，係要早D等位😅

平時經過見到呢峰壽司有午市套餐好似幾抵食, 所以中午同同事一齊過來試下,我叫左特上壽司定食C, 套餐包括有12件壽司加軍艦, 有沙律, 是日炸物(有時會不同), 開胃既漬物, 仲有麵豉湯, 壽司方面我比較喜歡饅魚, 其他壽司都OK, 這個價錢我覺得可以再來~

今日去行mail ，同太太走入去食，見面門幾好，價錢唔平又唔太貴，諗唔會太差，點知中曬伏。公道咁講，員工服務態度ok，但D食物堅難食，吞拿魚容手卷有怪味，應該非常之唔新鮮，而另外叫了滑蛋豬扒飯，D豬扒係熟並唔係生，不過係完全咬唔開，真心唔明點可以整到咁，玉子蛋可以沒味道同出水，三式魚生仲差過超市賣果D平價貨，加洲卷又係完全沒味D飯又生，呢個咁簡單嘅菜式都難食，真係難為佢做到，炸墨魚咀又係難食仲成口油，唯一最好係灌可口可樂。

中午食左ge極唔爽ge 魚生飯 你好意思收$99 嘛 峰壽司 lol睇下你上左咩 成碗魚生d 色暗沉 唔新鮮 $99 得個幾快魚生三文魚可以有部分熟左上 犀利 👏🏻👏🏻👏🏻（成碗飯+魚生係凍ge）（反映番俾staff 聽 佢地有比番 新鮮d ge 三文魚片）啊 係啊 落左單 35分鐘後 唔催單 都唔上菜啊 👍🏻食得勁唔爽 亦不值$99 加一同區附近有日本餐廳同價位 ， 魚生多一倍 ， 大隻厚身 色澤新鮮 飯後有甜品 佢menu d 圖好靚ga 實物上檯 你睇圖就知la😏平時唔寫食評 - 唔爽到要寫一篇😎

好正 有鵝肝壽司食鐘意食鵝肝既朋友鵝肝壽司係必食架吾食你後悔😌😌啲蛋壽司有公司logo😂😂峰壽司 🍣 啲壽司都高質又新鮮 🫢 賣相都可以而且價錢相宜 吾會太貴! 推介

好耐以前喺新城市食過呢間峰壽司，當時嘅三文魚都係溶溶爛爛就快分離咁樣，所以都發過誓唔會再去食，但係過咗成五六年之後見到呢間舖頭都仲未執笠，咁就諗住試吓會唔會係分店質素唔同，所以再去左荃灣廣場試下。呢間嘢門口都唔少人排隊，諗住信得過，滿心歡喜滿心期待入到去，職員態度已經普通，點知嘢食更加普通，其實呢間壽司舖係咪主打唔新鮮嘅刺身，食左兩次，佢啲刺身都係咁霉霉爛爛嘅，玉子都無乜特別好食，真係好好奇呢間舖頭點解可以屹立不倒咁多年仲要有分店。

很久沒來 印象中的峰壽司算是平民價的中上之選下午過來 茶餐價錢抵但出品質素很差 幾條菜加十幾粒粟米就當沙律 不如做少幾樣野但精d悶悶不樂之後 加多份刺身諗住會好d 結果軟扒扒也不新鮮

食物新鮮，上碟時連壽司都會出煙，雖壽司飯太實，包裝Wasabi。三文魚頭湯偏淡，三民魚頭無底味。環境唔錯，落氣窗對大街。日本餐廳，排長龍就緊。推薦有個「峰」字既玉子壽司，玉子唔會太甜，上盤熱辣辣。

約睇熱血電影，又有少少餓，又得35分鐘，可以點呢？THE FIRST SLAM DUNK一套久違了的青春熱血卡通，點可以遲入場。好在朋友知道呢間店，服務好，上菜快，仲要好味，得，就去食。環境舒服，熱茶靚景，又係點了輕食後可以坐下慢慢吹水。迷你吞拿魚拉麵：熱呼呼，湯清甜，拉麵有咬口但唔難咬開，ichiban。仲有我愛的吞拿魚，新鮮好味。一碗剛剛好。10分鐘出到菜，馬上開餐。迷你叉燒拉麵：朋友點選了叉燒拉麵，一向隔離飯香，總是覺得佢碗多d 菜多d麵。any肥，食完馬上衝去睇大猩猩，傻仔花道。

峰壽司就大家都唔陌生，去荃灣廣場買貓糧，所以順便食埋飯。如果你話餐廳環境其實就冇咩特別嘅，不過咁啱安排坐在窗口邊，咁就比較舒服。全晚叫嘅所有嘢基本上都非常滿意，印象最深刻係柚子醬墨魚壽司，柚子味道好清新，配上黏口嘅墨魚感覺好清爽！其他三文魚呀立魚，全部都好新鮮，所以非常好！特別要讚吓個南瓜天婦羅，每一件都差唔多手掌咁大，仲要係啱啱炸好熱辣辣脆卜卜。唯獨是燒墨魚就真係麻麻，一來上枱嘅時候已經凍冰冰，而且一啲都唔乾身，成碟嘢出水，不過都放得入口，下次就唔會再叫。

耐不耐都好中意喺度食lunch呢度嘅lunch套餐真係好抵食噶！今次我哋叫咗個高質小小嘅二人餐，其實都唔貴，而且啲分量同埋個質量都好好，每件都幾後撤大大件。另外，叫咗個lunch set 都幾抵食咖幾十蚊就可以有咁多件 仲配上湯+沙拉

荃灣真係好多嘢食，今日同朋友簡簡單單一餐就嚟峰壽司🍣食個set lunch😎好抵食每個餐都有沙律～湯～同埋小食🤭如果啲沙律換第二啲菜就好啦😝我同朋友叫咗一個餐，呢個價錢啲刺身都唔錯啦！

係荃灣廣場睇完早場。見到峰壽司，睇下餐牌有迷你拉麵🍜就岩晒我又想食熱湯麵又想食壽司😊環境光線充足，大大落地玻璃窗，我坐bar 檯都光猛舒服！OooooO海鮮飯 $99好豐富有5款海鮮刺身及玉子，份量及cp 值挺高的😊跟餐仲送麵鼓湯及潰物、小鉢！麵鼓湯大大碗唔錯！OooooO迷你叉燒拉麵 $42戲院冷氣真係好凍，凍左個幾鐘睇完戲勁想食熱野🫣見到有迷你拉麵岩晒😂😂迷你份量岩岩好，味道正常$42蚊無乜要求只想食熱食😊佢當然都有壽司🍣order,可以一粒一粒咁order可以食多幾款，壽司性價比算高👍🏻

細個時成日去尖沙咀中港食峰壽司，原來荃灣都有間，重拾兒時回憶，壽司價錢唔貴，單件三文魚，蟹柳等等都係under $10，比得上壽司郎嗌左個吞拿魚set，幾扺食。不錯