嵐喬日本料理 (已結業)

與友共行的二人前，到了嵐喬吃日本菜。海膽壽司的海膽落手絕不吝嗇，滿滿的堆在飯糰上，就似海洋般完全溢於口中，首推之選！生蠔也很鮮香，是不俗的，不過吃了海膽後難免比了下去。熱食要了串燒及天婦羅，不過不失。綜合而言，一定要吃是海膽！

每次去食日本料理，海膽壽司係必食之選，尋晚去咗呢間嵐喬都唔例外。一開波就叫咗海膽壽司同燒鰈魚壽司，待應一攞到嚟我即時O左咀，點解咁大舊海膽嘅，張相冇做過手腳，真係咁厚肉，最重要係食落口係好鮮甜！不過，美中不足嘅係，自己仲未接受到燒三文魚腩壽司同呑拿魚腩壽司係咁「肥」，但朋友仔就食得好開心。

尋晚同朋友仔去咗呢間日本料理度吹水，唔覺意叫咗碟燒鰈魚壽司，開頭睇個樣都以為係一般，點知食落口嗰啲魚油嘅香味真係一絕，冇俾火燒到乾晒，呢款壽司最後係追加多一碟嚟食。另外，再叫咗特上壽司拼盤，呢個就一般啫，反而刺身拼盤就好鮮甜，份量唔係好多，但以我哋一心想吹水嘅人就最適合不過。

嵐喬日本料理, 位於灣仔謝斐道, 此店是地舖，我們看見門外的彩色廣告推介, 大家贊成今晚在此餐廳晚餐.   餐廳裝修新形日式, 品味舒適, 而不落俗套, 餐廳內座位闊落, 又有吧枱。樓㡳很高, 沒有壓迫感.  店員招呼有禮, 安排座位後, 便立即送上煎綠茶和餐牌, 價錢合理, 我們點了:上刺身:  有油甘魚, 三文魚, 甜蝦, 帶子和蚌肉, 品質新鮮, 肉色鮮明. 蚌肉香滑油甘魚很大塊, 鮮甜可口,  肉質滑.帶子很巨形, 和檸檬的直徑看齊，入囗鮮甜甜蝦夠大隻，肉質爽甜非常新鮮.雜錦天婦羅 炸蝦很新鮮, 肉質爽而彈牙.   青椒, 冬菇也炸得很爽脆, 炸粉不太厚, 無油腻感接著熱的食物送來了..... 牛舌串, 厚切夠大件, 有濃牛味, 醃製調味剛好, 而燒得好香口, 控制火喉做得好和牛牛腩串, 牛肉味濃不像牛腩肉、超值豚肉金菇串,  豚肉包著金菇, 再加火槍燒, 香口, 金菇燒得不錯三文燒飯團,  很多三文鱼粒, 加點日本蘿蔔及芝麻入口好味, 烤得表皮脆, 而內裡的飯仍然軟牛肉和風清湯, 是用生鐵鍋仔上檯, 內有滑肥牛肉多片, 豆腐, 津白, 金菇, 鮮雞蛋, 調味好, 湯底夠濃味.

可能最近天氣好焗，諗食乜時只係想唔食啲太滯，所以決定左食刺身同生蠔。 雖然見到餐牌所寫嘅生蠔種類唔多，但正正Namibian 同Gillardeau都係我好鍾意嘅，唔怕有選擇困難症所以ok.我地點左啲Namibian, Eire,同Gillardeau,各3隻。活赤貝2隻，翡翠螺2隻 仲有一板馬糞海膽。生蠔非常新鮮，篤一篤裙邊就知啦！非常creamy同爽甜，我最愛都係Gillardeau.馬糞海膽好甘香，after taste長過加膽。活赤貝又係好新鮮好爽好鮮食完咁多生野，最後點左個北海道反卷。咁就滿足晒啦！

自從冬天一到，唔係雞煲就係邊爐~好耐無正正經經食返餐日本料理啦！係最近熱返先有fd提議，所以就佢地，試左哩間。訂左枱，不過星期五人多，所以等翻枱等左陣。裝修ok,都係木為主調，我地一行3人，坐位都幾闊落。燒露荀&燒羊架露荀口感爽爽，好在有汁燒所以味道唔錯，加埋木魚花都幾香;羊架都幾厚肉而且香草味重，就算唔點芥辣都唔會太鬚，不過我就覺得熟左啲囉!燒甜薯&磯煮鮑魚燒甜薯一般般，可能因為本身都已經好甜，所以都無乜特別。鮑魚就好好多，因為入味，而且口感好彈牙，就連配菜件蘿蔔都好霖好入味!銀雪魚西京燒&牛油煮帶子銀雪魚多汁入味，甜甜地又好香口，魚質口感都滑;帶子好香牛油味都煮得剛剛好無熟過頭，都算大隻~另外仲叫左個烏冬，同一支梅酒，食下野，傾下計，就咁三個女人渡過左個relax嘅ladies night!

今日Vi黎到灣仔食lunch, 見到呢間日本料理有多款定食選擇, 所以決定試下諗左一輪Vi要左精選壽司定食,友人要左銀鱈魚西京燒定食.精選壽司定食配烏冬($108)Lam脷: 3/5抵食: 3/5相機: 3/5定食有跟麵豉湯, 沙律同芝麻豆腐, 芝麻豆腐有好多芝麻醬, 幾滑好好食,食物上得好快, 先黎個烏冬,烏冬質地煙韌, 不過份量太小, 幾啖食哂 壽司有5件, 三文魚,鰻魚,京蔥吞拿魚同2款魚類壽司普普通通, 魚生唔夠肥美, 但尚算新鮮,整體份量太細, 食完個set都唔係好夠飽銀鱈魚西京燒定食Lam脷: 4/5抵食: 3/5相機: 3/5銀鱈魚西京燒定食同樣有跟麵豉湯, 沙律同芝麻豆腐,銀鱈魚好香好林, 好香魚油味, 沾沙律醬好開胃好正不過都係有d細份,唔夠喉最後仲有抹茶雪糕送。

嵐喬可算是我倆嘅日本菜飯堂，想吃壽司的時候，就會想起這裡。原因是這裡的食物新鮮，店員服務親切，價錢又親民。看罷"東京攻略", 今晚想吃壽司和天婦羅。點了一個sushi set ($320), 兩件海膽壽司($28/件)。Sushi Set 有 白身魚，三文魚，Toro, 油甘魚， 甜蝦，帶子，帶子裙邊，火炙魚邊，海膽軍艦，蔥花吞拿魚腩軍艦。一口一件壽司，件件都好新鮮，暢快! 海膽壽司，長期做特價，但絕無欺場，依然是份量十足且鮮甜，每次來必點。跟著點了油甘魚手卷，鰻魚手卷。油甘魚手卷有四件魚肉，新鮮彈牙! 鰻魚是壽司師傅用火槍現燒的，熱騰騰，加埋鰻魚汁，好香, 有驚喜!再來熱食，兩串免治雞肉串，天婦羅烏冬。這兩味幾乎是每次來必吃的。免治雞肉混軟骨，燒得剛好，沾蛋黃醬汁來吃，雞肉份外香滑。天婦羅烏冬有兩隻大煆，茄子，南瓜和蕃薯，不油不膩，好味道!附送綠茶同紅荳雪糕，為這頓晚餐作一個美好的完結。註: 之前用$300 做VIP, 送coupon, 晚市有九折，生日月有優惠。

灣仔區謝斐道有好幾間壽司店，其中嵐喬是我喜愛去的，因食物質素高，價錢相宜。今次午餐我們選擇坐在壽司枱，友人點了十件壽司套餐，而我點了葱吞拿魚腩飯：兩個餐都包括前菜、湯。壽司用料新鮮，其中甜蝦及帶子特別出眾，好吃！眼見壽司師傅用心排列每一件壽司才送上，值得一讚！微暖的飯團配上鮮味十足的魚，一口吃下，滿足！$138無加一有這質素，絕對相宜！美中不足是包壽司的紫菜不夠脆，建議先食兩件有紫菜的壽司。另外，葱吞拿魚腩飯，雖然是比一般的細碗，但吞拿魚份量十足，吃得出用了質素較高的吞拿魚腩。餐有另跟烏冬，所以很飽！最後送上芝麻雪糕，為這餐午餐作完美句號！

假期塭野食，search到呢間，好似幾靚咁午餐幾抵，一百鬆d一個餐，選擇好多，有熟有生既，不過就細份一d，總有前菜沙拉同綠茶雪糕跟埋，算抵啦我揀咗三文魚海膽飯，細份咗小小，不過118 食海膽想點呀，ok 啦lunch 推介！

日本料理，一向是我心水之列，只要食材新鮮好吃，並不在乎價錢的高與低！專誠造訪嵐喬，只知這是范振鋒和劉浩龍合作經營的食肆！餐廳會將是日新鮮食材，寫在黑板上，供客人選擇！ 雞泡魚乾HKD65雞泡魚乾醮以醬油去燒，但略嫌烘得不夠乾身，略為失色！ 池魚刺身HKD250/條原條池魚刺身，厚切的刺身，入口可感受到其豐滿的脂香，爽脆的魚肉口感，味道鮮甜！ 芒果蟹籽沙律HKD55芒果入口帶甜，配以爽脆蟹籽、青瓜絲、蟹柳絲，清新可口！ 海膽壽司HKD28/件層層叠重量級海膽，絶不欺場。色澤金黃肥厚，甘腴鮮甜，入口即溶，原味嫩滑的口感在舌尖打滾，口腔被海膽充塞著，好滿足呢！ 燒牛舌HKD45 / 明太子雞翼HKD48牛舌有厚度，入口腍身嚼勁有肉汁，燒得乾身不韌！反觀雞翼較為失色，去骨雞翼釀滿明太子，賣相沒有漲卜卜的感覺，體積較細，像營養不良似的，略為遜色！ 煎鵝肝HKD78/件鵝肝外皮煎得沒有想像中的香脆，但入口油份慢慢滲出，甘香滑溜帶有羶香，多士烘至鬆脆，味道中規中矩！鰻魚年糕HKD62年糕中裹著鰻魚，再用紫菜包裹在外面，醮以炸漿去炸，酥化的外皮，軟糯的年糕，而裏面則是鬆軟的鰻魚，滲透著

今日天氣好熱，熱到就黎溶咁，搬左office冇耐，都未食勻附近啲餐廳！食晏時候，行行吓見到呢間門面都幾有日本feel嘅餐廳，咪同個同事入去試試。一見到個午餐餐牌有成三十幾款可供選擇，我自己就叫咗一個刺身定食。餐前又送湯又送沙律，個餐前小食係冬瓜，呢啲熱到就黎溶嘅天氣，估唔到佢有個咁夾咁透心涼嘅小食。主菜一上，有三文魚，油甘魚，鯛魚，帶子，同埋蝦。賣相非常新鮮，亦排得好吸引。食落口亦好鮮甜，尤其是三文魚刺身，厚薄適中，肥瘦ok，夠晒肥美，襯埋個飯，真係值得一試，最後仲有綠茶雪糕送，個雪糕都幾好食，啲同事食到差唔多刮爛個碗.....

呢幾日要去灣仔上堂, 分開三日, 於是約左o係附近番工o既朋友食飯.第一日去左銀座藏人度食, 食日本定食,係一個Set有埋甜品.第二日另一個朋友就話帶我地食另一間, 都o係灣仔附近, 不過近銅鑼灣多dd o既.去到間鋪唔o係好大, lunch hour都係有做set, 我見到個壽司定食賣相好吸引, 即刻就決定左要呢個. 先黎左個麵鼓湯, 前菜同沙律, 個湯唔錯, 唔會太咸太淡, 我好少會成個湯飲晒.前菜係魚, 雖然唔知係咩野魚, 但係bite size 少少地咸咸地都幾好味.沙律係醋沙律, 比起沙律醬, 我比較鐘意酸酸地o既醋，可以開胃d, 再搭埋蕃茄青瓜粟米同沙律菜, 開胃到我又清埋個沙律… 到個主菜上喇!! 就咁睇樣已經覺得唔錯, 睇落都見到幾新鮮!!海膽隻色好靚, 橙橙地而且份量都唔少。帆立貝都好大粒好厚, 上面仲要有塊青檸, 成件事清新左!仲有隻蛋, 唔係好假o個隻黃, 亦都唔係好實o個d樣, 甜度ok幾好食!個甜蝦都好肥美而且鮮甜。吞拿魚油甘魚都新鮮, 仲有兩隻唔知乜野魚, 但係都幾好味, 平時我自己點就唔會點的, 但係今日食左都幾唔錯。 食完仲有個雪糕!! 今日係芝麻雪糕,

我的遲來生日飯，我朋友話帶我去試下一間連佢都未食過既日本野，我最中意試新野，可以發掘下有無好寶藏 我地去到，都需要等一陣位，不過侍應非常有禮物噤叫我地稍等一陣，不過見到店內好多吉位，我估計好多人都打黎留位先，我相信應該口卑都唔差既。入到去被安排坐bar枱，我地都花多眼亂，最後我地叫左..我地剛剛好夠飽，超級滿足，噤大個女無食過噤鮮味既刺身壽司 下次一定再黎!!

話說名人開店,通常食物都有保證,之前食過阿倫既華星,雖則侍應奇形怪狀,但食物真係沒有欺場的!厚切刺身...整體上味道鮮度尚可,不過SIZE就唔太大,油甘魚相當新鮮, 但有微微魚腥,如果是放題值得一讚,但只限2塊就應該可以更好三文魚水平一般,甜蝦則件頭過細有點像刺身飯的醬汁版,在底座冰盤的藍光映照下,樣子吸引極了,刺身份量也足,雖則有池魚, 海蜇等特色刺身,但青瓜芥末醬太酸,也許是蕃茄箒喱過多吧?另外芥末量不足,如果可以提高一點辣度, 減低酸度可更上一層樓 海膽玉子燒,把蛋漿均勻燒得差不多後,將海膽釀進旁邊位,海膽的味道還好,加上沒有經過調味的玉子,口感味道並重,不過或者是手勢一般,海膽很不均等,吃到最後時, 幾乎已經看不到海膽了而且, MENU的圖片不是釀進中間嗎?怎麼去了側邊...忌廉薯餅只是一般放題質素,沒什麼好提的,和牛豆腐鍋倒是很真材實料,牛肉很鬆軟入味,豆腐滑得好像吃豆花,而且味精很少很少, 難得另外有道菜海膽飯, 魚腩蓉飯唔記得影相,因為魚腩蓉飯一上桌我就知出事,太多生洋蔥了...本人不能吃太多...要勞煩GF幫我慢慢把它們分開,要特別嗚謝但店家的不細心真的要彈彈味道如何?