嵐喬日本料理 (已結業)

日本料理是我最喜愛食物之一，無論是拉面，定食，天婦羅，壽司，燒物......無一不歡。那天下午女人話去吃日本料理。我立刻舉腳贊成。他們說這間是明星開的，很多時都會見到的。不過我都好少理，最重要是好吃。好！就叫了吉列黑豚定食﹠牛肉鍋定食牛肉鍋定食：未上牛肉鍋前，先來了野菜沙律，很新鮮清清甜甜，很清新，前菜（一件魚塊，但吾知道係咩魚），但很有魚味，浸了少少豉油，更帶出魚既香。面豉湯，很夠熱，淡淡的麵豉香味加上小塊的滑滑既豆腐一路飲下湯一路吃小豆腐，非常滋味。牛肉鍋來喇，用生鐵鍋上，很正宗。鍋內有牛肉，豆腐，金菇菜，津白還下了隻生雞蛋。熱熱濃濃的日式湯，加上香滑的牛肉，就是這樣我已經可以吃三碗白飯。還加上幾樣的菜蔬更覺可口。吉列黑豚定食：吉列黑豚是新鮮炸上來的，個皮好鬆化，卜卜脆。還有厚厚的黑豚肉很juicy，又不會被蓋過。邊旁有些紫菜，洋蔥，飯更是日本米，很粘口還有些秘制醬汁。簡直是一絕。最後還送上甜品，女人要了芝麻雪糕，我就要綠茶雪糕。好像將個飯局變得更完滿。在門口走既時候女人突然好溫柔咁問我：「幾時又再黎呀！」跟住我就話................的士呀！

之前買左團購2人餐.所以一早book左夜晚7點黎食啦.店內乾淨企理,我初初去到唔太多人.侍應好好禮貌招呼我地.個set係有嵐喬盃,食落凍凍地酸酸地幾fresh.裡面有三文魚子.三文魚.仲有其他.唔記得左咩.夏天食幾好清酒聞落幾香,飲落就唔太重酒味..都幾適合唔太岩重酒味既人飲有一盤杯仔俾我地揀.嘿嘿,可以自己揀杯都幾特別厚切刺身,好肥美,正海膽玉子燒,裡面都多海膽,好香!!!忌廉蟹肉薯餅.熱辣辣,好好味和牛豆腐鍋, 湯底好鮮甜.牛肉香.一流海膽飯.正.海膽堅鮮甜北海道雪糕,比較鍾意芝麻味,抹茶味偏甜.茶味不太重自己額外叫左:蟹籽同海膽壽司各一件海膽壽司而家做緊優惠$28/件.都幾好食.海膽夠多三文魚手卷三文魚刺身 , 厚切. 冇影相, $40 兩件.下次會再黎試下lunch set先!!!

今日難得一日中午經開銅鑼灣, 終於可以同女朋友食LUNCH. 及後路過見到嵐喬, 描一描入面好似幾精緻, 決定入去一試我點左個蔥伴油甘魚飯跟細烏冬, 女朋友則點左個壽司定食雖然好旺場好忙, 但係侍應姐姐都好有禮貌, 而且食物都好快就送到蔥伴油甘魚飯魚生非常新鮮, 唔同一般平價午市既質感, 而且切功不俗易入口, 配上珍珠米飯超出我預期.細烏冬至於細烏冬用既係清清地既醬油湯, 幼身既烏冬加清湯正好解左魚生飯既黏口感整體黎講不俗, 亮點主要係魚生, 我見其他檯既刺身魚生定食都好精緻, 有機會晚飯再黎一試佢既刺身先!

今朝發生假日後遺症，非常唔想起身返工，索性請半天假繼續睡下去 一v一 也讓我給自己一個理由，繼續壽司熱，吃最抵食的午市lunch壽司~環境地點地區分類在灣仔區，但其實地理位置更接近銅鑼灣區，嵐喬就在食肆臨立的鵝頸橋前謝斐道，非常好找！以中價位日式料理店來說，嵐喬環境氣份相當不錯，裝潢雅緻，空間感闊落，椅桌也頗舒適；座位則設有一般座位及壽司吧枱由於openrice沒有餐廳營業時間，我於上午11點多打過去詢問，得知餐廳在12pm開業，並順便訂了一人座，後來才知此舉非常多餘，因我到達時，全餐廳也只有我一人，但侍應也細心的幫我在一張2人桌上放了"留座"牌，可是在空無一人的餐廳中卻顯得非常突兀、可笑 ~"~不過既然一個人，當然選擇坐壽司吧台了，順便看看師傅製作壽司！食物品評 午市精選 - 壽司定食 ($130)選定壽司吧台坐下後，侍應很勤快地幫我擺盤及添熱茶，讓人感覺非常良好！我也基本上不用看就決定了要壽司set：午市壽司定食附有野菜沙律、前菜、麵豉湯及抺茶雪糕！ 野菜沙律、前菜、麵豉湯沙律小小一盤，使用柚子醋作dressing，基本上中規中矩算合格有餘；前菜是胡蘿蔔、牛蒡絲加一點煮過的肉，

去開灣仔，所以搵個朋友放lunch一齊食，嗰日天氣好鬼熱所以好想食日本菜refresh一下。朋友message左個地址俾我話間餐廳都幾full。點左我去坐底先。其實我去都已經係寫子樓區嘅放lunch時間，好彩有位，門口侍應話五分鐘執好張檯就可以，其間侍應不斷同我講唔好意思要等等，服務態度好好。其實都唔洗五分鐘我都入左去啦。因為朋友未到，我就周圍望下，見啲魚生同壽司好此幾正咁，侍應又話係日本新鮮嘅，好啦咁就試壽司啦。壽司午餐定食有十件壽司，款款唔同，魚生每件都好肥美，厚切，並且最吸引嘅係啲顏色好鮮艷。未食都已經知道係新鮮嘅。第一件食嘅當然係海膽壽司，食落口甘香清淡，食完個口都仍然有海膽味，真係好難得，依傢其實好多壽司餐廳啲海膽都無未咖。呢個真係唔錯呀。甜蝦又係令一個我嘅至愛，兩件甜蝦都幾大，覆蓋成舊飯，點啲wasabi同豉油食，帶出灑甜蝦嘅鮮甜味。其他壽司有幾件我都唔知道係咩魚不過每件我自己都好鍾意，可能真係新鮮嘅關係，魚生每件都帶有甜甜地嘅味道，呢間係我係銅鑼灣 灣仔區嘅新發現！

平時有瀏覽Instagram的習慣，都有follow各地的藝人，而我自己對鍾一憲的Instagram就多加留神。並不因為我是他的粉絲，而是他每次Post的食物照片都令人唾涎三尺，加上他熱愛海膽（應該跟我同一類人吧！）見到他post了嵐喬的海膽層層叠壽司，所以慕名一試。日本式的設計，有卡位，亦有獨立房，剛好被安排我們到吧檯位置坐，點了個二人套餐（$568），在等候的期間發現藝人范振峰，其後才知道他是這餐廳的老闆。(註: 以下的食物以上菜之次序作描述) 豆腐沙律:海苔放上原粒豆腐，又白又滑的豆腐加上蟹柳和蟹子作點綴，酸酸的醬汁，我想是加了點醋吧!! 好醒胃！作為前菜，最合適不過了！精選刺身:由師傅當天挑選的，這回有三文魚，帶子，牡丹蝦及油甘魚各兩片。自己對三文魚，帶子，牡丹蝦都情有獨鍾，當日的刺身配搭簡直就像為我而設般！哈哈！如圖可見每件刺身都好厚身，非常鮮甜肥美，好滿足！以帶子的味道更深得我歡心！清酒煮大蜆:以為叫大蜆是個嚇唬的名稱，但是這道菜來的時候真的嚇我一跳。沒有吹噓，比平時街市見的蜆巨大得多，吃下去很彈牙，味道鮮甜，再加上淡淡的酒味，一流！而清酒的清甜很易入口，我喝了幾啖清酒呢！

經過謝斐道近鵝頸橋,見到好多朋友推介嘅嵐喬,二人入內試試Lunch set 叫左過剌身定食及壽司定食值得一讚係,除左夠新鮮,每件份量超足,各款鱼好鮮甜肥美三文魚可見其肥美花紋與一般不同,咬落有三文鱼香及甜劍魚腩亦肉質一般,食落帶點酸但鱼油香美更重吞拿魚除新外,肉貨鮮甜前菜沙律亦不錯,值得小妹一寫麵鼓湯就無乜特別

1月1日，同老婆去銅鑼灣行街街，諗住去一蘭，頂條龍嚇死你，直行見呢間嵐喬好似新野，定食價錢適中入，等位五分鐘刺身定食三文，蝦等新鮮大件，不俗䓤伴油甘魚烏冬都係基本野，新鮮驚喜：午餐九拆及送芝麻雪糕埋單：$218不坊一試

公司附近開了家新開的日本料理店，早陣子跟同事們一起去試試。這店距離公司要走三條街，近銅鑼灣方向喜記炒蟹隔離，雖然離我們公司有點遠，但因為公司附近的店都吃得七七八八，我們覓食範圍進一步擴闊了。一坐下，同事七嘴八舌的研究吃什麼，我點的是壽司定食。味噌湯，沙律和前菜先來的是味噌湯，沙律和前菜，前菜是魚。壽司定食主菜來了，一共有十款壽司，賣相不錯，未吃已經賞心悅目。有三文魚﹑甜蝦﹑帆立貝﹑海膽﹑三文魚子﹑甜蛋﹑吞拿魚等等。人家說，想試一家日本料理好吃與否，要先試甜蛋，所以，我第一口吃的先是甜蛋。味道甜甜的不錯，口感剛好，不會太實太假。挺欣賞他們的帆立貝，上面放著一小片青檸，提昇了帆立貝的鮮味。海膽顏色看上去不錯，咬下也很鮮甜，很怕一些啡啡黃黃的快要壞掉的樣子。甜蝦肥肥白白的，跟我的尾指差不多肥美總結魚生都很新鮮，很滿足的一頓。

今日大家都唔知去邊到食晏好，老闆就介紹咗一間新開的日本餐廳比我地。睇佢舖面好似唔係好大，應該唔係好放到我地一行12人，但係我錯了，佢突然間係餐廳的最入面變咗張長枱出來，仲可以間到間房，雖然只係用拉出來的大閘門做牆，但係對我地來講午餐變咗私人敍會，就真係驚喜。至於食物方面，佢地一樣唔嗎夫，有8，9樣lunch set可供選，壽司定食，刺身，鍋物，乜都有，任君選擇。每個餐都唔同的特色，真係好正。首先跟餐有湯，沙律同一個出面好少有的凍豆腐。魚生飯，比咗好多海膽，好鮮甜；壽司定食件件都好有份量，整得又靚，見都都唔捨得食；刺身有好多款式，見到都知用料新鮮；不得不講個牛肉鍋，啲牛肉好嫩骨，又有個蛋係面，可以整蛋花又可以整到牛肉再好食啲（好似打邊邊咁樣），又可以將佢放落飯到食，呢個食法真係一流。哈哈，我地果日真係好好彩，估下我地見到邊個.....范振鋒，佢好nice呀。老闆話佢夜晚食見過劉浩龍添呀，所以我地決定再encore，踫下運氣。