影片
港铁启德站C出口, 步行约1分钟
继续阅读
电话号码
28829283
营业时间
今日营业
11:30 - 23:00
星期一至日
11:30 - 23:00
以上资料只供参考，请与餐厅确认详情
相关文章
🌻適逢老公生日及冬至同一日，我們一家午餐晚餐約好一起吃飯慶祝。大女兒是住在啟德站，考慮到便利性，在Airside 搵餐廳，由於晚餐訂了位吃西餐，午餐朝向中菜方向，在媒體曾睇過介紹過一間叫《嵐月》，評價都不錯，嘗試網上預約，與餐廳溝通後成功預約。🌻餐廳環境優雅，設計有心思，它有一片窗戶，滲透着自然光，環境舒適。冬至當天提供單點及套餐供選擇，經商議後，叫來單點。嵐月生日甜品碟$198碟上有五款甜品，寫上祝福字句，有意思甜點不甜，製作精美和牛炒河218 牛肉軟滑，河粉滑鵝肝流心脆球$144+1件外脆內香小梨子鹹水角$104+1件賣相可愛日本大根牛肉球$68牛肉嫩紅油粉皮抄手$68微辣開胃，餡料爽口蠔皇叉燒包$85+1件海苔鳳尾蝦角$78芋香皮鬆脆三重芝士鱈魚春卷$78口感豐富、脆口龍蝦汁鮮竹卷$130+2件鮮竹卷口感鬆脆，配龍蝦汁提味水晶蝦餃王$138+2件皮薄蝦爽
继续阅读
充滿藝術氣息嘅Airside，原來入面都有間高級有格調嘅中菜整個環境好有設計感，一進入餐廳，已經即時feel到好有氣派‼️小菜小食不得不提，咖啡煙燻合桃係珍寶size重點係超級好食，如果有樽裝買返屋企我一定會買❤️🪿「咖啡豆燻20日初鴿」雖然BB鴿嘅肉唔算多，但勝在夠嫩夠juicy用咗咖啡燻，整件事昇華左，皮脆之餘仲多左咖啡香 一人食一隻先夠爽！🐟「桔柚黑鱈魚」用左法式分子料理打左個抽子泡，中西元素交雜～鱈魚肉質好細滑，被柚子醬汁包住，甜甜的好惹味「法式青醬北海道帶子」刺身級別嘅珍寶帶子，中間係溏心㗎青醬主要係用羅勒葉、蒜蓉，足以令帶子增香！🦞「胡椒香茅開邊龍蝦」龍蝦肉非常爽彈，食得出好新鮮不過油泡方面有啲過左龍，表面果層口感有啲老「嵐月甜品碟」呢個dessert platter好有睇頭，每一件甜品都好精緻，有樣睇之餘，味道仲好好食Brownie做得好出色，朱古力味夠濃，又唔會太甜紅莓brownie都一定唔可以錯過，呢款係我最鍾意❤️
继续阅读
位於啟德Airside 嘅「嵐月」，環境一流，又靚又舒服，裝修好有格調，燈光夠柔和，成個空間都充滿咗一種浪漫嘅氣氛。最鍾意佢地嘅落地大窗，望出去嘅景觀真係一流，非常適合同客食飯。入座後首先就係揀茶，八款茶之中我哋揀咗銀毫香片 ，味道清香優雅，有濃郁嘅茶香味，值得一讚係上枱後仲會用微火保持茶嘅溫度，非常貼心，雖然茗茶每位要$28 ，但係總算物超所值。鵝肝流心脆球 外皮炸得金黃香脆，咬落去「卜」一聲，真係好滿足！入面有好多鵝肝餡料，一咬落去個餡就爆晒出嚟，又香又滑，真係好邪惡呀！黑松露野菌餃 黑松露野菌餃餃皮薄薄的，餡料又豐富，既有野菌嘅鮮甜，亦都有黑松露嘅香氣，每一啖都充滿驚喜！小梨子鹹水角 小梨子鹹水角賣相非常吸引，以小梨子為造型，打卡一流，外皮炸得鬆脆，咬落去入面又甜又軟糯，口感豐富，真係好特別！海苔鳳尾芋蝦角 芋蝦角炸得金黃香脆，咬落去「卜」一聲，真係好爽！由於加入海苔炸起，表面呈綠色，賣相非常吸睛。咖啡豆燻20日初鴿（原隻） 乳鴿用咖啡豆燻都係第一次試，真係燻得香噴噴，表皮非常香脆，咬落肉質又嫩滑，口感好豐富，有淡淡嘅煙熏味，廚師擺盤非常用心，放喺咖啡豆上面，賣相好似個鳥巢咁，打卡一流。皇帝蟹脆米泡飯 呢個泡飯份量比想像中多，有大約五碗，湯底非常鮮甜，超級足料，配料除左有蟹肉，絲瓜，肉碎之外，仲可以根據自己口味加入脆米，撈埋一齊食真係好有口感。川貝陳皮燉啤梨（位） 甜品試左川貝陳皮燉啤梨，啤梨煮得軟腍，帶陣陣嘅川貝香，真係好滋潤，食完之後成個人都暖笠笠。總括嚟講，嵐月真係一間好適合打卡或者見客嘅餐廳。無論環境，食物，服務態度都好好，真係無得彈！
继续阅读
啟德AIRSIDE開咗一段時間, 終於冇咁多人, 我們先黎到呢到搵食😆今次食呢間中菜 - 嵐月，主打新派中菜，環境好靚有格調，啱哂打卡，食物亦好精緻~我地揀咗LUNA Chef’s Set Dinner，有齊前菜+湯+主菜+主食+甜品，超豐富!😋前菜有➡️”法國邊豆素羊肚拌油雞樅菌、昆布龍眼蜜燴金蠔、梅酒鵝肝凍”，➡️金蠔肥美彈牙，加埋昆布同龍眼蜜，增添咗濃郁鮮味，同淡淡嘅甜味而➡️”梅酒鵝肝凍”個鵝肝凍質地幼滑，加入梅酒可以解膩，好開胃👍🏻跟住上咗➡️”花膠石斛牛肝菌燉螺頭湯”，絕對係養生靚湯，牛肝菌加埋螺頭濃郁同鮮味!黎到主菜➡️”若竹虎蝦、金不換頭抽嘉美雞配蘿蔔糕、忌廉魚子醬浸白蘆筍”，➡️”若竹虎蝦”都幾大隻，肥美彈牙，面頭加左d辣椒子/胡椒粒，入口之時就有小小辣辣咁刺激味蕾，幾過癮~😆➡️”金不換頭抽嘉美雞配蘿蔔糕”，嘉美雞放係蘿蔔糕上，肉質幾嫰滑，而蘿蔔糕吸晒頭抽汁，味道幾夾~跟住上埋主食➡️”松茸羊肚菌燴飯” ，每粒飯粒分明，又唔會太乾，仲保留咗軟糯感，飯粒索晒松茸味好香，羊肚菌味道濃郁，食到勁飽!仲另外點咗個人氣嘅➡️”咖啡燻20日初鴿”，乳鴿就食過，但係咖啡燻乳鴿係第一次食，鴿肉質鮮嫩，經過20天以咖啡粉燻製後融入了咖啡的濃郁醇厚，肉質更增添獨特香氣~最後嘅甜品絕對一定要食埋➡️”特濃朱古力慕絲配辣味朱古力曲奇”，慕絲入口滑順，朱古力味超濃，唔甜，偏向dark chocolate，朱古力控係必食! 整體黎講，”嵐月”價格定位稍高 (見到用某信用卡有9折優惠)，上菜時間較長，但如果想搵一間環境靚又坐得舒適既中菜餐廳，係唔錯嘅選擇~ 🔹LUNA Chef’s Set Dinner ($698/ person)🔸咖啡燻20日初鴿 ($118)
继续阅读
每次經過airside，行過呢間竹林門口都覺得好舒服。趁今日冬至，早一星期訂枱同家人食lunch. 內裡環境舒服，大大塊落地玻璃感覺開揚，座位距離都適中。 我地4口人，見到行政套餐都唔錯，價格都合理，所以就叫左4人份，另再加2個點心同一客小菜。 套餐都有7種食物，如果唔係太大食，其實份量都足夠。 味道同賣相都一流, 服務員反應都好快。 下次會再嚟，因為仲有好多野都想試😊
继续阅读