川之味麻辣米線 (已結業)

11月3日光顧，食物一般，環境狹窄，衛生惡劣。食米線送頭髮，侍應執枱時將上手食客抹鼻涕的紙巾連同垃圾及雞骨放入碗內。食物再正或價錢再平也如題一樣『永不再幫襯』！

呢檔都食咗年半,今次都係第一次整張相上來.第一次食,小辣一半已經頂唔住,食到一半要抹汗,飲水,抖抖.隔咗一排,再食,慢慢加辣.而家愈食愈辣.分小辣,中辣,大辣,小辣分一至十級.以前最多食到小辣八級,而家食小辣十級,或者中辣,遲下再口胃口會食大辣.今次食小辣十級,加$2.米線,腐皮,芽菜,九菜(我今次走咗九菜),餸就要生根,牛肉,墨魚丸.食咗幾啖,幾麻下,抹抹嘴時就攞相機出嚟影咗張相囉...加多杯凍的雪梨水,$32,不過唔係成日有雪梨水囉,有時賣晒,有時就話啱啱煲起,不凍的.

前幾天，買了一碗炸醬腩肉米線(唔辣)。炸醬好惹味，辣辣地又甜甜地，仲好大pat添，令到成碗面ge味道濃好多。要值得一讚係腩肉，好過譚仔o個d百倍。佢呢間d腩肉肥瘦均勻，名符其實ge五花腩，腩肉也唔似譚仔o個d係白sap而係用上湯弄熟的，因此唔會鞋，食落仲好香添，有肉味。米線軟硬度適中，加埋少許芽菜同腐皮好好食！

沒有連鎖式經營的局限，風格好像初在長沙灣開業時的譚仔記，正不正宗已不管，反正在雲南吃米線時也吃到幾種不同的風格。清湯是用所選配料現做，建議加入豬潤，吃不吃是另一回事，湯能做得特別甜。腩肉每次吃都是幾層肉，就是肥瘦肥那種，五花腩中已屬中上級數，可以一試。菜和丸類都屬正常，特別值得一提是鹵水做得出奇的好吃，帶皮的如豬腸、豬手、雞翼尖做得很滑和帶有層次的鹵水香，在現今的快餐世界實屬難求。最後一提她的麻辣，花椒吃得出是從四川來的，麻和香的感覺是在一般菜市場買不到的。

好正的麻辣,30蚊有米線,九菜,府皮,芽菜仔,通常三樣餸啲餸同比車仔麵檔多少少,樣樣餸都ok,係牛肉水準不穩定,因為有時唔夠腍,其他樣樣都ok,最正係個湯,我通常食小辣8級,再辣,如中辣,大辣我怕頂唔住,麻辣雞翼$10三隻,但都係人多先會叫雞翼,因為一碗都夠多夠飽。另有埋凍飲送

我不嬲好喜歡食麻辣米線, 行街一見到未試過既米線都會試下, 但一直只鍾情長沙灣(唔係譚仔, 其實譚仔唔係好好食啫)近來太子返學, 見到有人話哩間米線OK, 咁咪去試下呀我試食通常都會叫大辣, 因為試過好多鋪頭, 中辣都冇咩料到, 但一到門口, 就聞到一陣味, 所以今次唔夠膽叫大辣, 睇餐牌好多餸揀, 有竹笙同黑栢葉, 梗係食佢啦, 嘩, 份量同長沙灣差不多, 連味道都係呀, 夠哂辣呀, 又有麻既感覺, 咁耐以來, 只有長沙灣既麻辣米線食完會令我頭暈, 哩間食完都會呀, 我以後唔駛一定要去到長沙灣食麻辣米線(因長沙灣真係冇野好行, 次次都係為食麻辣米線先會去), 但唔食得辣既人就唔好叫咁辣呀

6 Sep 2007早前約好了今天和友人去食川之味，其實早前已食過一次。上次和友人share中碗米線套餐四小辣($35)，套餐奉送冷或熱飲品一杯。套餐有以下配料:芽菜、九菜、腐皮、豆卜、蘿白、生菜、酸辣菜、雞肉、牛肉、豬潤、豬腩肉、黑柏葉、火腿、魚旦、牛丸、墨丸、生根、乍醬。令我最有印象的是酸辣菜及乍醬，酸辣菜很爽口，吃下酸酸的很醒胃;乍醬跟譚仔的不同，反而有點像肉碎，吃下甜甜地，非常惹味。其他配料一般，不特別好吃。值得一提的是我們在碗中怎樣找也找不到有黑柏葉，應是阿姐忘了加上去吧!!另外還叫了香草雞亦及麻辣雞亦各3隻(共$20)，$20有6隻真的很抵食，本人較喜歡麻辣雞亦，有麻辣味;香草雞亦味道一般沒有四川般香口; 雞亦size較細但也比景霖的大，當然我最喜愛的必是譚仔的土匪雞亦，它是無可匹敵的，Yummy。言歸正傳，今次和友人去吃學生餐，學生餐比較便宜，一至五(11:00-18:00)供應，食滿$19(一"食送")送飲品，食滿$22(兩"食送")送雞亦2隻及飲品。和友人各叫兩"食送"米線，我叫豬軟骨菜肉餃米線(十小辣)，友人叫豬軟骨鹵水豬利米線(清湯)，友人本也是食辣之人，今次叫了

得知兩位食友試過，他們已忠告除非只想食辣，否則未必一定專程去，但仍然驅使我一試的決心。經過門口已有陣陣麻辣香吸引。原來由大辣至5-10級小辣都要加錢，第一次食要加辣而要另加錢的米線。我要豬、雞肉及蘿蔔配中辣湯底，三款都過得去，豬好腍、雞肉不鞋不韌、蘿蔔勝在唔苦。而中辣湯底的辣度，等如其他店舖的大辣，整個湯底只有辣味，沒有麻香。老公要的黑柏葉、腐皮及腩肉的清湯米線，佢就讚腐皮唔錯。再要一碟煎餃子，煎得脆口，可惜勁多油，碟面充滿油水。真是學陳小姐話齋，沒有特別理由再光顧。

I am England peaple.I feel rice noodles very hot butIcan finish,anyway this is my frist time to eat,so I feel very good

食左麻辣酸菜竹笙,不用加錢四小辣,下次要食不用加錢三小辣,四小辣都幾辣,米線好大碗好多料,整體上都唔錯,係旺角食米線會揀佢

上個week經同學介紹就去試一試，入到去地方不大，環境一般，再睇睇餐牌，噫.....咪好似譚仔咁~~~(發覺呢度好多食評都會拎譚仔比較..)。我叫左雞肉竹笙十分四辣唔洗加錢，同學叫左雞肉腐皮香茜餃十分四辣，野食黎勒，同學叫左三款餸個碗好大個我仲以為佢送錯，我諗三款餸係大碗d，我二款就同出面食開d size差唔多，同學仔食過就冇咩comment，但佢成日都話食倒陣羊味(小肥羊0個d)，我自己就唔覺了，食落真係有d似譚仔，um~~~雞肉還可接受，竹笙真係度度食都係咁，湯底好味就會好味d...十分四辣對我黎講都ok，可以試辣d，平時食開譚仔都小辣。隔幾日，今次就同李生去，事關佢又好鍾意食麻辣野，我地已經係譚仔既常客，就係成日去先睇得出佢越來越唔得，唔係d食物唔得，係service，人太多等好耐，食物既份量越來越少。今次呢間地方可能唔顯眼所以冇排長龍既出現，又冇好似譚仔咁....咁多人暮名而來....所以輸蝕在呢度。講返今次，李生叫左雞肉豬潤酸菜中辣，落單姐姐即問"以前食過個lor何?"(中辣)，李生話係，但其實唔係..keekee...食落佢話覺得冇乜特別，中辣對佢黎講仲可以接受，更何況的是

阿媽今晚唔想煮，所以舉家去食米線。我之前食過少少麻辣都已經好麻，所以今次要了個炸醬菜肉餃米線(唔辣)。炸醬好香，少少辣，甜甜地，好惹味。菜肉餃好好，唔會有好多肥豬肉，皮薄，仲有四大粒，好抵食。米線煮得o岩o岩好，唔會好似譚仔o個d咁硬。個湯清清地，唔錯，而且仲有好多芽菜添！偷食咗阿爸的黑柏葉同阿媽的醬爆鯊魚丸。黑柏葉幾好，新鮮，唔un..., 份量足醬爆鯊魚丸就唔好食，個丸好淋，裡面d爆野唔知係咩黎架，好肥，d oil 係咁流出黎。

星期天中午去食，今次剛好有一個位。睇了睇就點了雞肉、醬爆牛丸和生菜。當我說要中辣時，好心的姐姐立即問我係唔係食得好辣，叫我試試十小辣先。平時都有食譚仔、景霖正宗的中辣，不覺得好辣，以為這個會平平無奇。點知一上桌，見到個碗係其他店舖的碗半，仲要滿滿的。飲第一口湯就知點解叫十小辣，如果叫中辣，將會辣到爆火。這是我食過最麻和辣的小辣。雞肉比景霖的差少少，不夠鮮嫩，不過都係幾好味。至於醬爆牛丸一點都唔爆，比較失望。食完上面的芽菜、腐竹我都想唔食了，太多。邊食個口唇不停地麻下去，食到後來唔係好覺辣，相信味蕾都化為風中微塵。我為食十小辣都頂得順無爆汗食唔落而感到自豪，可以有自信行出街同人講：我係食十小辣！

兩個人來, 叫了大碗米線加凍檸茶。米線真係好大碗, 兩個人食都有多。餸 都有十幾款, 以黑柏葉及蘿蔔最正。小辣四級都好辣, 所以不食得太辣, 都不用加錢來加辣。

加左少少錢以前三款配料$24,而家$25飲品無加價,麻辣雞翼同香草雞翼都加了$1以前$9三隻,$18六隻而家$10三隻,$20六隻,都係加了一蚊不過我仍然都會食,因為呢度間麻辣味實在勁,麻、辣得嚟唔係苦味,仍然會再食囉