川味巴

营业中

休息中

夏天熱辣辣冇乜胃口，最啱就係食涼拌所以就叫呢間外賣試吓Whatsapp 落單，等一陣再過去攞，夠晒方便方便叫咗個大雜錦小辣試吓，乜都有啲唔使諗拎到返去先發現原來好大兜，啲餸勁多佢隻辣唔錯幾好食，夠麻啲料都算幾新鮮，蓮藕好爽脆$50左右嘅價錢簡直抵到爛最後都食唔晒，留返第二餐再食下次有機會會試埋佢其他小食

幾位同事一齊嗌外賣，口水雞，夠香夠麻夠辣，鹽水雞香滑，佢個上海麵都非常好食，仲有得追㗎酸辣木耳及蒜蓉青瓜等小食，係疫情期間更加珍惜可以共聚供餐嘅時間價錢方面，喺灣仔嘅午餐來講，佢唔算平，亦唔算貴，大概$60一位之前試過堂食，因為鋪仔細細，其實冇乜位，再加上呢個政府五時花六時變嘅限制，令大家搵食困難，小店更困難，真係要講一句，小店加油！利申，我哋喺同一個空間食，但係分隔仍然有兩米嘅距離🤪🙈❤️😜

原來薯條只係需要$10，所有野即叫即炸，好抵食而且有埋燒烤味（應該係）粉比你$25 有薯條（$10），有M樂雞（$10)，有雪碧（$5）同老M價錢一樣，只係少兩件M樂雞，不過就會有薯條色色粉，同埋會即叫即炸熱辣辣只係薯條隻粉味精多左D，食完個口會有少少dry，建議買罐裝飲品解下渴罐裝同其他飲品價錢同數字或者可以便利店價錢一樣，可能仲平左入面有賣少少零食、薯片、吾同類型既飲品、啤酒、香煙、打火機都有賣仲有香港人日曆！事頭婆份人好好，好有禮貌，好有人情味，好熱心，好有服務情神！令我諗番中學個陣既小店！我就曾經就比個老M店員對住我發脾氣，態度勁差又吾耐煩！條友不如吾好做服務業，少少服務情神、基本尊重顧客態度都無！好吾情願咁比我睇餐牌，我睇完之後佢就即刻將個餐牌大大力扔埋一邊，都吾知佢係顧客定我係顧客，嚇死寶寶了幫襯事頭婆，仲好過幫襯老M啦！

今日約完朋友返屋企嘅時候有啲肚餓，經過毓華街就去川味巴食呢個炸薯條，上次已經幫襯過佢個酸辣粉，覺得好正！酸辣味超夠！薯粉又夠彈牙，難怪咁多人係佢到食酸辣粉！咁我呢個薯條fans緊係要試埋佢個即炸薯條啦～即炸薯條（$10）評分：9.5/10呢個薯條雖然係即炸，但都唔洗等好耐，幾分鐘就有得食。老闆娘仲會問你要咩調味粉，夠晒親切呀！拎上手超級熱辣辣，食嘅時候要小心啲，吹涼先好食呀～啲薯條原條炸起，全部金黃色、脆卜卜，非常之吸引！佢嘅調味粉有少少酸酸甜甜同埋微辣，非常開胃得黎又過癮！食完真係返唔到轉頭，以後可以同金拱門say goodbye啦！

係南巴士總站個邊，買左碗湯嘅酸辣粉大大碗都係20蚊姐，加個餸就加多5蚊加左雞絲，所以係25蚊其實唔係雞絲，係雞塊不過d雞就稍微硬左d叫左小辣，對唔係好食得辣嘅我黎講就剛剛好🤤🤤，可以享受到酸辣粉嘅滋味

本身住開慈雲山呢頭一到夜晚就煩緊食乜野好你知啦一個晚餐食成6-70蚊對一個普通學生哥黎講都幾大負擔咁岩個日係南總站落車見到間野個名幾得意同埋又係新開 所以想話入去試下啦可能岩岩開啦啲野食唔算太多不過就岩曬我地呢啲有選擇困難症既人😄我嗌左個涼拌加其他配料丫估唔到食落幾過癮 個過量岩曬我啲細食既人(後尾我問原來仲可以加底 仲要係加2蚊炸) 好周到呀唔傾唔知佢地原來都好好傾 咩都可以講一餐支持小店既我當然keep住食啦

首先，是大家最關注的問題，當然是味道啦！我覺得是稱的上是美味，是非常合適喜歡吃辣的飯友，p.s.可以試大辣然後呢(ﾟOﾟ)當然是可愛的錢錢＄＄價錢是較為合適而且偏向較便宜！！！而且食物分量是較多的，每次都吃到好飽飽( ˃̶̤́ ꒳ ˂̶̤̀ )

其實路過左間舖幾次見到舖面upupdupdup無乜興趣之後喺openrice見到好評再加上喺慈雲山想食麻辣除左譚仔都無乜選擇就落去買嚟試好食喎！有surprises好足料，麻辣汁好香(張相係食左20%,係滿曬啲)

平日好少會經過呢條街，最近有朋友介紹呢條街開咗新店，有機會有我最愛嘅涼拌土豆絲，於是今日就去睇睇。去到雖然冇我鍾意食嘅土豆絲，但係有酸辣粉同涼拌食。夏天咁熱，真係唔想食熱野，所以就選擇咗涼拌薯粉作為我今日嘅午餐。兩款餸加薯粉總共$33，份量正常，價錢都係合理的。涼拌有得選擇辣度，唔食得辣嘅我就揀咗BB辣。薯粉非常之彈牙，口感好好。辣汁均勻地依附係每一條薯粉上，有輕微麻辣嘅感覺，都幾惹味。我揀咗雞絲同皮蛋作為配料，雞絲嚟到竟然係雞件，而且口感粗糙，有啲失色，皮蛋就冇乜特別。總括嚟講，味道唔錯，都可以一試。

今日咁啱行過無意發現南巴士總站隔離開咗呢間新既小食店 一開始都唔知咩係涼拌既 但見幾特別wo 就外賣咗一碗大碗雜錦同懷舊炸魚蛋 嗰個涼拌雜錦 酸酸辣辣 非常合適係夏天進食 易入口 而辣都有得選擇 而且聽店主講佢地既辣椒油係自己調教既 打開蓋已經聞到好香 會令我食完會想一啖接一啖咁繼續食落去 另外 炸魚蛋 係好少鋪頭會做 而佢地食番 舊既小食館味道 十分有懷舊味道 店主非常好客 態度有禮 我會選擇再番去食 十分滿意👍🏻👍🏻👍🏻😘

必試懷舊炸魚蛋！最近發現慈雲山開左間小食店，店主超級好人，日日經過都幫襯。今次食埋大碗雜錦，正宗四川味。豬耳同雞翼都整得好入味👍🏻👍🏻 感覺間店好衛生，環境幾干淨，一定繼續幫襯！

果日落車經過川味巴，見到新開左間涼拌就買左碗小辣既薯粉黎試又平又大碗，啲辣油好香，食完曬果陣辣味會想再食但又唔會死辣！！另外都買左串牛丸食，牛丸配埋佢地自家制既辣油簡直一流

好久未被麻辣過了，今天經過呢間鋪，即時坐下一試，完全冇失望，麻辣涼拌用秘製辣椒油，聞到已口水流，叫了個雜錦與友人分享，十分足料，且用料新鮮。唔錯唔錯！一定再到訪。

前日經過慈雲山，見到開左間川味巴，見到有新野試，就買碗 豬耳豬腸拌米線，加少少麻辣汁。原來係涼拌凍食，好有驚喜呀！！！仲有花生、菜甫酸豆角、韮菜 ，啖啖都口感豐富！！！好適合尼個炎熱既天氣到食呀！！等外賣個陣見到好多學生買拌薯粉，唔通拌薯粉再好食D？？？下次可以再試下其他餸呀！仲有雞絲、雞腎、皮蛋揀。整體都好快，唔洗等好耐，等一陣就攞得份量都夠多喎～唔知下次經過會唔會有其他新既餸試呢？期待下次再試過！