川滿居 (京都廣場)

营业中

休息中

今天中午，我們去到銅鑼灣京都廣場6樓川滿居午餐。我们點了一些美味的菜肴。首先是金湯酸菜魚，價格是$188，魚肉鮮嫩，湯頭酸辣可口，十分開胃。接著，我们選了湖南椒小炒肉，價位$88，炒得香氣四溢，肉質鮮美，搭配青椒的清脆，讓人食指大動。此外，夫妻肺片是我必點的佳品，$66的價格讓人感到實惠，片薄而入味，口感滑嫩，讓人回味無窮。飲品方面，我们選擇了加多寶涼茶和凍檸茶，分別是$15和$18，清涼解渴，完美搭配整頓美食。這頓飯不僅美味，價格也相對親民，讓我感到非常滿足。

川滿居 與舊同事在銅鑼灣聚舊晚飯，佢帶我去川滿居食川菜 好在我哋早收工，否則都要等位，反映出品有保證，我們先點了籐香雞作為小食，這裡比一般醉雞微微少了酒，但反而吃的時候，雞味與酒香更加平衡調和，而雞肉極為嫩滑，如果不咀嚼，簡直張開口就可以滑入咽喉，我哋都覺得好吃 。 之後我哋點了孜然羊肉，這裡是包括薄粉皮一起上菜的，吃的方法就像吃片皮鴨一樣，我就試把一大啖放上薄皮上然後包著吃，就像吃了一個大大的羊肉包一樣，冇得頂！孜然配羊肉固然是絕配，用洋蔥的份量不錯，不會蓋過羊肉的香味，汁也煮得濃稠適中，所以伴飯吃也非常好 再點了招牌菜：金湯酸菜魚，起名叫金湯，當然上菜的時候第一下是呷一口湯，嘩，令人驚喜的又再一次是處理味道的平衡，麻辣俱佳，而且互相襯托不搶味道，魚片煮得剛剛好，夠熱得嚟仍保持幼滑，酸菜切得幼細，把魚片加入各樣配料，連金湯一大啖入口，豐富的口感和層次感在口腔內澎湃著，十分滋味，還有索了金湯的薯粉，伴點椒絲和葱粒吃，又可以大大碗吃完呢！ 吃這一餐，選擇凍飲是最理想的，原本以為選擇凍檸樂已經很不錯，但朋友更加叻，選擇了動金桔檸檬茶，更加匹配，而且夠濃，抵讚！

🥢涼拌脆毛肚毛肚脆爽有嚼勁，紅油夠香不過唔會太辣，帶有微微麻感，口感層次豐富。配上芝麻同芫荽，開胃又過癮！🥢金湯酸菜魚酸辣湯底金黃鮮亮，魚片滑嫩無腥味，酸菜酸香適中，入口即化。湯底濃郁又開胃，仲有豐富配菜包括萵筍、薯粉等等，暖身又滿足。🥢泡椒炒牛肉牛肉鮮嫩又掛汁，泡椒辣得帶勁，微酸開胃。辣味同鮮味平衡得好，配飯一流，爽口又有層次，特別適合鍾意重口味嘅人。🥢凍柑桔檸檬茶柑桔香甜清新，配上微酸嘅檸檬茶底，入口冰涼解渴，甜度適中，飲落清爽又解辣！🥢凍檸樂凍檸樂有冰底夠哂凍，解膩一流！川滿居✨📍銅鑼灣駱克道491-499號京都廣場6樓

踏入冬天, 天氣逐漸轉冷, 講到暖胃食物自然想到吃川菜今日嚟到銅鑼灣京都廣場川滿居, 古色古香嘅裝璜, 充滿傳統氣息, 正好品嚐川菜嘅麻辣風味。川香鮑魚雞煲原煲上特別夠暖胃, 鮑魚腍滑有嚼勁, 雞件嫩滑夠入味, 配菜紅椒青椒好爽脆, 加上川香醬汁, 鹹香麻辣好惹味。鮮椒魚魚片鮮嫩甜滑, 大量藤椒麻味十足, 加上紅紅綠綠椒絲和芝麻, 賣相吸引又惹味, 寬粉煙韌彈牙。蒿筍炒牛肉萵筍青綠爽脆, 牛肉嫩滑。乾煽四季豆四季豆配上鹹香肉粒, 香口爽甜。翠玉瓜炒腩片翠玉瓜甜鮮正好中和腩片嘅肥膩, 炒得幾有鑊氣。

誤打誤撞闖進了這間四川及京川菜的餐廳， 裏面裝修都挺有當地氛圍 的。 因為有食得辣的人(我)和不太食辣的人(老婆), 所以分別點了北京填鴨和我在食評看到後極想嘗試的麻辣香鍋。片皮鴨(半隻)去到基本上見到每枱客人桌上面都有一碟片皮鴨就知道其受歡迎程度， 半隻上枱份量都絕對不細， 鴨片層次非常分明， 香脆的皮，少量肥膏再加嫩滑鴨肉， 咬下去更加肉汁四射。 題外話亦都一讚麼麼皮薄身但有咬口， 每塊之間亦有紙隔開，免得糊在一起。麻辣香鍋 這道菜式非常有趣， 你可以在餐牌選最少五款食材， 選擇口味，辣度等等， 再將材料炒成一品鍋送上。 我們選的是麻辣， 配搭蓮藕片，香酥肉，鴨血，四季豆及雞件，份量超級大， 熱騰騰， 隨之就係極濃的香味。 當中非常推介的是香酥肉， 本身都外層酥脆，裏面的肉依然細滑， 配上麻辣香料非常惹味。

開始進入寒冬，除了打邊爐，食川菜都好適合！這晚約了嗜辣的好朋友，去銅鑼灣的川滿居晚餐！餐廳裝修以古風為主，坐低之後打開餐牌，見到菜式都很大眾化，不只有辣，所以不吃辣的朋友到這用餐也絕對沒有問題！有乾鍋、烤魚、水煮菜式、各種小菜，樣樣都想試，重點是價錢相當平民！酸梅湯、金桔檸檬茶兩款飲料都好開胃！甜度和冰量都可以選，好甜心！夫妻肺片特別喜歡川菜的冷盤，都令人垂涎三尺！麻辣味特別香，牛肚牛脷都好爽口，好下飯！皮片鴨(半隻)想不到川菜都有片皮鴨，份量相當足，這個地段這個價錢性價比極高！麼麼皮厚薄適中，包住皮脆肉嫩，油脂豐腴的鴨，加上青瓜、京蔥、甜醬，極之滿足！黃金炒蝦球如果喜歡鹹蛋黃的朋友一定要點這一道菜，粒粒巨型的蝦球，都裹滿了厚厚的鹹蛋黃，口感鹹香沙沙的，蝦肉非常爽口彈牙，邪惡又滋味！蛋炒飯侍應拿出來的時候，我們兩個女生嚇一跳，$68超級大碟，炒飯粒粒分明，又夠鑊氣！下次一定叫多幾個朋友來這裏吃飯，可以試多幾個菜式！

性價比高，份量多!!味道唔錯嘅平民川菜館🥳片皮鴨 $168 已經有半隻外賣仲有九折🤯難怪下午茶時間都咁多人幫襯!!✨片皮鴨(半隻) 🤍推薦!!呢個價錢黎講，味道無得挑剔片皮鴨應有嘅元素都齊備😋皮脆，肉質都OK重點係塊皮煙韌軟糯😍✨香鍋客飯套餐（午餐） 午市套餐有得揀麻辣香鍋自選三餸，跟飲品同白飯揀左牛黃喉、田雞 、土豆片牛黃喉較少見，爽口彈牙醬汁口味唔算重，輕盈一啲✨京蒽牛肉(配6張麽麽皮) $88🤍推薦!! 蔥香滿溢，濃而不膩牛肉係滑牛香軟口感～香口但調味唔重手，食得舒服✨凉拌脆毛肚份量極多嘅涼拌小食😱毛肚爽口，掛滿香辣醬汁我鍾意細細啖，略嫌比較厚切大份辣味為主，食到後期味道較單一適合多人分享～✨黄金四季豆 🤍推薦!! 鹹蛋黃起沙四季豆自帶清甜，有中和作用食落冇油膩之感，香脆可口忍唔住一口接一口🤤✨紅糖糍粑 太抵食! 竟然有八條咁多😱做到外脆內軟嘅口感熱辣辣食風味最佳！

聖誕假期同阿女出銅鑼灣 shopping，佢想食至愛嘅烤魚，選擇了駱克道《川滿居》。烤加州鱸魚(醬香不辣) ~這個自家製醬料味道好吸引，整條魚掛滿這個醬汁非常惹味，啖啖魚肉新鮮好嫩滑，正啊！烤魚配有六款鍋底料：薯粉、木耳、蓮藕、大豆芽菜、青瓜條及金針菇。另外加咗個配料-鴨血~片皮鴨~餐牌這個必食之選，一定要點啦，薄薄的 麼麼皮包住脆脆皮的鴨肉、青瓜條及大葱，多重口感，味覺享受的配搭。黃金白玉菇~鹹蛋蓉包住白肉菇新鮮熱辣辣炸起，又脆又香，勁邪惡。

突然間好想食酸菜魚.見到樓下有介紹所以就試吓!食物方面:⚪️金湯酸菜魚好大盆.酸菜魚入邊除左有好多大大塊既魚片.但有好多薯粉.酸菜.萵筍.酸蘿蔔叫咗BB辣啱啱好唔會太辣越食越惹味🤭⚪️京蔥羊肉 (配六張麼麼皮)炒得好香.調味啱啱好.肉好嫩滑.而且無羊既騷味.配埋熱辣辣嘅麼麼皮.食晒成碟都唔會覺得好膩🙌🏻⚪️乾煸四季豆必食推介四季豆👍🏻炒得好好食.好夠鑊氣好香.連埋肉碎一齊食.配飯一絕!⚪️泡椒鱔絲有埋萵筍.雲耳.酸蘿蔔一齊炒.口感好豐富.同時間有爽滑既感覺.好食🫢⚪️凍檸茶⚪️酸梅湯整體方面:食物款式好多.而且價錢都好實惠.碟碟都好大碟足料.酸菜魚好惹味.全部即叫即整熱辣辣.推介.下次要試埋乾鍋叫埋屋企人一齊嚟試多d款🤭

之前食過呢間烤魚覺得唔錯，今日又去到銅鑼灣呢間嘅川菜，餐廳光線充足，乾淨企理，上菜亦都好快。大金湯酸菜魚份量好多，酸菜魚採用鱸魚，鱸魚肉質好滑，鮮嫩無比 ，配菜有雜菇及酸菜，薯粉吸晒酸酸辣辣嘅汁，夠麻又夠辣，10分惹味。京蔥牛肉配嫲嫲皮京蔥牛肉香氣撲鼻，牛肉肉質嫩滑，煮得入味，京蔥配上特製的醬料，味道濃厚，嬤嬤皮包着京蔥牛肉，能中和牛肉的油膩感，帶給人耳目一新的食法。籐香雞雞皮爽口，配以川椒，味道又麻又清新，送飯特別開胃，回味無窮。📍銅鑼灣駱克道京都廣場6樓 川滿居

今日聖誕節，同老公兩個去銅鑼灣拍拖食川菜...呢間想試好耐，好多朋友食過都讚首先上頭盤叫左藤香雞，冰冰凍凍咁好開胃，雞味濃，又多肉，正之後叫左個金湯酸菜魚，如果唔食得辣嘅話可以揀少辣，人多仲可以加大添，好彈性...講返個酸菜魚，超級無敵滑，魚生厚肉，酸菜夾得好match，仲有好多菇，攞嚟配飯一流，我都鍾意自己飲一碗湯先開始薑蔥牛肉牛肉份量超多，炒埋薑蔥，好香！10分惹味，舖頭會比一啲薄餅你夾住嚟食，好似食片皮鴨咁，又有雙重感覺，超值

系銅鑼灣地鐵站附近，揀到間主打川菜餐廳#川滿居 ，呢度仲有酸菜魚、水煮牛/魚、小炒，仲有新口味啤酒飲！小店服務態度親切周到，讓人感到溫暖。系鬧市中搵到間平民小店。✅原漿啤酒$98✅黃金蝦球$128黃金蝦球咬落去啖啖鹹蛋黃嘅香味，蝦肉爽彈，最緊要係食落唔系好油膩，真係好正啊☺️☺️✅川香鮑魚雞煲半隻$168有4隻鮑魚及半隻鷄，仲有洋蔥紅椒炒香，揀左BB辣程度，未食已聞到香味。先食鮑魚，已除殼乾淨方便進食，隻隻都有相當厚度，入口彈牙。鷄件香辣，醬汁濃香惹味，送飯一流。✅酸菜炒肥腸$88豬腸肥厚彈牙，但又夠腍，口感不錯！配埋咸濕濕酸菜食，口感更豐富。✅桃之天天$36食辣嘢點可以少得凍飲呢，叫杯咗桃之天天，解渴又解辣👏🏻

我喜歡食烤魚，朋友就帶我來位於銅鑼灣的川滿居，意想不到平日7時多已差不多滿座，好受歡迎。有烤魚、雞煲、小菜等，今次的片皮鴨、黃金蝦球太吸引，所以烤魚等下次再來食。桃之夭夭 $36，是桃味梳打加粒粒爆珠好有趣凍檸樂 $26每次食川菜必點的清炒萵筍絲 $66味道的確好清甜，質感爽脆片皮鴨（半隻）$168想食片皮鴨，難得川滿居有細份量，所以要點。鴨皮與肉比例剛好，少脂肪鴨肉夠香嫩滑，配上青瓜絲、京蔥及醬汁，相當滿足。黃金蝦球 $128金黃色的賣相好吸引，惹味鹹蛋黃包著大隻彈牙爽口的蝦球，熱騰騰又香口，而且鹹蛋黃份量剛好不會太膩。以這價錢有8大粒蝦球好經濟。炸饅頭 $48即炸上檯，夠熱好香脆，點煉奶甜甜的味道一流。

朋友帶過我嚟呢一間食烤魚，我記得唔錯，今晚就帶屋企人嚟食下川菜。本身想試吓佢哋嘅片皮鴨，但係已經賣晒，於是我哋就試吓酸菜魚同雞煲，份量都好大，淨係兩個煲都夠三至四人食。首先會有熱水比我地洗多次碗筷，桌上亦有tissue供應。《乾煸四季豆》🌶️ $72 佢哋呢個炒得好好食，豆多，加上肉碎有鹹香兼微辣好開胃惹味，撈飯一流 👍🏻白飯$15一碗。《鮮椒魚》🌶️$198份量多，魚好滑，有好多薯粉吸味掛汁，仲有爽口嘅年藕片，夠麻又帶辣，令人追食！《半隻川香鮑魚雞煲》*（唔辣）$168有辣度選擇，我哋就揀咗唔辣。整體好香濃入味仲有四大隻鮑魚，夠腍又彈牙，雞肉又多！《紅糖糍粑》 $58 熱辣辣皮脆內糯～《酸梅湯》$18《雪碧》$15《加多寶（罐）》$15埋單連加一$600有找，抵食吖。啲人話服務態度麻麻哋，但我今晚去啲店員都幾友善易話為吖。

鐘意食辣朋友就一定要黎呢間餐廳，每一道菜都有獨特口感同風味，而且餐廳環境十分舒適，啱晒約埋三五知己蒜香拍青瓜🥒開胃🤤涼菜，青瓜經過拍打後更加入味，蒜香濃郁，口感清脆爽口，青瓜的清爽，蒜香🧄濃郁炒酸辣土豆絲土豆絲是我的最愛，師傅好用心，每一條都要切得好又幼細，酸酸辣辣好醒神真係超級好味呀金湯酸菜魚金湯色澤金黃，香氣撲鼻，酸菜與魚肉的搭配更是天作之合。魚肉鮮嫩滑口，酸菜酸辣適中，湯底濃郁而不膩，每一口都充滿了濃郁的鮮味，酸菜魚也能夠自由地選擇辣度，送飯簡直是最美好的配搭，魚肉十分之細滑.讓人回味無窮仲有多款小炒京蔥牛肉配6張麼麼皮，皮包住京蔥加牛肉包住，然後一啖食，滿滿口感水煮牛肉上枱色澤鮮艷，牛肉片入口嫩滑可口，配上辣椒和花椒的刺激味道，口感豐富讓人忍不住多吃幾口。我最愛紅糖糍粑口感非常綿密和Q彈，搭配上紅糖的香甜，口感更加豐富。糍粑的質地獨特，不會太過甜膩，令人愛不釋手