川燒王

营业中

休息中

荃灣川式串燒店，好食地道，相當有風味～食物款式多，飲料選擇亦好多。CP值高，調味粉有辣有唔辣，非常入味。真係流晒口水～值得一讚係出餐速度快，大推沙嗲雞肉串、烤五花腩肉串、薄切牛舌等✨蒜蓉扇貝好香～蒜蓉愛好者必食!!粉絲索晒汁，充滿蒜蓉味，啖啖都會食到蒜～扇貝都非常肥美，係鮮甜嘅!!✨雞腎中意外層燒到微脆，好惹味～然後曬滿辣粉，食落好過癮!!雞腎有少少嚼勁爽脆，無異味。✨原隻墨魚好正～好大串，墨魚肉厚而且好彈牙，帶少少墨魚肉汁，推薦！✨墨魚咀墨魚咀好煙韌，一口咬落去會爆汁，調味調得好好，非常入味。

今次嚟到荃灣，口痕食完晚飯想搵d串燒食下，行下行下見到呢間川燒王，唔知係咪同我之前幾間相似，一於又入去試試x第n次🤪🌟汁燒火箭魷魚筒 $78隻🌟魷魚筒成隻碟咁大，又可以食到魷魚鬚又可以食到魷魚筒，口感燒得啱啱好，唔會太韌，加埋味粉食仲惹味🌟燒韮菜 $15串🌟韮菜好長好大份，上面曬滿孜然粉，好惹味，食落既有蔬菜嘅鮮味又有香料味道，唔會互相搶味，食完又想要食🌟原隻田雞燒🌟田雞真係成隻上，啖啖肉，肉質都幾爽口，個人鍾意食田雞腿腿肉，特別有質感，落埋孜然粉食仲夠味，而且都幾夾🌟燒菠蘿 $22/3塊🌟燒菠蘿真係我去每間都要叫嘅串燒，咬落去一樣都好爽甜多，好似飲緊成口菠蘿汁咁正咁清新🌟燒原條秋刀魚 $65/2條🌟秋刀魚都幾大條，個外皮燒得香脆，入面嘅魚肉都夠結實，唔會一食就散晒，唔錯🌟鹽燒大海蝦 $45/2隻🌟上次係第二間試過大海蝦，真係好大隻，呢次見有鹽燒更加想試下。照舊都係會試埋個蝦頭，食到係非常濃郁嘅蝦膏味，加埋鹽燒下蝦肉味仲出左，蝦肉都幾爽口

店面雖小 五臟俱全，menu有很多菜品可以選擇，牛羊雞豬海鮮都有，同埋每一份的嘢份量都幾抵食！主食嗌佐花甲粉，選擇米粉，超級大一碗，花甲很新鮮冇沙子，粉超級多，一個人都食唔塞個蒜蓉原條茄子🍆幾大一個，烤得很香，燒每一口都可以食到好重嘅蒜蓉味土豆菠蘿雞腎同埋雞翼都係大塊同埋佢本身嘅燒烤味偏甜口，每一串都好好味，尤其是菠蘿🍍解膩一流最出色嘅係金針菇，煮嘅好入味，辣味也比較足算係夜晚想食宵夜嘅好去處！

川燒王魷魚頭 $35靖花魚 $42五花腩 $12豬頸肉 $35鰻魚炒飯 $70最近我去咗位於荃灣德海街嘅「川燒王」，真係俾我驚喜到唔得了！呢間串燒舖環境舒適，裝潢簡單，但氣氛好親切，非常適合三五好友聚餐。首先要介紹嘅係「魷魚頭」，價錢$35，外脆內軟，鮮味十足，配上特製醬汁，簡直令人一口接一口，根本停唔落嚟！而「靖花魚」$42，魚肉嫩滑，燒得剛好，配上香料，味道更上一層樓。再講講「五花腩」，只需$12，性價比超高，肉質鮮嫩，肥瘦適中，咬落去好有口感，真係每次都要點一份！而「豬頸肉」$35，醃製得非常入味，燒得恰到好處，肉香四溢，絕對唔會失望。最後，我試咗「鰻魚炒飯」，$70，炒飯粒粒分明，鰻魚肉質鮮滑，搭配蔥花同埋蛋粒，味道真係一流，令人回味無窮。總括來講，「川燒王」無論喺食物質素、價錢還是服務上，都做得相當出色。如果你鍾意串燒，記得去試下呢間舖，肯定會令你食得開心！😋靜靜雞指數 🐥🐥🐣🥚🥚🔂再偷食指數 ✅✅✅☑️☑️💲減荷包指數 💸💸💵💵💵——————————————————店舖資料📍#eatstealthily #靜靜雞食 #香港美食 #美食 #food #hkfoodie #food

📍 川燒王（荃灣） 深夜食串燒邊個話會肥㗎？？想食就食，依度除咗串燒之外，仲有其他主食😙特別有內地嘅風味🍢買個外賣🥡回家享受食宵夜既時間⏰餐點種類選擇多樣，飲料的選擇也很多（提供酒精/非酒精飲品），食物美味，CP值高，上菜速度快。肉類火烤的品質好穩定，調味粉有辣有唔辣都值得一試，辣粉又香又麻，令串燒口味更有層次，超級過癮！！✨芝心丸✨司華力腸✨雞軟骨雞脆骨燒到少少焦香，粒粒香脆，好有咬口🐥✨雞中翼雞翼火候就恰到好處，雞皮香脆，而肉質依然能夠保持嫩滑🐔✨阿拉伯羊肉串現串的羊肉串，口感鮮嫩，焦香爆汁，而且沒有膻味，非常惹味🐑✨川北炒米粉米粉上枱賣相雖然普通，但配料十足，加埋雞蛋、腸仔、菜🥬食左一啖後發現咸香十足，同時好有鑊氣，愈食愈停唔到口😍

《川燒王(荃灣)》中秋過後天氣轉涼幾舒服，食完飯同frd去海邊邊行邊吹水，成件事幾青春😌 點知傾到咁上下個肚有啲餓，口痕痕返緊屋企果時經過聞到鬼死咁香就八卦走去睇睇咩料。唔睇由自可🥹去到聞到啲串燒味真係好似上左身咁欲罷不能🙈由於呢排要keep fit於是都要克制住自己，係menu精選左少少咁大把😝都係少少卡路里姐！烤魷魚鬚超彈牙，就算係鬚腳幼身嘅位都好juicy🦑燒白鱔厚身肉質彈牙，鱔皮燒到出哂油香氣不得了🐍牛舌心係超大厚切👅表面燒到脆身入面超嫩小小地😋食左四串，因為....烤魷魚值得多翻一次牌子！如果你都想試下呢間出色嘅串燒店，記得bookmark定呢間餐廳，約埋三五知己一齊嚟試下👨‍👨‍👧‍👦 地址: 荃灣德海街18號富利達中心地下F2號舖#barbecue #grill #spicy #hkfoodie #hkfoodblogger #hkfood #foodblogger #hk #hkig #hkigers #hkfoodblog #hkfoodstagram

約咗同事收工之後一齊去食宵夜，喺荃灣千色附近嘅四陂坊見到呢間川燒王，經過門口聞到食物嘅香氣，就決定咗食惹味嘅串燒做宵夜啦～牛肉串(1串)💰HK$28牛肉串牛味濃郁而且鮮嫩多汁，用孜然粉做調味，味道一流～雞翼(4隻)💰HK$36燒雞翼外皮變到好香脆，內裡肉質依然保持juicy，配搭埋孜然粉嘅調味，更加香氣四溢～沙嗲雞肉串(2串)💰HK$28表面有微微嘅焦香，雞肉肉質嫩滑！沙嗲醬嘅甜味同埋微辣感同雞肉嘅鮮美相得益彰～墨魚丸(1串)💰HK$22墨魚丸表面燒至金黃色少少脆，內裏口感彈牙，口感豐富～甜蜜玉子燒💰HK$28玉子好厚身，口感嫩滑而重帶有微甜嘅蛋香～錫紙蒜蓉娃娃菜(1份)💰HK$38娃娃菜咬落去仲係保持咗水份，而且口感爽脆，而且吸收哂蒜蓉嘅濃郁香氣～

放工後已經好晏，經過呢間荃灣小店香噴噴😍明天又是假期，小朋友訓曬覺✨，買D串燒回家同老公二人世界先😋🤤🍡燒雞全翼每樣串燒都滿滿既孜然辣粉係表面，令到雞全翼相當惹味🍢燒雞翼燒得好入味，皮脆卜卜，一串二隻好滿足🍡燒五花腩肉串半肥瘦的五花腩，用上等的豬腩，肉質肥瘦層次分明🍢燒沙嗲雞肉串雞肉外脆內嫩，神級惹味燒有機菠羅🍍菠蘿 嘅糖份被燒至微焦，増添了陣陣焦糖香店舖雖然細細，卻匯集左各種特色既串燒、海鮮，仲有唔辣✖️、大中細辣🌶️串燒滿滿既孜然辣粉係表面，相當惹味🥳🥳🍢川燒王🍡🧑‍🍳荃灣德海街18號富利達中心地下F2號舖#川燒王 #荃灣串燒 #荃灣美食 #宵夜 #荃灣宵夜 #香港宵夜 #美味宵夜 #荃灣好去處 #荃灣德海街

不知不覺間已經成年冇過嚟幫襯啦，今日突然想食串燒做宵夜，又諗起呢間舖頭。點返上次我食完就覺得最好食嘅：🍆蒜蓉燒原條茄子食串燒必點系列💯，同樣係勁多蒜泥🧄，燒到火喉岩岩好🔥，而且食落好夠味又香口。🍢燒墨魚丸勁彈牙，而且表面上灑上大量調味料，真係好好味😋。🍢司華力腸 勁大條，抵食之選。另外重點咗幾款未試過嘅：🐟鹽燒鯖魚，燒到好乾身，口感煙靭，一啲都唔腥。🍄錫紙燒雜菇入面有金針菇、冬菇、落咗好多辣椒油，如果唔辣會更好。🍝川北炒米粉份量都幾多，炒到好乾身，米粉口感煙靭，略嫌未夠鑊氣，不過勝在夠足料。

川燒王係荃灣海德街18號富利達中心餐廳令我最放心係保存食材既方法菜係一大袋用袋包好空氣流通唔洗擔心有倒汗水影響口感有人order先取出黎而且地鐵方便方便我收工買外賣回家食落單後等15分鐘就攞到一攞香噴噴真係流晒口水蒜蓉燒茄子最正茄子夠淋蒜蓉醬非常香豆腐卜燒到香脆曬滿辣粉白鱔燒到好脆非常肥美燒青椒必食內裡爽脆外面微焦花甲粉絲花甲夠乾淨無沙粉絲夠爽滑湯底非常鮮味雖然攞回家再用煲煮後更入味餐廳做緊海鮮餐睇到又有生蠔，又有扇貝真係好豐富

餐廳座位有限，見到好多街坊都選擇外賣。半開放式廚房，店員可以容易睇到店內情況。錫紙燒雜菇用錫紙兜可以完全保留雜菇嘅汁水，令到雜菇食落冇咁乾身，蒜蓉同埋醬汁都10分惹味。蒜蓉原條茄子海量嘅蒜蓉加上大量嘅孜然粉，令到茄子食落十分之惹味，另外茄子嘅熟度控制得恰到好處食落唔會太乾。司華力腸司華力腸夠大件，好抵食。加上少少辣粉啖啖肉之餘味道亦都夠。雞中翼雞翼大細適中，縮到恰到好處肉裏面保留到肉汁外皮燒得好香脆。雞腎10分抵食嘅雞腎一客直接有3串，雞神每一嚿嘅大細亦都適中咬落唔會太韌。雞軟骨雞軟骨唔會一粒都有肉軟骨，食落又有肉嘅軟又有軟骨嘅脆，加上調味食到停唔到口。五花腩肉串腩肉燒得10分香脆食落唔會有多餘嘅有份感覺唔肥膩。

估唔到行開嘅路，轉彎處開咗間間串燒食☺️，平時都冇唯意開。店舖細，就揀咗外賣食。款式多，就叫雞中翼🐥、厚切牛舌心、燒雞子、多春魚、魷魚鬚🦑而幾樣食。其中覺得牛舌心同多春魚幾好食😋。牛舌心雖然店舖有賣薄切款，但個人認為厚切比較有口感就選擇咗。果然燒後，食落爽脆，好好味🤤。下次可能會試埋佢個薄切看看兩者有什麼分別😂。而多春魚，佢一份就有6條食，算是其中一樣係而間餐廳入邊最抵食的一款😂。老闆燒到入哂味，加上配料，JuicyJuicy。

想輕食一點，經過川燒王，陣陣香味，被吸引就走入去試試。豆卜 $13串外脆內軟，加上微辣調味，惹味十足。韮菜 $15串起初都好猶疑叫叫韮菜食，但聽朋友講食串燒要試下韮菜，所以就叫左試下，食落都幾好味，比起平時就咁食韮菜更好。錫紙蒜香娃娃菜 $38娃娃菜配上蒜蓉，讓菜完全吸收到蒜蓉的香味，散發出濃濃的蒜香味。雞軟骨 $28/2串食落口感十足，味道也很好啊厚切牛舌心 $45串食落好有口感，生熟度處理得剛剛好，好味阿拉伯羊肉串 $32/串羊肉配上調味，沒有羊的「蘇」味，細細串唔太膩。五花腩肉串 $42/3串食店推介的五花腩真係幾好味，食落唔會覺得太肥、太油，外層有少少脆，肉質軟軟的，不會太乾👍店舖細細間，較適合買回家慢慢嘆，一路食都見到佢地接單不停

凌晨時份喺荃灣搵嘢食，搵到呢間四陂坊隱藏串燒店舖仔細細，坐位唔多，多數做外賣生意～串燒款式多樣，海鮮、牛羊豬、蔬菜、主食都有！錫紙花甲粉話錫紙，但係用碗上😹少少酸辣、花甲細隻但份量幾多，一碗都好飽肚雞翼雞皮燒到非常脆，但係雞肉唔會乾，火侯掌握得幾好錫紙燒娃娃菜用蒜蓉同辣椒醬調味，辣辣哋好惹味～都係比較重口味蒜蓉原條茄子基本上食親串燒都會食呢個面頭落咗大量蒜蓉孜然粉，勁之重口味✨推介指數：7/10

荃灣有水準的烤燒小店，外賣接單冇停手。一進店就看見各款食材大包小包放置在近牆枱上，看來蔬菜都是就近街市新鮮入貨👍🏽小店不大，就幾張枱，由兩位啊姨樓面廚房一腳踢。半開放式廚房設計，可以見到啊姨們風裡火裡地閃電烤串，峰煙四起🔥，我們點的食物嚓嚓上枱，出餐速度夠快👍🏽串燒可點不辣/大/中/小辣幾個程度，小辣🌶️已足夠過隱。雖然貓太太點的種類不多，但也大推烤五花腩、沙嗲雞串、雞腎，蔬菜類冬菇🍄‍🟫、韮菜和四季豆🫛也是必點。🍛鰻魚炒飯味道也出奇地好，鰻魚塊大粒，飯粒滿滿燒汁香，加入三色豆吃出小時侯媽媽炒飯的感覺，但竟然也帶有鑊氣，實在不錯 。