川粤時空時尚小廚

营业中

休息中

同朋友唔知食咩好上網見到呢一間又好似幾多人都話OK就所以試一試佢。入到去都舒服嘅，好多卡位，我哋揀咗張卡位坐😃酸菜魚佢嘅酸菜魚其實算中上，味道啱啱好，唔會泰勒，就算唔食得辣嘅朋友應該都食到😝魚份量算幾多，已經有薯粉喺入邊，有少量嘅萵筍，豆卜同木耳，二人份量啱啱好😄炸饅頭我個人真係好鍾意食炸饅頭，所以我對呢個炸饅頭有少少失望，佢明顯係雪過好凍再炸，入邊完全係硬到咬唔開，外面都好硬，絕對唔推薦😖椒鹽魷魚比我想像中多肉，同埋份量好多。入邊有魚有驚喜👍🏻裏面已經界咗花，一啲都唔靭，味道亦都啱啱好做得唔錯，炸粉亦都唔會好厚😋

三個人食，叫咗五個餸，包括皮蛋做前菜、酸菜魚、薑蔥蠔、店主推介鹹蛋黃南瓜同埋椒絲腐乳通菜。每一個餸嘅份量都大，絕對夠食，酸菜魚啲魚肉好滑，個湯酸味程度啱啱好，會不停咁飲湯😂。 店主話鹹蛋黃南瓜唔係成日有，結果真係冇令到我哋失望，好快就比俾我哋清晒。薑蔥蠔同埋個椒絲腐乳通菜都好有鑊氣。食物質素真係值得推介，服務都好好，上網訂枱單寫咗對芫荽敏感，店主真係有記錄，主動問我確認，亦都真係記得每一樣送都走芫荽。唯獨是同場有一行10幾人的聚會，加上樓底矮，個個高談闊論之下，就真係好嘈😖

太坑人了！同时收取茶位费和加一服务费就算了，还强制收费凉菜（不可取消）。入座之后也没问要喝什么茶，端上来一个茶壶，也不知道是什么茶，谁知道是要收茶位费啊。这种苍蝇小馆还收什么加一服务费真无语。紧跟着就端上来一小碟只有手心大小的凉菜，以为是赠送的，最后结账的时候看账单才发现凉菜收费10块。店里面环境也就一般般，瓷砖地特别滑，估计上面油油的才这么滑。菜的味道也就很普通，一整盘包菜全是根，炒牛肉分量也不多肉全是碎的。坑人店不会再去。

觀塘惹味川菜-川粤時空時尚小廚呢間川菜見comment 唔錯，就黎試吓😗訂咗位即時安排入座，店內好多卡位，都坐得舒服，點咗幾款小菜同埋麻辣鍋時尚試吓先涼拌魚皮: 唔係周圍食到㗎，魚皮好爽口，如果再凍啲就更好食😀鹹蛋黃鮮魷：炸得好乾身，鹹蛋味好足料好濃，啱晒送酒🍺麻辣萵筍絲：爽口嘅萵筍絲配上麻辣汁，好惹味🤤時尚麻辣鍋：乾鍋有好多材料，牛柏葉蓮藕好爽口，仲有鮮蝦，萵筍午餐肉，辣到標晒汗🥵紅糖糍粑：呢款糍粑比較腍身，似年糕😅可以再見煙韌D荔枝梳打大大啱哂食辣野, Honey hoegaarden第一次飲😂甜甜地幾特別Overall 都唔錯，唔算太貴，食物質素都唔錯😊經過觀塘可以試吓

之前閒日去過食下午茶既套餐，覺得都唔錯，今日o係附近揼完骨想食酸菜魚就，就翻兜佢。4點左右去到，假日唔見有下午茶既餐，不過無所謂，諗住食過early dinner。諗左香辣魚皮，酸菜魚同手撕包菜。魚皮夠爽夠質感，酸菜魚嗌188細份份量都唔少，味道唔錯，包菜炒得夠味爽脆。埋單三百幾，整體算唔錯。

我最鍾意食辣雞煲麻辣火鍋烤魚水煮系列酸菜魚係最愛見有Youtuber介紹，原本想試任食價錢唔貴又多野食，不過得2個人，又好似食唔到咁多野，所以無試到最後單點酸菜魚($168) 點左中辣同水煮田雞($188) 點左大辣本身睇個價錢都覺得正常，平時其他地方食都差唔多，一黎到真係嚇親份量多到嚇親我酸菜魚($168)超級多魚片，無骨嫩滑，酸菜爽口，湯底清甜酸度足夠，好開胃，只係略嫌唔夠辣底有大量芽菜，蓮藕，萵筍，豆卜，寬粉全部吸晒湯汁勁好食水煮田雞($188)田雞份量都多，煮得好嫩滑，辣度都足夠，面頭辣油可以一直保存熱度，底部同樣有大量配料，同樣吸汁好味呢個價錢，有咁既份量，性價比超值，一定會再黎

觀塘番工又有新食堂啦，呢度中午有午市套餐，有飯有餸有前菜有飲品，夠晒豐富！我叫佐川味紅燒肉飯，肉排先油泡過再走油，炸到香脆，食落肥而不膩，肉排炸完再同青紅椒，辣椒洋蔥呢啲一齊再炆，醬汁又濃，肥瘦參半既肉排完全係香甜軟糯，入口即化，食到香辣既味道入面帶點辣椒既清香味道，真係好食到無朋友👅👅另外前菜既涼拌芽菜好清香，涼拌海帶都好爽口，少少辣少少酸，好適合既前菜，白飯都好軟熟，配呢個餸真係最岩🫦🫦食到辣辣地中意又可以飲啖冰涼既汽水，成個感覺更加之爽呀！

之前被家人帶過來一次，今次只係帶老公同奶奶一齊黎，之前食過都覺得好食😍食完一次就上癮，今次就擇上次未試過既呢間四川餐廳的菜色味道都非常好🔅而且價格都比較抵食🔅呢間餐廳整體以簡約裝潢，環境空間寛敝🔅好有空間感🔅環境上優美好舒適🔅入到黎見到餐牌中既菜式較為豐富，多到眼花撩亂，最後挑選了幾款菜式： ⚜️涼拌青瓜⚜️🛜🛜🛜❇️出面天氣咁熱，氣溫又高，行一陣都出晒汗，黎到呢度就想食下啲冷盤，加上冷氣好清涼，真係估唔到佢份量咁多，調味醬汁都好多，食落口好清爽再有特製既醬料，食完可以話好開胃⚜️涼拌魚皮⚜️🛜🛜🛜❇️呢個菜都係冷盤，主打都係魚皮，口感係爽滑，再加上麻辣口味，總知就用好食形容⚜️川味紅燒肉⚜️🛜🛜🛜❇️呢道菜係四川真係好有名，好多人都會食，裡面主打都係用豬肉，豬肉好鮮嫩，特別欣賞係紅燒汁，整碟紅燒肉都好好食⚜️剁椒蒸魚頭⚜️🛜🛜🛜❇️呢道菜係傳統既湖南美食，魚肉都好鮮味，配埋飯食簡直係一流，呢個魚頭少少辣可以接受，幾個菜都係單點，整體上不錯

呢間係工業大廢既川菜餐廳有好多唔同款既菜式，可以慢慢試，食晒想食既菜式呀！涼拌青瓜⭐️呢個都係辣辣地既，用佐辣椒碎去撈啲青瓜，有啲麻辣，青瓜口感就好爽脆，加埋啲蒜蓉香蔥，凍凍地又幾好食！麻辣夫妻肺片🔥呢個份量都算多，有牛肚，牛舌薄片，牛柏葉呢啲，全部都吸收晒啲辣味，好入味，啲辣油好香，又有啲青瓜絲係底，加埋啲芝麻，好惹味好香口！剁椒蒸魚頭💥魚頭好大個，蒸得好滑，魚面珠肉好嫩呀，用佐花椒辣椒去蒸，辣油有爆香過再最後淋落魚頭，味道更濃呀！川味紅燒肉☄️啲排骨係有炸過既，炸完好香脆，再同香蔥紅椒青椒一齊加埋辣油去炒香，每一舊都充滿辣味，啲排骨又幾腍，口感幾好！食到辣辣地就一定要飲呢個青蘋果梳打解辣，酸酸地，又有啲汽，飲完勁舒服呀！

好耐冇同老公撐枱腳，所以就揀咗呢間位於觀塘嘅漁川粵時空。間餐廳非常之大，有好多座位，而且裝修屬於簡潔風格，大方得體俾人好舒服嘅感覺。❗💯*****時尚小炒肉/////豬肉的鮮香味道和青椒、洋蔥等蔬菜的清爽口感相互融合，入口非常爽口。*****川香回鍋肉/////辣度較高，但是味道非常鮮美。豬肉和青椒、豆芽等蔬菜的搭配非常完美。回鍋的做法令到豬肉更加入味，口感更加鮮嫩。❗💯*****冰鎮秋葵/////爽口滋味，而且會爆汁，證明好新鮮。*****重慶紙包魚/////魚肉鮮嫩多汁，搭配特製的麻辣調料和蒜泥，非常適合喜歡吃辣既人食。*****海鮮拼盤/////通常啲人食完紙包魚再打邊爐甘食，滿口都系麻辣香料既油香，又有麻辣醬料既麻辣後勁，味道層次豐富，大贊！❗💯

尋晚去咗朋友屋企開枱玩通宵，到下就仲係好精神，不過都要食返個正餐，醒起頭先朋友介紹呢間話好好食，都係佢屋企附近，係觀塘區巧運工業大廈一樓C室，入到去都係咁岩午餐時間，睇到餐單有幾個餐都岩心水，速度好快咁就到左（重慶正宗毛血旺）我就配暑粉，辣度都可以同職員講，而我就好食得辣，裡面既辣味同麻辣味都好夠香，通常毛血旺既烹調方式都係先熬出湯汁，然後再落其他材料，呢個毛血旺既材料好豐富，口感食到夠爽脆又鮮美，再放埋薯粉，薯粉吸收晒麻辣香，食出來仲更加刺激，最後飲返啖茶提提神，呢度既辣味做法好正宗，份量好多，全部食晒剛剛好飽，價錢又抵食，有時間都想試埋呢度既晚餐💯💯

前幾日同男朋友食咗觀塘呢間川菜，因為喺工業大廈嗰邊，所以都有少少難搵，但係只要Google Maps下 其實都好快就去到😆！我哋係中午時間嚟到，咁啱店員推見到有啲lunch set幾抵食！我哋就每人揀咗一款😋男朋友叫左一個川香回鍋肉，回鍋肉係半肥瘦嫁，啲肉質真係好鬆化，啖啖肉嘅口感真係無得頂！仲要夠入味又好辣，佢食哂成碗飯同成大碟回鍋肉！我就叫左呢個湖南小炒肉，我呢個都係好惹味，辣味都係好香濃，但啲肉就冇咁肥，不過都係好夠入味同有好多青椒紅椒！整體嚟講覺得食物質素都唔錯，同埋喺工業大廈冇咁多人，食嘢舒服好多！下次都會再嚟呢到食！

作為好🌶️🌶️之人，發現到未食過嘅川菜餐廳時就係最興奮嘅一刻🔍觀塘巧運工業大廈1樓嘅🔺川粤時空時尚小廚🔺名就架勢啦，今日就嚟會一會佢哋嘅川粵菜💥🔺麻辣小雲耳🔺麻辣度：🌶️🌶️ 開胃前菜唔算太辣，醋味酸酸地中和咗個辣度🔺麻辣夫妻肺片🔺麻辣度：🌶️🌶️🌶️ 醬汁用香料同辣油拌勻，味道麻辣辛香，肺片有嚼勁，越食越想食🔺乾鍋辣子肥腸🔺麻辣度：🌶️🌶️🌶️🌶️🌶️ 肥腸嘅肥油令到成個干鍋都香噴噴，見到有咁多乾辣椒就知辣度爆登，爽啊！🔺重慶紙包魚🔺麻辣度：🌶️🌶️🌶️🌶️ 開頭食唔覺辣，但越滾啲汁就越濃，魚肉吸收哂辣湯嘅麻辣，後勁凌厲

為左減肥，觀塘附近學瑜伽,見到呢間餐廳餐牌好似好正，好似好多菜式都好正宗。我地都叫左好多野食。其中印象深刻既包括：川香回鍋肉✨✨回鍋肉肉質鮮嫩多汁，醬汁將肉質的鮮嫩度和口感的層次提升。=時尚小炒肉✨✨肉質鮮嫩，口感爽脆，肉含有豐富的蛋白質和適量的脂肪，能夠提供人體所需的能量和營養。搭配特製的辣椒調料和蔥薑蒜，口感更加鮮美。重慶紙包魚✨✨使用竹葉或荷葉將魚肉和調料包裹起來，再加入唔同既調味料--麻辣調料和蒜泥，蒸制出來的魚肉入口鮮美、香氣四溢。食完仲可以用海鮮拼盤來打邊爐✨✨ 。冰鎮秋葵✨✨柔嫩甘甜，好好味。我地都覺得呢間餐廳食品質素幾高， ✌餐廳無論環境、服務同食物質素都好唔錯，座位亦闊落。💕

餐廳：川粵時空時尚小廚地址：觀塘駿業街66號巧運工業大廈一樓C室特色：特色高質麻辣菜，招牌菜包括老壇酸菜魚/麻辣水煮魚/水煮牛雜/香辣小龍蝦/等等，一定能夠滿足麻辣控既胃。🔱首先出場既系青筍炒臘肉🔱，臘肉外皮炒到金黃酥脆，內裡肉質鮮美可口，而且有少少麻辣既香氣！第二個推介既就系🔰川味紅燒肉🔰，系中意食辣既人既首選，D紅燒肉夠曬入味，完全同D辣椒麻油融為一體。💠麻辣口水雞💠就系都系必食之選，雞肉嫩滑，而且醬汁滋味。最後系🌐剁椒蒸魚頭🌐，上面鋪滿曬滿滿既蒜蓉同埋辣椒，真系好香口，越食越想吃。總括而言，性價比好高，值得下次再來食。食辣順便排濕氣，哈哈！