川粤時空時尚小廚

营业中

休息中

疫情咁耐，已經好耐冇見啲朋友啦！今日專登約埋曬啲朋友，同埋佢嘅屋企人，一齊出嚟聚一聚 ，大家都想搵個坐得舒服啲嘅餐廳，easy啦！我就揀咗呢一間呀。😛 • 泡椒炒牛肉 $128和水煮安格斯牛肉$298， 呢兩個唔錯，辣度中等℃或以上， 但又唔會cover 牛肉味，因為佢都好重牛肉味。 味道調配到出色。 • 柚子骨$108專登呀返一樣唔辣嘅燉返勻，呢個甜酸排骨真係好好食，肉質鮮嫩，又厚肉，一口切，方便入口。😛 • 時尚麻辣鍋$198  呢一個係侍應推介，可以讓我哋每樣都試啲，又有鮮蝦，又有蔬菜，食落真係唔錯。• 四川辣子雞$168，個個都話唔食得辣，但個個都食唔停口， 無他！因為佢真係辣得好過癮，同埋佢切到啲雞丁一口一啖，真係不知不覺食曬。

ʕ•̀⤙•́ ʔ實不相瞞，其實我從來都冇食過川菜。不過我好鍾意食辣嘢😳我成日都俾啲同事笑我竟然冇食過四川嘢就話自己鍾意食辣😅⋆⸜♡⸝‍⋆今日真係好多謝同事帶我嚟食一餐咁正嘅四川菜🙊我哋五個人叫咗四川辣子雞、招牌水煮魚、乾鍋麻辣蝦，幾碗白飯同埋可樂🙊👉🏻四川辣子雞:我啲同事話原來辣子雞係去食四川菜必點嘅菜式🙌🏻 炸過嘅雞肉丁焦香四溢，啖啖肉，唔厚粉。👉🏻招牌水煮魚: 辣而不燥，麻而不苦，魚的質感細緻嫩滑。原來一份水煮魚會落咁多花椒，而且都幾香口。👉🏻乾鍋麻辣蝦:份量都幾多，而且好入味🥰，夠麻夠辣，越食越上癮！我哋直程打包左一份返公司下午茶。

⚪️上完畫班，同幾個學生一齊搵野食，上網睇到一間食川菜，就咁睇好似好得，行上去睇有咩食先再算，呢度都近地鐵，位置方便，環境優美，一致同意食呢間，呢度靜靜地幾舒服，枱面好乾淨，價錢方面都好便宜合理⚪️分別食咗⚪️麻辣夫妻肺片$98⚪️麻辣口味好正宗，味道質素都唔差，師父好有料，好快就清曬一碟，好搶手，之後再試吓⚪️毛血旺$168⚪️辣度剛剛好，啱曬鍾意食辣既我地，辣得來又入到口，食得夠飽肚又滿足，⚪️重慶雞煲$168⚪️呢個真係值得介紹，真係非常好食，我平時都煮唔到佢呢種，真係要係度先食到，最重要每一道菜既擺設都好精心，賣相有心機，每一道菜都係手機食先，人人食到肚腩滿滿😋食川式野唔少得一定要配上啤酒先更入味，食完之後仲要傾多陣計先埋單 呢間環境裝修都好新淨👍🏽偷聽到原來廚房師父係呢行做咗十年有多，唔怪得咁好食啦🤫平時我好少係度寫評語，呢度真係成功吸引到我比食評☺️推薦 😊😊😊😊😊品質 😊😊😊😊😊環境😊😊😊😊😊衛生 😊😊😊😊😊禮貌 😊😊😊😊😊

👩🏻:肥佬，今晚食咩？👨🏻:落樓下食囉！初頭聽到我老公話落樓下食已經冇咩mood🙂估唔到行耐少少去到駿業街竟然有一間川菜小館，門口都幾多人買外賣。我哋就抱住試伏心態行咗入去，結果讚不絕口咁出返嚟😅四川辣子雞👍🏻👍🏻👍🏻👍🏻👍🏻，真係好好食嘅辣子雞！睇到佢勁多辣椒就好開心🥰我老公以前唔係好食得辣㗎，但係而家成日陪我食，所以越食越辣🤭佢都話個辣子雞肉多，夠麻。老壇酸菜魚👍🏻👍🏻👍🏻👍🏻👍🏻，好好笑！其實我老公以前都係唔食魚🤣 記得生大仔入產房之前就係食咗酸菜魚做最後的晚餐🤣從此以後酸菜魚對於我哋嚟講就有份情意結😳仲記得當時我老公話原來酸菜魚咁好食！呢度嘅酸菜魚魚肉鮮嫩，厚薄均一，入味有多配料。一定要飲啤酒🍻，咁先夠gur🤣同埋冇帶屋企嗰兩隻小魔怪就可以飲多少少👍🏻

朋友知道我中意食川菜，係觀塘番工既佢今日就帶我黎呢間川菜館食飯，超正既介紹！我地叫佐麻辣口水雞($98)🐣估唔到呢度嘅口水雞係咁大碟，有成半隻雞咁多，超級抵食🤩麻辣口水雞好香，麻辣咪好囉，有好多芝麻好香，辣椒同埋辣油令到啲雞肉好入味，雞肉全部都煮得啱啱熟，皮嫩肉滑，超香超好食。另外我地叫佐時尚麻辣鍋($198)🍲呢個麻辣鍋係一個干鍋，每一樣材料都爆炒到好香，係加埋辣椒一齊落去爆炒，所以啲辣味入晒落啲食材度🌶️啲蝦就好新鮮好彈牙，午餐肉都好好味，另外蓮藕毛肚椰菜花嗰啲都好香，成個都係香口惹味之作！

今日叫乜食❓ 🤭今日食川菜🤭呢間川菜餐廳係朋友介紹我嘅，之前同朋友已經食過一次，今日帶埋老公同叔仔嚟已經係二訪😳始終叫兩個男人嚟食得多嘢啲呀嘛😆.･ﾟ🌙✨.･ﾟ🌙✨.･ﾟ🌙✨.･ﾟ🌙✨.*･ﾟ1️⃣毛血旺$1682️⃣泡椒炒牛肉 $1283️⃣乾鍋麻辣蝦 $148.･ﾟ🌙✨.･ﾟ🌙✨.･ﾟ🌙✨.･ﾟ🌙✨.*･ﾟ我哋一人叫咗一樣，自己最鍾意食嘅嘢share 😌我自己最鍾意就係食毛血旺！呢度嘅毛血旺分量十足，一張枱就已經望到有有勁多入味嘅鴨血🫶🏻等我放入口😆麻麻辣辣，係我喜愛嘅口味。老公就鍾意食泡椒牛肉🥳我成日其實都會喺屋企整俾佢㗎，不過佢話呢度整得好味過我整🤣我心諗梗係啦人哋係大廚🤨 牛肉重牛味又多泡椒😍叔仔話新一年嘅第一餐就一定要食麻辣蝦，寓意我哋今年一齊笑哈哈🤪我喺呢度都祝大家每一日都笑得開開心心😚蝦肉彈牙又夠辣，份量都幾多👍🏻

上星期日同屋企人去咗《川粤時空時尚小廚》，雖然係新開張食物味道同食材質素都好好👍🏻好耐冇食過咁好味嘅辣嘢啦❤️‍🔥❤️‍🔥❤️‍🔥今日唔想食酸菜魚，所以叫咗個毛血旺，太耐冇食鴨血！今次要大食特食，食返夠本😍估唔到佢哋嘅鴨血質素好高，口感滑之餘仲吸收晒麻辣嘅精華，好正！呢個麻辣夫妻肺片係我最鍾意食小菜，因為佢麻同埋辣香味，超級濃郁，真係會令人一試難忘😆仲有泡椒炒牛肉都同樣出色，雖然佢食落冇咁麻，但係嗰種辣味都係令人難以忘記嘅香味🥹，仲要啲牛肉份量好多，每一啖牛肉都係好嫩的🐮

🔅毛血旺🔅具有麻、辣、燙、鮮、香於一身！鴨血份量好多而且仲要幾足料，當中才料有大腸、牛栢葉、芽菜、鴨血、木耳等。價錢為$168🔅麻辣夫妻肺片🔅依家市面上嘅肺片實為牛頭皮、牛心、牛舌、牛肚、牛肉，而唔係真係用牛肺、豬肺🤣夫妻肺片片大而薄，粑糯入味，麻辣鮮香。最緊要唔腥😌價錢為$98💬我同男朋友食左一餐好滿足嘅晚餐🤭我哋成日都好想食一啲川菜，但係奈何我哋兩個都唔係好食得辣。呢間餐廳為咗配合香港人嘅口味，特登將味道調製成麻比辣多。💖餐廳職員亦都非常貼身，為我哋介紹餐牌。入咗一坐低就已經安排好熱茶。值得再來。

@老壇酸菜魚 $168 第一個重頭戲，梗係嗌返個 酸菜魚啦，因為佢勝在夠大碗，夠睇頭，一邊有魚肉，又有配菜，大家一齊撈下！撈下！ 好多回憶都就返曬出嚟！！！ 配菜方面 佢又我要鍾意食嘅蓮藕，豆卜，豆芽，全部索曬啲酸辣汁，好。。好。。味。。 @重慶雞煲$168 一個辣字，我哋食到標曬汗，好過癮， 雞肉好嫩滑，分量又多。 @麻辣口水雞$98 呢個專登叫嚟助興，因為麻辣 超滿曬喺雞皮度，每次一“倫”啲雞皮，麻麻痺痺 就最過癮啦！ @王老吉，我哋嗌咗一打，下吓火嘛！古老涼茶～～～ 今日有個👫👫老朋友喺加拿大返嚟香港，專登探我哋，我哋就揀咗呢一間同佢食，果然無令佢失望 ，佢好開心可以食返香港嘅味道。。。 餐廳評分：🍎🍎🍎🍎🍎

返工真係好辛苦，我要食下辣野減壓加發洩🥹，有得食辣我就好開心！觀塘呢一間新餐廳環境好好，食物質素仲好高🥰🐮🐮泡椒炒牛肉🐮🐮 價錢:$128💰泡椒炒牛肉食落肉質軟腍超級入味！我同朋友越食越上癮，食到停唔到口，不過佢啲泡椒真係好辣，但我又好鍾意食！❤️❤️毛血旺❤️❤️價錢:$168💰毛血旺都好推介大家嘅一試，呢個價錢咁平，仲要大大份真係唔知邊到食到，加上佢嘅鴨血都係好多，而且仲有大量嘅配料做配菜，夠晒豐富又好味。🐔🐔重慶雞煲🐔🐔價錢:$168💰就連雞煲呢到都好出色，件件雞件都係啖啖肉，同埋佢哋好有重慶風味，夠晒麻同辣！食到我大汗滴細汗，但估唔到可以咁惹味，正呀😍

黎得食川菜有啲菜式係一定要試既，試完就知呢間川菜館正唔正宗，呢度就絕對無令人失望啦！乾鍋花菜$88既一個鍋，成個鍋以花菜為主，花菜好新鮮好爽口，啱啱熟，另外仲有啲豬肉片配埋一齊炒，加埋辣椒好香好入味，成個乾鍋唔會太辣，辣味係啱啱好，越食越想食😍老壇酸菜魚$168一盆，呢個價錢非常之抵，因為真係超大盤，上枱淨係會見到全部都係魚片，啲魚片係魚肉好實，唔會一夾就散，但係都仲保持到好嫩滑，成個湯酸味辣味同埋麻度都啱啱好，我一路都好想繼續飲個湯，仲有啲菊花碎喺面，感覺更加清新，加埋其他薯粉依啲配料，好正好好味😘泡椒炒牛肉$128一碟，牛肉嘅份量好多，而且係粉紅色嘅牛肉，一睇就知係啱啱炒熟，好嫩口好好味，泡椒都好多，所以麻度啱啱好，再加埋香蔥薑片呢啲香料去炒，超級香，惹味到爆🥰

💯招牌菜💯老壇酸菜魚/麻辣水煮魚/水煮牛雜/香辣小龍蝦/椒鹽鮮魷/黃金蝦/辣子雞/重慶烤魚/奇味雞煲/小炒皇👅👅👅👅👅^_^招牌水煮魚$168生魚片份量都幾多，食落好滑完全冇刺，配料有豆卜、萵筍片、芽菜、蓮藕片及寛粉，例牌份量都好足！啲配料吸曬啲汁，相當惹味，小辣食落好夠味😋如果唔係好食得辣，叫小辣就剛剛好，呢個好抵食呀！^_^泡椒炒牛肉 $128牛肉炒得啱啱好，粉嫩色嘅牛肉一食就知好滑好嫩，唔會過熟，唔會好鞋，而且泡椒令到啲牛肉好香，係有一種麻痹嘅感覺，但係好過癮，加埋香蔥塊爆炒，更加香口，好食！^_^四川辣子雞$168辣子雞係四川川菜嘅一個好出名嘅菜式，依度整得好正宗，每一個雞粒都係一口size，雞肉唔會太鞋，炒得啱啱熟，仲有啲嫩滑，而爆香左嘅辣椒炒落啲雞肉度辣味好重，好香，越食越辣，但係好惹味，食唔停口！配Asahi啤酒🍻❤️‍🔥❤️‍🔥爽！其實香港嘅川菜，真係越嚟越出色！ 🤩 簡直越嚟越享受🥹今次去到觀塘地鐵站附近食，地點好方便，喺巧明街燈位樓上。遠遠就看見樓上的燈籠🏮 好有氣氛啊 🥰

早排係網上識咗個女仔👱🏻‍♀️大家傾計傾咗好耐，第一次約出黎見面👥傾傾吓大家都好鍾意食辣野，咁岩搵到一間係觀塘有一間專門食四川菜，見咁近大家又手住附近，成功約咗佢出來見到環境乾淨都企理，有少少似cafe感覺，舒舒服服，望到好多野擇👀心諗都岩口味，咁我發板叫少少試下，另外每人都叫了一罐汽水「👌四川辣子雞$168」估唔到又真係幾好食，煙韌容易食「👌招牌水煮魚$168」呢個水煮魚夠晒大碟，水煮魚係好入味，麻辣感係融入左啲魚度，有水準好正宗 「👌時尚麻辣鍋$198」幾款夾雜一齊，唔會食到咁悶，絕對可以味覺滿足，辣既口味真係岩晒我地二個人因為太好食既關係🫠我地完全無悶場又無尷尬，氣氛好好，成間舖都好有特式，完全都係用心製作，用新鮮食材🫢好味評分👌👌👌👌👌地點評分👌👌👌👌👌格調評分👌👌👌👌👌

今日老闆話要帶我去見識一下，跟住我問佢食乜，佢懶神秘唔同我講，去到先知道，原來係一間四川菜 ，上咗一層樓梯之後，原來入面嘅裝修 好有古典氣派，粵曲色彩，充滿著四川特色。一坐低佢仲話畀我知，呢一度以前有live band， 如果想聽，就睇下次再有冇緣分啦！因為今日呢度冇🤣 老壇酸菜魚 $168 一上菜，我即刻哇咗～一聲， 兩個人點食得曬呀，嗰碗仲大個過面盤，我搵個湯羹一樓，入面有好多配菜，有豆芽，豆腐卜， 水晶面，黑木耳，花椒，有蓮藕…… 仲有其他好多配菜。 湯底嘅酸辣度搞得啱啱好，好味到我不停不自覺一匙一匙飲起來。 至於 乾鍋麻辣蝦 $148 新鮮彈牙 最後干豆角炒臘肉 $118冬天食個一流，因為有臘腸🤣🤣🤣干豆角索哂臘腸嘅精華，全碟菜簡直絕配。

見到呢個名好有趣，終於搵日去再試下，當天星期日下午差不多兩點，一行6人，一人一個餐我自己叫咗酸菜魚套餐$88紙包熱奶茶或者熱檸檬茶，有朋友叫咗熱咖啡，加咗$4，熱奶茶-茶味比較重個人唔太喜歡等咗一段時間, 酸菜魚終於到，叫咗BB辣，辣到對我來講啱啱好, 亦都唔會太酸，魚無骨，亦都有好多配菜，包括蓮藕、豆卜、雲耳、大豆芽、鹹酸菜，碗飯個人嚟講覺得有啲細😅 如果叫米線嘅話係更加少，食到咁上下問店員係咪有甜品（因為餐牌上面有寫會送），店員就話只係平日供應，依家為咗我哋就整檸檬梳打水俾我哋，但後來又改口整冰粉俾我哋，改做冰粉會開心啲，但係冰粉同樣係好細碗，而且可能即刻整嘅關係，入面有冰塊，但以上種種都可以接受嘅最令我失望嘅係佢原來會收我哋茶錢，同埋一嚟到上ge兩碟細細涼菜竟然要$10一碟，兼收+1服務費，一個lunch set食咗成$100，但呢個價錢一定有更好嘅質素，大家自己衡量🙈