川粵時光 (已結業)

小編今日來到位於銅鑼灣的川粵菜餐廳「川粵時光」位於28樓的餐廳，景觀十分開揚，如坐窗邊枱位就一邊望著維港景致，一邊品嚐川粵菜餚😍「水煮滑牛肉」🐮 水煮汁飄來陣陣麻辣香🌶 乾煸花椒粒與乾辣椒紅海底下，是鮮嫩的牛肉片，小荳芽、青瓜、鴨紅、竹筍同寬粉，材料十足😍 牛肉片隨著滾燙水煮湯汁入口，先來一股麻辣香由舌尖直衝口腔，嚼著嫩滑的牛肉片散發出肉香，加上麻辣鴨血、青瓜🥒 清甜爽口還有口感帶嚼勁的寬粉，美中不足是小豆芽略嫌不夠爽脆和甜，整體都充滿四川地道風味，令人吃到口水直流☺️「酸辣魚皮」🐟是招牌前菜，果然有驚喜，晶瑩剔透的魚皮切絲，味道爽口彈牙富膠質，先有麻香然後慢慢滲出辣味，味道富層次質感，泡椒和指天椒碎🌶️及其他香料和麻油與魚皮凉拌，搭配適量醋令食材提升酸味和圓潤口感，麻香辣酸鮮，是道必叫的特色川式前菜😋「夫妻肺片」🐮以牛舌、牛肚等部位切成薄片製成，撈上紅油、花椒粉、芝麻、香菜等佐料，拌勻來吃非常惹味，牛肚薄切肉質嫩爽實，均勻地掛上香辣汁，而且色香味俱全，味道不錯😋🍽 ：水煮滑牛肉；酸辣魚皮；夫妻肺片👅好味指數：7.5/10；8.0/10；7.5/10💰消費：HK$268；HK92；HK10

一直都幾鍾意係V Point試唔同嘅餐廳，不論同事聚餐，或是約客食飯，唔少餐廳都幾適合。大樓夠新，具時代感，無論係川粵時光，或是其他餐廳，底都好高，空間感足夠，坐落亦覺得十分舒適。踏進大門已感受到果種精緻高級新派中菜嘅感覺，位與位之間嘅間距合理，唔會太嘈，仲可以靜靜地傾下偈。口水雞：醬汁幾濃郁，味道辛香，口味川麻，但唔會太辣。雞件夠入味，肉質亦夠嫩滑。酸辣魚皮：一款微辣口味嘅冷盤前菜，「真」魚皮非常Q彈爽滑，既酸且辣，美味之餘，都幾開胃。青椒皮蛋：溏心皮蛋配小辣嘅青椒絲，味道香，口感順滑，加埋辣辣地嘅青椒絲，幾惹味。黃金椰菜花：又係好惹味嘅一款時蔬，簡單黎講就係鹹蛋黃醬炒椰菜花，鹹蛋黃香豐富，口味濃郁，平凡椰草花即時變得不平凡。青椒開胃清香鱸魚：基本上同泡椒口味差唔多，湯底鮮甜得黎，又帶酸辣，都幾開胃惹味。鱸魚片十分肥美厚肉，魚肉幼嫩鮮味，幾好食。除左魚片，仲有竹荀，以及大量黑薯粉，質感都幾Q彈。紅糖冰粉：食完辣野通常都會食返落紅糖冰粉中和返，有啲人會覺得解辣（雖然今日食嘅野唔會好辣）。但其實味道都唔錯嘅，啫喱般嘅質感非常順滑，微甜，唔會太膩。

銅鑼灣有一間中菜餐廳個名好特別，又有川菜又有粵菜，所以就叫做川粵時光 ！落地玻璃好靚，食嘢景觀真係一流！青椒皮蛋都幾好食，好香，之前試過食出面嗰啲皮蛋奇奇怪怪，但係呢間嘅味道正常得來係好吸引。連表面嘅青椒味道都突出，好match。蒜泥拍青瓜口感特別爽口，而且蒜泥味道同個青瓜好夾，開胃得來又夠味道。酸辣魚皮千祈唔好睇小，佢個魚皮口感好彈牙，其實佢同樣係酸辣味道好勁，如果真係唔食得辣就唔好亂來，但係食得辣嘅食呢個真係好爽。水煮牛肉裏面唔係剩係得牛肉，牛肉就當然夠入味夠林啦，但係佢其實仲有啲粗身嘅薯粉同步可以享用，咁就唔會咁悶之餘仲豐富啲口感。 小辣呢款香味特別醒胃。黃金南瓜原來出面嗰層就係鹹蛋黃，本身都聯想唔到呢兩款食物竟然可以擺埋一齊，原來都真係得，仲要熱辣辣好香鹹香之外，仲食到南瓜嘅甜味。紅糖冰粉就係甜品啦，佢個味道唔會太甜但係口感好滑，好滿足。呢度除咗飲茶之外，其實都仲有啲特飲，今次就試吓蜂蜜檸檬柚子蜜，甜甜地，特別係有時食得太辣嘅時候仲可以幫手解辣。今次訂枱冇特別要求坐窗邊，但係個位置都坐得好舒適半圓形可以睇到個景觀，不過純粹唔係貼住個景觀姐。如果好想坐窗邊或者可能book一間房睇

登登 我哋今日又去食川菜位於銅鑼灣 川粵時光環境好靚 裝修優雅 而且仲有卡位重點係有海景 青椒皮蛋皮蛋糖心 不在話下 青椒先煎過 入口仍帶少少爽脆及微辣 開胃酸辣魚皮老實講 本人唔太食魚皮 但身邊友人不停介紹好啦 試下 口入後 嘩 好似海蜇 絕對唔會有腥味10分彈牙又爽脆 酸酸辣辣蒜泥拍青瓜正正常常 開胃菜水煮滑牛肉大盤上台 內裏料非常足 牛肉豬紅芽菜筍寬粉湯底唔會太辣 厚片牛肉 十分滑又入味 兩個人一定唔駛爭 寬粉都係水煮中最吸引我嘅食物寬粉晶瑩剔透 唔會過硬 掛哂湯 芽菜我都最^_^食到最尾黃金南瓜外滿鹹蛋沙 內裏軟又甜 南瓜件件大粒 所以真係十分飽肚 但又唔會覺得油膩紅糖冰粉個個都order 我地又試下 表面有花生西瓜芝麻冰粉本身無味 但糖水帶有山楂味 整個甜品帶甜甜酸酸 職員表示 山楂可用作解辣呢滿意 餐廳真係坐得舒服 聽日又要努力返工喇

今次去咗川粵時光食下中菜，整體來講都唔錯。我哋叫咗幾個小食，同一個主菜酸菜魚。蒜泥拍青瓜咬落好爽脆，少少調味下，食落好開胃。皮蛋入味，一啖配上啲青椒，味道唔錯。 我哋亦叫咗個四川豆干，份量多，可以沾少少辣椒粉，食落都幾煙韌，口感滑嫩。我最鍾意嘅係酸辣土豆絲，有幾濃醋味，份量又多，十分開胃。而主菜方面我哋叫咗酸菜鱸魚，一大盤，湯底酸辣度剛剛好，魚鮮甜，口感亦都算滑。最後帶咗兩杯飲品，一杯白桃養生花茶，一杯蜂蜜紅棗茶，甜度適中，飲落幾清新。 最後以冰粉作為甜品，上面有啲西瓜同花生粒，冰凍得嚟又帶點酸甜，不錯！

One of my colleagues invited me to join him for dinner tonight and since he loved Sichuan cuisine, he suggested Taste of Chuān & Yuè. It was located at V Point, behind Times Square at Causeway Bay.They served a wide range of Sichuan and Cantonese cuisine such as cold dishes, appetizers, meat, seafood, soup, rice or noodles, drinks and desserts etc. Honey lemon citron tea was sweet and refreshing, with yuzu bits at the bottom, making it slightly sour in taste. Orange juice was sweet as well, with

呢度個環境都幾好，窗邊位仲有超靚嘅夜景，整體來講嘢食酸酸辣辣為主，如果鍾意食嘅可以一試。酸辣魚皮鮮魚皮唔係好多地方有得食，魚皮切幼條，鮮味之餘酸酸辣辣，幾特別。口水雞口水雞見到佢咁紅超驚，但食落又唔覺得好辣，有雞胸同雞髀肉，兩種肉質都好味。涼拌秋葵秋葵爽脆好fresh，個汁比較偏醋味。青椒開胃清香鱸魚薄切鱸魚新鮮，魚肉超滑，個湯酸酸地，同紅薯粉都幾夾，夠開胃。黃金椰菜花個人超鍾意呢個，佢係流沙鹹蛋黃伴椰菜花，椰菜掛晒啲醬汁，口感爽脆又滋味。紅糖冰粉食完咁多酸酸辣辣嘅嘢，食返碗冰粉，即刻平衡返晒，夠滿足。幻彩白桃養生花茶呢個花茶比較得意，顏色勁吸晴，唔會好甜。

一次我朋友問我…『你傻的嗎？』我先發覺，係啵…我生存左呢個世界上廿幾年都無諗過呢個咁重要既問題。我諗下諗下，我真係唔肯定我到底係咪傻的嗎。所以我決定去周圍問下人，見人就問『我係咪傻的嗎？』，係呢個時侯我先知一直都係傻的嗎。想穿越時空搵返自我，倒不如去「川粵時光」搵返消失的時光？👇📌經 典 川 味 -▪ 酸 辣 魚 皮 -▪ 涼 拌 秋 葵 - ▫ 涼菜我唔算特別鍾意食，但今晚呢到竟然有D驚喜，「酸辣魚皮」質感爽滑彈牙，入口唔會成口油，但同時味蕾充斥住酸辣感，爽到爆呀；而「涼拌秋葵」相當爽口，加上自家製醬汁，辣得黎又夠開胃，兩個前菜我都覺得幾有水準。📌特 色 小 菜 -▪ 口 水 雞 - ▪ 黃 金 椰 菜 花 -▫ 輪到小菜方面，先試左個「口水雞」先，就咁睇份量夠哂兩人用，雞肉入口辣味夠出，麻香惹味，肉質亦夠嫩滑，唔會太肥岩岩好；另一款「黃金椰菜花」用左大量鹹蛋黃炸成，食落夠入味之餘，濃濃蛋香加微微辣勁，好食得黎又唔覺得太"漏"，唔錯。📌招 牌 海 鮮 -   ▪ 青 椒 開 胃 清 香 鱸 魚 -  ▫ 終於黎到招牌「清香鱸魚」出埸啦，每一舊鱸魚都預先拆好哂骨，食落啖啖肉之餘加埋大量

媽媽鐘意食川菜，臨近年尾出bonus, 決定請媽媽食餐好既！上網搵到呢間餐廳個名幾特別，感覺上係幾年輕幾fresh既川菜 就帶媽媽專登出到黎銅鑼灣，希望可以穿越時光食川菜餐廳既裝修好靚，好光猛，天花上既水晶燈十分搶眼我地嗌左3樣前菜冷盤，1個主菜同1個小食首先上既就係酸辣魚皮，冇改錯名，真係又酸又辣，辣度十足既一味菜，雖然媽媽鐘意食辣，不過都要嗌返杯凍飲去解一解辣嗌左橙汁同埋白桃花茶白桃花茶外貌幾靚，都岩打卡。涼拌海蜇雲耳，麻油味十分濃郁中和返剛才食魚皮既勁辣 海蜇爽口蒜泥拍青瓜，蒜泥味十分特出，不錯我地食完3個冷盤後，等多一段時間就輪到黃金椰菜花上菜好多蛋皇碎，炒得幾入味。最後既主菜 - 酸菜鱸魚份量好大，2個人完全夠食，鱸魚好滑，酸菜湯底亦幾重胡椒味，幾惹味另外有寛粉伴碟，煙煙韌韌好食最後既最後，當然仲有糖水先令到呢一晚更完滿啦我地嗌左紅糖冰粉，冰粉口感似白涼粉有西瓜，芝麻，nuts 撈埋一齊，口感幾特別我同媽媽彷彿穿越左時光，呢餐飯感覺過得非常快，但其實我地邊傾計邊食飯連埋上菜時間，係閒日既晚上都逗留左差唔多個半鐘真係歡樂既時光過得特別快呀！

因為朋友想吃辣，所以下班後就一起去試這家在V point新開的川粵菜。餐廳位於28樓，所以可以欣賞靚景。裡面的裝潢也很有中國特色，而且很安靜，很舒服，是適合坐下來慢慢聊天的好地方。我們點了3道前菜。第一次吃青椒加皮蛋，搭配起來簡直了，味道十分獨特。不敢吃青椒的朋友可以單吃皮蛋，也是十分入味。蒜泥拍青瓜雖然看起來很快簡單，但醬汁做得很美味，而且青瓜很新鮮很爽口，是一道不可缺少的開胃菜。再來是我認為最好吃的酸辣魚皮。想不到魚皮可以這麼有嚼勁，而且一點魚腥味也沒有，再搭配上他們獨特的花椒醬汁，又香又酸辣，讓人不禁一口接一口呢！主菜的話我們叫了水煮滑牛肉。超大一鍋，裡面還含了很多種食材，有牛肉，豆芽菜，鴨血，寬粉，竹筍，等等。每樣材料都十分入味，而且他的麻辣做得剛剛好，不太敢吃辣的我也停不下來。另外還叫了黃金南瓜，是唯一一道不辣的菜。南瓜外層是鹹蛋黃，它的鹹蛋黃一點都不油膩，而且很香，吃起來一點都不覺得膩。愛吃鹹蛋黃的朋友必點！最後我們的甜品都點了紅糖冰粉。這道甜品十分驚艷，它不像外面賣的紅糖冰粉那麼死甜。裡面加了山楂和西瓜，搭配起來十分美味，一點都不覺得突兀！吃完辣之後吃這道甜品很滿足！

銅鑼灣V Point餐廳均標誌住高質、大氣、景觀佳的代號，嗜辣朋友想吃川菜，又想好味、又想價平、又想環境乾淨俐落，更想有個靚景觀。看了「川粵時光」網絡評價，決定取其三，找這家性價比高的。酸辣魚皮點了幾款凉拌為主的前菜及兩份主食，前菜每碟幾十元份量卻不少。魚皮爽口彈牙富膠質，質感煙韌香口，紅黃紫天椒、香料與魚皮凉拌，麻椒香而鮮味。凉拌秋葵秋葵外皮爽口香脆內里帶膠質，面身及內里富水份，鮮甜不乾。師傅以豉油及辣椒點綴，更添滋味。凉拌海蜇雲耳選了一款不辣的前菜，以酸香為主，海蜇肥厚肉質爽口，雲耳脆身富膠質，味道簡單清新。青椒開胃清香鱸魚水煮魚、酸菜魚經常食，但青椒清香鱸魚卻不是很常見，味道較清新帶麻香卻不油膩。鱸魚薄而滑身，鮮味不腥，呷一口湯也不錯。酸辣土豆絲川菜必吃主食，土豆絲以幼而不斷、滑而不粉、清脆爽口為主。酸辣程度適中。幻彩白桃養生花茶夢幻紫色幻彩迷人，白桃香甜。蘋果汁紅糖冰粉整體來說，食物、價錢、服務也不錯，可以一吃。

川菜當然係中菜其中一樣好好食的佳餚今日最期待食水煮牛。環境超舒服，仲有幾間房，如果包廂就真係好高私隱度了。首先，先叫了不少前菜，手拍青瓜先黎個爽脆又開胃之選，簡單一份青瓜，脆得黎 又開胃，吾辣既。酸辣魚皮魚皮好爽，而且都好入咪，覺得酸辣魚片有油野好，魚皮爽，脆，但因為佢吾係紅油令佢酸辣，所以辣而不油。正尖椒皮蛋皮蛋，清，作為前菜及凍盤，都會好開胃。黃金南瓜 絕對值得推介，蛋黃個份量剛剛好，太多會太咸， 太少又有味，份量岩岩好，食出蛋黃咸香味，但同時又保留到南瓜甜味，南瓜寫既時間也掌握得好岩，一旦煮太耐會爛，太短時間又太硬，所以而家就岩岩好了。出面先係蛋黃咸，咬落去係南瓜香甜。水煮牛肉川菜我覺得係必食水煮，完全將個陣辣得過癮既香味發揮曬出黎。牛肉片相當滑，而且充滿牛味。加上寬條粉等沾片吸曬d辣味，超美味。加上荀，芽菜。又香又麻，但又會好想食。增磅都要食，真係太好食。最後仲有兩杯飲品，最後整個冰粉，中和一下，甜甜冰冰既感覺。

天冷吃辣是常識(❁´ω`❁)之前老公已經帶過我來川粵時光，覺得好好吃的我，今天決定二訪！首先夜景超美！！對著這景吃晚飯超加分！前菜點了蒜泥拍青瓜、酸辣魚皮和涼拌海蜇雲耳。青瓜好脆，好喜歡濃郁的蒜泥味！酸辣魚皮is my favorite！辣味不單剛剛好，不會過辣又不會淡而無味，而且魚皮超彈牙！！！！好吃到瘋掉～涼拌海蜇雲耳又是另一款我的至愛❤️這款前菜最怕麻油味太濃，但這一盤的麻油味香而不濃，海蜇和雲耳也行爽口，果然是不敗頭盤！主菜選了酸菜鱸魚和黃金椰菜花，鱸魚大大件，啖啖肉！酸菜湯底不會過酸，底下還撈到有非常彈牙煙的麵條，好豐富！黃金黃金椰菜花是老公的至愛，上次我們也有點！雖然滿滿是咸蛋黃醬，但一點都不咸！吃到的是非常香的蛋香味！我們點了鮮榨橙汁和蜂蜜檸檬柚子蜜，用來配川菜原來很搭配！最後再來一碗紅糖冰粉結束這場美食盛宴吧(◍ ´꒳` ◍)晶瑩的蘆薈加入微甜的紅糖，感覺相當滋潤❤️除此之外還加入了西瓜粒和果仁粒，口感超有層次！

今日同男朋友黎銅鑼灣試吓喱間川菜，上網睇個環境好似幾好。上到嚟淨係可以scan安心出行冇得寫字仔>< 不過成個環境感覺都幾好，都算靜靜地，幾啱同朋友傾計👍🏻但上菜時間都有少少耐🥺就適合慢慢坐傾下計，如果趕時間就唔好嚟啦🤣咁我哋就叫咗三個前菜青椒皮蛋，辣辣地鹹鹹地幾開胃👍🏻 蒜泥拍青瓜 四川豆干就不過不失 正正常常~ 飲品叫咗蜂蜜檸檬柚子蜜同蘋果汁正常。小食叫咗黃金南瓜 南瓜配鹹蛋， 幾特別！配埋一齊幾夾！之後叫咗鮑汁雞粒炒飯，一煲熱辣辣上枱，都幾惹味！最後甜品叫咗紅糖冰粉 正正常常 做飯後甜品幾好～

銅鑼灣新開左v point多左好多野食，幾個月前食過同樣在v point的韓國炸雞，今次食川菜/粵菜。呢度小食有好多選擇，我地都好多心地點了3份小食。青椒皮蛋係好好食！！係必食呀！開頭怕辣，淨食皮蛋唔食青椒，皮蛋係入口即溶，oh my god! 原來啲青椒都唔算好辣，加埋皮蛋一起食，係另一食法，都好好味。好味道差啲想再點多一碟😆蒜泥拍青瓜的蒜泥不算多，但個醬汁好香，青瓜好爽口，都好好食。四川豆乾相對口味較淡，不過豆味好出。自從吃過星加坡手信鹹蛋魚皮後，愛上了鹹蛋黃醬的食物，雖然很邪惡，但未試過食黃金椰菜花，都係叫了一份。呢個黃金醬調得剛好，加上每一顆椰菜花都沾上足夠的黃金醬，亦唔會好漏。因為我同朋友都唔係太食到辣，於是點了辣酸菜鱸魚走辣😜鱸魚好新鮮，很有咬口。除左鱸魚，仲有不少菇，以及有啲扁麵條，索曬啲湯底好好味。甜品點了紅糖冰粉，建議攪一攪勻才吃，因有山楂汁在底，跟冰粉很搭。吃完透心涼，如果在夏天吃更消暑。飲品點了幻彩白桃養生花茶及橙汁，花茶除左賣相好靚外，白桃酸酸甜甜的很好喝。