川莊

营业中

休息中

出來朗豪坊睇戲，就在附近搵食的；想起之前吃過呢間餐廳，印象中係好食同埋大份，於是再次嚟試吓。同預期一樣係好大份，同埋味道系good的，不過價錢上都算偏貴，但都值得試吓。📌📌📌茶/熱水x2 $30八寶茶選用玄米茶，加入了紅棗、杞子、圓肉、冰糖、菊花、陳皮、甘草。味道有點像麥茶和有一點甘甜味；很清爽可以解膩南充特色酸菜魚（例牌）$367（可選擇辣/不辣；例牌價/珍寶價）- 小辣- 木薯粉條 $35（一開始不知道原本就有 我們自己加了一份 在吃的時候感覺永遠吃不完🤣最後還是被我們清光光😋）- 長豆卜 $31- 白蘿蔔片$33- 多蒜蓉我哋揀咗鱸魚小辣，例牌都已經好大一盆，份量好多；魚好大塊肉厚實鮮美，好好食😋 底下有薯粉，酸菜都極多，又酸又香又有點辣，正正七彩雞冀拼盤 $953 款辣味，4 款不辣七種唔同醬汁（香辣/麻辣/转式辣/紫薯芝麻/沙律醬/芝士）；一次過試唔同味嘅雞翼都幾特別，雞翼烤得都不錯特大新鮮果茶（700ml)x2 $93（做緊第二杯半價 原價$62一杯）好大一杯 有火龍果、橙子、青檸，清甜 都幾好飲🧮🧮🧮Total HK$585，10%服務費另計 （2人）

好耐之前喺元朗食過一直都覺得好好食搵咗好耐，原來朗豪坊都有所以就book咗朗豪坊分店食川菜味道有一至五嘅辣度我就叫咗個2號員工話係中辣嚟嘅薯粉好煙靭下次會試吓水煮魚不過真心Cocktail就覺得麻麻哋

今日去朗豪坊市集，順便打算用埋上次張$200現金券，所以同朋友再次黎幫襯，門口見到做緊推廣，叫酸菜魚加$168就可以加一隻辣爆龍蝦，於是乎，我地叫左個酸菜魚，加左隻龍蝦，仲叫左個辣嘅肉碎生菜包，酸菜魚一如以往，味道剛剛好，魚肉嫩滑，底配嘅薯粉吸晒酸菜嘅味道，非常開胃惹味，跟住龍蝦黎到，一啲都唔細隻，相信街市買都要百四五蚊，所以覺得非常抵食，味道仲好好味，重點係唔太辣，好味！呢個生菜包好似去食泰國菜咁，但味道比泰國菜果個乾身好多，包住生菜包黎食，辣味出晒黎，口感清新！抵讚！至於服務方面，啲員工都幾好禮貌，當晚食左差唔多2個鐘，見佢門口有人等位，但都無埋黎叫我交檯，可能而家生意難做，不過都值得再次幫襯。我同朋友食得都非常飽👍🏻👍🏻👍🏻👍🏻👍🏻

酸菜魚外表色澤鮮艷煮熟後的酸菜魚湯汁潤澤，散著誘人的酸香氣息。酸菜的酸爽，與魚肉的鮮嫩多汁相得益彰，融合在一起。入口時酸菜魚湯汁咸鮮適中，配以薯粉好好食乾煸四季豆好香口 ，入曬味反而茄子略為遜色，不夠濃味！

未食過一個水煮魚咁鬼難食，勁鹹又麻都食唔出嗰個係舊魚，叫左小辣淨係食到得個好L鹹 ，最後用水洗洗先食到以前食都冇咁鹹，今次飲到成肚水個口水雞都係勁鹹整體水準下降，冇咩事都唔會再食🫠

琴日平日12點去咗食酸菜魚。係返工時間，但係都有五六枱人客, 算係有人流。叫咗個唔辣嘅酸菜魚, 另外再叫咗個招牌炒飯。上菜速度正常,酸菜魚裏面已經有粉,個粉係粗身已經入晒味, 同埋好煙靭, 係會想再添嗰種😋。啲魚佢有分普通同埋桂花魚揀, 今次叫咗普通, 佢味道十分濃郁，老人家就會覺得鹹咗啲。同埋個魚會連埋啲魚皮感覺好新鮮, 二人份量$268喺朗豪坊嚟講唔算貴。桂花魚就328下次會試吓。佢嘢飲做緊第二杯半價, 本來想試水果茶, 但可惜唔飲得凍嘢。會有茶芥, 佢嘅茶杯係好似功夫師傅用嘅會有個蓋要慢慢飲先至可以格到啲茶渣, 因為佢啲茶葉全部放晒落個茶杯度，所以有少許麻煩，但可能係特色。埋單$468二人用, 呢個價錢喺商場裏邊都叫可以接受。呢度氣氛好好, 靜靜地光線又調暗, 係舒適嘅地方。

前日,我與好友一同前往位於朗豪坊的川莊餐廳食飯。作為地道的川菜餐廳,川莊的菜式讓我們大飽口福。第一道鮮嫩可口的小炒雪花牛肉。香炒牛肉散發出陣陣誘人的香氣,咀嚼之下肉質鮮嫩,入口即化。配上一碗香飯,更是美味無比。緊接而上是一道是燒菠蘿。將菠蘿切片後,以獨特的烹飪手法烹製而成,酸甜可口,令人胃口大開。最叫我難忘就是那道惹味十足的桶蠔。蠔肉飽滿鮮美,配以恰到好處的調味,令人難忘。最後一道炒花菜同樣出色。花菜保持了應有的爽脆口感,煮時適當掌握了火侯,令這道素菜也成為了一大亮點。

今晚去朗豪坊睇戲，因為有四小時泊車優惠，所以就順便搵埋食，朋友想食辣野，所以上左十二樓呢間川菜-川莊，以前呢間係朗豪坊人龍店，夜晚無論咩時候都有人排隊，可能香港經濟低迷，市道不景，無需要排隊，門口侍應帶到入去，都叫滿座，只係剩返一張窗邊枱，可能好耐冇嚟過，而家都係用QR code落單，一用手機落單，就有一個推介彈出嚟，石鍋辣桶蠔，本人鍾意食蠔，所以就叫咗一個嚟試吓，嚟到熱辣辣，上枱仲吱吱喳喳，一睇就好惹味，食落就非常好味，辣味啱啱好，最重要係有蠔味，呢個非常好食，值得推介，反而叫咗個辣椒炒牛肉，辣度夠，可能有個爐熱住嘅關係，最後啲牛肉有少少老，仲叫咗個燒菠蘿，酸酸甜甜非常開胃，整體味道都唔錯，價錢雖然比深圳高，但係喺地價高嘅香港，完全合理！

🔻珍寶水煮魚 $288魚肉鮮嫩多汁，配菜豐富，湯汁濃郁香辣🌶️配料有：午餐肉、萵筍、蓮藕片、水晶粉皮😆🔻霸王炒飯｜$118啲飯粒粒分明，一上菜就好香😍飯上面仲有櫻花蝦，好有口感！🔻木須肉炒拉麵｜$115本身以為平平無奇，點知都幾有驚喜😳🔻甜奶迷你饅頭｜$42外脆內軟，點煉奶，一啖一粒🤩🔻雞絲粉皮｜$88外面有粉皮係用芝麻醬不過依個係正宗麻醬😍超好食🔻成都回鍋肉｜$115送飯一流，好惹味😌

今日我哋4個人，用餐$1382。首先入到去冇客，但俾咗一個靠住一條柱嘅位置，我話想坐梳化位，一個大媽待應很不情願為我換了位置。然之後我哋自己手機落單叫咗嘢食，跟住想叫烤魚，但係有兩種唔同，想問吓有咩分別？都未曾問淨係講咗唔該，大媽服務員態度非常差狠聲惡氣地講：自己落單自己叫嘢。之後見到嘢飲買一送一，叫咗2杯$58，2杯$62，但見張單收咗$124，你收多我$4蚊都算。條魚嚟咗又細條又冇肉（已經叫咗最貴果隻），水煮牛肉又係好少牛肉，d嘢份量少，張枱又黐笠笠，食得都唔開心，買單走人。去到門口見寫住1-5點8折，就問吓係咪有8折，都已經比緊錢，第二個大媽侍應惡狠狠地話：呢個係要做會員，你哋要做去樓下做（意思係話唔好阻住我）。咁嘅服務態度，幫老闆倒米，等執笠啦！唔怪之得d人全部走上深圳食嘢，抵你哋嘅，唔該檢討吓啦！

嚟到川莊，第一彈就係佢嘅招牌水煮麻辣豆花烤魚，講真，啲魚肉滑到出晒嗲！配埋麻辣湯汁同豆花，辛香鮮爽，刺激到舌尖都有韻味！🌶️ 窩筍條脆口過癮，鴨血呢，就係入味到爆煲，溶入湯汁嗰種滋味，正到彈指！👏🏻當然唔少得試吓佢嘅川莊炒飯嘛！啲飯粒逐粒分明，炒香咗又唔會太油，啲蛋香同蔥花嘅配合，簡直係舌頭上嘅花火秀嚟嘅！🍚實言嚟講，呢間川莊麻辣過癮到讓人一次過想試哂成張菜單。三五知己，揀個風和日麗嘅日子，嚟呢度撈一撈，講笑吹水，食到個肚圓，滿足到咁啦！🥳🍲🥢

每枱送上八寶茶，有菊花、杞子、玄米等等，飲起嚟清爽。手拍黃瓜木耳酸酸甜甜嘅，黃瓜好爽脆開胃南充特色酸菜魚我哋揀咗鱸魚，小辣酸菜魚好大一盆㗎，份量好多鱸魚好大塊，魚肉厚實鮮美，好好食底下有薯粉，吸滿湯汁湯底夠酸，又好香老四川樟茶鴨色澤紅潤，茶色外皮有淡淡嘅樟樹茶煙香氣好入味，肉質結實鴨味香濃，唔油唔膩清炒五色蔬有茄子、蓮藕、紅蘿蔔、豆角蓮藕爽甜脆口，紅蘿蔔清爽茄子軟糯，豆角甜味，口感豐富水果茶，好大一杯有火龍果、橙子、青檸，清甜好飲

本身有fd食過，就入黎呢間都試下，咁岩唔多人即刻入得，叫左個酸菜魚！雖然辣，但佢個味好足夠，而且可以自己叫配料加，佢個鴨血同萵荀都入味不過可惜晚市冇烤魚，如果唔係都想試下

对于川菜一直是情有独钟尽管挤不出时间真正去四川当地品尝但是香港正宗的川菜馆我也是常客之一 每次来朗豪坊想吃川味的时候必定会光顾这家川莊他家的招牌水煮鱼和酸菜鱼真的很顶很正宗 他家的八宝茶我也很爱喝，解辣又解腻~引入的四川四色四辣调味粉也是一大特色！ 🌟 招牌南充酸菜鲈鱼例牌来了一定会点的招牌菜之一南充特色酸菜是出名的好吃，可以说它是酸菜鱼的灵魂正因为有它为底，搭配鲜美的鲈鱼口感才酸香鲜美，酸辣可口而且鲈鱼肉鲜嫩没有刺，一点都不腥这道招牌菜大力推荐！ 🌟四川保宁醋香排骨也是四川传统的菜肴之一了，排骨是肋骨排骨，我最喜欢吃这种排骨了味道酸甜可口，蘸取醋香汁，真的很解馋和下饭~🌟简阳辣子羊肉一上桌就看到羊肉和干红辣椒满满一盆简阳的辣子羊肉吃过的人一定忘不了羊肉很嫩，非常入味，带有麻辣的口感真的麻辣鲜香，很有四川特色~ 🌟肥美猪大肠串（香辣）大肠肥美，处理的很干净外皮烤的酥脆，辣的很爽口~ 📍 川莊地址：旺角亚皆老街8号朗豪坊12楼12号铺（港铁旺角站 C3 出口， 港铁旺角站 E1 出口， 港铁旺角东站 B 出口）

11月幫襯，不過嗰次嘅用餐體驗真係令我好失望。首先，佢嘅食物太鹹嘞！唔論係寬粉係配菜，每樣菜都好重鹹，完全掩蓋咗其他嘅味道，食完之後口渴咗好耐。其次，我仲未食晒嘢，店員就過早咁收走咗我嘅食物。真係唔明點解佢地咁急，我仲未食夠，就已經收走我既野。呢種急促嘅服務態度令我感到好唔舒服。再者，餐廳嘅環境唔係好乾淨。桌面上有好多污漬，四周都係油，地板上都有碎屑。呢啲情況令我對餐廳嘅衛生標準有所質疑，都影響咗我嘅用餐體驗。最後，令我最嬲最嬲，本身朋友比咗張一百數現金卷我打算試下，我2個人本身無叫野飲，2個侍應生輪流行埋黎問我地叫唔叫野飲，做緊買一送一，但係又唔同我地講話買一送一就唔可以用現金卷，埋單先知，令顧客用多百幾二百蚊，真係好嬲。總括而言，「川莊」餐廳俾咗我一個唔太好嘅印象。佢哋需要改善食物嘅鹹味問題，提升服務質素，確保用餐體驗嘅完整性，同埋加強對環境嘅清潔管理。呢啲改進可以幫助提升餐廳嘅口碑同客戶滿意度。