川 (已結業)

➭元朗【元朗隱世串燒居酒屋，必食燒白鱔】 -平民居酒屋不限消費不限時，性價比極高，最啱三五知己吹水飲酒-✦ 雞泡魚乾｜$30居酒屋必點，比平時出面平一半嘅價錢，燒得外脆內軟-✦ 牛舌串｜$18厚切牛舌十分腍身，不會燒到太乾-✦ 雞翼串｜$183隻！醃得入味，外皮少少焦脆，配上啤酒一流-✦ 白鱔｜$24新鮮白鱔，鱔皮燒得香脆，同時鱔肉仍有保持肉汁。沒有多餘調味，只灑上少許岩鹽就帶出肉質鮮味，比不少高檔屋酒屋處理得更好，掂！-✦ 錫紙金菇｜$26每次必叫，鏗魚高湯味道鮮甜。飲啤酒食串燒同時有啖暖湯入肚，十分舒服，又可以解一解油膩感-✦ 鴨舌 白板串 牛肉 燒蜜蜂粟米 娃娃菜 烏冬｜$15-25每種食物都配有不同調味，並非單一的只落孜然或辣粉，而且肉厚大份，一串粟米就是一整條，令人十分滿足-✦Sapporo ｜$30/50-( ´ ▽ ` )ﾉ。。。。。。。。。。。。。。。如果不是朋友介紹未必會留意到一條平平無奇的昏暗小巷竟隱藏藏一間頗高質的居酒屋。🫣-綜合每款串燒水準都不俗，質素不輸高檔屋酒屋，價錢都十分相宜，啤酒價錢亦不貴，吃吃喝喝很快就過了兩三個小時，但完全不會有被催促的感覺。🥹-餐廳

話說我哋今日三個女仔想食呢間，首先佢唔俾飛已經係一個問題，因為真係會好亂🥲後尾我哋等咗半個鐘，有個朋友入去問大概要等幾耐，老闆已經黑晒面！OK咁我哋繼續等，再等多半個鐘，即係一個鐘。有一台客走咗，我哋諗住終於到我哋。點知老闆出嚟，完全無視我哋，同一班只係等咗15分鐘嘅熟客講可以入去😡🤬其實佢講句sorry我哋都冇咁嬲，但係老闆真係完全無視我哋！加上等位嘅環境極差，下一條好狹窄嘅黑行，又污糟又危險。店內環境非常狹窄，萬一有火災，客人十分難逃生！

等咗一個鐘，入去問老闆要等幾耐，完全係唔想理你嘅態度，冇答過我。等咗一個鐘，最後竟然話有人訂咗枱都係唔俾我哋入，但係佢係冇同過我哋講嘢，都係完全無視嘅態度。一句”唔好意思”都冇講過都唔知點做生意

在元朗一條不起眼的小巷內，有一間隱世日本菜串燒店《川》若然不是朋友介紹，平日也未必有機會留意到這間小店。店鋪格局很細，坐位不多。店員在點菜後，很快便遞上冰涼啤酒，加分🍻我們點了：厚燒牛舌串 ($18)❤️招牌翼翼串 ($18)❤️錫紙金菇 ($26)❤️牛肋串 ($18)白板串-即五花腩（$18）燒牛仔骨（$29）❤️川骨腸（$18）❤️Sapporo($30/$50)不設加一服務費.印象最深刻是錫紙金菇，鏗魚高湯十分鮮甜，還可以解一解串燒的油脂感，入口舒服暖胃。牛仔骨燒得超香，醃料入味，口感鬆軟多汁。川骨腸是我個人的日式居酒屋必點串物，萬年不敗綜合串燒質素很有水準，適合一邊跟朋友談天歡聚，一邊小口品嚐、小酌數杯。串燒上菜時間並不快，趕時間的朋友要注意喔～

食材今次好正，再來係正確的，今次坐左係C父前面，睇住d串串放哂係個爐上面，真係流哂口水，今次學精了，吾巧叫甘多住，吃完一轉再一轉，我們吃了三轉，必點牛舌，鴨舌，雞肉，雞肶姑，雞亦，鵪鶉蛋，錫紙金菇，烏冬，九菜，重有最靚ge豬南肉(麥兜必唱)，菠蘿(吾係求其燒兩嘢架)，燒粟米愛死了，睇到C父正切鰻魚，立馬就order了，味道淡左少少，吾知係咪甘，旦好吃羅，限量的，我地再叫時衹有最後一串了，我今次飲左黑啤，她們飲生啤，談談天，又過左一個晚上。有樣要提一提，C父一個係度燒嘢食，另一個直情係三頭六臂甘濟，又送串串，又執台，又安排坐位，又收$，人多時外面等位La，辦得閒去派飛叫號，都係自律排隊等la，有位執好自然叫你入，吾好話人吾服務你。我哋會再再再。。。來也，HeHeHe。

今晚本來打算去打邊爐，却被巷內的紅燈籠吸引了。店內位置不多，有一行吧台，亦有4人座，今晚客人不算多，因為是平日，等了一會便入座了。C父收到訂單後，會把一串串的食物放上烤爐上燒，反呀反，我估計那個位置會幾熱下，C父灑鹽花的手勢，型。我們點了牛舌(超推介)，鴨舌，雞腿肉(啖啖肉)，金菇牛肉，日本小椒(有點細條)，雞亦，牛仔骨，肋條(有點硬)，雞心。。。。生啤兩人喝了6杯500ml的，下次會試下黑啤和其他食物例如，粟一燒，菠蘿。。。。

川 (元朗)📍元朗鳳攸東街9號好順意大廈地下64-65號舖同女朋友行緊諗住食啲咩，行行下見到路邊有個廣告牌，旁邊掛住個大燈籠🏮就俾佢吸引左埋去👀之後望到牌後邊有間舖，門口掛住一排紅色燈籠 🏮原來係間日式居酒屋，於是就決定食呢間。店舖以日本居酒屋設計，7點零去到冇咩人，環境氣氛都坐得算舒服 😌 落完單都好快上菜，2個人叫左2杯啤酒，同10個小食，埋單$381都算抵食。🐡燒雞泡魚有少少似豬肉乾，比想像中大份肉厚有咬口。🦆👅燒鴨舌又香又軟的下酒菜，淡淡焦鹽味🫰🏻🐮 👅燒牛舌入口軟滑多汁帶有焦鹽，有種口中溶化感覺，好好食👍👍🐮 牛肋串似牛柳粒，焦鹽撒在面上，質感較牛柳粒硬些少，有口感👍🧀 燒芝士年糕食落好似比較軟身既芝士味麻薯，上枱時熱辣辣，芝士味岩岩好，推薦試😋🐟燒鯖魚魚皮帶有少脆，魚肉鮮美，鹽和燒烤味相配合都相當平衝😍🐓 燒雞翼外皮少脆，肉質鮮嫩👍👍🥬燒娃娃菜估唔到都好好食，少少燒焦再加焦鹽在面上，下酒一流 🍻🍍燒菠蘿燒到十分軟，食落啲汁好似水咁流出來，正👍🥬燒菲菜焦鹽撒面，口感軟身帶滑，也是一款適合下酒的菜。🍆燒茄子一上枱已耳到好大陣蒜香味，新鮮熱辣，夠入味👍

好難想像2022年仍然有食肆要等位而無人登記、無人派飛，由七點等到九點、前面只有一個人排，但期間不斷有人入去,去問職員點解、竟然話有人book咗檯，但一開始排隊時從來無人提及過會有人book位，要客人係門口食油煙食足兩個鐘，如一早講前面有訂檯，需要等咁耐，就唔會係到白等，只係咁講好快有檯，等緊埋單⋯⋯唔會有下次，食物水準唔值得等咁耐

先講態度餐廳做法真係好有問題完全唔理出面等緊嘅客由得出面啲客等由頭到尾冇出過黎冇比飛、冇講要等幾耐左右結果等左超過一個鐘！係一個鐘！！仲要係條又濕又污糟嘅後巷等咁耐唔係因為佢好食原來係6點半岩岩開門一次過入左第一轉客結果等到8點2仲未有得入！你岩岩入左一轉客係咪有責任同出面等嘅客講聲要等耐啲呀？！你同我講左 我就唔洗係到呆等啦！食物方面亦唔見得有幾出色只係普通串燒嘅味燒茄子好似冇落調味咁咁嘅質素永無下次！

性價比唔值食落口十分麻麻食材唔差但食物質素普通到不能到普通且不斷見放員工放野入微波爐叮 再烤翻靚個面 好多嘢都減咗一半工序 食落口就截然不同我地想食串燒 不是快速食品 串燒不應這樣可能店員踢曬腳 要咁樣偷時間燒肉串比較乾身 調味唔穩定 主要靠味椒鹽吊味菜類偏乾柴 甚至乎偏燶只可以話無咩誠意 唔值得排隊店面迫身 四個人坐得都唔舒服有飲酒賣單人頭費大約$400絕對稱唔上平同價位同區一定大把有更加好選擇志在同朋友傾吓計 未必會再幫襯

是咁的，八年前啱啱搬到附近，想食串燒見到佢，就入咗去食發現串燒好好食，到而家八年過去，仔都五歲，就帶埋仔仔過嚟食啦。而講到我嘅推介，就係雞髀肉、雞翼、鰻魚、墨魚丸、金菇肥牛卷，同埋烏冬。雞髀肉上邊有白芝麻，咬落鹹鹹甜甜，肉質非常彈牙。而雞翼外邊脆皮，入邊有肉汁。佢哋嘅鰻魚選用左新鮮鰻魚，脆皮，唔係日本嘅照燒汁，而係淡淡的鹽味。墨魚丸我覺得佢係用咗墨魚膠，因為非常彈牙，仲有墨魚軟骨喺入邊。金菇肥牛卷我本身係唔食嘅，但我老公覺得非常之美味，因為塊牛肉係脆嘅，外邊沾滿醬汁，非常惹味。二烏冬就變咗係我仔嘅最愛，鰹魚湯汁嘅烏冬，口感非常彈牙軟滑。以前佢哋仲有部月光寶盒機，我仔會去打機，不過而家都壞咗啦。希望我可以繼續食到佢哋嘅串燒啦！

本身睇完大家的食評之後滿懷期待去買宵夜點知真係中曬伏首先食左佢既豬腩肉，非常乾身而且明顯燒既時候太過火，食落好韌好咸雞腎都係硬到咬唔開果種所以我最後都係放棄左真係好失望全晚最正常都係得茄子係合格，其他都好一般

回想晚市無堂食嘅日子，我最傷心，就係無得去川🍢🍻川係一間平民居酒，價錢可親，食物質素很高💯要數我最鍾意嘅食物，就係—白板串啦😋相比起出面嘅燒厚切豚肉/腩肉，川嘅白板串相對薄身，但我覺得依個厚度同脂肪比其實係最食用friendly，燒完唔會變到好乾身好硬，又唔洗勁咬嚿肉咬到啲肉痴哂牙！另外，都好欣賞佢地嘅燒肉唔會好濃味或好咸！簡簡單單又佐酒🍻 (sapporo draft beer here😍)每次坐底第一咪餸就係食梅漬蕃茄🍅少少酸、多多甜，好開胃😋作為一個澱粉質控，我每次嚟川都一定會叫湯烏冬🍜記得有次同2位朋友嚟，佢地話要減肥喎，要share1碗湯烏冬，我就自己勁擦1碗，佢地最後都係忍唔住share多1碗🤭 佢碗烏冬望落好平凡好似好plain咁，但其實串燒大師係精選咗日本魚乾製成湯底🐟湯面灑上大蔥，增加味道層次，個湯好飲💯烏冬方面，滑lülü，唔會好淋。由於依個湯烏冬味道唔會好搶，所以都好夾串燒！一個人嚟食串燒都無難道😉好欣賞川總係可以用平凡嘅食材，煮出不一樣嘅味道，襯托居酒屋嘅不同料理💯燒鯖魚：好多時燒鯖魚都會係中間魚肚劏開反平嚟燒，快啲燒熟條魚；而川嘅嘅燒鯖魚則係切走咗頭尾，起咗

已經食過好多次呢間串燒店，貪佢好有feel，若果想再有feel啲就一定要Book佢既卡位，私人空間感再大啲！係我心目中有三樣野係必叫既！第三位係墨魚丸，佢地既墨魚丸外脆內軟，就咁食已經好好食，但點沙律醬或者雞醬就會有另一番風味！第二位係雞翼，正所謂燒雞翼我中意食，所以食串燒係一定要叫既，而呢度既雞翼亦相當出色，唔會燒到好鞋口，仲充滿肉汁，諗起都流哂口水！第一位係鰻魚，呢個真係私心推薦，因為我本人相當喜歡吃鰻魚，而呢一間既燒鰻魚燒到個皮脆卜卜，而個肉又勁軟，熱辣辣咁放入口，唔駛點任何醬都已經好好食！因為好食既野實在係太多，黎個雙冠軍啦，就係燒茄子，呢度既燒茄子唔會好乾身，咪睇佢好淺色咁但其實都好有味，但又唔會被過份調味變到勁咸，我每次都會一個人食哂一整條！其實佢地所有既串燒都異常地出色，食完唔會好頸渴，仲食到食物既原味道，因為我真係好怕食材被調味到不似食物形，所以呢間係我心目中相當高分！希望店主繼續努力燒，我一定會繼續幫襯，加油！

唔係朋友帶我嚟，都唔知原來有呢間開喺巷仔入面嘅居酒屋🏮📍 大茄燒🍆 ($26)：最鍾意食燒茄子！茄子燒到好soft，撈埋鋪喺面嘅蒜蓉一齊食真係一流🤤🤤🤤 推薦大家❤️好食指數：5/5📍 厚燒牛舌串 ($18)：牛舌調味調得啱啱好，燒得脆脆哋，咬落啖啖肉，正！而且性價比非常高！好食指數：5/5📍雞泡魚干($35)：燒得唔會太乾身，好滋味😋 食完一塊會忍唔住繼續食下一塊😂好食指數：4.5/5📍招牌雞翼串($18)：雞皮燒到好脆，係好味嘅，不過可以再鹹返少少好食指數：4/5📍肥牛金菇卷串($18)：食落好juicy，幾好味，稍嫌金菇有啲燒燶咗好食指數：4/5📍燒一口日本甜蕃薯($14)：預想中嘅味道，係甜嘅😂 無燒燶值得一讚好食指數：3.5/5📍脆脆鰻魚串($32)：鰻魚皮無想像中咁脆，味道正路好食指數：3/5🌸居酒屋嘅座位唔多，因為得一個師傅，所以食物等待時間都有啲長，好大機會需要排陣隊先有得食，而且會有油煙味，要嚟嘅話要有心理準備😉抵食指數：4/5環境指數：3/5推介指數：4/5