巡味

营业中

休息中

眾安街落巴士行過黎都好近, 少黎呢頭都唔知原來開咗咁多resty呢間定位似茶記, 但dinner都好多餐揀, 五十幾蚊跟老火湯/飲品唔會太頹叫咗個鹽焗雞飯同好邪惡嘅香矛豬排蔥油飯老火湯好快上枱, 係大大碗粉got豬骨湯, 唔覺好重味精 好味之後鹽焗雞飯都好夠味, 咸咸哋好惹味, 仲有跟埋個沙薑醬, 想食重口啲都可以自己再點個香矛豬排蔥油蛋飯呢, 不得之了蔥油量勁足, 之前食其他餐廳有啲會懶健康咁俾好少, 或者直接貨不對辦 變咗薑蔥QQ豬排都好淋, 無筋, 大推

假日下午茶都只係$40，凍飲加$3，正在炸脾薯皇可以轉拼西多！炸脾都係新鮮熱辣即炸好大大隻！西多半份都大過平時人地出面買一份果啲！出奇地見到呢度無乜食評，留個食評支持下小店啦

想試下呢間荃灣分店，点知話冇例湯，是但啦，照叫一個沙姜海南雞飯，到左，点解會係白飯，叫佢換返雞油飯，到左，点知半碗都係飯焦，雞肉又實，食過咁多間，呢間都算最差，唔會再幫襯

今日同同學仔上堂之前決定要去買個外賣早餐，經過呢間位於荃灣街市街162號地舖時候，就畀佢嘅薑汁豬潤即食麵呢個早餐吸引左，響香港真係好少地方早餐有豬潤食，我呢個豬潤愛好者絕對不能錯過啦！薑汁豬潤即食麵，薑汁豬潤湯，薑絲比較幼，食到有少少酒味，兩者加上剛好把豬潤噶腥味闢除，還帶有少少胡椒粉同薑嘅辣，食落去暖笠笠，還有兩個煎蛋，因為湯同面係分開裝嘅關係，所以返到去食嘅時候D面都不會淋曬，再加返杯奶茶提神，正。食飽又可以練習了。

職員上錯飲品，通知職員嘅時候職員態度極差，話係我哋講錯，但其實已經重複咗起碼兩次話要係奶茶，隨後職員極躁底咁向廚房大嗌更改飲品。最後杯嘢飲嚟到都唔知係咪有意，全杯都係冰！有三分之二嘅冰都算，啲冰多到落杯底真係過分咗…冇咗油飯職員亦冇通知，淨係放低碗白飯亦都冇任何解釋。嘢食普通，因為有老人家喺度，叫嘅嘢食都唔叫重油重鹽，但係菜真係好鹹，食過一次啲味同咗，鹹咗好多，唔知係咪工作人員唔同咗。個重點真係態度超級超級超級差。

乾炒牛河太重梳打粉，吉列魚柳唔明點解都要用梳打粉，炸雞髀太重雪味，星洲炒米乾爭爭，祇有一口西多最好食，但一口西多士嘅下午茶餐要成$32一個,性價比低，座位坐得唔舒服，食物方面希望店主可以大大改善

近排因為要睇傢俬，為求方便隔離有乜就食乜🤭 食過兩次，呢度真係令我有啲驚喜🤗 我第一次叫咗嗰餐，有無骨海南雞、豬扒、包湯/餐飲🙊 三個人都夠食，性價比好高，雖然佢嗰雞有啲Un，但佢嗰檸檬茶真係好好飲😎再嚟多一次，今次4個人叫咗菠蘿生炒骨$76、黑椒薯角牛仔肉$80同埋上海回鍋肉$76😋 佢嗰黑椒薯角做得好好，牛亦都好淋，生炒骨就不過不失🤔️ 不過佢嗰回鍋肉完全唔係嗰回事🙈 就有啲失色😳可能因為本身對佢無乜期待加埋佢嘅價錢，所以覺很好好食🤓 同埋員工服務質素都好好，嗰個都好nice，如果嚟食留意下佢哋件衫，好特別🤗