左麟右李粥麵小菜專門店 (已結業)

星期六下午一點半，見得呢間有位，諗住試下，原來唔洗等係有原因。叫個set, 點心 + 小食 + 飯，點心竟然無蝦餃揀，擺明想人另落order。一落完order，竟然係炒飯黎先，完全無次序可言，明白廚房做野好難控制，但都唔好咁過份，要人個炒飯食左一半，啲點心先黎。點心啲羅白糕太多粉，食到你飽。牛肉腸啲牛肉無味。呢間野啲食物，可以話粗製濫造，稱唔上好食，但價錢唔係平，完全攞左麟右李個名黎呃人，唔會再幫襯，亦唔建議人幫襯。

今天去左黃埔嘅美食城吃午餐。這次試試左鄰右李。這家店的裝潢有少少中式，又有港式茶餐廳的格局，座位有一定距離，又有卡座，坐得幾舒適餐點方面既有雲吞麵、粥品、也有點心、茶餐廳的典型食品供應。福建炒飯$108這福建炒飯大大碟，材料也豐富，有叉燒、蝦仁、菇菌、瓜和蘿蔔等，色彩豐富，茨汁的嘅厚度剛剛好，唔太稠厚，滿有鮮味，加上炒飯底，十分滿足。金牌叉燒煎蛋飯$88這金牌叉燒煎蛋飯以鐵板上，熱乎乎的，叉燒有瘦叉燒又有半肥瘦叉燒，部分叉燒肉質軟腍，帶一點肥膏，少少蜜汁甜味，配上煎旦和甜豉油，味道ok.福建炒飯味道不錯，而且份量十足，二人分享可更合適。

呢間嘢近舊公司同事鐘意食所以我都會就佢過唻今次真係嬲到我立即打呢篇嘢碟嘢樣衰到一個點！我係甚少投訴既人同佢講仲好意思話午巿套餐係咁午巿套餐免費啊以家？你自己睇清楚碟嘢先啦！蛋唔係貴，仲要咁少講話涼瓜肉鬆，肉鬆呢？溶左啊？我唔係無唻開食平時無咁差囉

這家餐館本來是去吃午飯，和朋友一起開開心心去，服務員態度非常差說話愛理不理，問他問題也不回答，要求拿水就把水壺甩在桌子上。整桌的菜品味道一般，完全沒有服務可言卻要收取10%的服務費，周圍的幾家餐館無論是服務還是味道都要比這家好很多，很後悔沒有去隔壁家的飯店。到了收銀台埋單，錢送到他面前他不理睬，稍加催促他變得惱羞成怒，明明是服務員彷彿欠他錢一樣罵罵咧咧，以後不會再來，告訴我周圍的親戚朋友也要避開這家。

下午四點半來這裏點了一份下午茶餐，落完單侍應加一句已經last order。餐點剛放下，我準備吃，另一侍應過嚟叫埋單，我嘢都未食，仲要走出去埋單，很差勁的服務，令人失望。食物還可以。茶錢$5, 淡如水。

本人已好幾次幫趁該食店， 但每次結帳時， 我到櫃面找數時，收銀員都只會講要我付幾次，完全沒有意識地列印收費單給我看….直至本人要求睇單時，她先..都好無貌地將列印單放在枱面… .其實 我想講 ….消費者睇單先比錢..乜唔係正常野咩……..點解收銀員亞姐要黑面呀….仲要表現不奈煩樣… 覺得我好多餘甘喎！ 😡😡😡😡😡😡比錢你…仲要睇你面口…超唔開心！ 至於食物方面都唔算差既， 食物都熱上及快到..只係收銀員.亞姐態度有問題希望管理層改善下啦！ （可以既話）🙁⋯⋯

腸胃吾舒服, 唸住食清d, 就去左呢間到食。首先, 我們叫左個白粥 (粥好味的); 然後, 再叫個粉絲雜菜煲, 打開後煲冇粉絲 雜菜得菜心生菜兩種。我地同職員講, 佢望－下 ,然後拿走, 態度沒有歉意或說聲對不起的。等左10分鐘就加了粉絲拿回來。我地再叫籠燒賣, 等左－陣未到, 再問番有冇落單, 個男職員話忘記左 我頓時大惱, 問你間野点解叫粉絲雜菜冇粉絲? 叫燒賣冇落單? 呢個男職員冇表情呆望我, 態度是不理會的, 然後 話 「你駡完未?」再落單轉身行開。等了－陣, 燒賣到了,－入囗,完整蝦未熟OMG! 再叫女職員換。。。以後吾會再去！

今日同屋企人total六個人嚟食，因為唔使等位，我哋都係第一次幫襯，估唔到真係麻麻哋。-叫咗個煲仔飯套餐，鳳爪排骨煲仔飯+ 菜膽燉白肺湯，味道都正正常常可以接受嘅。-個蝦多士，肉絲煎麵，翡翠青衣斑塊都可以接受既，好好味又稱唔上，又未到好難食，只能講話係茶餐廳質素，都有鑊氣，又未做到好令人嘩然眼球好吸引嘅食物款式。-平時我爸爸食嘢偏鹹，連佢都食唔落，因為日式牛柳粒和 金蒜椒鹽骨都超鹹。我們叫侍應個日式牛柳粒可以加洋蔥再炒吓，其實炒完都仲有啲鹹。-個甜品芒果布甸，連一粒新鮮芒果都食唔到，但個布甸都還可以嘅，計返價錢CP值比較低。 -總括而言，好似中六合彩咁，有些食物比較差，有些食物比較普通，有些食物比較鹹。但係今次居然唔好彩有兩樣菜式都超級鹹，作為一間餐廳，食物係做俾人食，基本正常嘅水平都要有，更何況這是在黃埔嘅比較有名氣嘅餐廳，所以給予負評。

幫襯咗幾次都態度極差，食品質素好普通，點心衰過街邊點心d，要茶，茶唔熱，叫多壺熱水好似乞咁，尤其派籌個大嬸同收銀態度太衰，我企住佢面前，佢就不斷比籌後面d人，呢d係咩道理？？我唔知佢係當我透明，還是幻聽幻覺睇我唔到。⋯而且，食物出品都每況愈下，小炒偏鹹⋯⋯每次都好似趕客咁⋯⋯

這間店都已經在黃埔很久，最近食過幾次都係一肚氣，有個中年男人應該似係老闆，喺收銀地方，有時會出嚟落單，服務態度極差，好似欠咗佢，完全要跟佢指示做。自己請唔夠人做嘢就喺度發脾氣。最近一次埋單走人時候仲要講終於有枱，離晒譜。午市時候食飯只不過係30分鐘, 都要吹你埋單.食物質素好一般，完全冇特色，上菜又慢。究竟點解和黃仲要租比呢間不知所謂舖頭，同譚詠麟李克勤仲有冇關係。如果真係要搞餐廳就做好少少服務，唔係淨係收得貴。

上星期食完，今個星期再encore呢碗豬雜麵，我個人認為真係好好食！啲豬雜好爽脆！湯底亦都好好味！講真，碗麵唔係大碗，所以價錢都係偏貴，可能係賣名氣啦，尚可接受嘅。上星期先第一次幫襯，我見呢度有其他食評話食物質素唔得，我都唔敢講，因為嚟咗兩次都係食豬雜麵，所以其他食物好唔好食真係唔知。我又見勁多人彈服務質素，我只可以講，冇乜特別，一個人食飯又唔太需要服務。Standard嘢做足嘅：量體溫、帶位、擺低個茶壺、俾餐牌、落單、送餐。。。對服務冇咩特別要求嚟講ok啦。起碼佢冇鬧我。

原本是帶著愉快心情午膳，卻遇到很不理想的服務態度。品嚐了兩個小菜午餐，食物質素還是可以的(除白飯外）。但總體經驗受服務影響只是一般，有點可惜。希望將來可以改進。小菜午餐包括燉湯小菜白飯。湯尚算不錯，冬菇蒸雞非常好味，粟米魚柳斑塊只是一般。

同同事lunch Time食飯都鍾意去左麟右李，佢坐得咁舒服，小菜多選擇而且價錢合理。有時都要等一陣㗎，不過其實都唔難搵位。我要咗個乾炒牛河，同事要左呢個叉燒蛋飯。味道一般般OK啦，佢啲油多咗少少囉。

十分討厭I was waiting an hour for my set lunch, it was a steam fish but they they didn't alert before, and after all, they will serve a dessert and which is only very tiny red bean dessert but was still waiting for 30mins, this restaurant's service was so bad since long time ago, I came here not very often but just cannot find other restaurant with those Chinese food. I hope I won't come again

自從黃埔開通咗咗鐵路，北角返工嘅人約九龍人多咗個好方便嘅地點，搭船過去就可以見。而呢度係大型住宅區，附近有好多種類嘅嘢食。今日想簡單食碗粥，就揀咗呢度粥粉麵飯點心都有。兩個人叫咗一碗窩蛋鮮牛肉粥同一碗鮮牛肉麵，想話叫個菠蘿叉燒包，但原來六點前先有人整，夜咗有一堆點心都無得叫，唯有叫個叉燒腸粉。粥唔會太咸，有薑驅寒，米量都夠。窩咗蛋食落鮮甜，牛肉亦好嫩滑。麵食落幾彈牙，都係合理質素。叉燒腸中規中矩，好味但無特別皮薄功夫。今時今日喺較高消費地區食呢啲嘢要呢個價錢都只能夠話係咁上下，要方便就要付出多啲錢，間中嚟食下都可以嘅。