巧手製作

营业中

休息中

點心蒸飯都有素食？睇嚟時代進步咗啦👍素食好可能成為一鼓主流熱潮我咁貪新鮮🥬🥬🥬梗係即刻買嚟試啦♥️一打開個蓋其實都feel到佢幾有誠意＊＊意式番茄素肉飯＊＊顏色鮮艷🍅🍅🍅聞落幾香而且配料都有好多唔同種類有菇🍄、番茄🍅、薯仔🥔、紅蘿蔔🥕等等食落味道偏酸好開胃如果啲紅蘿蔔可以煮腍啲就好啦🥕🥕🥕不過我都幾同意某啲網友嘅講法新豬肉份量較少但都不失為一個好嘗試😆😆我會試埋其他素食產品

蒸飯專門店鬥減價一段時間了而家巧手由$16 加了$1是日優惠飯盒 $17一個份量不變,有配水煮菜,算係比較平衡不會單純只吃肉新增了客飯,有咖哩雞肉飯,豬軟骨飯,也是$26一客份量也算多,只是很早就賣完了下次有機會再試過今日精選有雞飯與排骨飯雞飯比較好吃,無咁多骨,啖啖肉好食D蒸包優惠仍舊$12雞件肉算嫩滑,同時都好入味,不用另外再加太多醬油吃飯身不會太濕,$17沒有太多投訴,好抵食用餐日期11月13日 價錢$17柴灣小西灣小西灣道10號小西灣廣場地下8號舖

返半日,早收工,行過見到巧手製作仲係賣緊指定款式每日精選$16蒸飯今天有章魚肉餅飯跟鳳爪排骨飯 實在便宜,就買了各一個試試,另外麵包也有每天精選,$12-3個或10蚊3個白饅頭有菜肉,奶皇包,雞包 每個飯都有水煮菜,加甜豉油飯就太濕身,鳳爪夠入味,少少辣,排骨都有十粒,尚算不錯當係買個點心食都抵另外一款係肉飯,唔多章魚粒,但肉餅本身已調味,少少豉油撈埋就食得味道過得去,份量係夠多,我都只係食左一盒就飽了柴灣小西灣小西灣道10號小西灣廣場地下8號舖

今日去咗呢間鋪頭度買個午餐啦，噉佢寫住鳳爪排骨飯16元，開頭我都唔信嘅，問下個店員啦，結果真係16元喎返到屋企就拆開嚟食啦，啲排骨都幾多，又有鳳爪，跟住又畀埋甜豉油，雖然佢只係賣16元大都係冇偷工減料喎

星期六放咗工之後，順便去咗巧手製作買啲飯返屋企，同屋企人一齊食。上個禮拜幫襯咗東哥點心又貴又唔好食, 都係幫襯番巧手製作 ,日日都有特價嘢, 十零蚊已經有個蒸飯😋😋😋, 肥瘦均勻嘅肉餅, 仲可以跟埋菜. 絕對係窮人恩物.今日嗌咗兩個特價飯, 豉椒排骨飯、梅菜肉餅飯、 鮮蝦腸粉、 黑椒金錢肚、 四寶雞扎、 特價凍包菜肉包12蚊3個、 兩罐可樂。 全部嘢加埋都係103.5 蚊， 真係勁抵食。咁多嘢裏面最鍾意就係 鮮蝦腸粉， 質地煙韌滑溜 ， 蝦嘅份量仲唔少添。另外金錢肚同埋雞扎都好好， 雞扎重保持裏面有一舊豬肚，而家好多地方已經冇用呢個方法整雞扎喇。 金錢肚亦都好入味， 醬汁香濃 ， 底下放咗幾嚿蘿蔔 ， 質地實淨 多汁。另外12蚊三個嘅凍包都好抵食， 大大個又多餡， 得閒買定幾個喺屋企， 想食嘅時候蒸返熱都好方便 。

星期日先嚟落大雨😪😪唔想煮就落樓下巧手買飯同點心番家食啦！今日有2個飯做優惠呀，只係16蚊咋，認真係糧尾救星😀😀 叫左一個章魚肉餅飯🥰 肉餅幾厚身，入面d章魚粒都幾多添🤤🤤另一個係經典鳳爪排骨飯💁🏻‍♀️排骨夠入味，肉又好腍身，飯量真心多😂😂叉燒腸今日幾靚！叉燒粒非常夠，粉皮唔會好淋😻😻齊腸就更加好食，個粉皮會煙韌d！最後亦叫左個燒賣🥰🥰 入面係用豬肉同蝦嘅，一粒已經非常滿足🐣🐣

今晚夜收工唔想煮所以就嚟買巧手啦！小西灣呢間每日都有唔同promotion!! .今日就係梅菜肉餅飯啦😀只係16蚊咋🥰🥰份量真係激多！肉餅好厚下的，梅菜又好夠多，撈飯正🐣.鳳爪排骨飯($25)😉 排骨入味嘅，鳳爪食落甜甜地，飲嘅菜叫左比多d. 姐姐真係比左超多🥬🥬.燒賣($17)😌好大一粒！食到大蝦同豬肉，又唔會過咸😍.叉燒腸($19)🐽叉燒粒肥肉適中，有成三大條！.齋腸特別煙韌，點番甜豉油仲夾🐣

星期日放假想飲個茶一盅兩件，但家人又唔想出街，就去左樓下呢間點心店返屋企一盅兩件呢到真係幾抵食，兩件點心加罐飲品都只係36蚊，仲要幾好食燒賣皮幾薄身，咬落去有豬肉同蝦肉，幾彈牙鳳爪幾惹味，仲辣辣地幾好食正好當日排骨鳳爪飯做特價，只係要18蚊份量十分多，排骨仲有成8-9舊，飯粒又會太腍，絕對超值呢個叉燒腸粉絕對要推介腸粉皮拉得好薄同滑身，而且有好多叉燒，真係抵食呢3個係唔同口味既生煎包，有牛肉, 菜肉同蔬菜，口感各有特色，不過最正係個包煎得香口，熱辣辣食仲正呢到仲可以買定個凍包，另一日用8分鐘蒸返熱去，食到熱辣辣既包呢個香芋包真係要推介，香芋蓉好綿同濃郁既芋頭味，食落甜甜地擺到成枱野都唔過100蚊，而且質素同酒樓有得揮，平過去飲茶，好抵食餐牌👇🏻👇🏻總括黎講：點心盅飯都幾好食，而且價錢超值，屋企都可以黎個一盅兩件

辛苦左一個禮拜終於嚟到星期六啦 難得放假一早起身又唔想煮嘢食 所以決定落去買個早餐啦🙈成日都好想食一盅兩件 但去茶樓冇下午茶又太貴 咁啱醒起樓下有間巧手製作 所以就去呢到買啦！😏依家喺正巴士站隔離 朝頭早買早餐都好方便！因為太肚餓嘅關係 所以買咗幾樣嘢返屋企食🙈首先又好耐都未食過嘅雞扎🤤呢個雞扎有兩件 入面都好足料 芋頭雞肉竹笙都有🙈另外時間蒸得幾好 水準都唔會差過茶樓👍🏻之後食一盅兩件又點少得燒賣阿！有四粒 份量都幾多另外燒賣個味道都唔差 咬落去好香肉味 好飽滿👍🏻另外仲有個鮮竹卷有三件 每一件都好足料另外咬落去之後 入邊材料嘅汁流晒出嚟 好鮮味👍🏻👍🏻之後我仲試埋佢哋嘅叉燒腸豉油係佢俾我另外自己落 咁就可以因應自己口味調較啦🙈佢哋嘅腸粉都幾香米味 另外叉燒都幾多 夾埋一齊食好夾好惹味👍🏻最後仲有我最鍾意嘅奶皇包！雖然唔係流心奶黃 但佢個奶黃蓉都好出色🙈奶黃味好香 同埋唔會一味淨係得個死甜 反而仲帶出咗有奶香味👍🏻👍🏻最後呢度都係大概$7-80蚊 但有咁多嘢食同埋可以係屋企舒舒服服咁食超抵！

叫老公幫幫手買d點心返黎食，結果佢唔小心買多左，變成係家中開大餐。因為買夠兩份點心加飲品好抵，老公叫足四樣點心，抵讚既係配無糖茶夠健康呀。金錢肚係我指定要既，果然冇忘記，醬汁濃郁，金錢肚軟腍，仲有舊白蘿蔔Tim. 燒賣呢個經典既點心，係豬肉燒賣，好足料，皮薄餡多。山竹牛肉色澤幾吸引，咬落都幾彈牙。腐皮卷好重蠔油味，好新鮮。馬拉糕真係好大舊，好在未軟皮，軟左就唔好食。另外仲有幾走包類，個香芋少甜唔漏係幾正。黑白豆漿我就覺得幾濃香，豆味重。最緊要係個蓋冇漏

每逢假期，都會一家人一齊食早餐🍽， 屋企人就最鍾意食中式點心。 今日侄仔扭計唔肯出街， 要喺屋企睇電視🛋。 好彩附近有間賣點心蒸飯嘅專門店😊😊。 平時都係阿媽負責去買 ，今日就等我做個乖乖女，買啲嘢返屋企畀大家食。原來蒸飯星期六日都會有特價😚😚😚， 十六蚊一個蒸飯真係超抵。 望住鋪頭外面嘅特價 餐牌，真係好似時光倒流， 12蚊三個 奶黃包, 仲平過超市買急凍點心買返屋企蒸😜😜豉椒排骨飯梅菜肉餅飯叉燒滑腸粉金錢肚雞扎奶黃包岩鹽柚子茶可樂兩款特價飯都好足料，仲畀咗好多菜，好健康😁😁金錢肚好惹味， 不過可以再炆淋啲就會好d。😂媽媽最鍾意食雞扎，因為裏面有嚿豬肚，而家好多雞扎裏面，已經係用蟹柳代替咗豬肚😆😆😆腸粉好滑， 煙煙靭靭 。😚😚特價12蚊3個要攞返屋企自己整熱🔥奶黃餡都幾好味。今日有兩款蒸飯超抵食我嗌咗點心套餐$36， 有兩個點心同埋一支岩鹽柚子茶。好抵食😍😍個人覺得，柚子茶唔落岩鹽會比較好味。

早排食滯咗，就想食番健康少少，看見這間有包點有蒸飯，一於試試～ 原來每天有不同優惠，剛好當天鳳爪排骨飯只需$18，真是超值！絕對是學生和上班人士的平食之選😋——————————🔸鳳爪排骨飯 $18由於所有食物是外賣，我也順理成章買番屋企食。這個飯份量很多，排骨也有八九嚿，鳳爪煮得入味軟淋，剛好夠餸飯，再加入少少甜豉油，整個賣相和味道提升不少，性價比高!🔹燒賣+雞扎 配維他無糖茶 $31不去茶樓，也可以食到平價點心～ 起初擔心點心焗得太淋會唔好食，但食完燒賣後，發現仍很彈牙，而且入面有蝦有豬肉，一點也馬虎😋雞扎的份量都不少，內有芋頭丶雞肉丶豬肚等，食落都很新鮮，不錯👍🏼

早餐喜歡吃熱辣辣中式點心，但又唔想一個人上茶樓排隊，我會去屋企附近的巧手製作，買d包點同蒸飯，買返屋企慢慢嘆。巧手包點的蒸飯好抵食，每日都有款做優惠，大大盒先16元，加9蚊仲有飲品，我就中意飲豆漿。另外買左燒賣，好大粒同彈牙，豬肉唔會太肥，剛剛好。叉燒拉腸好滑溜，勁多叉燒，有大酒樓水準，屋企食到呢個質素真係爽。另外，大包有很多款式，唔會食厭，中意菜肉包，香芋包，又軟熟又夠飽肚，擺滿成枱食物，都不用100蚊，平過去飲茶。

平日搭車經過見咁多人排隊，今日趁唔駛排拿拿聲買將幾個包回家慢慢嘆。呢個店舖位好正，係正巴士站對出，方便等等下巴士去買個包。d店員都好nice, 又快手醒目，所以係度買包都九成九追到巴士既。所以趕時間光臨呢度就一流。主要有包，飯，粥，點心和飲品呢幾種。叉燒包同芋頭包係出名好食，大到手掌心咁大，正常當早餐好夠飽。有時會點飲品，呢次點左蜂蜜紅早茶，叫做幾健康。平日每曰都有蒸飯優惠，我見唔少街坊會幫襯。。。

近年包點專門店滿地開花,每個商場都可以見得到近月巧手製作大鬥另一家包點先生推出每天精選,由原本$25一客的蒸飯,鬥至由$20,$18,最新低價$16只求吃飽不求好吃是可以一試的啦還有每天精選優惠價麵包,作為消費者,便宜就好了,12蚊3個麵包,算便宜了,以前一個$8今天是北姑雞飯,有一片冬姑,4件雞肉,冬姑味道變酸,怪怪的,可配水煮菜,比較健康一點雞肉算嫩算入味,醬油味太淡,整體沒有太大問題,求吃飽就算了^_^