巧手坊 (已搬遷) 新店位置

見到呢間食串燒就試下啦。如果天氣太熱，就唔會坐街食啦!先叫左串燒拼盤，炒意粉，燒元貝，都唔錯，但味道最好係牛肋條。牛肋條原味燒充滿肉汁同牛味，唔係梳打牛。意粉落香草同芝士粉又唔过量，連我男友唔中意食意粉都話好食再加牛肋條，雞翼，牛脷都好食！如果可以多幾把風扇就會多d人食呢!

每次行過路德圍都只會係食糖水突然有一日見到串燒好想食，就坐底試下啦...就係咁...半個月黎食左幾次!我地食過德國豬肉腸($13)，老細用沙嗲加蜜糖燒到脆卜卜，就好似燒野食將d蜜糖燒到黏住哂咁，唔係最後先加架~一咬落去仲好有肉汁，加上香腸本身已經有調味，真係幾好食。雖然貴少少但都食左兩次~火雞腎($9)：可以揀味粉既~我地次次都揀香草中辣~食過三次...水準比較飄忽，有一次好juicy又夠辣，有一次就太乾...不過有成8粒左右都好抵食~~墨魚丸 ($8)：一串2粒半，我地好好奇點解佢唔俾埋o個半粒呢?上次食左沙嗲味，其實唔係太入味同埋彈牙，所以冇encore呢黃金燒賣 ($12)：呢個係o係炸物類既~有6粒，脆卜卜既外層加上d辣辣地既味粉，我好鐘意呢個呀燒燒賣 ($12)：第二次再黎既時候試燒烤類既燒賣，睇落其實同炸既黃金燒賣冇咩分別，食落原來都冇分別唯一既分別就係少左一粒，得5粒lor~除左串燒，呢度都有飯，炒意粉同喇沙食，不過d配料都係串燒d野食有一次試左炸雞扒喇沙，個雞扒好香脆，但喇沙就有好勁既蕃茄味...唔太辣，麻麻地黎呢度食野唔好以為可以好快食飽走人，因為落左柯打都要等返兩三

行過呢間東東好多次﹐今晚終於有機會試喇!! 兩個人食﹐叫左好多野~~!! (太肚餓啦)* 黑椒燒牛俐﹕* 燒雞軟骨 (香草味)* 炸雞翼 (香草味)* 芝士腸* 漢堡扒煙肉炒意粉* 魚片芝士腸炒意粉2罐忌廉Total $114D意粉好香口!! 落左香草炒﹐好夠味。唔會太油﹐都ok! 隔離台兩個日本仔叫左同一樣野都話好味!! D串燒都好好味呀!! 老闆其實會炸左D串燒先放係個爐度燒。但係真係好香口!! 好正!! D雞軟骨0岩0岩好!! 超香!! 牛俐其實唔係我食過最好食個間﹐但係呢度夠新鮮!! 等耐少少都抵!! 今日星期三唔係太忙﹐老闆招呼都唔錯。幾好。座位都比想象中坐得舒服。幾好風味~一定會再黎!!

其實我同男朋友成日都好鐘意串燒係tm，元朗成日周維搵食串燒的地方但好多時都會失望，一係貴，一係唔抵食，一係唔好食因為男朋友成日都會出荃灣玩，呢間野佢就食過先帶我去食的第一次去個陣就覺得好似無咩特別因為個鋪面真係唔係好得，坐得唔舒服佢個炒意炒好好食，好香蒜蓉味，但唔會有蒜蓉的辛辣味另外叫左串燒牛肘骨，呢個令我一食上癮一粒粒牛肘骨肉串起黎燒，燒得岩岩好有肉汁，唔會咬唔到，一啖一粒岩岩好整得咁好食都係12蚊(一串5粒)仲有燒帶子，好新鮮，好鮮美自從個日之後，我同男朋友成日去食每次都可以keep到水準，對於一間餐廳黎講，難得*第二度一定食唔到咁高水準ge串燒另外仲有一個好得意小朋友招呼客人!!應該係老闆個小朋友黎架你問佢餐廳ge野佢先會理你，其他問題唔會答的!!勁搞笑

夜"媽媽"係荃灣搵宵夜食, 竟然見到有間食店係有串燒 & 麵食,佢地有喇沙魚湯 & 鮮茄魚湯 2 個湯底, 因為太夜只有 鮮茄魚湯, 都試試佢啦!!最後叫左:1) 安格斯牛粒串燒;>做緊HKD10.00 推廣價, 牛肉內有肉汁, 非常驚喜;2) 魷魚串燒;>OK, 不過不失;3) 海鮮鮮茄魚湯米粉;> 呢個真係有好大既改善空間; 真係希望佢地參考下勝香園個D,個湯清到無茄味亦無魚味; 海鮮亦係只係蝦比較鮮, 其他係魚片...etc.4) 奶茶 & DIET COKE>奶茶都 ok 正常, 佢地其實有羅漢果茶, 係其他地方少見有的,下次可以試試呀!!! 不防一提, 寫單的哥哥非常禮貌, 及有食物推介, 希望佢地食物可以進步d~~

夜晚去到見到周圍附近都坐滿哂人...就諗住去呢間喇..貪佢有位又方便.. 好似幾多小食總共叫左兩碗麵~4串串燒(雞,牛)~同埋兩杯豆漿麵個度情況如同樓上所講..真係幾"淋"...搞到好似食糊仔咁...可能我本人唔係好鐘意食太"淋"既野..口感唔係咁好...而且麵個度係寫一丁既食落去又唔係好似...咁我唔講呢樣喇可能係我錯覺！串燒 聞落去真係幾好...食落去好似有D酸酸地...同埋都燒得幾"燶" ..唔係幾岩我心水,,,順帶一提...老板娘既態度不可不提...真係唔係咁好...我同朋友叫左兩杯豆漿..但係送到黎果陣時就瀉左出黎...無講SORRY不特止...老板娘仲""黑面"""...同埋叫埋單果陣時佢一聲多謝都無講 雖然唔應該介意呢D野 但係我覺得做生意必要既禮貌係要有既!

今天與朋友一齊係荃灣四周圍逛街，行經串燒舖，我好想食雞軟骨，於是坐低試下。老闆很細心介紹店內的食物，原來除了一般的串燒外(例如:肉類)，呢間舖頭仲有其他特別的東西可以燒。我們叫了一串沙爹味燒雞軟骨，一串香草味燒雞軟骨，同埋一個燒茄子。呢間店係即叫即燒，唔怕佢整定翻燒的。而且燒茄子，係真係成隻茄子燒，唔同其他地方切片燒，所以要等一段時間。睇Menu，原來除了串燒外，佢地仲有意粉餐，甜品，海鮮喇沙等....當茄子燒好的時候，老闆很細心給我們筷子，仲教我們可以夾着茄子的肉，一條絲一條絲咁食添...吃落真係好O野味，因為佢落了蒜蓉一齊燒，所以勁入味。呢間店唔錯，可以下次再試。

平時收工都落路德圍食宵夜, 一係煻水, 一係想不.., 一係六合.., 但今日幾間都冇位(店內), 惟有試下巧手坊, 因為佢有好多位, 仲有D串燒好香, 同幾個同事坐低, 我們一人叫了一個一丁麵$22送豆漿, 個麵煮到好(林), 有D唔似一丁, 可能$22的關係, 用假麵, 由於太難食, 只好叫D串燒食 ,有雞翼, 雞肉, 牛肉.. 燒的時候就好香, 到食的時候, D味怪怪的, 好像壞咗, 唔敢再食, 埋單走人, 其實都唔平, 一人平均都會$35, 早知食想不..或者六合..最後忠告店主, 唔好因為慳成本, 壞咗就唔好用, 因住食壞人.

話說今日去荃灣廣場睇完戲後, 成班朋友話要食糖水喎, 咁我就即時諗到路德圍有好多糖水舖, 所以就提議左佢地去果度食糖水。一去到真係花多眼亂, 好多間糖水舖喎。 突然比我發現一間之前未見過既糖水舖, 仲寫住有串燒食, 就決定入呢間試下。我地叫左燒雞腎, 雞串, 牛串.....糖水就叫左楊枝金露, 紫米露同埋芒果西米露。糖水算做得唔錯, 起碼唔會好似附近某間做到好大既糖水舖咁都唔係賣糖水既我平時都鍾意周圍去食野, 串燒係"賣飛佛"之一, 但係荃灣都無乜邊度有好既串燒食, 但呢度既串燒就真係無得頂喇。沙爹同香草都做得好好味, 尤其個燒雞腎真係好香, 食完都忍唔住再加多串價錢就都係同其他糖水舖差唔多咁, 如果下次經過都會再黎