巴蜀烤全魚 (已搬遷) 新店位置

本來一向對烤魚冇乜興趣，但可能天氣寒冷，在店門前內望見到熱騰騰的烤魚，香氣撲鼻，被吸引入內一試，竟然有意外驚喜，對烤魚改觀。魚可以選全魚、大邊、細邊。有大中小辣之外，還有各種唔辣的。選了小辣，對我來說剛好。下次打算試試唔辣豆豉味。鲩魚鮮嫩美味，怕魚骨的我竟然輕易把魚骨撿走，使我可以安心食用。加上大量辣椒葱芹，十分惹味開胃。自選加了菜和豆卜，送飯最佳。套餐送兩碗白飯，竟然食晒。原來此店由紅磡搬到佐敦，幾日前再搬到蕪湖街66號，新張期間以十年前的價錢優惠街坊，令人難以置信。好食抵食，會邀朋友再來吃烤全魚。

一條友無無聊聊行街，噤啱又到午飯時候，一於尋找吓有乜好地方可以覓食先俾我見到呢間巴蜀烤全魚，横掂未食過烤魚又見佢店內冇乜人入去試吓先見餐牌都有好多選擇，不過一個人叫唔到太多嘢，一個人食一條魚又好似太多而且夏天冇乜胃口，想找d濕濕地容易入口，好在呢間有泡飯食就選個五香牛展泡飯，等左大約十分鐘左右，新鮮熱辣既泡飯就送上，好在有冷氣先唔會越食越熱個泡飯真係好熱，食飯前緊係試吓個湯先啦，講到噤犀利話冇味精，點知飲落去真係唔覺味精而且好香魚湯味豆卜和飯索左個湯好好味好易入口，五香牛展好有水準，冧滑得來牛展入晒味，好甘香食得出好用心去做，呢間店原來唔係冇食客，係好多人留左枱，我一路食既時候就好多人進來，而且好多人留左魚咀和魚卜，應該好好味，因為唔係好多份好快賣晒，下次要試吓先，食完呢個泡飯真係好滿足

服務太差1. 一坐低就問你係咪人齊，想攞番張枱2. 一支可樂叫左5次先黎3. 未人齊想遲啲上魚（主菜）就係度催，話唔可以食咁耐，有第二輪客要交枱，咁點解有限時，訂枱/入座果陣唔講？我地一路都有不停叫野食，咁都算阻你做生意？4. 自己伙記上錯菜，就怪我地食左隔離枱啲野，我地已經即刻話入番我地單照俾錢，阿姐仲要話我地唔係自己點既野就唔應該食。這就是服務，無言～～最後朋友黎到未食飽我地都要轉場，唔想再係度食，亦唔會再黎呢度食

一路由紅磡幫襯到而家,每隔一排都會去依間烤魚店,味道都保持到水準。但可能因為烤魚做到成行成市，令到依間水準唔錯嘅烤魚店淹沒左喺其他烤魚店中.一入到去店員就極力推薦食套餐即係烤魚加幾碟小食,但因為當日胃口一般,只係叫左幾乎每次都叫嘅豆豉魚(全魚)-中辣就算.最最最主要嘅原因係鍾意佢多豆豉,而且味濃,芹菜,大葱又好香,未試過失手.我自以為食得好辣但都係中辣就止步,大辣留待勇士挑戰.魚上枱時唔係全熟,要等一陣先食得,幾生幾熟都可以自己決定,唔使怕佢好快煮老.而且用來烤魚嘅蠟燭火力唔大,可以慢慢食,自然更加可以品嘗到味道.店員認得我哋係熟客,主動同我哋寒喧.仲話送小食畀我哋,我哋推辭左幾次後就多謝啦.點知佢一次送左咗幾碟小食上枱.我哋都只係心諗乜咁客氣呀,最後變成好似套餐咁既份量,到埋單嗰陣先至知道原來佢只係送咗其中一碟小食,其餘我哋根本冇order到嘅小食要我地自費.味道咁好,何必呢.

有套餐嗌 $390 有2個小菜加一碟大全魚同埋菜湯.揀左麻辣味之小辣 骨多左d 但麻味一流 小菜又好食.加肥牛做配菜一流 .皮蛋都正.豬耳就ok la.10個人 每人$100零蚊就搞掂 .開心

天氣時冷時熱, 今天又熱到30度, 坐低, 唔使睇餐牌, 即來一枝凍啤, 三十二蚊, 十分合理價.有套餐, 啱晒懶人如我, 二人..., 唔使揀, 貴廿多元, B餐的大邊烤魚 ($232)套餐包了一大碗生菜鮮魚湯, 生菜夠新鮮, 條條爽口, 魚湯也好味...套餐內還有另一款小食, 涼伴青瓜, 大量蒜粒碎, 好香, 味道小小鹹, 沒有加醋, 少了一份酸味, 更啱晒同檯友人.另加了一碟"蒜泥白肉", 十分精美, 白肉切片, 中等大小, 還放了一片青瓜片才卷起來, 表面加了大量調味的蒜蓉, 大片白肉, 轉眼唔夠三分鐘食清光.烤魚上檯, 要了酸辣豆角味道, 小辣, 這味款, 比純香辣的款色開胃很多, 還加了豆角, 有咬口, 魚身煎過, 魚皮變得煙韌有咬口, 浸過酸辣湯汁的魚肉, 好味又提神.

今日忽然興起想食烤魚,朋友介紹呢間就一試無妨啦我哋六點半去到,人少少,舖面乾淨企理,加分最後我哋叫左個二人餐,套餐有烤大邊魚,小食,飯/米線鳳爪先上場,我知佢係辣嘅.但上枱嘅時候..."咦?咁素色嘅?唔似辣嘅?",跟住待應姐姐淺笑左一下......原來辣到爆,仲後勁凌厲好正呀!然後到條魚上場,雖然多骨,但好滑好夠辣最令人加分係侍應服務好好, 唔該前唔該後, 擺食物上枱嘅時候仲好安靜慢慢擺一定會再幫襯!

冬天就是想吃辣的，已經吃了許多晚麻辣火鍋，今天工作後與同事便來了佐敦吃烤魚。我們一行四人叫了四人餐，有一個鮮魚生菜湯、兩款小吃、四碗白飯和一條烤全魚。鮮魚湯實在太鮮甜，我們四個人已經飢餓這個蒜泥白肉非常特別，白肉切得非常薄，而且肉片夾著青瓜絲，卷成一束。配上肉碎醬汁，咬下去有肉有瓜，口感非常特別。這個海蜇配上青瓜絲是我們加錢換的，是不辣的，海蜇很爽口，但如果是麻辣的會比較好吃！最尾出場的便是一整條烤全魚了，我們選了咸鮮味道的，面頭怖滿了蒜頭、蔥還有辣椒，傳來陣陣香都禁不住流下口水了。湯底沒有想像中辣，魚肉除了辣味外，還有少許咸味。非常開胃，我平時不吃飯，也在不知不覺間吃了整碗飯呢！

係佐敦本身諗住食燒烤，但點知冇位 就周圍行下搵野食 見到有烤魚就入左去 本身都好鐘意食魚我地叫四個人叫，叫左個四人套餐烤魚四人套餐有烤全魚+蒜泥白肉+涼拌青瓜+鮮魚湯浸生菜+飯四碗/米線 $390 除翻開四個人都好抵食 四川芽菜好好食烤魚魚肉夠滑味道鮮甜 烤魚真係好好食蒜泥白肉同譚仔相比係另一個層次佢地碗米線個魚湯真係無得頂 勁鮮甜一定會再黎食 正啊 勁好飲最吾好彩係我吾得相機食先 所以影吾到相巴蜀烤全魚地址: 佐敦 白加士街15號藍馬商業中心地下

巴蜀烤全魚原店係紅磡搬到佐敦，店以烤魚為主打，分別有豆豉味，泡椒味，香麻辣味，香辣味，酸菜味等，小篇係麻辣控，一定先點香麻辣味烤全魚，巴蜀烤全魚採用先烤後煨方法煮制，味道係自己研發，所以有四川麻辣加上港式既豆豉，刺激既香辣配上咸香豆味，異常地合拍，加上大量配菜，大䓤,䓤, 香菜, 研茜, 一上菜已經係煮滾, 唔洗等可以立即品嘗，活魚經過秘方醃制所以香味早己融入魚肉, 再點上麻辣湯汁，四川辣味刺激舌頭再直衝上頭頂，之後筷子就無停過，還有魚頭魚尾等部位煎過但比較少煨，少少燻黑最野味香脆(其實不太健康 )店舖還有好多小食同菜式，如蒜泥白肉，凉拌麻辣海帶絲，介香木耳，如果同朋友三五知己，可以點多幾個小菜配烤魚。

由紅磡搬到佐敦！味道依舊，水準一流。服務超好！蒜泥白肉，白肉夾住青瓜，口感清爽，不肥膩！有12種煮魚的味道選擇！推介我最鐘意剁椒味，味道會濃些，適合我重口味！！

係佐敦有好多燒烤，呢間真的唔錯，唔好睇佢門面細細， 有2層架，燒既食物種類都有好多，叫左燒羊架，燒得恰到好處，不太硬仍可以有肉汁，烤到香噴噴，食落香口，沒有蘇味，配埋大大杯啤酒，簡直一大享受，而燒茄子亦很不錯，用蒜泥香粉一齊燒，最緊要連外皮都有埋香味，可以食埋，而又唔韌，正

係佐敦有好多燒烤，呢間唔錯，唔好睇佢門面細細， 有2層架，燒既食物種類都有好多，叫左燒羊架，燒得恰到好處，不太硬仍可以有肉汁，烤到香噴噴，配埋大大啤酒，簡直一大享受，而燒茄子亦很不錯，用蒜泥香粉一齊燒，最緊要連外皮都有埋香味，正

這間巴蜀烤全魚，是由紅磡新搬到佐敦的新店⋯⋯我以前常去舊店光顧，因我住的地方比之前遠，所以近兩年也沒有再去，直至上幾個月突然想去一趟⋯⋯點知已搬遷，所以也停下來，昨天突然在open rice 找到新址⋯⋯今晚要來走一趟⋯⋯開心的事老闆娘也記得我，食物的味道⋯⋯沒有變，依舊好味、新鮮，除了多款烤魚好味外，我要推介蒜泥白肉(老闆放入靑瓜在白肉）感覺清爽不油，大家不妨試試，串燒野味，🐠湯只有鮮沒有腥味，如果大家吃烤魚套餐，本人建議不要飯轉改米線⋯⋯因米缐放入烤🐠內真係好好味呀👍🏻⋯⋯老闆和老闆娘不是香港人，但他們今次比我感覺好似香港人一樣，求變、比之前更親切、老闆以前只在廚房門口望望，現在他會走出來向客人介紹烤🐠⋯⋯差點忘記，特色地方小吃⋯⋯🐠湯米缐款式多也好好味。今次小妹第一次留言，多多包函。