巴西燒烤餐廳 (已結業)

參考左關於這家餐廳的食評, 好壞參半. 昨晚懷著戰戰兢兢的心情去一試. 因為我係host, 怕比friend 鬧昨日是星期四, 人頭$118, 兩個 +$35 任飲紅酒, 兩個 +$16 飲soft drinkBBQ 的食物還算可以, hot dishes 的質數比較參差, 沙拉都 ok值得一提是旦撻和燉旦, 味道不錯, 可惜凍了service 不錯, 有換碟, 有refill我主要吃了烤肉和飲了四杯紅酒由於是兩小時任食任飲, 我們 7:00pm開始, 但至 9:45pm 都沒有趕客, 我還博大霧叫 waiter 哥哥幫我refill紅酒. waiter哥哥幫我refill完之後, 很有禮貌的同我講, 我們巳超時, 這是last round refill.整体來說雖然食物一般, 但如果以出面PUB happy hour $40-$60 一杯紅酒, 而我飲了四杯, 已經差不多要花$200. 這裡$150 有飲有食, 仲有得食煙.....不錯不錯總結:最啱煙民,酒鬼

BF的社團搞gathering, book了維園邊的巴西燒烤。由於之前看到食評不算太糟，所以就答應一起去試看看。結果得一個字：悶！！！buffet table的食物又少又“妖壽”，全部都油到不能入口。算罷，反正來這裡是爲了烤肉，其他的就不用太多要求了。烤肉是waiter到檯現切的，仔細一算竟只有4種肉食，肉眼扒和雞扒還算ok之外，其他完全不合格。另外只有兩三種蔬果類的BBQ，選擇真是少得可憐 外加服務到檯的次數絕不超過兩次，要吃飽還真不太容易。 這裡是不送水的，所以要order drinks. 一人一杯coke,全部是冰，味道還很奇怪。明明説是任飲，但是卻從來沒有refill過~ 另外每次buffet最讓我開心的dessert,簡直是災難！cheese cake是軟+粘+超級酸的，無法入口。其他如tiramisu，chocolate cake等都是令人大開眼界的“極品”（極差的那種）~害得我這個甜品痴整晚休息。同場也有雪糕，不知名的品牌，雖不至於好，但至少能食，已算很好了！整個餐廳環境一般般，服務一般般，食物超級差，絕對不值得一試！下次還是乖乖去食大酒店的buffet好了，也就多幾十而

今日我朋友生日,亦都將我嘅第一次 - 食巴西燒烤,送咗俾佢~我覺得,用呢個價錢($118 - 今期免加一),食佢哋嘅嘢,真係合格有突(不過飲嘢要加錢,如果X先生加$20)!嗰度啲:冷盤 : 款式少同埋啲嘢我唔食~熱盤 : 選擇一般但幾好味(好過糖街XEX~)燒烤 : 可能今日閒日,來來去去都係嗰啲,但好食甜品 : 款式普通但很甜...服務 : 普通甚至麻麻(嚴格嚟講係差)

4月11日, 為慶祝復活節 (其實係為食…) 又因為太肚餓又想食大, 就去咗屋企附近的巴西燒烤的BBQ Lunch, $58位~ 對著維園泳池開揚景觀食午餐, 感覺真寫意!::: BBQ燒物類 :::先講主打嘅燒烤類, lunch同dinner嘅款式大致相同, 而且選擇頗多. 排名不分先後,有燒鴨胸, 燒雞扒, 燒雞翼, ,火雞腎, 燒牛肉, 司華力腸, 燒豬肋骨, 燒魷魚筒, 雞脾菇, 茄子同燒菠蘿. 大部份都以蜜糖調味, 又可點燒汁或黑椒汁, 整體質素都不錯~當中燒鴨胸, 嫩滑多汁, 好好味! 豬肋骨都好好味, 又香又甜~ 司華力腸同雞脾菇都好味. 燒雞翼好大隻, 雞肉夠嫩, 不過雞皮唔脆, 爭d~ 燒牛肉太生, 紅到出血水! 魷魚筒我地第一次見, 個味ok, 但有d韌. 茄子同燒菠蘿今次就一般.最失望係冇粟米!!! 竟然冇晒~~~!! 哼.::: 沙律 + 熱盤:::沙律款式都係咁上下, 不過放到出晒水… 不吃也罷. 可幸d菜都幾新鮮, ok啦!其他熱盤仲有10幾款~ 有菜呀魚香茄子呀咖哩炒飯炒粉個d. 仲有燉牛肉, 牛尾, 燒雞, 火腿扒, 蜜汁排骨等等呢d滿足無食BBQ b

一行6人去食自助餐，$128 + $25 Beer 任飲，Soft drink +$12 。啤酒唔凍要求更換, 開頭~女郎小姐說好凍架, 但最後都有更換。唔凍好難飲食物: 自助餐枱全都拿不落手, 感覺汚汚汚, 樣貌差極。話明去食燒烤專注燒烤吧!個帶眼鏡Waiter 招呼很親切有禮雞扒味道 滑滑過來2 次 牛仔骨過來3 次都好味算係最好羊肶過來2次, 不過我咃6人都唔食羊豬頸肉過來1次漿汁幾好味茄子過來4次雞肶菇過來1次, 太少蕃薯過來2次幾好但不能吃太多。叉燒過來1次麻麻地la 燒火腿滑滑過來2次菠蘿酸酸金沙骨一般芝士牛仔腸好好味中間有芝士流出來。總括燒烤食物蔬菜少只有茄子及雞肶菇,但味道質數有85分, 服務100分,其它食物10分, d碟濕啉啉滴水扣60分。有個煮意粉檔, 食飽先見到。好多人話佢難食,但我覺得只專注吃燒烤佢就OK喎反而覺得個環境幾特別，咁岩可以對正個公眾游冰池，睇住人地係度游水唔錯,d燈光幾靚。反正舒舒服服, 食燒烤幾好牙!

尋晚1行6人去食宵夜，見耐無食，$68 + $16(Drink)+10%，算啦，豪豪地，好，先講野食。熱食同普通平價自助餐一樣，無乜好 Comments... (其實我食都無食，但見賣相就幾一般…)燒烤：雞扒：肥到喊， d 油多到唔使錢咁，可能本身隻雞肥，so so la... 牛：乾到好似叉燒咁 = =羊：反而幾好 wor，幾入味，又唔燶粟米：變左粟米乾豬頸肉：算係最好o既肉，因為無乜大問題…推介反而係菇、茄子、蕃薯， 3 個都唔會太乾身，上面o既漿汁幾好味 (蕃薯例外) 野飲：真係好難接受…我自己做 F&B 飲得出 d 汽水o係機沖出黎之後再沉澱左好耐，CO2、水、糖漿已經分開，最後竟然要叫返清水...本來都想比個 OK，但最後發生左 d 事扣到變左負分呀唔該… 話說我地12點幾先走佢地開始執野，天花板度有 d 掛旗，佢"收旗" o個下成抽旗跌左落我地張枱度，仲要無悔意地繼續拖行 d 旗，結果成抽旗o係我地 d 食物上面拖過…喂大佬，呢 d 最基本倉物衛生o既知識都無？我地唯有埋單走人。如非必要，唔會有下次囉。

中午時間去食lunch, 一個侍應都無招乎, 等左好耐先見到個人可以問佢囉menu同埋落order。食完都無人加水, 連想埋單都無侍應行過或者行出黎睇下, 要我自己行入去比錢。收到張單, 31蚊, 加一係hk$4, 呢個好似唔係10%加一服務費喎, 1x%有多喎, 本身已經無服務可言, 佢地態度仲要勁惡劣, 果個經理話唔關佢地事, 公司部機係咁出架啦, 四捨五入喎, 都唔知佢有無讀過書乜野要做四捨五入, 3.1點都入唔到落4, 一來無服務已經火滾, 仲要收我比預期還要多既加一服務費 我絕對唔會再幫襯大家下次小心d, 如果佢又好似我咁收你額外既加一費用, 應該係唔駛比佢要求的, 我當時得張100蚊紙所以無辦法比佢收足左, 激鬼氣

11-10-2008今早幫社區賣完旗後，來到呢度食午餐，不過我地食既係冇燒烤果隻。款式都係一些大路貨式，炒粉麵飯、沙律、甜品都有。唯一有涷煙鴨胸較為特別。先講下熱盤先啦，有薯粒、雞肉、炒烏冬等食物，款款味道是可以的，同埋亦有不段補給，不怕冇得食。至於涷盤沙律我就一喲都冇試過，反而幾欣賞佢個涷煙鴨胸，肉貿尚算可以而且不會過咸，加上整成一小塊，一口可以食完，推介啊!至於個甜品區款式不多，吸引力亦較細，不過有一款藍梅cheese cake就幾好味，件蛋糕鋪滿蘆梅果醬，食落是像慕絲的感覺，軟軟的冇咁漏。食物算是一般，冇話特別難食或好食。反而覺得個環境幾特別，咁岩可以對正個公眾游冰池，睇住人地係度曬太陽或游水，感覺其實幾有趣的。

好多人話佢難食,但我又覺得佢OK喎~ 游完水上去食個$58+10%BUFFET,好開心~一定要跟埋BBQ (冇BBQ$38),因為最好食就係D叉燒,豬頸肉,金沙骨,牛肉,羊脾...出面餐桌的食物就一般,冇咩特別(牛舌,牛腩OK)我自己就勁執雜果沙律(下火),等個姐姐切BBQ ^.^ (可考慮+$16汽水任飲)千萬唔好飲羅宋湯,會後悔...生果都唔太掂...甜品都唔好提...雪糕放到結霜...服務分全數給靚靚BBQ姐姐,因為其他服務近乎0...總結: 食肉獸天地,游完水上黎!

通脹加價下，宵夜從＄５８加至＄６８但仍然坐滿，好在一早訂了位和要求坐入面，如果唔係在這種天氣下坐室外都幾熱下！冇黎幾個月，食物熱盤好像求期了很多，大部份主要係蔬菜，炒面意粉唔係話好食，不過其實最主要都係食他的燒烤食物：火腿腸牛扒雞腎。。我至愛雞扒雞翼魷魚翠肉瓜雞脾菇金沙骨茄子波羅。。媽媽至愛有小量蛋糕，生果，雪糕提供，當然賣相不是十分好吧，還有pancake 同即煮意粉！飲品加＄１６橙汁任飲，加＄２５就可以啤酒任飲＄６８睇你要求吧，為求飽可以找個地方HEA下的都不錯！侍應大部份都做到黑面的了。。其實一個人拿住咁多支野走黎走去都幾重下！

其實只係第一次去,未去之前好期待架因為口碑幾好,點知一去真係一世刀唔會再去!!!!!!!!!!!!食物方面覺得真係好普通唔係難食,只不過賣相好差好難引起人地既食慾唯一引起我既食慾只有"唔想蝕底"4個字頭盤刀唔係咁介懷啦主棻刀係一d低成本食物而且煮得好重味個bar台仲要好糟!!!d台布好似無洗咁架!甜品好少,樣樣好似隔過夜咁,好難食!!!佢地乂出黎果d野食就樣樣一樣味,用同一樣既"業"料無一d特別既口味,唯一特別少少既係燒波羅,燒矮瓜,翠玉瓜果d簡單係唔熟,同佢講佢仲話: 係咁架喎!之後就走開左果到d人服務態度好有問題例如拎野出黎cut比你地果d侍應個樣幾唔耐煩咁問你:羊扒.要唔要?下,你咩態度先!佢cut完我想同佢講聲唔該點知佢cut完塊面黑到死老爸咁囉黑口黑面真係即刻無晒胃口諗住可能得一個係咁,點知個個刀係咁連個主管刀係黑口黑面無禮貌基本既禮貌刀唔識!!!!!!埋單時個主管話: 一千零三十二蚊我心諗,連一句多謝晒刀無囉之後佢找錢時我1毫子貼士刀無比!佢就貫徹始終-黑面呢間餐廳既最大特色就係-無禮貌如果你覺得自己一樣係無禮貌,無修養又或者你想訓練一下你的EQ,呢間垃圾就最適合你!

d 野食好一般，d 意粉冇味，d 甜品可以唔洗食，尤其係tiramisu，食落去好怪，種類少，係炒飯同d 燒烤野好d~~但d 人o既態度真係唔多好，尤其是著到好似部長o既男人，我地開頭諗住睇吓d 橙汁飲品果d 野係咪可以自己拎o既，但果位人兄就行埋o黎，就話兩位想要d 咩，呢part 好正常但係佢企o既姿勢同埋d 語氣好差。之後我諗住睇吓入面有冇湯匙，因為我心諗你buffet 果類點都會有d 湯匙俾人拎，唔會叫人用d 大大隻飯匙o黎飲架嘛，但係我問果位人兄有冇湯匙，佢話匙「跟」set 哂o係枱架啦喎，個樣係唔多like果d 囉~ 但係實際上所謂set 好，只不過係類似大家樂果d 用袋裝住o既，唔同o既係，入面把刀、「差」、飯匙係鐵~~跟住我同其他人都發覺得到果位人兄成日望過o黎我果枱人，我地係冇誤會，因為我地係坐o係近樓梯，隔離冇其他枱o既大枱度~~我原本仲諗住搵日再同我其他朋友去食，但d 人o既態度咁差，令我cancell 左呢個想法~ 同埋128 (加一) o既價錢，唔多抵~~ 所謂任飲，係要加錢︰汽水 $16，橙汁$20，啤酒好似要廿幾三十~~ 仲有時間限制，兩個鐘內~~

我之前已寫過食評, 而且係正面. 今次再去, 就真係覺得態度極差. 最經典係到9:30, 個侍應會厭煩的話:「你地快d啦, 第二批客要黎架啦!」--- 然後就走左去. 之前在露天座位食, 冇乜覺得衛生情況如何. 今次再去, 在餐廳裡面吃, 發現桌面及地板滑side side, 很骯髒. 食物仍然是ok的, 以這價錢來說好抵食. 燒烤亦有好多種, 也上得很快. 還是可以再去, 但係必然記得在限定時間走人.

我唔係第一次評巴西燒烤, 但今次忍唔住要幫佢平反一下.前幾日想再黎呢間巴西燒烤食野, 得閒所以上黎睇下d食評, 睇下d質素有冇唔同, 因為畢竟幾個月冇黎~! 睇完之後好驚, 好似冇咩好食咁, 但決定左唔會改變, 所以今日中午12點幾同老公黎左呢度食lunch buffet.我同老公基本上次次黎呢度都係食lunch buffet, $58 +1, 有餐飲, 覺得佢好抵. 今日所見, 燒烤食物種類好多, 有火腿, 腸, 牛扒, 豬頸肉, 雞腎, 雞扒, 雞脾, 雞翼, 魷魚, 脆瓜, 雞脾菇, 叉燒, 金沙骨, 我相信我冇數漏(唯一係冇羊扒, 不過我同老公都唔食羊肉既). 出面的熱盤仲有我最鍾意既豬仔脾! 當然其他熱盤質素就比較參次. 我唔知我地好彩定係咩, 我次次黎都有好多燒烤食物, 仲要幾好味添, 真係唔係某d食章講到咁差. 我覺加埋一每人$64, 有咁多野食, 真係好抵, 服務態度同環境方面唔可以苛求, 但以我所見, waiters and manager雖然唔係笑笑口, 但都好自動過黎幫我添飲同埋收碟~!我會繼續幫襯~!

講起呢間咁o既垃圾就嬲呀!!!!!!!初時去都ok架, 點知愈去愈衰, 態度又差, 勁少野食, 燒出黎o既野食三隻手指都數得哂, 第一樣:勁um o既鴨胸、第二樣:勁肥o既叉燒,少少肉都無,好似無食過咁、第三樣:出面熱入面好凍o既腸!!!都唔知點食,仲有就係燒出黎o既野食只係行過就算,問都無問我地要唔要,好過份。叫佢燒野食出黎態度又差　，好似唔想做咁，完全無人理。等成半個鐘都燒唔到野出黎，我地都唔係咩好大食ｏ既人，居然食唔飽，仲要好似受佢氣咁。所以我決定以後都唔會去