巴辣仔冒菜火鍋 (新祥街)

营业中

休息中

巴辣仔冒菜火鍋（新祥街）係一間我一直都想試嘅地方，最後終於有機會去咗。佢哋嘅招牌菜之一，蕃茄味烤魚，同埋蟹籽蝦滑，正正係我今次嘅主要目標。首先講下蕃茄味烤魚，真係一試難忘。魚肉鮮嫩多汁，配上濃郁嘅蕃茄醬汁，酸酸甜甜，完美平衡咗烤魚嘅油膩感，每一啖都令人想再嚟多啖。而且，魚嘅分量都夠大，2個人食到超飽。講到蟹籽蝦滑，雖然咸左D但蝦滑彈牙有勁，而且蟹籽嘅爆汁感，令呢個菜式嘅口感層次更加豐富。尤其係喺一啲寒冷嘅日子食，暖笠笠嘅感覺真係非常滿足。不過，要提嘅係，雖然好食，但價錢確實偏高。尤其係如果大家想試多幾樣菜式，加埋飲品，一餐都已經係等於大陸食既3 倍。不過，考慮到食物嘅質量同分量，偶爾奢侈一次，我覺得都係值得嘅。總體來講，巴辣仔冒菜火鍋（新祥街）提供嘅蕃茄味烤魚同蟹籽蝦滑，無疑係非常值得一試嘅選擇。如果你唔介意花多少少錢享受高質嘅食物，呢度絕對係個好選擇。下次，我仲想試下佢哋嘅其他招牌菜，希望都能夠帶來同樣嘅驚喜。

上水嘅巴辣仔係我去上水嘅飯堂之一，因為嗰頭方便泊車，門口就可以泊啦，食物嘅味道都算正常，舖頭嘅環境都OK，但係姐姐樓面姐姐做嘢就比較慢，會唔會一次食都食酸菜魚飯，又或者食水煮牛肉飯，兩樣嘢都唔係好辣，又好惹味，啱晒我呢啲唔係食咁食得辣嘅人又想食吓辣嘅人食，佢份量都唔少，水煮牛入邊只係得牛啦，佢入邊仲有啲芽菜啊雲耳啊等等，送飯一流，見佢哋晚市嗰個烤魚都好似幾好食，下次有機會試埋再寫食評，因為呢間住戶都係淨係食lunch。

做店唔好咁過份。間中會到店食烤魚。今次兩個人想試雞煲。用手機落單，叫了1隻雞的雞煲。煲很快到，大約10分鐘。感覺是很細分量。但明白1隻雞，不同店家都會有大隻點或細隻點的，都接受。但食落去感覺唔對路，雞頸有10件，沒有一件雞胸肉或雞脾肉，都算可能隻雞非常細隻，條頸又長。之後再出現5隻鳳爪半個雞頭，只有1隻中翼，成煲野食完。真係忍唔住，非常平和，抱住好奇心情問店員，是否比錯左半隻我，因為得半個頭，1隻中翼。店員望都唔望，落左樓下找店長，過左一陣回來。回應，唔會，係1隻架啦，1隻雞係咁。咁點解會有5隻腳10件頸同半個頭得1隻中翼呢。店員：隻雞係咁的啦。我仍然好和氣咁問。叫1隻，你完全唔放個雞頭落去，我都冇咁大質疑。你放半個。店員就唔高興咁講， 再俾多啲畀你咁好唔好。我話算，最多以後唔會再來。以免努氣。其實價錢都唔係特別平。咁做生意，完全冇誠信。員工態度差，相信主要係店長態度影響。呢間店公司都有幾間分店，不知是否個別店舖問題。以前都會每個月食一兩次烤魚，但經過今次，絕對唔會再去食。

認真估佢唔到嘅係巴辣仔嘅米線仲出色過好多米線舖，今次叫咗2碗，分別係豬雜冒菜同牛肉冒菜，再加配咗個小食麻辣豬肚絲。豬雜冒菜同牛肉冒菜嘅配料都好足同好夠飽，我哋叫咗bb辣已經好惹味，再食埋豬肚絲簡直係絕配，不得不說巴辣仔除咗雞煲烤魚之外，米線都係我最愛嘅食品之一

我最喜歡下午茶的時候去巴辣仔吃特價茶餐-四川巴辣米線/薯粉，$38元大大碗，三個餸加一個麵，又辣又酸，加上一杯冰凍的飲品，很美味，吃得很飽，很實惠。加入成為會員，滿$40，還有$5節扣。還有酸菜魚片飯也不錯。下次，我打算試吓他們的雞煲。

性價比極高烤魚午餐巴辣仔烤魚雞煲作為烤魚fans,一定要去巴辣仔食一次烤魚，尤其係lunch去，性價比極極極高嘅一人烤魚餐, lunch價錢晚市質素，呢條魚兩個人share食都OK，但係我咁為食就梗係要一個人K.O.佢啦！偶爾一個人想食過cheat lunch都係唔錯嘅選擇！一人烤花爐魚 $103今次我揀咗酸辣味，條魚本身就已經吼得十分之香脆，而且size亦都唔細條，本身個餐裏面跟白飯或者紅薯粉，如果覺得條魚唔夠食嘅話亦都可以再加額外配菜自家製紫菜響鈴卷 $12今次我亦都加咗佢哋嘅招牌自家製紫菜響鈴卷，新鮮即製，絕對冇油益味，響鈴吸晒啲湯，再加埋紫菜真係超級好食！即炸腐皮蝦卷 $48呢個腐皮蝦卷，亦都係非常之出色，喺等烤魚之前亦都可以叫返過嚟慢慢食，炸得又香又脆！

在這大東北都會區，很難得找到一家門庭若市的烤魚餐廳，我們幾個到訪時也等了一會才有位裝潢就是一般的茶餐廳感覺，不過他們的賣點是性價比！服務還算滿殷勤的，有點意外呢出品我們先三個首先點了一條凌波魚$358香辣（中辣）非常大條而且無細骨，入口啖啖肉，中辣的辣度剛剛好，10分惹味此外還可以自由選四種配料，我們選了蘿蔔（只要你讓它慢慢煮，這種配料肯定是最入味的）萵筍 （這種配料只可以煮一會）就會感受到他的爽脆，不然會變得太過稔身黃芽白（吸味之選！很喜歡這道配料） 秀珍菇（口感爽脆也不錯）轉火鍋又點了一碟黑豚肉，看起來像拉麵叉燒，口感爽脆，非常好吃雙拼餃子（鳳城水餃，鮮蝦雲吞）唐生菜（同樣是吸味之選！不吃菜的朋友也超喜歡這道配料）墨魚滑（意外地多，裏面還有墨魚粒爽爽脆脆呢）惹味非常， 難怪這麼多人！

素來不好酸菜魚烤魚等，但食過一次之後會再想食，除咗夠味份量足，外賣也做得好好，賣相討好，美中不足是錫紙兜，不可直接放上電爐加熱店員有禮貌加分，四個人食滿足感爆棚個人認為適合五個人左右食見到門口盆菜也10分吸引888大元六位份量味道可接受，款式雖然不算太多不過$888已有一條烤魚的價錢來說已經10分划算個人認為烤魚放入盆菜內味道不及直接食烤魚魚沒有腥味全部人滿意分店越開越多，但質素沒有倒退實屬難得，希望繼續保持有機會再試雞煲四年前堂食之後就一直外賣

年三十同屋企人開大餐 又懶得煮😍就買咗呢間想食好耐既外賣烤魚套餐 外賣自取有七折㗎🥰去到拎外賣先知份量比想像中多 性價比好高 好彩拎咗㗎小車車😂不過門市都比較多人 最好提早落單！🐟烤魚套餐（江團魚 2-3人) $558烤魚用錫紙容器裝住 一隻手拎住好輕鬆 店主教我地屋企有明火或者gas爐可以直接加熱 方便快捷！我哋叫咗酸菜口味 一開始拎上手嗰陣湯底同魚系分開 湯底唔會令到條魚淋晒 江團魚有成個盤咁長 3個人都食唔晒😍魚肉嘅份量好多 厚肉少骨 足足有兩斤 皮香肉嫩又冇腥味 咬落啖啖肉 酸菜口味一流 裏面仲有豆卜、蓮藕等 好入味！▫️手拍青瓜前菜有四款 爽口開胃 份量又多 配埋紅油好惹味 套餐會配埋個豬骨湯可以打邊爐🍲而且亦都會有蒜蓉、辣椒、芫荽及蔥包埋 再加埋三罐汽水 包你食得飽🙌🏻火鍋料超豐富:▫️美國肥牛 ▫️招牌肥腸 ▫️雜餃混丸拼盤▫️精選時菜雜錦拼盤 ▫️自選粉麵:薯粉 ▫️汽水美國肥牛質素唔錯 雖然唔係話好靚 但係都好嫩滑有肉味 多肉少肥膏 豬腸爽口又洗得乾淨 個人最鍾意水魷魚、白柏葉 爽口新鮮 分量多到三個人都食唔晒！🧾餐牌: bit.ly/BLZ-TakeAway

昨天第一次用OpenRice在這裏訂外賣, 預訂時間20分鐘, 可是我打電話確認會不會可以提早, 店員叫我可以10分鐘後取我覺得製作一碗麵食應該不需要20分鐘這麼久所以後來我在下單後15分鐘左右去取外賣去到職員原先話可以拎之後又話未整好？情況一片混亂, 我見到好多可能係訂雞煲或者烤魚晚餐嘅外賣, 唔明白點解佢哋唔做咗下午茶或者其他碗裝嘅外賣先？之前有一次親自去店舖買外賣又係等得勁耐, 服務太差, 就算食物不過不失也不會想幫襯太麻煩了

尋日同班friend去食雞煲 佢哋部手機係咁scan唔到個針卡咁佢哋就不停叫我哋reloop同埋更新(語氣好差)但好明顯係佢哋問題 因為唔單止我哋scan唔到我哋叫雞煲 但佢哋就上咗烤魚爐 叫佢幫我哋換返就黑口黑面咁 去食真係自己揾氣受 上菜又慢又亂 仲有一個所謂“店長”嘅女人不停畀說話我哋聽 好似想叫我哋快啲走咁 本身都預咗唔會有啲咩好嘅服務態度但起碼要尊重 成餐飯我哋都唔該前唔該後唔明點解佢哋好似好唔耐煩 唔知係佢哋夜晚燥底定一直係咁衰 唔會有下次 唔想受氣又想食就嗌外賣啦

已食過幾次，外賣自取。最愛食佢地既薯粉，湯底夠熱夠味，有清湯，BB辣等湯底，怕辣都可以食到。萵筍條、黑柏葉、黑豚肉、豬紅推薦。外賣碗精美，非一般膠碗。經open rice訂，仲有九折。

✨ 巴辣仔烤魚雞煲 ✨上水呢間巴辣仔食過好幾次，每次都好多人記住要預早小小排隊🙊我5點幾到入座5:45先開始食👽🐟 原條烤江團魚 $378免費配四款配菜（大豆芽/葛荀片/蓮藕/薯仔）今次同枱食飯有人吾食得辣所以叫咗酸小辣，一開始都吾辣煮得耐，慢慢就越嚟越辣😂江團魚肉身較滑每次都係點佢🤤┄ ♡ 評分區 ♡ ┄💰價錢：7/10🌆 舒適：5/10😚 返兜：6/10📍#巴辣仔冒菜火鍋 地址：上水新祥街14號地舖

呢間野真係極品，無心做不如唔好做。D雞斬到手指頭咁大，碎骨多到每一口都係，呢d都唔係問題，因為味道真係好食，值得去繼續幫襯。但一次比一次差，落單已經講左唔洗斬咁碎同走頸頭屎忽，偏偏每次情況依舊。今次仲勁過以前。就係叫半隻雞，可以出到2隻雞腳，完全無雞脾肉，稍為好少少既就係好碎好細粒既雞胸肉，背骨都係好少。反而見到雞頭，一小舊雞頸同埋一個雞屎忽。成餐食個洋蔥 配菜多過食雞，請問D肉去哂邊？出左餐手機無提示，現場又唔會嗌，要人自己走入去問。浪費時間，望到幾條友吹水過日子，唔係食你服務都唔洗咁差既。

想叫一個酸菜魚飯，姐姐話無得食，因為廚房唔得閒煮！👍🏻暫時兩次食態度都非常差，都完全感受到鋪頭唔憂做…所以以後都唔會再去幫襯，去到買氣受，感覺就唔係太好，佢鋪頭既野食又唔係唔可以去第二度食..無乜巴閉