希奇咖啡店 (已搬遷) 新店位置

住荃灣既 行過見到新開 本身都想試既不過又怕味道唔太好 但上網見到食評話唔錯就捉左男朋友黎同我試啦 !!lunch: 忌廉湯+牛柳薯菜+涷檸水忌廉湯味道可以的 我覺得幾好飲牛柳好味 牛柳好嫩有肉汁 煎得岩岩好 味道好香薯菜都可以既 幾脆 食過同男朋友都幾滿意 價錢又唔貴 $35 1個餐 老闆娘又好nice!!服務態度good跟住都食過dinner 之前佢有$98一個set既 我近排去就無左既個set有: 忌廉湯+芝士焗蠔+牛柳+藍莓cheesecaks+涷檸水芝士焗蠔無食到 男朋友話好好味牛柳都係好好食 yummy到死 我本身好鐘意食牛柳架哈哈佢個cheese唔會太"劉" 味道幾好 幾鐘意食過2次都好滿意 間唔中都有同男朋友黎食老闆娘都認得我啦 都推介大家去試下架不過衰在間鋪好細 如果大d就一流 !!

今日同屋企人去吃晚飯 (我第2次去喇), 好好味道!!1. 二人餐酥皮海鮮湯: 夠熱, 料多, 好飲前菜: 煙三文魚+田螺酥皮盒, 好味主菜: 煎三文魚柳, 煎牛柳各一份配意粉 (可配薯菜 / 飯), 三文魚柳夠香, 牛柳夠嫩, 好味甜品: 泡芙, 冬甩, 芝士餅, 好味餐飲2. 鵝肝伴牛柳配意粉 (可配薯菜 / 飯) (+ $10 轉餐)鵝肝夠香, 牛柳夠嫩有肉汁, 薯角金黃香脆, 煎茄子+脆玉瓜, 好味3. 芝士焗蠔有芝士味, 又不失蠔味, 好味我同屋企人都覺行好好味呀!!!聽老闆娘講: 羊架都係招牌菜, 可惜我唔吃羊.......; 因地方有限 (地方真係細咗D, 只得9張2人檯, 其中2張重要放響門口), 甜品只有梳乎里 (原味 / 香蕉 / 雲喱哪) 和軟心朱古力旦糕是自製, 其他是訂貨...... 不過都好味每人平均 $80-$100

聽同事講已返食咗幾回，今晚又在荃灣區活動，就專程行去試一試，事關佢位置係離開荃灣市中心，要在荃豐再行入多兩個商場至到，佢係位處一樓的商場舖，舖仔細細，得廿零個座位，有兩張枱甚至擺到出舖外邊，隔鄰都係其他類型店舖。論環境就唔可以有咩要求，張枱細到只可以擺兩碟主菜，餐具size亦偏細，餐刀係頭輕腳重，可能要就番細小嘅枱面掛 ; 泊埋牆嘅係sofa位，但係冇挨pan，差過茶餐廳，我雖然唔係坐入去，但感覺應該唔舒服。廚房同樓面可以話係分隔唔到，因為入面有一半舖位做咗廚房，男嘅做廚，女嘅負責樓面，只係用幾塊簡陋嘅掛廉做分隔，同一般淨做快餐嘅地舖冇乜分別。觀乎今晚嘅menu，發覺推介菜式唔多，當然理解佢地嘅情況，雖然得七款推介，但係竟然兩款羊架都係賣哂，咁侍應推介我地嘅兩款牛柳，其中一款其實我已經一早諗住叫嘅，咁佢推介埋另一款威靈頓牛柳比我地，見佢咁有心，當然要問一問分別喺邊，佢竟然話唔知道分別，但話都好多人叫、幾好食嘅，咁嘅答案真係出乎我意料之外。全部推介都係跟飯、意粉或薯菜，再另加$10可跟餐湯、餐飲及蒜蓉包，而逢五、六、日食推介或晚餐仲可以優惠價享用酥皮海鮮湯、芝士焗蠔、芝士餅或Tirami

我和老公大人尋晚試左呢間餐廳 , 覺得幾好 , 所以記錄如下 :老公叫了 : 牛柳(好似係紐西蘭牛柳)虎蝦配薯菜 $68 飲品 : 凍檸賓我叫了 : 唔知乜野燒豬脾(3支)配薯菜 $58 飲品 : 凍檸茶少甜我地交換左少少食物 , 我同老公都覺得個牛柳好食 , 佢地冇問幾成熟 , 只係煮出佢地認為好味的生熟程度 , 啲牛肉真係好軟好嫰好林 , 至於我個燒豬脾 , 又係煎/燒(?)得剛剛好 , 總之主菜好好味!而薯菜係炸薯角黎嘅 , 我同老公都比較鍾意清淡啲嘅薯蓉 , 飲品都OK , 但就嫌唔夠飲!環境係喺一個較為立雜嘅商場 , 舖位好細 , 得幾張枱, 人流頗多, 唔介意都OK的!

呢間野係荃灣,其實openrice都無咩點講,但睇到有網友話味道同森美差唔多,但價錢抵好多!咁就去左試下晚餐!唔講咁多,去片!先來個2個紅湯+蒜蓉包,湯沒有肉的,我覺得味道反而唔錯,清清地但湯少少濃,又熱,幾好! ****4星主菜先來了一個虎蝦牛扒(唔記得左係咩扒)+薯菜,呢到有飯意粉薯菜,點解要叫薯菜?因為係用薯角,我最like食薯角,虎蝦係細隻d,牛扒亦都好味,又加了西式既香草香菜,味道真係唔差,同森美,意粉屋,oliver之類既西餐廳差唔多! ****4星再來主菜係燒豬骨(3支)+薯菜,本身d肉無咩味,但d汁同煎出來好香,又係加了香草香菜,一支支拿住食,好正好味! ****4星熱朱古力同凍啡,普普通通咁啦! ***3星睇價錢同質素呢間嬴哂,平均$5x-7x一個人無加一,我食完2個人都係$12x,但得十幾個位好少同地方比較迫,其實呢間野係兩公婆自己開,佢老公係有名西餐廳做過,所以先咁好食,見到d人都係回頭客,老闆娘個個都識咁@@,見人食羊架(3支)好似唔錯,重有見人食焗蠔,食完2隻又叫2隻,食完又再叫2隻,係唔係真係咁好食呀???另外重有甜品選擇,心太軟之類都有,下次真係要去再試下

某星期六..同男友0黎0左呢度....下午兩點幾近三點...0岩0岩有人入0左呢間餐廳..我0地兩個跟尾...0係考慮緊食咩0既時候...隔離枱點菜..冇晒牛扒...失望呀...無奈咁叫了雞扒law!~之後再加多個心太軟la..想試下...唔平ga...好似要$35...人手不足呀..除了廚房一人..仲有一個外賣兼洗碗..樓面得一個人做0野...慢......人愈0黎愈多.....等0左好耐.....先上湯呀........好彩夠熱...因為好似見唔到預備心太軟..問清楚是否已落單...她跟我說時間不足預熱焗爐....要cancel.....無奈again....意粉0黎la....賣想唔錯......但分量少....亦因為0岩岩整...夠熱的.....味道ok la!~p.s有客人問係咪有下午茶....係有的.......但冇人同我0地講呀.....樓面同洗碗男講快d食0野呀......人客冇刀叉等食具用......我覺得他們做生意幾保守.......入貨唔多......冇晒牛扒...員工唔多....人手不足.....刀叉唔夠用.....服務普通...因為人都唔夠.....地方有點迫

見呢間店係基督徒經營嘅 , 咁咪支持吓囉 !重點係晚餐價錢經濟嘛 ! $38 跟湯 , 蒜蓉包 , 飲品 . 仲免加一 .羊扒唔蘇 , 啲汁可以再濃啲 ! 菜嘅沙律汁好味黑椒牛扒 , 黑椒夠香牛扒唔老 , 薯角又好食下次會再 encore 試食佢嘅 心太軟