帕比安紅茶書室

营业中

休息中

呢間cafe有點隱蔽骨子細細，但好有特色除咗有貓咪玩，食物種類都唔少建議有興趣朋友可book位🧋貓神奶茶凍我係被佢吸引來😂但佢唔止得個樣可愛，仲好好味，深色部分嘅茶味更大濃厚絕對係我嘅最愛🫶🍄羊肚菌鰹魚米意粉羊肚菌配和風醬嘅意粉🐟三文魚苜蓿芽米意粉都幾開胃，但我個人會鍾意羊肚菌個汁多點🍐焦糖洋梨批本身諗住細細件，原來好大個好在食得晒😅批皮外層脆卜卜，上面放滿洋梨肉再配埋香濃奶茶雪糕令洋梨批嘅味道同口感升草超級好食😋諗番起都想再encore～

搬左去港島之後第一次黎，我覺得唔難搵既。新鋪分左兩層，門口個層應該係做walk in，我book左tea set就係上層。鋪頭要除鞋或者著鞋套，有貓貓所以正常。Tea set同之前一樣同佢哋book定比埋錢。我事前book左就唔洗點等，Tea set好快送左黎，茶就叫左先整。有包埋$60內既茶，貴過$60就補錢。茶我揀咗熱煙熏伯爵茶，味道幾好。Tea set係聖誕節主題，所以有鹿仔主題既甜品。食物同飲品我都覺得好味。貓貓既食物同水係上層，所以間唔中有貓貓上黎，再同我討錫錫😘。