帕莎 (已結業)

6點鐘WALK-IN去到, 但佢地話得番露天位, 我地睇見都唔算好熱, 加上特登去到, 所以都無所謂. 叫左牛舌串, 羊肉串, 露筍炒駝肉, 同埋焦糖羊肉 (唔太記得佢實際既名). 駝肉實在不錯, 幾特別; 牛舌同羊肉都既 "林", 不過如果羊肉再 "騷" 少少都OK. 整體服務都不錯, 侍應好有禮貌, 唯一係D野食都要幾耐先出, 牛舌串同羊肉串差唔多等左成一個鐘.

新相識的友人招待我與女友們晚飯, 安排在K11 的 Al Pasha 食新疆菜.這是一間主題餐廳, 而最欣賞的不是食物,而是這裡的環境,很有中東神秘感,別樹一格! 令人有身在異鄉的感覺….是晚點菜全由新相識的朋友一手包辦! 他還自帶了三瓶紅酒和他好友(香港名人但不在此開名了) 也自帶了兩瓶白酒. 看得出他們是這裡的常客! 所以也安心好好享受一晚的”Wine and Dine”上菜前先送上新彊麵包,好軟,好鬆化.帶些少甜味再配上橄欖醬和雞肝醬, 不錯!再來前菜煙鴨胸老虎菜沙律: 酸酸的沙律汁,菜也很新鮮,加上已多天食肉的我更是開胃醒神! 接著:羊肉串,牛脷串, 牛肉和雞肉串…有炭燒味,好香!大盆雞: 比起我以前曾在美國經營過的墨西哥燒雞(Pollo Loco)就略為遜色! 味道略為淡, 但還好雞肉太乾, 且肉質嫩滑! 可以接受!露筍炒駝肉: 駝肉肉質嫩滑,露筍新鮮爽嫩. 烤羊肉: 肉質嫩滑, 但是晚已太多肉類了! 剩下不少....羊肉春卷: 有新意!糖醋魚: 好鬼佬! 不欣賞!在此同時音樂突然響起,原來這裡還有肚皮舞表演,增添不少氣氛! 好滿足的一個晚上! 雖然不知道是晚消費??? 但在

早一日book枱,原來分二個時段,因為有表演book左第二段8:45環境幾特別,有露天位,不過以13度低溫加上落雨加上露天位看不到跳舞表演所以還是坐室內好地方其實不算大,不過每個地方裝飾都很別緻3個人點了個四人餐,好低,東亞咭有promo$488/4人餐,(加一跟原價$98) 再散叫飲品,會員咭有15% off三人埋單around $700表演會起音樂,很有氣氛,很適合一大班人生日會播生日歌,有跳舞小姐跳舞送上蛋糕很開心的安排服務很好,侍應忙碌也不會黑面,這餐廳給人的印象很熱鬧很開心

是日平安夜, 早3天已經致電al pasha book 位. 本身book 4人, 但因平安夜晚, 要23號或之前先去落訂. 22號已經打電話黎催我去落訂. 真的過份心急. (樓下打英文那位朋友話prior to 22dec book位有9折, 但侍應都沒有跟我說過!!!)當晚晚上去到落訂, 部長話我不肯定幾多人, 不如先落3人訂, 我話其實落4人到時只有3人到都可以在訂入面扣返, 但他就話不行. 可能集團式規矩特別多. 到24號晚上到去, 我話book 了3個依家5個人到. 由一個都幾高級的“老媽子”serve 我們. 她說我5個人來又不打來confirm. 我和她說當日落訂時個部長話落少點人數(當時老媽子都在場), 之後老媽子面有難色, 心煩氣燥般. 我心諗無理由book 了3個只可以比3個入座, 那另外兩個fd 怎辦呢, 再者無理由間鋪有錢都唔賺呀. 好在最後都安排到台給我們. 入去沿路佈置都非常別緻, 尤其一入門bar 台對出的2人位, 有點宮廷式的感覺. 我們坐張台都算幾大, 夠5人坐, 我相信應該換過台, 如果3人根本用不著這大台. 台上面還有帽, 哨子等飾物給我們玩, 真

本來星期五晚想打邊爐，但同事話有好介紹，於是一行9人到K11食新疆菜包房好處係可以靜靜地傾下計，但最低消費要4千大洋，唔緊要，實食到，因為這裏的食物都唔平羊肉春卷 – 普通春卷，但個waitress開口吋我地話呢個係雪茄唔係春卷喎香酥羊排骨 - 用好多香料醃過，入口肉味濃郁，碟旁有少少辣香粉，記得點黎食會好食D鴨舌 – 少辣，好好味，送酒一流新疆大盆雞 – 少辣，其實每個菜都唔辣，等我還以為新疆一定好辣，雞肉無特別反而盤底D粉皮就因為索哂個汁，好好食煙鴨胸老虎菜沙律 - 開胃醒神，火箭菜味濃，沙律汁酸酸地有助食羊肉時開胃些古法烤雞 – 一般烤雞比較乾身，但這裡的古法烤連層皮都唔乾，反而有點似KFC的烤雞翼，保留肉質嫩滑露筍炒駝肉 – 唔好寄望太大，駝肉薄片炒好淋，但味道唔係話好突出，同牛肉或駝鳥肉差不多，反而露筍完全無渣，但得幾片駝肉好似唔多夠紅燒牛舌 – 必食，牛舌厚切保留肉汁但同時外表脆脆地好香口南瓜素翅湯 – 唔掂，無南瓜又無素翅咬口，失敗水煮魚 – 香港口味水煮魚，唔太辣唔太麻，魚切成大大片…花茶 – 食完太多肉同埋油膩野後飲效果相當唔錯，最特別有車厘子味，生果的酸甜使食飽後醒

今日老闆邀請我地去K11的Parsa食新疆菜~ 一入去，已經好有feel。我地估佢裝修費都幾金~打開menu，價錢好似有點貴，於是點了呢個$320的4人餐。前菜的涼拌豆腐，好有台灣feel，可能係受皮蛋同蔥菜影響吧！入口涷冰冰，果然係涼菜！之後的煙鴨胸老虎菜沙律，其實又係一般有齊紫椰菜、火箭菜、洋蔥等的菜菜沙律，配個醋當沙律汁，一般啦！先來的清燉羊肉，係咪賣相一流先？一打開個碗蓋，已聞到撲鼻而來的羊肉味，一飲落肚，果然好清，但肉味勁濃郁，總之飲完一碗，感覺成身暖哂，冬天飲就正啦！之後就到香酥羊排骨，睇個presentation真係殺哂，可能又係用孜然粉醃過，感覺好似深圳食 “東北人”的羊肉咁，不過人地十蚊人仔大大隻羊脾，呢度幾廿蚊一小件羊排骨囉~ 2隻辣椒的新疆大盆雞，感冒中，唔想食雞的我，唯有試吓墊底的“皮蛋粉”，質感好似小肥羊的寬條肥羊粉，QQ的，索哂個汁，幾好味架！而所謂的2隻辣椒，其實都係一般辣，唔食辣的朋友都肯定食得到！醬炒包心菜似上海菜，好濃味，配飯就最正！由於無甜品，所以老闆很體貼地請埋我地食拔絲香蕉（$70），上檯見到只有6件，就覺得呢度D野食超貴！好在，佢真係做得唔錯

先講環境，很有氣氛的餐廳。8點多去到，全場滿座，室內比較噪，還好是訂了露天位。 外面雖然天氣比較涼，還好有暖氣。外面比較寬敞，兩個人傾計談心都ok 唔怕凍的話，訂台一定要揀露天。兩個人叫了羊卷 (好味!)、 烤羊小腿 (正!) 、 咖哩羊肉烤餅 (其實是 pizza，味道還好、但餅底很硬)、甚麼炒扁豆 (味道不俗，但沒有太大特色)，最後點了香蕉拔絲做甜品 (正!正!)。下次再來，一定要試他們的串燒!加埋飲品，埋單 $580，價錢適中。關於服務方面，由於爆場，但成個露天位只得 2-3位 waiter，實在不夠。每次也要叫兩、三次才有人，還要提高聲量才有人聽到。上菜速度、安排也有待改善，上了頭盤才來飲品、跟著才是免費送的烤餅 /_\''。 主菜每道也隔15分鐘才有，埋單找錢也等了10分鐘。

今晚同客吃飯, 一個外國人 ,餐廳氣氛十分好, 有肚皮舞表演, 今日是 al pasha 一週年, 有抽獎, 感覺like xmas party. friday night 分兩段時間, 我選的是 8:45 時段, 9:15 有肚皮舞 表演.. 可惜因今晚人太多, 安排了坐outside, 看少了很多肚皮舞, 但好處是外面空氣好好....... 比較大空間, inside 反而有點迫.... 食物水準很高... 今晚吃了:鹿肉, 免肉烤羊仔腿, <--- 好淋...羊什湯 <-- GOOD , LIKE 羊 Must eat, 好有羊鮮味, 但今晚個soup 略salty. 都好好味... 送了一個 bread , 很特別, 奉上雞肝槳而不是 鵝肝槳, 雞肝槳 反而沒有鵝肝槳 咁 "膩"drink 了6~7 beer, 個ximjing beer 很好, 比得上german beer今晚只有三人, 沒有 吃很多 disk. 但menu 上有很多也想試, 可惜馬肉己 sold out....... 共吃了 $1,125.....

去到7點既時間已經來一個表演, 身材又好頂住盤candle跳舞, 幾好睇架! 我地今次人多一行12人呀 可以試到好多野,- 烤雞, 想不到肉質不算(鞋), 幾香口, 雖然皮不算跪,但都不錯- 羊什湯, 講真羊既味道好強, 其實已經加左蕃茄, 內裹羊肚很好吃- 烤全羊 ,真係好低吃全隻羊都係$1500,記得預定, 見到都開心呀! 加上羊排位位置肉好嫩味道恰當, 蘸制味不會搶走羊味, 人多必食之選, - 地道烤飽, 有3種醬料點飽吃, 一種好像有點cheese 醬, 一種有點像牛油果醬還有很多特色熱飲，飲左新疆拉茶，好像有些米味，點了一柸蘋果元肉熱飲＞正開心聯誼的一天, 一個好地方 ,低吃

20100731朋友生日想去帕莎生日飯, 佢話因為係新疆菜所以想試下呀。由於早過佢收工, 所以我去囉位先, 朋友未到, 所以四圍影下, 環境非常靚, 氣氛都非常好, 一入門口, 侍應姐姐話要洗洗手先, 呢個係新疆既習俗。 (飯前洗手都係衛生既人既習慣啦!=.=”)枱面有張卡寫住︰「肚皮舞蹈表演 歡迎各位拍照 但請於表演時留在座位 切勿站在通道 阻礙舞蹈員之表演 多謝合作」肚皮舞蹈??????!!!!!!!!!!!!!有肚皮舞蹈睇?!好開心呀…不過一問之下…原來八點先有…但我地要去睇戲…睇唔到啦!!未夠六點我地就要開飯啦~~野食方面, 佢有個新疆烤餅送既, 個包好軟，再配雞肝醬及橄欖醬(呢個係問個侍應先知..)叫左燒羊肉串, 佢有兩串, 但我唔食羊肉, 所以朋友一個食晒~另外仲有個燒姑, 我鐘意食^^仲叫左個露筍炒駝肉, 辣辣的…唔岩我食…再叫多個牛肉炒什菇, 兩個女仔…食幾多野!好在有VIP CARD, 有八五折…走既時候…去到電梯口…. 肚皮舞女郎出哩啦…慘慘…下次一家要睇!!

The experience started with the reservation - my friend had received calls from 3 different staff and had given different instructions. It was weird that the last staff, a lady named Winnie, who claimed to be in charge of the Christmas Eve booking, told my friend that they would accept deposit via credit card but not bank deposit (as there is service charge for credit card payment & nil for bank deposit) . As giving credit card number to strangers was not a practice of my friend, she has decid

從未食過呢款菜式, 與友人們決定一試!烤餅配中東三重奏 (雞心荳茸配菘子; 青瓜乳酪; 茄子茸配杏仁) - 個烤餅新鮮出爐, 加上醬汁, 好味道 芝麻羊肉卷 ~ 最怕食羶味好濃既羊肉, 呢個只是小小羶味, 個芝麻卷外層好香口, 內裡包住少少羊肉, 好好食, 正 金瓜小麥素翅 ~ 咸咗啲 燒乳羊配薯菜 ~ 呢個好正, 啲羊肉又係好好食 干巴菌爆炒豆條 ~ 可能太多肉類, 呢個蔬菜類既餸可以平衡下, 辣辣地, 幾好食 什菌素菜抓飯 ~ 雖然是菇類既素飯, 但味道不鍺, 可是已經好飽, 食了少少 煙鴨胸老虎沙律, 新疆大盆雞, 甜品拼盤 ~ OK啦 整體都好好食, 而且會有肚皮舞表演, 好熱鬧, 不過覺得音響過於大聲了.

I searched this resturant from here and the reason to pick it because of the Belly Show and the uncommon meats i.e. rabbit, deer and horse. I went to there with no expectations of food quality, but I left there with lots of suprises. So, I think tthis is the time for me to start making contributions in here. I will definitely go there again.This was a birthday dinner, we ordered: Chicken (大盆雞): Recommended from here, but think again before you ordered Roasted Rabbit (烤兔肉): Very soft and smooth R

家中有人生日, 之前係咁搵d餐廳資料, 心目中希望搵間氣氛熱鬧, 有d驚喜同特別的餐廳~巧合下係openrice 搵到呢間, 睇番d食評都應該唔錯, 就抱住一試的心態book 左位~時日一行3人 7:30 入坐, 一入去個感覺好好, 成日餐廳設計得好有心思, 唯一覺得個大廳如果可以大D就好了~點左1) 駱駝峄肉 (忘記幾多$了)2) 酸辣大蝦湯 (例) $168 3) 新疆烤餅 (忘了)4) 紅袍豆腐魚煲 (忘了)5) 紅燒牛舌(忘了)飲品1) 新疆啤 (好似係$46)2) 酸雪花(cocktail) ($50)一入坐mo耐就有表演睇, 2位女dancer都唔似係新疆人....不過十分專業, 我覺得佢地好勁 最好就係個佢地出場個時間係安排得好好, 唔會太多, 亦唔會太少(如要睇show真的搵大廳坐好D, 眼見包room果d人....要行出少少企係度睇Lo *_*)食物方面 : 駱駝峄肉幾野味, 而我家人都話個牛舌好好食, 因為牛舌好難可以煮到咁林wo.~ ^_^ 其他個湯唔錯幾好飲, 唔會太辣太酸, 隻蝦都食得出唔係死蝦, 紅袍豆腐魚煲 不過不失, 唔明why豆腐係炸過的..感覺有d油

無諗過貪得意寫食評寫下食下話咁快就一百篇喇而好友一年一度生日既大日子就決定試試特色餐廳,o係openrice遊下遊下亂翻之下就揀左呢間喇~一去到已經有位熱情的阿姐歡迎我地,仲倒水給我們洗洗手,新疆習俗話會有好運呢~餐廳裡面燈光昏暗,情調十足啊~新疆烤餅送既烤餅一d都唔馬虎,微暖的麵包鬆軟鬆軟又點會難吃呢~兩隻醬比較之下在座一致認為雞肝醬配麵包一流!羊卷店員推介.薄薄的芝麻酥皮包住羊肉碎,材料豐富,是不錯的一道開胃前菜.燒牛舌大大件啖啖肉,肉質鮮嫩而且完全不韌,食肉獸必點!絕對是讓人回味的一道啊~羊肉串羊肉小小羶但配上碟邊的香料是另一種風味,拿來送酒的話應該不錯呢駱駝肉炒露筍第一次食駱駝肉,爽爽的都唔似肉既,口感幾特別~撈埋新鮮露筍和辣椒,惹味得很,很快給我們吃光光,讚!三色魚卷試左咁多濃味菜,呢款相對地比較清淡.魚肉嫩滑,不是粉雷雷的,好好吃~外面層皮很脆口很輕身,配上蔬菜是比較健康的菜色大盤雞真係無改錯名呢,個盤大得嚇人見粒粒大如紅棗既辣椒仲以為會辣到噴火,原來得個樣,車~而醬汁很特別,雞肉嫩,盤底下的寬條麵有咬勁,不會糊作一糰,果然係招牌菜,不錯吃呢價錢划算,服務友善.有野食又有表