帝景軒 (已結業)

前兩日，同好耐冇見的姑媽食飯，為左就佢住荃灣，所以我就選擇間比較新既酒店食buffet, 搭shuttle約十分鐘就到，都幾方便。試了佢地個dinner buffet，先由冷盤入手，d蝦同d螺幾大隻，爽口，refill得幾快。再試一系列芝士口味，芝士波有濃郁芝士，熱辣辣，合格~芝士焗蠔上面層芝士微焦，厚厚的芝士，蠔都不會熟透，不過不失~炸物系列 : 天婦羅幾好味，姑媽鐘意食炸三魚頭，佢話平日佢小機會食喎，我就冇食，不過見佢食得好滋味。我幾中意佢地Dessert細細件，mango, chocolate 慕絲杯，桂花糕等，可以試多幾款，姑媽話個豆腐花都幾滑，最後試左幾杯的dreyer’s & 其他細杯雪糕，冰凍yummy。

當天慶祝父親生日和一家人食餐飯聚下之前不知道這裡有間酒店, 地點都算不方便~因為兄長住在荃灣較近這裡而上網找到的, 開車來很快~不過最好有朋友在旁導航, 要上一條大迴環斜路起初有點不滿意的去~期望不高~ openrice介紹有人生日會送蛋糕一個~不過兄長打去book檯時, staff回應晚市buffet才有蛋糕, 我們一檯五位大人兩位bb, 有三位都是八月生日, 都冇得送!!! 所以期望也不高了~baby seats會放了Ikea 好colorful的膠食具俾bb用~ 兩位兩歲半的bb就有東西玩了~ 不錯!食物方面, 選擇是少的~冷盤-主要是火腿, 沙律和壽司, 沒有任何海鮮和刺身~ 有煙三文魚卷吧~熱盤-有飯, 海鮮意粉, 盅湯等大約五六盤食物~甜品-不錯, 特別是朱古力的甜品弄得很不錯, 很滑和很香~ 大約七八種大盤的和四五款一杯杯小型的可選擇Semi buffet即是有main course, 我們選了雞卷和燒吞拿魚塊~雞卷不錯~ 幾香~吞拿魚塊~ 是爸爸和對食要求高的哥哥點的, 兩位都讚這款幾好~ 燒得很軟滑!全張單有75折, 兩個bb都有食jelly糖和甜品的, 當然只計六位

難得同honey禮拜一放假，所以我地揸車入左老遠既汀九食個lunch, 初頭以為好遠但原來揸車由尖沙咀入去四個字就ok。佢地既semi-lunch, 比我想像中多野食，不過我好最鐘意佢地個view,個落地玻璃對住個海好吸引我，好relaxing ar ^.^對我黎講食佢個buffet枱d野食都已經飽飽地，一杯杯既焗意粉、沙津、壽司、點心、甜品等任食，而我honey就話個中式人參燉鷄湯幾好，可以下火, wakakaka…至於個主菜我order左香煎吞拿魚柳，幾滑同埋份量剛剛好。Dessert 方面，認真要讚一讚，佢地有個chocolate cake, 有好濃的chocolate味，岩哂我，至於blueberry cheesecake同埋桂花糕仲有四至五款慕絲杯仔，我通通都試過,不過不失，今次老遠既lunch buffet黎講，尚算滿意。

上次黎呢度已經係半年前啦, 上星期係報紙見到做緊推廣, 嚇左一跳,做緊買三送一!太抵啦!!!!! 即刻book 台同朋友一齊黎!上次因為唔夠時間, 所以我都無點試甜品, 留左個遺憾,~ 所以今次我既策略係主攻甜品!呢度甜品既款式比上次多左，賣相唔錯啦 ~ 至於味道, 我每款試左小小,都覺得好滿意,尤其係個朱古力慕思，同埋雜果卷，賣相靚又好食!!最令人喜出望外既個款曲奇雪糕批，曲奇香脆夾住雪糕，勁好食! 仲有我至愛既薄荷朱古力味, 係出面好難搵到架! 我一口氣食左兩杯，好滿足!!熱盤都有好多款, 我覺得最好食既係羊架,幾juicy, 其他凍盤海鮮，好似蝦、長腳蟹、翡翠螺都好新鮮! 正啊!我個朋友就最欣賞個燒暔仔,話個皮夠脆, 拍得住出面d 大酒店咁話喎 ^^我地仲每人加左28 蚊參加個任飲計劃~雖然我覺得有d 貴, 但好彩都幾多款選擇.~除左食物幾滿意之外, 呢度既服務都好好, 餐廳個境又靚, 抵啊!!推介!!!

$288 有75折, 期望已經唔敢高, 但係....失望地方: 好細, 擺放食物的地方逼得緊要, 刺身, 燒味及飲品擺放在餐廳外的走廊, 雪糕櫃放左佢地電腦/收銀機旁邊, 可想而知....魚生只有三款, 唔新鮮, 無鮮味但有陣陣的雪味 (生蠔? 妄想!)熱盤: 羊架 (ok, 但係肉質腍到無纖維, 有點古怪), 炸蠔 (夠熱夠脆), 炒青口 (過熟, 橡皮咁), 蒸魚(ok), 炸蝦卷 (好味), 西班牙炒飯 (嘩! 顏色好靚, 靚到假咁,無味啲飯又散), 款式真係好少凍盤: 蝦,翡翠螺,蟹, 青口一般, 但種類少甜品: 少得可憐, 味道一般, 芒果凍難食到不得了, 綠茶芝士餅唔得, 豆腐花無味飲品: 自助式, 但經常無茶無水無冰無檸檬無糖水, 一杯凍檸茶要行3轉至齊料, 死得啦, 仲要行到老遠攞, 人人都攪到自己好似伙計咁款服務: 有位好nice的captain, 但其他就幾hea如果蔬菜類多番幾款會好好多, 如果唔食魚生的朋友可以一試如果要求食飽而唔係為左食得好的話, 又為左有個地方聚腳, 呢度真係唔錯, 價錢唔貴, 地方夠新, 人唔太多又唔太0曹但如果係為左食的話, 可以唔駛諗

家姐生日,姐夫,揀左呢間唔多就腳既酒店,自己渣車去當然無問題la.car park 要$30 /hour, 好貴咋.免費2hrs 都ok la.自己最多比1hr.講下食物,海鮮,不用說,全部都好正,包括炸生蠔,魚生,凍蝦,長腳蟹,翡翠螺好乾淨,真係無得頂肉類,真係麻麻,我算係乜肉都食,唔會覺得難食,我竟然吐番出黎.真係食唔落.係走廊出面拎既燒羊及牛,d 肉梅架.入面羊架.唔知叫淋定係梅,唔得.唯一得既係燒豬仔.甜品,選擇唔多,但都好味另外,一個好nice 既經理.多口問佢,今日生日有無優惠,佢講左少少費話,下星期開始另一個價錢,有75折,不過咁la.今晚做埋比你地ar埋單,渣車問埋佢係米2hrs free, 佢問2 hrs 夠唔夠,幾點入.我地六點入,要3hrs 先夠.佢比夠3hrs 我地.真係好識做ar.good

食物無咩選擇,,味道一般,但都尚算新鮮=]但係d魚生好孤寒....無得自己夾,,佢仲要切得勁細@@前菜冷盤無咩揀,,d火腿同煙三文魚卷幾好食,同個翡翠螺好心機地抽起晒個d污糟嘢先放番落殼度,所以食起黎無沙!!不過沙津唔多attractive~但個蛋沙津幾精緻,都ok啦~羊架幾好食,夠諗而且唔膻^^其他熱食,好似燒牛,炸蠔都一般~甜品,,反而多選擇!力推荔枝凍同朱古力慕思~椰皇凍都唔錯~而且有dryers雪糕食,仲有得叫佢砌款添~~不過如果係haagen-dazs就更好喇xd但係千萬唔好食個芒果凍,,個樣好靚~但食落竟然係消炎藥水味!嘢飲雖然係任倒...但係得lemon tea,coffee同milk tea...3種環境普通,唔大,但都幾清潔,同埋換碟同食物都幾快手!有專車來回酒店同荃灣mtr station=]

今天跟女朋友來慶祝 特意吃他們的自助餐 意想不到的差 我吃自助餐從來都不會採用「回本」政策 自己喜歡吃甚麼便吃甚麼 加上我喜歡的都是較容易吃飽的 但也想不到那裏質素較想像中差 那裏食物選擇不多 我記得有壽司 魚生 西班牙炒飯 雪菜肉絲炆米 湯麵(可任君選擇食材) 炸生蠔 蒜茸蒸虎蝦 胡椒蟹 著餅 麥包 甜品 任飲汽水等等食物味道一般 選擇少 勝在不停供應 那些蒜茸蝦確實可口 亦是最多人爭的 其餘的不太可取 但最令我生氣的是服務員 着他們加水永遠也不會來 那餐只吃了不足一個小時便走了

喜出望外的自助餐~雖然沒海景,地方又狹窄,沒咩特別大的期望去到之後,要坐十五分鐘先有得食,得閒就睇吓D食物,點知係D壽司上面見到隻蚊!!!超唔衛生LO!果盤壽司又唔多新鮮,D三文魚AR,都唔多正!雖然比較失望,但好快回復信心1.首先試個沙律,好正!D水果好甜,好FRESH!推介!2.接著,燒牛肉有小小鞋,都OK3.D蝦,長腳蟹要激讚,好新鮮,好好食!4.最後dessert 都要讚,荔枝杯,免費雪糕(食左2杯,有不同味),芒果布甸,chocolate foutain 都好食!又有停車場,今次食了一餐好食的自助餐,有下次!世界盃有得抽獎,有75折AR!

估佢唔到:1)方便,由荃灣地鐵站, 入帝景軒約＋二鐘2)$288有75折(自動有75折,咩都唔洗,仲巳為要指定信用卡), 計埋加一, 每位$244.83) 每位$244.8,環境+食物都算OK巳為朋友想去, 所以訂了(原來她去過,覺得幾好) 一個誤會加一個機會. 就是這樣6個無所謂+ 一個誤會加一個機會, 8人就入了去食Buffet.推介美食:蝦, 大隻, 肉爽口, 新鮮. ($244.8有此種蝦,比客人食,其他都唔仲要Lor)表面地方唔錯, 服務員OK.海鮮冷盤, 蝦、長腳蟹、翡翠螺. 我覺得蝦最好, 偏淡口, 不過好大隻, 肉爽, 味算鮮甜, 正!長腳蟹, 翡翠螺, 味道一般,這個價錢, 就算係好OK架!沙律: 有雜果沙律、雞蛋沙律、薯仔沙律、自制沙律.熱薰: 蠔餅、印尼炒飯、大頭蝦、酥炸生蠔、魚、牛仔肉、咖哩燒鴨、絲瓜帶子、辣蟹、 牛仔、泰式米線 ( 直得一提, 味料之一, 辣醬是余勻益)。真係加佢5分! 不過熱薰食物名稱有點亂.飲品: 咖啡、茶, 任飲罐裝汽水( 不過唔夠凍)!甜品: 一般!中價/價錢都有嘢食比到刁夾尖食(Lee係麻煩友),估佢唔到,有54分+10分(中價/價錢

上次見生果日報介紹呢間酒店，環境好似幾好咁而且75折完加埋一都係講緊$220到，所以就黎試下。仲要抵死到有得上網book枱添，佢地仲幾有效率，好快打返黎confirm個booking。好野~今晚可以同我兩個fd慢慢食，慢慢傾啦。今次係同兩個份量十足既朋友去食，佢地一見到d海蝦同螺，話幾靚仔又大隻，就攞左好多隻返黎，而我就攞左d沙律，都ok既，有生果沙律同雞蛋生律，好清新，仲有個款蛋包煙三文魚，全部都幾岩我心水。至於熱盤比想像中特別，有平時係泰國餐廳食既明爐燒魚、同埋全隻燒乳豬係buffet 枱到show出黎，d個我真係估佢唔到會有囉，味道都幾好!另外炸蠔同青口都ok大隻，燒腩仔個皮真係幾脆，值得一讚，至於d羊架都ok啦。而我兩個fd都話食到差不多回本，因為佢地除左食左大量蝦、螺、蟹腳同炸蠔外，話送個個椰皇燉蛋白，平時係街食都要五十幾蚊，仲要每人食佢2-3杯Dreyer’s 雪糕再加汽水任飲，wowowo……buffet萬歲!!

聽日係結婚7週年紀念, 今日同老婆去慶祝下! 去邊好呢? 又想食buffet, 不過又唔食得多, 想搵間中間價錢, 最後諗到呢度. 之前既食評好似都係麻麻地, 咁就本著一試既心態去食啦, 點知...喜出望外!buffet 6:30開始, 6:15可以入去坐住先. 地方唔錯, 檯與檯之間闊落. 不過食自助餐, 最緊要都係有咩食先! 先講海鮮冷盤, 食左蝦、長腳蟹、翡翠螺. 我鍾意食蝦, 不過多數自助餐D蝦都淡口, 佢呢D就好正, 又大隻, 肉爽口, 最緊要係好有蝦既鮮甜味, 正! 長腳蟹有鮮味, 唔鹹口, 好食! 翡翠螺大大隻, 不過味道一般, 唔係話好鮮甜. 全部不斷refill, 唔洗爭! 凍肉只得兩款, 味道都可以架!沙律方面有雜果沙律、雞蛋沙律、薯仔沙律、自制沙律(自己整咁解), 居然有我最鍾意食既雞蛋沙律同埋薯仔沙律, 忍唔住都要食番D, 好味! 可惜冇煙三文魚, 不過佢都有細細卷既煙三文魚卷, 補番數!熱薰都有好幾款, 我食左大頭蝦、酥炸生蠔、魚、牛仔肉、咖哩燒鴨、絲瓜帶子、蠔餅、印尼炒飯 (老婆食左新加坡炒辣蟹, 佢話ok). 大頭蝦有羔, 酥炸生蠔

今次母親節提早咗慶祝,上openrice見到哩間平平地就試下$288有75折,計埋加一都係$245一個長者,小童重平$160今時今日香港地,真係唔知邊到揾由於有睇”鋼之年煉金術師”的關係所以知道乜嘢叫”等價交換”哩個價錢,哩個質數都算ok!雖然食物種類唔好,而且地方細小,但不過有兩味可以推介下“乳豬”皮脆肉嫩,咬落去重有肉汁一d都唔乾,而豬腳仔同豬手你,d油都燒晒出哩,所以食落去都唔覺油膩“America chess cake” 餅底脆脆地,而chess cake本身軟硬適中,最重要係食落口有種奶油香其他都無乜驚喜,而佢地今次主打的亞洲美食,其中有隻咖哩蟹本身的咖哩汁,唔係幾夠辣,不過可能要遷就大眾的關係,但嗰味個名應該叫”星洲咖哩蟹仔”如果大家抱住食haagen dazs,就可能會有失望,因為今次”掛羊頭賣狗肉”地方細,伙記少,次次加水都要叫人先加,唔會自動自覺,不過有罐裝汽水,同咖啡紅茶任飲,所以可能佢地無預你會飲水

前幾日想係荃灣想同男友搵d抵食自助餐，就來了呢度。因為本人係dessert lover.主打當然係甜品、cake之類。種類都幾多，特別一提係個America cheese cake，同下面Mr. buffet 講既一樣，真係有d似文華個個味道〞，質地好軟滑，芝士味濃，正架!值得一試，我都食多左兩件~哈哈再黎其他的骰甜品，係桂花糕、奶凍咁，一口一啖，剛剛好，最好食就係透明個件，好似用椰皇水做咁，好清甜，我一口氣食左3個。他們又送個椰皇燕窩燉旦白，估唔到好滑同好清甜再加埋d燕窩，真係幾掂喎!由於我太愛dessert，仲額外叫左個Häagen-Dazs雪糕，2個雪糕球+小小啫喱。最愛是仲夏野莓，食到桑莓果肉，超正。對我黎講，甜品呢part ok 過關。男友就食凍盤、熱盤多，沙律個賣相幾靚，隻蝦同螺估唔到咁大隻，佢話兩樣都幾新鮮。佢話剛出爐的燒腩仔都脆，可以試下。順帶一提，走先前呢度有shuttle bus去荃灣mtr，早知唔洗搭van仔啦。

之前有同事試過係度食tea buffet, 話幾抵食同環境幾好, 就趁Auntie生日帶佢黎試下, 點知超級失望!早1日打去book位, 個電話打左5,6次都無人聽, 最後打番去總機, 佢一轉就有人聽, 激死! 早知我一早打總機啦, 浪費我D時間! 個小姐話佢地星期日晚好full, 要安排我地坐係cafe出面既位置, 我本身唔知佢個度有幾大, 就無所謂啦! 第二日佢地打番黎, 話有人cancel左booking所以俾到我地坐cafe個邊, 心諗都幾好彩, 期待食番餐好既~~我地7點半到, 一入去到已經呆左, 因為佢個所謂café既範圍非常細, 八百尺都唔知有無, 最離譜既係佢d野食少到無人有! 壽司得一盆放左係一個大汽水筒隔離, 個樣仲要好似放左好耐咁…再隔離就係冷盤., d長腳蟹, 中蝦, 翡翠螺同青口好似垃圾咁堆埋一堆, d長腳蟹就得番d腳趾仲要成晚都無refill, 見到都唔開胃…熱食都係一眼見最咁滯, 加埋d炒飯炒麵都有10款既: 1.大頭蝦: 一開只係得番d蝦頭, 好艱辛咁搵到兩隻蝦身, 我男朋友咬左一啖即刻唔食, 因為d肉霉既...2.乳豬: 個樣好似人地食剩唔要個d咁,