帝景軒 (已結業)

今日黎到呢到食自助餐，一直都好期待，好想豪食一餐，聽過好多朋友講呢間價錢都合理，而且有專車係荃灣地鐵站接送，所以都好方便。搭車入黎先知通原來呢到都真係好遠，但都差唔多滿座。呢到既食物款式都同出面其他自助餐差唔多，有沙律、刺身、海鮮、熟食、麵同甜品等等。特別一讚既有鮮茄汁煙肉寬條麵，真係煮得好入味，好香蕃茄味，而麵亦煮得軟硬適中，好有口感。仲會食食下有待應會送上野食，我仲以為係要特別order先有，點知原來係每個客人都有，今次就送上和牛同燕窩蛋白燉蛋。對我黎講最開心就係有6款味道既haagen dazs雪糕，真係好開心。

難得又到新年 除左行花市之外 就係帶屋企人食好西 今次呢個自助餐主題係大江南北海鮮自助餐 已自助餐 分左三個部份 第一Part係冷盤同沙律吧 第二Part係中菜 第三Part 剌身吧 第四Part係甜品吧先介紹下第一Part先 冷盤同沙律吧 冷盤方面有長腳蟹 凍蝦 青口 同 翡翠螺 個長腳蟹絕無呃稱 係啖啖肉 而且好肥美 鮮味多汁 凍蝦都好新鮮 唔會話啲殼痴實蝦身 食入口都好有鮮甜既蝦味食完一輪冷盤 食返小小沙律中和返個口腔味道 等陣再食中菜 沙律都有好多選擇 有凱薩沙律 雞肉粒沙律 蘋果沙律 ...等 唔岩既話仲有淨菜同沙律材料Provide 可以俾你自己自由配搭出岩你口味既沙律 我就揀左雞肉粒沙律去試 啲菜好新鮮 全完無農藥味 而且又唔老 不過雞粒咬落口就偏硬 （建議可以加返啲醬料（沙律醬/醋）去食 可以令到個口感提升食完冷盤同沙律 轉戰去試中菜 總共有九款美食俾你揀 分別係 八寶蟹肉飯 松茸三文魚籽長通粉 龍井蝦仁 壇子骨 左宗棠雞 雲腿海參絲 松茸鮮枝竹燴南瓜 菜心獅子頭 水煮原條海鱸魚咁我會寫下特別既菜式八寶蟹肉飯 我覺得好新穎 因為八寶飯本身係比較傳統既飯 全來match落

去左帝景軒用員工優惠價食dinner buffet, 都好後悔魚生: 有三文魚 吞拿魚 油甘魚 甜蝦 款款都淡而無味 刀功差 求其旺角一間放題都好食過佢冷盤: 有翡翠螺 長腳蟹 青口 蝦 但冇食到蝦同青口 長腳蟹好霉 一啲都唔好食 翡翠螺一般 啲殼唔知點解碎晒 食親都有殼係口係有碟蟹肉伴海參叫幾好食 有encore到熱食: 款式少 唔吸引 冇樣樣試 連普通粉麵都整得麻麻甜品: 都唔吸引 叫做有haagen dazs雪糕可以平衡下總結: 有優惠都唔好山長水遠入去食 唔值

在2017年的國慶日，前往幫襯，二大人送一小童，心裡已经有準備不會好，埸地细都算，冷盤，熱盤均乏善足陳，十分令人失望的一頓。甜品疍糕，雪糕等等也是，反正是什么東西都有，但是味道真的十分一般，一般，沙律的，芝士，有供应的，但没有什么味道，這家酒店的餐厅，只符合入住時，免费附送自助早餐的形式，你才好去吃，否则自費去吃的，你便中伏了，我倒是十分奇怪，没有人訂座位，入席不到十分钟便明解了。

1月食評大讚過 龍虾主題送半隻龍虾有 炒龍蝦鉗蚧 焗蠔 .... 食到停唔倒“大年初一“ $318 今次主題係：“松茸海參大江南北海鮮自助晚餐“ 冇冬菇 冇蘿蔔糕 冇焗蠔 冇炒虾蚧 有藥膳鴨 金炒骨 蒸鱸魚 燒雞 蘭花大虾雖然每位送海參1份 但份量唔多唔吸引嘅熱葷主題“海參“ 嘅菜式 失色海參切得非常幼細 目測都難找 自助餐完結 都剩下大大盤雜菜 冇人吼1. 海參香干(大量豆干雜碎剩 少少少海參絲)2. 雲腿海參絲 (大量西芹金荀剩 少少少海參絲)3. 海參南瓜湯羹 (冬菇絲大量 少少少海參)凍盤過往都係冇蠔 有蚧腳 青口 煙三文沙律菜大量選擇燒牛柳 8點零就沽清 冇緣食倒甜品好多選擇 但馬卡龍 & cheesecake 想食就早啲攞定即煮粉麵 双丸瀨粉豆苗 喇沙湯雞湯都好自己加料魚生檔嘅櫻花虾 更正有幾位年輕女服務員 很禮貌又勤快 經常換碟 周圍巡

臨近新年 除左要買新衫買新衫 都係要同屋企人食返餐好既! 見帝景軒最近出左個新buffet 松茸海參大江南北海鮮自助晚餐 啱哂屋企人口味😋六點鐘就有得入座 預早小小 係荃灣有帝景酒店shuttle bus來回接送 其實都幾方便🚌 去到天都未黑 又有靚海境 又有汀九橋既襯托 好好feel🌉先講下主打既松茸海參.. 相信係我屋企人既最愛❤️ 見到佢地接二連三拎左幾轉 食得好開心!菜膽蠔皇蝦籽海參☘️ 相信哩個係海參最好既食法! 口感肥厚 又腍又滑又夠鮮味 每人都有一份.. 長輩話食海參好 補腎益精 養血淘燥!壇子骨🐷 豬骨好香 又唔會煮得太過耐 唔會太過濃仲有本身既肉味西蘭花龍井蝦仁🦐 啲西蘭花好新鮮 唔會炒得好老 不過蝦仁個方面有相對地有小小失色 因為味道唔夠濃郁雲腿海參絲☁️ 又係誠意作 味道濃郁而且煮得好入味水煮原條海鱸魚🐟 肉質口感滑嫩 油而不膩 魚上淋上辣椒芫荽等等既配料烹調 去除左魚既腥味海鮮冷盤分別有 青口 長腳蟹 翡翠螺 凍蝦 而我主攻長腳蟹🦀 蟹肉鮮甜多肉 加上有淡淡既海水 又唔會太過鹹 不知不覺食左好多隻😆刺身有好幾款選擇 三文魚 鮑片 呑拿魚 鯛魚 最值得一讚係厚切😍沙律有

事源酒店推出了優惠套餐給情侶們2日1夜房連自助晚餐$888起公平起見 酒店人性化地調整用餐價格惠顧自助餐的食客每位只需$198雖然食物款選擇較少 但味道尚算不錯有各種沙律冷盤/餐包/海鮮/肉眼牛扒/中式粉麵/中式熟食雪糕櫃/凍餅櫃/刺身Bar位於門口外雪糕有Häagen-Dazs(呍呢嗱/曲奇呍呢嗱/士多啤梨)和雀巢(黑芝麻/朱古力/芒果)刺身有四款(鮑片/三文魚/鯛魚/吞拿魚)甜品種類䌓多 各式芝士餅/班蘭蛋糕/泡芙/焦糖燉蛋(極好味)飲品就較少 冷熱水/紅茶(附奶可調成奶茶)/咖啡小朋友/年輕的朋友就沒有什麼選擇啦酒店當晚還贈送了一人一份海參價錢相宜 對用餐的標準真的不要定得太過高為一頓平凡的晚餐增添了一個選擇

自上次入過黎帝景酒店食中菜lunch覺得好有驚喜，所以今次約咗幾個朋友黎提早慶祝新年。咁啱系fb見到佢地今期做緊「松茸。海參大江南北」 海鮮自助晚餐，重點！澄子小姐去到先知每位贈送菜膽蠔皇蝦籽海參一份！星期一至五淨價成人只系$258，提早預約仲減$30，仲有free shuttle。無論食品指數上同價錢上都系very surprise！由於今天同朋友仔食團年，所以我地加$75叫咗杯紅酒🍷Chile Luis Felipe Edwards Merlot 2017 (呢款比較易入口）其餘野飲都要加$25 任飲 其實都ok架首先講咗頭盤先，沙律其實種類繁多，但都叫做五臟齊全！有紅菜頭牛油果，菠菜燒雞沙律，扒蘆筍芝士黑松露火箭菜，意式扒燒雜菜配黑醋汁，泰式燒牛肉燒沙律等等同可以自己任意沙律組合！你話系咪真系好多款😂cold cut 同 smoked salmon 都幾好食。重頭戲梗系長腳蟹同蝦啦！長腳蟹肉質飽滿鮮甜，一d都唔離殼。蝦d蟹膏爆咗出黎，食得好滿足！佢地個刺身檔雖然得4款，但鮑魚同三文魚都好好食。鮑魚非常鮮甜，忍唔住去拿多咗次。食完咁多凍嘢梗系要食熱嘢！松茸海參我黎啦！蟲草花姬松茸悶

物價上漲，二三百蚊嘅自助餐選擇唔多，帝景軒雖然比較避，但評價都唔錯，打電話訂枱時職員話提早三日過數每位平$30，$288已連加一。星期日餐廳亦唔算多人，亦唔會因價錢平客人逼位住去拎食物，因為有小朋友，職員安排咗一張邊位嘅大圓枱比我哋三人，座位舒適又唔怕小朋友影響到其他顧客。食物方面選擇較少，味道中規中矩，個人覺得回本食物唔多。服務方面唔錯，收碟快，職員有禮。每人一隻芝士焗龍蝦，肉質爽口，味道唔錯。蟹腳同蝦都幾新鮮，蟹腳鹹味適中，翡翠螺較細隻，有少少沙，青口亦都細隻，無咩鮮味。煙三文魚係我最欣賞，微微煙熏味，唔會太鹹，入口亦有油香。刺身除咗三文魚，其他普通，但切刺身師傅大概八點已經離開。芝士焗蠔好細隻，好似蠔豉，無咩味。紅酒燴和牛面夠淋。黑松露蟹肉長通粉唔錯，但無黑松露味。黑松露鮮准山萵笋腰果蝦仁都唔錯，准山同笋好爽口。麵檔嘅麵好大碗，味道麻麻。中湯及忌廉湯。全個蛋糕得斑蘭蛋糕同藍莓芝士蛋糕。回本Häagen-Dazs雪糕有三種味。

帝景酒店位於汀九橋底，其實我每次返屋企都會經過，但一直冇幫襯過。今次適逢男朋友生日，就諗住book枱，試下佢既自助餐！原來逢星期三係有特別優惠的，訂枱時職員好詳細地講解，之後仲有whatsapp同電話follow up, 非常熱心。晚市自助餐由6:30-9:30pm, 我地遲左放工，搭酒店嘅免費Shuttle Bus，8點前去到。入到去職員迅速地安排座位，然後我地就即時出動去拎嘢食！首先拎左刺身，都係三文魚、吞拿魚、鮑片之類。三文魚OK, 但其他比較一般，我地拎左一round就算了。反而男朋友話煙三文魚好味！之後我地拎其他海鮮，蟹腳係主角，仲有青口同蝦。蟹腳啖啖肉，又夠鮮味，我哋前前後後都拎左幾碟，最後全部食哂。特別一提，好多謝男朋友幫我將所有蟹腳拆肉，令我覺得自己被寵得像公主<3今次自助餐嘅主題係黑松露，所以每位客人都會送半邊黑松露芝士焗龍蝦。味道都唔錯啊！熟食方面，比較突出既係燒牛脷，同炸三文魚，一向都係我中意食既野。芝士焗蠔好細粒，好似蠔豉，有點兒失色。仲有d特別嘅食物，例如用中式手法烹調嘅炒黑毛豬粒，我哋就唔太識欣賞了！食到最後大約9點，佢都冇再refill了，我地快快

帝景軒 6~9:30pm dinner buffet雖然汀九有啲遠 有接駁巴士有免費泊車3小時 閒日優惠258已包加一 預繳減30 超值熱葷有 薑蔥龍蝦鉗 ~ 肉有啲嚡係冇生蠔嘅 有白汁菠菜焗蠔 好正牛脷夠淋冇腥味 和牛腩 豬頸肉 酒雞西蘭花虾仁 鴨胸 ……粉麵檔有 叻沙 ＆清湯 靚菜苗檬粉正鮮淮生萵筍腰果炒蝦 必食餐湯~老火湯 去濕豆葛湯 ＆ 黑松露忌廉湯~ 好香濃 但有少少菇腥味沙律甜品~好多選擇 最欣賞 "牛油果秋葵納豆海帶" 坊間少見冇酒飲 有自助奶茶咖啡服務好有禮貌 收碟快 供應足 滿足＆愉快嘅一餐 (唔係買廣告)

從廣告上看見有限定優惠，雖然酒店在汀九，位置較為偏遠，但反正在荃灣港鐵站有穿梭巴士，也就來試試吧。酒店是屬於大集團，但可能因為較為偏遠的關係，所以餐廳的地方不算大。幸好餐廳的設計也頗費心思，雅緻得來也善於利用空間。酒店餐廳正以「十週年限定優惠」作招徠，客人可以特價$258享用『滋補盛「燕」花膠自助晚餐』，還每位贈送一客菜膽花膠扣原隻鮑魚，實在叫人怎能不心動呢？餐廳內坐位當然比不上大型場所，但由於擺設得宜，在盡量能夠提供諸多款式美食之餘，也不見擠迫與及很少出現人龍，這與快捷的補給也不無關係。食品方面以細場來說已經算是有不少的選擇，加上以花膠、燕窩、鮑魚、海味，還有日式刺身作重點推介，以這個價錢來說，可謂超值，令人喜出望外。云云眾多選擇之中，個人比較喜歡的有燒牛肉、燴羊膝、花膠黑木耳鮮雞煲及贈送的菜膽花膠扣原隻鮑魚。刺身及凍盤雖然種類不算很多，但跟其他場提供的基本項目都不缺，而且補給快，所以不愁沒有食物可取。實際上眼闊肚窄，不多久已開始有飽滿的感覺了。當然未吃甜品都未算完滿，場地雖然不大，但好在懂得善用空間，所以甜品區也擺設得精美及吸引，而且很多款甜品都加入了燕窩，實在不能錯過。還有，場內

昨晚深井遊後到帝景宿一宵包早餐~當然要限時前享用啦~有沙律吧~沙律新鮮補返琴日無食到菜~牛角包夠脆夠熱夠甜有無限蛋蛋蛋蛋蛋提供~想點食就落ORDER^^行一轉就有得拎~拎左3款蛋~~炒蛋唔夠滑~奄列普通~最正都係太陽蛋熱食都有唔少架~友人就自制左西式全日早餐啦我就當然狂食蛋啦@.@太陽蛋+炒麵@@~麵都唔錯~但濕左少少~因為焗住保溫~左邊有白粥~中間有湯~右邊有燒賣~最後4粒比我掃左但原來唔好食的咁唯有再食蛋同炒麵啦~食左勁多蛋呀～正！總結：雖然話包早餐～（其實房價包埋是常識吧）但感覺都係ＦＲＥＥ　ＢＲＥＡＫＦＡＳＴ～食得開心又滿足~但係餐廳對住汀九橋既方向係完全被遮蔽!!無風景可言~對於要求唔高既我已經覺得唔錯誠實咁講~要我比錢黎食任食早餐就免了因為我都係食蛋同炒麵姐....(笑)

不是朋友介紹的話，真的不知道原來有家酒店正正坐落於汀九橋下。香港人住酒店有點無謂，假期想遠離一下煩囂，來這裡吃自助餐是個選舉。是晚跟朋友前往，朋友帶路原來荃灣地鐵站B3出口天橋底下便有穿梭小巴，十至二十分鐘一班，我們幸運地一到站便有車，約十分鐘後便看見亮起耀眼紅燈的汀九橋，橋的前面便是酒店。自助餐餐廳位於酒店一樓，稍為矮了點而看不到河景或橋景。用膳范圍不會太逼近，看得出餐廳也有好好利用空間放置食物，雖佔地不多但食物款式和種類都豐富。有即煮粉麵區，上面還有限量的燕窩焗葡撻，不過後來吃太飽了都沒辦法試，留待下次吧。其中刺身部和甜品凍櫃放在餐廳門口，就算有人龍也不會排在用膳餐桌旁邊。而甜品部則圍繞兩支大柱的旁邊，放滿小切餅，地方可是物盡其用，不禁不稱讚一下擺位的聰明。老實說走到市區的外圍，除了逃離一下以外，價錢也是一大因素。現在外面吃一頓有質素的酒店自助晚餐都要四五百元，這裡原價$258一位吃足三小時半，還可用信用卡優惠；加上帝景酒店是跟旺角帝京酒店及沙田帝都酒店同一集團，質素不會差，性價比高。清酒、紅白酒和罐裝飲料也可以加錢任飲，我們加了$78一位任飲紅酒，葡萄酒味香醇，偏黏性，帶點酸但不

今次帶娘親去帝景酒店嘆中菜，娘親一聽到酒店就即刻着靚靚同我齊齊出發。帝景酒店位處汀九橋，係人多過蟻嘅香港，呢度係寧靜而優雅嘅一個角落。中菜廳間隔寬闊，最鐘意唔迫唔嘈嘅環境！最重要係食物質素認真好，黑毛豬叉燒鬆軟，香味十足！另一樣就係燕窩海皇羹，燕窩份量唔鉗，好食又帶點點高貴，價錢又適中再黎豆漿浸時蔬，全素健康豆味濃，有肉有菜最健康啦其他菜式:一提帝景酒店，大家就會諗起位置偏遠，但係其實佢嘅中菜真係一流，加上越來越多免費接駁巴士，就同係荃灣附近行下睇下有乜食所用嘅時間係一樣，點解唔去一個舒服寧靜又好食嘅地方？