帝樂 - 德國餐廳 (美利樓) (已結業)

之前已經試過hk其他比較多人推介既德國餐廳，今次結果味道都係一樣，究竟知唔知德國豬手同乳豬既分別唔係烤到個皮脆卜卜敲得出聲就叫好食烤到連d肉都硬埋，咬都咬唔開，牙較都軟埋成隻豬dry到要龜裂要不停隊水感覺係咬緊一隻被抽乾水份又咬極都咬唔開既肉味道分唔出同酒樓插住燈膽個隻乳豬頭盤有乜分別唔明點解咁多人讚好脆好食😑註 有係德國食過 真正徳國豬手係唔會烤到個皮薯片咁脆 同埋係有汁的乾到已收縮既德國乳豬德國慕尼黑食既豬手

赤柱必食呢到嘅tea！！！抵食到爆炸！必試佢户外嘅自製意粉自己揀完料之後拎去比師傅整就ok但大家唔好揀太多蝦，因為雪味都幾濃食嘢嘅種類都好多，必食焗帶子每次岀爐必掃！超正，勁濃芝士忌廉味

今日傍晚六點鐘同女朋友 到赤柱餐廳 訂坐希望坐個海景位置， 女經理說不可訂座現在入咗就可能有，奇怪落單時因為未知道有 citibank會員優惠 及後我想後加頭盤及麵包 相隔不到五分鐘 我問 女經理可否安排 先上麵包頭盤 後上兩個大盆 ， 女經理馬上就回覆不可以， 請問這種服務態度是你們應有的嗎 真係試下問一問廚房都唔可以 如果問過回來回覆我 已經上菜我亦都無話可說， 但女經理的態度 令我想馬上結帳離開! 幸好經過有一位男經理 清楚過程 代為安排 態度有善， 後來女經理只好死死地氣回來說已安排好了， 之後女經理 對待 其他客人的態度都有 馬上 所改善， 今天應有的服務態度 真真多謝你😤！食物有水準👍， 女經理請你繼續保持有善嘅態度 耐心嘅聆聽盡嘅你能力 對待來支持你們的客人Thank You!

呢日難得到赤柱郊遊，度過了愉快一日, 爽到爆!晚餐都要食餐好，成班友仔一齊啤啤佢一入黎已經覺得好有歐洲feel, 令我腍起之前去東歐見到那些餐館呀見到又好想快啲再去旅行三軍未動啤酒先行, 睇下有咩酒好飲先＿間野德國啤酒出名, 緊係要飲下, 叫先叫一個脆皮燒豬肘配酸椰菜薯仔 $225豬手好大隻，一隻都好夠我地幾個人食，豬皮香脆，肉質鬆軟，好高質有腸食! 又揀多左個迷你德國腸拼盤$170當然要食, 唔食腸唔似食德國菜，紅色那款濃濃最好食，有香草那款就較鹹

It is a nice place for lunch in Stanley, for its prime location in Murray House. We choose to sit at the balcony to enjoy sea breeze. Salmon salad as appetizer. Veggie tastes fresh!main dish - filletMain dish - rib eyeThe dessert tastes refreshing - cheesecake with some mangos.

入來赤柱四圍行下，之前聽friends 介紹過呢間，所以呢次特意選呢間食下，當然點了不可錯過的主打菜鹹豬手，但考慮兩個人食唔嗮，其他也唔敢點了，加個德國金裝香腸和火焰雪山杏仁芭菲配鲜果。一個個介紹，豬手第一個上，皮脆，好香，而且有陣豬手特有的味道，我最喜歡食筋健位，好嫩。肉噶話呢，靠裡面位置的會嫩點，靠外面的就會香口滴同埋老滴。但係真係好鹹好鹹啊！配菜的酸菜几好味，薯仔好好食！第二個上噶系德國金裝香腸，同以往香腸的味道差不多，薯泥好有特色，酸酸甜甜。第三個就系驚喜，呢個火焰雪山杏仁芭菲配鲜果，上噶時候用點燃的威士忌淋落，好有feel ，味道唔會太甜，口感有層次，不會太膩，唯一不足噶系生果有點唔係新鮮的。

第一次在香港吃德國豬手就是在King Ludwig，那年正值發肉時期，見到大份大份肉當然異常興奮，給我多多都能清碟。是日中秋節假期和家人重遊舊地，回到擁有160年歷史的殖民地式建築美利樓，和豬手再相遇。 這兒假日中午有自助午餐和A La Carte可選，前者價錢為每人$268加一，可是現在我們胃口不大，散點便可。這分店來過不下五次，分室內和戶外的位置，店子裝潢甚有異國風味，彩帶和旗幟滿佈，而店員也穿著獨特的巴伐利亞服裝，熱熱鬧鬧的好有嘉年華氣氛。 芒果大蝦沙律 $125知道待會兒的豬手會較油膩，所以來個沙律平衡一下，成品來到比想像中少，蝦肉油炸過，調味過鹹，芒果肉只有幾小球，味道頗酸，橄欖油亦下得重手，不如想像中清新。 脆皮燒豬肘配酸椰菜薯仔 $225豬手一如以往的大大隻，五個人分都只是勉強完成。豬手原隻上桌後店員會幫忙切件，件件都份量十足，豬皮卜卜鬆脆，肉質香軟，不怕乾柴，做得甚有水準，難怪是這兒招牌。 迷你德國腸拼盤$170來到德國菜館感覺還是要點個香腸，胡亂要了一個迷你腸拼盤，沒細心研究三款香腸的名字，只記得帶紅色的較濃味，有香草在內的則較鹹，而白雪雪的那一款味道最清淡又最對胃口

結婚週年丫，難得唔洗湊女同老公鼠出去撐台腳～老公比我任揀食乜，本身諗住食西餐算～但係美利樓行行下， 聽到有人唱歌 應該係德文，除非唔係😂就話不如食德國菜啦，見又唔係特別貴～～叫咗個套餐，呢個係頭盤～鴨肝好creamy 幼滑細膩，香濃鴨肝味汁有啲似千島醬，但無千島醬咁酸 少少水果酸味 係酸甜莓味 開心果瓜子碎配汁 無咁濟～包唔係蒜蓉包 係硬 唔係脆 食唔出佢搽咗咩老公一嚟就話：我要食扒！鑒於老公唔食生野，我哋就叫咗七成熟雖然都七成，但肉質一啲唔韌又唔乾！好juicy添！ 好香炭燒味，扒都算厚！好香牛肉味～露筍稍老，食落有渣～有少少失望～ 我以為佢係一塊魚柳…但佢係銀鱈魚柳～碎～ 唉… 比佢呃咗雖然係咁，但依然好好食酥皮盒夠香夠穌脆，牛油味好香！有兩隻蝦，蘑菇，西蘭花，露荀，白汁其實最主要係酥皮盒好食！皮脆，唔太咸 肉一梳梳 肉質彈牙 有咬口皮帶脂肪 全部皮都好香脆 又無燶！豬肘配搭酸菜 更出色 唔膩唔濟，但稍苦不過食食下原來都幾咸😂金寶脆卜卜 底下蘋果香甜軟軟 有檸檬味吉士汁暖暖地 吉士汁香濃 好香濃雲利拿味 見到有好多籽一脆一軟 口感佳

食過咁多間豬手~呢間真係一推再推!早排同男朋友入左stanley行下, 順便食我地初初拍拖時食既豬手~一泥好中意食豬手,二泥呢度環境好好~ 又有live band因為同男朋友都好中意豬手, 所以食到最後會連骨都會咬埋既程度!今次我地叫左招牌豬手,農夫包,羊架同埋芝士通粉(唔記得個名)當然唔小得兩杯德國啤酒!男朋友叫左黑啤, 我就叫左果味重既啤酒(唔中意好苦既啤酒)~招牌德國豬手就唔洗講 成隻上 比我地睇左先上~外脆內軟~再加上酸菜, 個個味道配合得天衣無逢~ 我最怕酸菜有酸縮味~同埋太酸, 但佢呢間就無呢個問題!岩岩好~ 抵讚!農夫包每次都係必叫既, 佢兩個醬真係好好食~特別係芝士醬, 真係好好食~羊架我個人就覺得都幾普通, 無咩特別同價錢都幾貴~ 唔太抵食同感覺屋企都正到~芝士通粉又係必叫~ 因為佢d芝士味好濃好似每個通粉入面都係濃濃既芝士味令人停唔到口咁去食~由於我電話唔見左 所以無相比大家睇~

天氣好，心情好，又有幾日假孖住放就緊係去遠D鬆一鬆啦！入返轉赤柱行下 relex 下咁係確實幾舒服。 本來冇乜目標，休悠悠咁見到邊間合眼緣就入邊間，點知行到去美利樓，二樓間西班牙菜大大個牌寫住 憑中銀信用卡午餐/晚餐，在主餐牌消費滿400元減100 酒類飲品除外(記住加一係另計架！)。雖然睇落幾底，但是西班牙菜唔係我杯茶，跟手行上三樓的德國菜館，同樣有這個中銀信用卡優惠，本來星期六有自助餐，連埋加一大約300蚊一位，不過計落還是用中銀信用卡散叫價錢比較化算。所以二話不說就入呢間啦！更何況德國咸豬手係我的至愛。我們一行四人，叫了兩隻德國咸豬手、一杯德國麥啤、一杯凍檸蜜、一客欖油蒜子炒意粉、一客蕃茄牛尾千層麵、再加一個甜品。用中銀信用卡找數全單扣了200蚊，實際付款$810。一個字“抵”！德國咸豬手一如以往的外皮脆脆卜卜，食得出係新鮮即炸的，加埋酸菜一起食，冇咁油膩，我鐘意啊！呢個牛番茄牛尾千層麵是我的最愛，先將牛尾蚊淋再起肉，夾在千層面裡邊，啖啖肉超好味！而且個欖油蒜子炒意粉味道就一般普普通通。再加這個甜品90蚊可能貴咗少少但是那個雪糕非常好味，細細份四個人分其實唔係幾夠食。總括來講這

We came to Stanley today to enjoy the dragon boat festival and we have stopped by KL for some quick drinks before we head to dinner. Alcoholic BeerThe restaurant is well-known for its german beer, both on tap or in bottle. This newly launched beer has a light wheat taste, great for those we cannot handle bitter beer. Non-alcoholic BeerSurprisingly, this non-alcoholic beer has a strong yeast flavour and it's more fruit and even a bit floral in taste. The size was even taller than the alcoholic on

赤柱臨海食肆收費例必昂貴，想平平地賞景兼嘆美食，唯有下午茶時段前來。這次選擇了King Ludwig的下午茶自助餐，3時開始，餐飲可配德國啤酒一杯。自助餐除了有冷盤、熱盤和甜品外，還有即席燒烤專檯， 提供烤栗米、雞亦、及多款腸類食品等。烤物不會烤焦，也不會烤至太乾身，最適宜進食。雖然有多款腸類燒物，形式顏色各異，但味道卻沒有太大分別，可幸是腸身仍能保持外脆肉軟的質感。專檯還有即煮意粉，配備蜆肉，火腿碎，栗米，洋蔥粒，長通粉/意粉。食材不算是昂貴，勝在夠熱辣辣上菜，份量亦可自行選擇。

與友暢聚，順道到赤柱逛逛，是假期中一個不錯的節目。到德國餐廳，吃德國腸是少不了的指定動作。德國腸拼盤雲集了各款不同腸類，肉質有嚼勁而軟，調味恰好，是啤酒的良伴。拼盤還有迷你德國麵包圈、芝士條及沙律菜等，全都可以配合德國腸來吃，滿口滋味滿足！再來是瑞士芝士麵糰配牛、豬肉丸伴鮮茄汁，一粒粒的芝士麵糰咬下去柔靭香軟，牛肉丸和豬肉丸則很腍身，酸酸的茄汁是用來中和整個菜的肥膩感。話雖如此，吃完已經很飽。飽餐完豐富的肉食後，來一客沙律以減低減低膩滯。蕃茄沙律伴香草橄欖油意大利水牛芝士，蕃茄十分鮮香，趁以爽口沙律菜及軟腍水牛芝士，是一剛一柔的組合，合拍得很。又是一餐超額完成、超級滿足的美食，代價就是跟著的運動補償了。

快到聖誕節，來赤柱感受一下聖誕氣氛，還到美利樓上的德國餐廳吃飯。先點了個湯，好好味的，但忘記個食物名，有濃郁的牛味及蕃茄味，當中有很多不同的疏菜：蕃茄、甘荀、洋蔥等等，賣相及味道真的不錯。前菜：煙三文魚拼薯餅三文治與醃酸瓜一起吃，咸咸酸酸的，很好吃；薯餅是切到一條條，再壓成餅狀，再炸，雖炸到有少少燶，但真的很脆，完全不油。  主菜：德國腸拼盤、德國脆豬手，腸仔麻麻地，唔好味，普通肉腸罷了；至於豬手，是1至2人份量，所以真的很大份，肉是軟軟的，皮是脆脆的，不油淋淋，聽聞是推介食物，真的值得一試，waiter 還會幫忙切豬手，很細心呢！甜品：黑森林蛋糕嘩！又是大大份的，不太甜，有冧酒車厘子，是正宗的黑森林蛋糕，正！

The food here is quite authentic. We ordered the small sausage sampler which has three types of sausages with saukraut, farmer's roll, and pork knuckle. The small sausage sampler only had six sausages even though on the menu said was enough for 1-2 people, probably they meant 1-2 people with a small appetite. The sausages were grilled/ fried nicely and the saurkraut was not too sour and tasty.The farmers roll came with two small plates of cheese and liverpaste. It was too hard for my liking but