影片
电话号码
24799908
开饭介绍
几层高的中式酒楼，实属街坊饮茶之选，适合一家人前来乐聚天伦。有多款点心及小菜供应，推介蜂巢芋角。
继续阅读
营业时间
今日营业
07:00 - 21:00
星期一至日
07:00 - 21:00
以上资料只供参考，请与餐厅确认详情
-
网上订座服务暂停
相关文章
星期日飲茶大約12點半，於地下等位，得幾個人等位，諗住好快有位，點知等左勁耐都無叫過1張，之後把心一橫衝上去，見到大把吉枱寫住留座，我問女經理點解吉晒d枱係到唔俾人坐，條友話有人訂左枱夜晚食飯，一聽就知唔合理，擺明留枱比熟客。我嘈完佢之後，即刻唔敢留枱，全部吉枱比人坐。除左等位等到成肚氣，點心食物又難食，但價錢又唔係平架喎！粉果，菜苗餃d皮蒸到爛晒，勁難食，咸水角d皮勁厚，陰公！最搞笑係我落錯點心，同女經理講，佢話今次幫你改返，下次無得改喎。我心諗我取消埋唔要都得，點會同客講點左唔可以取消架，不知所謂！真係今時今日咁0既服務態度，真係太差勁!下次一定唔會再幫襯！
继续阅读
這家酒樓的燉湯清香濃郁，湯底熬製至極致，滋味鮮美。肉蟹蒸糯米飯更是亮點，蟹肉鮮甜，與香滑的糯米完美結合，每一口都令人陶醉。米飯吸收了蟹汁的精華，口感豐富，讓人忍不住一再回味。服務周到，環境舒適，值得一試！
继续阅读
星期日飲茶，等四張細枱，諗住唔會等好耐，點知攞咗籌大半個鐘一張枱都冇叫過，上咗上邊睇明明大把枱，原來門口知客攔住晒啲枱，啲夥計淨係俾啲枱熟客，好多人唔使攞飛冇訂枱直接上去拎枱，一有熟客嚟就插晒隊。樓下啲客等到火都嚟，香港飲餐茶都咁難，飲餐茶都要一肚氣火滾，飲到咁火滾，今時今日香港酒樓執笠做唔住，唔好怪人香港人北上消費，唔好怪香港人唔撐香港經濟，自己都唔爭氣。最尾決定唔等，幫襯隔籬街間酒樓，唔使等位，仲好好招呼。
继续阅读
老豆生日試試元朗既帝豪海鮮酒家，提前預訂左皇宴全包宴 $5288，包括：1.乳豬全體2.帶子花姿片3.玉環瑤柱圃4.窩貼大明蝦5.花膠雞絲燴生翅6.蠔王北菰扣鮑片7.清蒸沙巴龍躉8.一品燒雞9.蛋白海皇炒飯10.鮑汁炆伊面11.鴻運團圓露12.壽包13.生果拼盤當晚撞岩有公司搞晚宴，雖然坐得有點逼，但都叫間左個小角落比我地。基本上所有餸菜都有水準，乳豬香脆，明蝦鮮甜，燒雞最出色，外脆內軟，咸度適中，炒飯同伊面都用心之作，由頭食到落尾，真係好意外，好出色，好適合一家大細聚餐，值得一試。
继续阅读
年廿八，洗邋遢。洗到攰攰哋，出去元朗飲茶抖吓先，坐車去咗元朗嘅帝豪海鮮酒家。佢哋今日已經開始調整價錢，加咗小小價，不過算啦，又唔係食得多。叫咗3個點心，南乳炆豬手，炆得好腍同好入味。另外嗰2個係雞扎同魚翅餃，呢2個點心就正正常常。不過值得一提嘅係佢哋嘅茶葉非常之唔錯，出味快又好味。我平時好小嚟呢間茶樓飲茶，不過今日飲完之後都可以嚟多啲，因為交通都算方便，樓下就有小巴總站，行幾分鐘出元朗大馬路就巴士同輕鐵搭，再唔係就西鐵站都好近。
继续阅读