帝豪海鮮酒家高級宴會廳

营业中

休息中

這家酒樓的燉湯清香濃郁，湯底熬製至極致，滋味鮮美。肉蟹蒸糯米飯更是亮點，蟹肉鮮甜，與香滑的糯米完美結合，每一口都令人陶醉。米飯吸收了蟹汁的精華，口感豐富，讓人忍不住一再回味。服務周到，環境舒適，值得一試！

星期日飲茶，等四張細枱，諗住唔會等好耐，點知攞咗籌大半個鐘一張枱都冇叫過，上咗上邊睇明明大把枱，原來門口知客攔住晒啲枱，啲夥計淨係俾啲枱熟客，好多人唔使攞飛冇訂枱直接上去拎枱，一有熟客嚟就插晒隊。樓下啲客等到火都嚟，香港飲餐茶都咁難，飲餐茶都要一肚氣火滾，飲到咁火滾，今時今日香港酒樓執笠做唔住，唔好怪人香港人北上消費，唔好怪香港人唔撐香港經濟，自己都唔爭氣。最尾決定唔等，幫襯隔籬街間酒樓，唔使等位，仲好好招呼。

老豆生日試試元朗既帝豪海鮮酒家，提前預訂左皇宴全包宴 $5288，包括：1.乳豬全體2.帶子花姿片3.玉環瑤柱圃4.窩貼大明蝦5.花膠雞絲燴生翅6.蠔王北菰扣鮑片7.清蒸沙巴龍躉8.一品燒雞9.蛋白海皇炒飯10.鮑汁炆伊面11.鴻運團圓露12.壽包13.生果拼盤當晚撞岩有公司搞晚宴，雖然坐得有點逼，但都叫間左個小角落比我地。基本上所有餸菜都有水準，乳豬香脆，明蝦鮮甜，燒雞最出色，外脆內軟，咸度適中，炒飯同伊面都用心之作，由頭食到落尾，真係好意外，好出色，好適合一家大細聚餐，值得一試。

年廿八，洗邋遢。洗到攰攰哋，出去元朗飲茶抖吓先，坐車去咗元朗嘅帝豪海鮮酒家。佢哋今日已經開始調整價錢，加咗小小價，不過算啦，又唔係食得多。叫咗3個點心，南乳炆豬手，炆得好腍同好入味。另外嗰2個係雞扎同魚翅餃，呢2個點心就正正常常。不過值得一提嘅係佢哋嘅茶葉非常之唔錯，出味快又好味。我平時好小嚟呢間茶樓飲茶，不過今日飲完之後都可以嚟多啲，因為交通都算方便，樓下就有小巴總站，行幾分鐘出元朗大馬路就巴士同輕鐵搭，再唔係就西鐵站都好近。

親戚選了這餐廳吃晚上，本不抱什麼期望，怎料整頓飯都很不錯，有驚喜！👍🏻1. 先來一個拼盤（有豆腐、滷水蛋、叉燒、豬手&芋頭腐皮卷）：豆腐好滑，豬手很淋&入味，就是叉燒比較遜色，太乾身2. 象拔蚌炒豆：不過不失3. 龍蝦伊麵：很美味，伊麵不會太淋，有咬口，大推！👍🏻4. 勝瓜炒蜆（唔知叫乜名）：很少食這菜，好鮮味，清清地，不錯。5. 鮑魚豆苗冬菇：鮑魚同冬菇估到超大隻，就是豆苗老身了6. 蒸魚：呢條魚蒸得啱啱好，我連魚頭都食埋，正！7. 薑汁千層糕（唔記得影相）：超好食，好煙韌，有夠薑！讚！👍🏻

今日收工後同同事黎飲茶，叫左一份叉燒包、叉燒米粉、燒鵝米粉、蘿蔔糕、燒賣、鹵牛𦟌豆腐、金錢肚。整體都正正常常，價錢抵食，職員都幾有禮貌，係一間幾懷舊既酒樓，會再幫襯。

簡單介紹一下呢間位於元朗嘅帝豪海鮮酒家，今日走咗入去食片皮鴨，預我所願片皮鴨嘅品質非常之高，師傅嘅刀工切得好薄，另外叫咗炸乳鴿，乳鴿揸到非常之脆口，另外叫咗幾個餸都非常之好食，我哋由6:30食到人哋收工（10:30）非常之唔好意思，片皮鴨啲配料，我哋食到唔夠嘅時候竟然可以問侍應再攞多一份，呢度嘅侍應服務非常之好非常之貼心，全程食飯嘅晚餐氣氛都非常之好侍應又有禮貌，我哋坐到夠鐘佢哋都冇趕走我地。值得一讚。

我最近到帝豪海鮮酒家高級宴會廳用餐，這家酒樓的菜式真的是太棒了！我和朋友們晚上一起用餐，共有九人，我們點了五指毛桃湯、片皮鴨、鴨架炆茄子、通菜炒牛肉、瓦砵豉油雞、白灼蝦、冰梅骨和清蒸龍躉，再加上兩碗白飯和茶位錢，總共花費了1000多元港幣。讓我先說說這家酒樓的裝潢，宴會廳裡的燈光柔和，營造出非常舒適的氛圍，讓人感覺非常放鬆。說起來，這和《論語》中的一句話不謀而合，孔子曾說：“食色，性也。” 這句話意味著，人類的本性就是追求美食。而在這家酒樓裡，你絕對能夠得到你所追求的美食。讓我們來談談這些菜式的味道吧！五指毛桃湯是一道非常清新的湯品，湯汁清澈，口感鮮美。而片皮鴨是這道晚餐中最受歡迎的菜式之一，鴨肉肥美，皮脆肉嫩，配上醬汁一口下去，讓人垂涎欲滴。鴨架炆茄子的茄子口感柔軟，加上鴨架的肉質鮮嫩，真是美味絕頂。通菜炒牛肉和瓦砵豉油雞也不錯，但是白灼蝦真的是太鮮美了！還有冰梅骨口感爽脆，非常開胃。最令人驚豔的菜式是清蒸龍躉，龍躉的肉質鮮嫩，經過清蒸後更突出了它的鮮味，這真的是一道讓人驚豔的珍饈。除了菜式之外，這家酒樓的服務也非常周到。服務員非常熱情友善，不斷地為我們補充水和碗筷，讓我們感到非常舒

【元朗區】【帝豪海鮮酒家高級宴會廳】之前都講過，不過呢排識咗啲新朋友所以再講一次，我係因為疫情原因帶唔到義工隊，所以先屎忽痕走嚟開個 foodie account 玩吓。由於冇諗住長做，所以根本唔需要逢迎呢個行業啲所謂「老行尊」去令自己增加工作機會。早前疫情有減退現象，自己服務開嗰間長者中心就搵埋我同啲長者一齊去大棠睇紅葉，意味住我又要倒塔咁早起身。不過有義工做就係開心，啲認得我嘅長者都話好耐冇見，其實都好掛住我咁話。哈哈，我都好想個地球可以盡快回復正常呀。同啲長者一齊睇完紅葉就完成服務喇，之後我哋成班一齊食飯。素聞呢度間帝豪酒樓啲糯米飯同其他嘢都做得唔錯，所以就過咗嚟。一去到就好似打仗咁，問吓調張枱都差啲搞到啲侍應互相開片，然後又有客人發脾氣掟魚肚，啲汁彈到我吖嘛。〈按：不過如果彈到衫褲可以搵西營盤 123 洗衣店〉喺個污煙瘴氣嘅氛圍之下，都叫咗啲嘢食，主食方面，價值 $73 嘅「粟米雞粒飯」我冇掂過，一上菜已經掃晒，八個人應該得我食唔到。不過我食返兩碗個特價 $88 嘅「芝士海蝦伊麵底」都好，真心幾好食，啲伊麵索晒個芝士汁，極度邪惡。之後就到期待咗一陣嘅「生炒糯米飯」，$98 嘅價

話說之前在這間飲茶，見到片皮鴨超抵食，就想試一試佢，點知今晚四個人，一試有驚喜，地方都係正常酒樓，但侍應經理傳菜服務都唔錯👍我哋叫咗一份豬手送洒前菜，片皮鴨兩食，黃金蝦和小炒王，驚喜反而不是片皮鴨，而係個黃金蝦🦐做得非常之好，份量同味道都冇得輸，其他菜都唔錯，四個人食咗$560，一定會再去試其他😂這個前菜送酒都是不錯的選擇我鍾意佢唔係肥騰騰，同個皮好特別😝因為係我哋平時食的¼塊，我個人喜歡細細塊，但係塊鴨就好大塊🤣真係一定要試，好食過好多地方👍這個雖然普通平凡，但都一樣好味🤔

今日一個人入了元朗工作，午飯時間到了大棠路金朗大厦的 📍帝豪海鮮酒家開餐，碰巧二樓有團體包場慶祝，只得一樓可以散餐午膳，又差不多近兩下午茶時段，更加有點人山人海感。上到酒樓一樓的環境都算寬敞光亮，而且面積很大不過樓底就有點矮，感覺上有些壓迫感。今天反正是一個人也吃不了很多，所以叫了碗小小的豬手麵，另外加糯米卷、鴨腳扎、甜薄餐。💥麵到了見豬手色澤不錯，亦都炆得很腍啖啖肉，生麵的上湯非常之鮮味，有點蓋過了豬手的茶香味道。💥糯米卷的粉皮食落不會太甜；不過就覺得糯米有點過腍，欠了些咬口感，另外上枱時糯米卷亦稍嫌不夠熱。💥鴨腳扎味道就一般水準，腳掌顏色有點黑不太討好，還好芋頭就很腍好吃。💥另外的是甜薄餐賣相做得不錯，混和了的砂糖、花生被粉皮包著好看又好味，且粉皮亦蒸得夠柔軟嫩滑口感很好。總結今餐整體不錯，雖然位處在較舊區内，但食物質素和味道都有中上之選，而且價錢亦可以，下次亦會再來光顧。

早2個星期巳經提前打電話去，唸住訂位大年初一同屋企人一齊飲個新年茶先，一打去酒樓，接綫生巳説這間公司一直都沒有訂枱呢項服務，説一定要提前黎攞位，所以我都特登提前去取位～我地有8個大人，因為取票後巳等咗一段時間都見没有叫過票，所以在等枱期間上去望一望有幾多張大枱可以等，點知一上到去望巳見好多張大嘅吉枱，😡😡😡😡都係留番哂俾d熟客仔嘅，咁即係我地實有排等都無得飲茶啦，新年流流咁做生意點得架，咁即係新客就唔駛黎飲茶啦，成個元朗都唔係得佢一間可以飲得茶架嘛，所以走去第二間飲，以後都唔會幫襯，咁嘅服務唔得啦！😡😡😡😡😡😡😡😡😡

早茶（超值自選孖寶) A+B $39.8山竹鮮牛肉球＋蟹籽北菇燒賣 $39.8滑雞絲蒸粉卷＋香茜蜜汁叉燒腸 $39.8家鄉蒸潮州粉果＋四寶魚肚雞扎 $39.8整體好味指數 4.5/5 🍭🍭🍭🍭🍬{今日黎到這間茶樓 飲早茶 其實真係好抵食 $39.8就有兩款點心 味道都做得好出色 點心即叫即蒸 上枱時間好快 食得出用料好新鮮 🥢山竹鮮牛肉球：大小適中 好香牛味 🥢蟹籽北菇燒賣：彈牙爽口🥢滑雞絲蒸粉卷：這款點心唔係太多地方有 這裡都做得很不錯 用料豐富 外層既粉卷唔會好厚粉 很香滑 🥢香茜蜜汁叉燒腸：裡面既叉燒係半肥瘦 叉燒粒亦很多 整體入口香甜滑 🥢家鄉蒸潮州粉果：望落飽滿 用料豐富 🥢四寶魚肚雞扎：裡面有腐皮 雞肉 厚切火腿 魚肚 香芋 雞肉新鮮 但唔太滑 腐皮很薄很入味 魚肚吸晒所有材料既汁 入口軟身帶少少彈性 味道豐富 香芋很腍香口｝

今日一家大細去帝豪打算慶祝生日！訂咗19:30 ，店長幫我哋落單！等到20:30都未上到菜！期間總共問咗5次，吹咗5次，叫佢跟單，阿姐都同我哋講真係煮緊，有落單！直到等左一個鐘！我哋發難揸再問先知，原來店長跟店員根本從來都無幫我地落過單！最後店長跟店員都無人認過錯！互相推卸責任！一時話店長無落，店長又話無職員無叫上菜！勁不負責任！店長跟職員態度都好差！真心！食物其實都ok ! 但態度真係令人唔會再想黎食！

屋企人相隔多年重聚，話好掛住酒樓一圍圍嘅套餐，行過幾間酒樓，最終揀咗帝豪。叫咗個龍蝦乳鴿海鮮餐 $638，雖然話係4位用，但份量絶對夠五位，甚至六位食都得。-上湯焗波士頓龍蝦(2隻) 伊麵底+$40龍蝦啖啖肉，好彈牙，紅卜卜，非常靚仔。-紅燒妙齡乳鴿(4隻)皮脆肉嫩，略嫌鹹咗啲，要用滾水浸下。可能佢哋都知夠曬鹹，所以都只係象徵式俾咗少少話鹽。-清蒸游水沙巴龍躉仔(约一斤)肉質鮮甜，而且好滑，都唔算細條。-蔥花陳皮蒸生鮑魚(4隻)冇乜陳皮味，鮑魚彈牙！-清炒合時蔬菜唔會好油，幾爽口。-紅燒山水滑豆腐的確夠滑，不過有啲唔係完整一嚿，散開咗。-滋潤甜品（桂花糕）唔會好甜，桂花味唔會好假。茶芥 $12 一位+10% Service Charge