帝豪海鮮酒家高級宴會廳

营业中

休息中

今日一家大細去帝豪打算慶祝生日！訂咗19:30 ，店長幫我哋落單！等到20:30都未上到菜！期間總共問咗5次，吹咗5次，叫佢跟單，阿姐都同我哋講真係煮緊，有落單！直到等左一個鐘！我哋發難揸再問先知，原來店長跟店員根本從來都無幫我地落過單！最後店長跟店員都無人認過錯！互相推卸責任！一時話店長無落，店長又話無職員無叫上菜！勁不負責任！店長跟職員態度都好差！真心！食物其實都ok ! 但態度真係令人唔會再想黎食！

屋企人相隔多年重聚，話好掛住酒樓一圍圍嘅套餐，行過幾間酒樓，最終揀咗帝豪。叫咗個龍蝦乳鴿海鮮餐 $638，雖然話係4位用，但份量絶對夠五位，甚至六位食都得。-上湯焗波士頓龍蝦(2隻) 伊麵底+$40龍蝦啖啖肉，好彈牙，紅卜卜，非常靚仔。-紅燒妙齡乳鴿(4隻)皮脆肉嫩，略嫌鹹咗啲，要用滾水浸下。可能佢哋都知夠曬鹹，所以都只係象徵式俾咗少少話鹽。-清蒸游水沙巴龍躉仔(约一斤)肉質鮮甜，而且好滑，都唔算細條。-蔥花陳皮蒸生鮑魚(4隻)冇乜陳皮味，鮑魚彈牙！-清炒合時蔬菜唔會好油，幾爽口。-紅燒山水滑豆腐的確夠滑，不過有啲唔係完整一嚿，散開咗。-滋潤甜品（桂花糕）唔會好甜，桂花味唔會好假。茶芥 $12 一位+10% Service Charge

前排突然好想食片皮鴨，記得之前經過呢間帝豪見到張poster幾抵食，就同朋友黎試下～一心為咗片皮鴨而嚟，所以等位嗰陣已經問定接待員仲有冇，佢用對講機問樓上樓面同事之後話我知得返半隻🤨 然後即刻好好人咁話hold起留俾我👍🥰（and then我發覺只有佢嘅服務比較好，其他都非常一般🤐）食物方面，講真$68半隻片皮鴨我都唔夠膽有太大期望，不過黎到見到個樣都覺得算係咁😅 唔會太肥，塊皮食落都仲微脆，鴨肉肉質唔會太鞋太韌～其他配料就一般般吧～唔知係咪啱啱開放返晚市堂食太多人廚房搞唔掂🤨 片皮鴨配料嚟咗三四個字隻鴨先到，然之後又等咗四五個字個涼瓜炆鴨先黎。。。咁樣食法都幾無癮🙈 啲涼瓜切得太大件又未炆夠火候，食落仲好生有種苦澀草青味，麻麻地🥲只能說一分錢一分貨，唔介意等而又對食物又唔係十分高要求既話，都可以一試既😅

🐯🐯2022年虎年大吉！身體健康！🐯🐯⭕️新年聚會特別點了$1,888 大盤菜，一家人聚會吃個盆滿缽滿的開年飯💕⭕️大推，單看照片已經看出用料十足👍👍鮑魚，瑤柱，花膠，發財蠔豉😍😍賣相豐盛吸引，虎年必發大財⭕️最優秀是味道鹹淡相宜，味道融洽和諧，齒頰留香，回味無窮💕💕💕💕湯汁另分兩包慢慢自己加進去⭕️鮑魚單價應該只少$20,$30⭕️花膠一大條，黏度強，入口即溶⭕️蠔豉香濃幼滑⭕️鵝掌爽口黏口，骨膠源高，補骨必備⭕️大蝦爽身又彈牙⭕️層次分明肥豬肉，入口即溶，油香散發😍😍⭕️底下芋頭鬆化💕⭕️蘿蔔吸收濃郁湯汁，軟熟綿綿❌不過雞肉鴨肉略為過熟，肉質偏老整體盤菜用料足，味道出色，材料煮得剛好，湯汁濃郁新鮮，非味精調出的味道👍👍值得大推一試，與家人朋友過個好年⭐味道 9/10⭐️賣相 9/10⭐️性價比 7.5/10⭐️用料 9/10⭐️衛生 8/10

之前見到網評話呢間盆菜幾好，於是買$888盆菜試下。打電話去話冇得電話訂，知客態度差。要親身去酒樓俾哂全數先有得訂。勁唔方便都算。諗住真係好味都值得。點知…..今日拎返黎，超超超超超超失望，令大家好掃興，亦唔會再幫襯。唔建議大家買。絕對絕對唔建議買！！！1）半盆都係蓮藕2）白蘿蔔超生，根本唔熟3）蝦超級梅（比街市買嘅死蝦更梅！）之前見到網評話呢間盆菜幾好，於是買$888盆菜試下。打電話去話冇得電話訂，知客態度差。要親身去酒樓俾哂全數先有得訂。勁唔方便都算。諗住真係好味都值得。點知…..今日拎返黎，超超超超超超失望，令大家好掃興，亦唔會再幫襯。唔建議大家買。絕對絕對唔建議買！！！1）半盆都係蓮藕2）白蘿蔔超生，根本唔熟3）蝦超級梅（比街市買嘅死蝦更梅！）

今日中午打算飲杯茶食個飽，一行5人，侍應說要等2張枱才到我，我等了1個鐘15分鐘無位給我，但就見2-3人就可以不斷叫號碼進入，我問侍應為什麼這久，5-6人枱都沒有叫號碼，原來酒樓是容許搭枱，5-6人枱大多數食客是搭枱，2-3人食完，又會叫新一批2-3人入去，要等到5-6人枱的人同一時間埋單，才會有機安排到枱給我。試想想這種情況，要一次過等5-6人埋單機會很低，所以我等了1個鐘頭多，就離開不食。如果唔趕時間的食客，不妨繼續等。

去年在OpenRice的餐飲券買了盆菜餐券。食完一次好味又抵食，所以再買兩次今次。咁快又一年，又到中秋了。在期待OpenRice可以再推盤菜優惠餐飲卷，必定購買。期待中

友人勁愛飲茶，結果又陪佢飲早茶，八點鐘，八點，八點 (￣∇￣) 重要嘅事要講三次，早到我邊飲邊打呵欠 ಠ_ಠ首先，我上咗二樓，原來二樓係不設搭枱的，不過貴啲。雖然眼瞓，我依然好精靈咁𥄫下有咩特價嘢食。。。見到都有好多特價少少嘅點心，結果叫咗五樣。燒賣 - 正常，冇特別炸雲呑 - 即炸，唔太油牛肉腸 - 腸粉皮好滑，牛肉份量多，好好味煎蘿蔔糕 - 味淡，完全冇落鹽，要自己加甜醬先有番啲味，不過算好，因為都多蘿蔔絲棉花雞 - 豬肚好正。我要講下，我試過其他酒樓，啲棉花好大陣「枱布」味，唔識點形容，不過好多都係，但呢間冇。結果，因為我友人太欣賞個腸粉，再encore咗叉燒腸( ´▽` )ﾉ叉燒腸 - 啲叉燒好味，唔係蕃叮又蕃叮嘅乾叉燒，所以友人話，呢個叉燒腸比牛腸貴都是值得的總括而言，間茶樓嘅嘢食都幾ok。有心嘅茶樓！

我哋平時好少食中菜, 本來諗住去大排檔, 不過驚落雨, 決定避走轉戰酒樓! 見隔離枱碟椒鹽豆腐好靚, 忍唔住 order 一碟, 果然皮脆內軟, 入口即溶, 秒殺! 另外要一個套餐, 有半隻脆皮燒雞, 斑頭腩兩食! 燒雞皮脆肉嫩, 估唔到都幾好!  炒既魚就有點鞋口! 蒸嗰碟味道好好, 不過我唔識啜骨, 所以唔太欣賞, 粉絲好入味, 最好食! 另外再叫2隻蟹, 印尼蟹! 薑蔥炒加 $20 有粉絲底! 蟹大大隻多糕, 走油後再爆炒, 夠穫氣, 蔥都入晒味! 粉絲好乾身, 不過無乜味道, 仲有點少硬! 最後一籠馬拉糕做終結! 即叫即蒸, 鬆軟熱辣辣, 香噴噴!註: 5個人, 5碟餸, 3罐可樂, 1碗白飯, 埋單 $811, 抵到呢! 

呢間酒樓係元朗千色店附近，都算係街坊之選， 平時唔想煮飯，一家大細都可以食下，因為價錢公道，環境都算舒適，服務中規中矩都算係咁， 講返食物先特別推介係呢一煲湯，川具湯，煲得幾好飲又冇味精，我地叫咗2人份，剛剛好！另外就係京都骨，同平時酒樓嘅京都骨差唔多，菠蘿都幾大片，小朋友最鍾意食豆腐都幾滑，用嚟配飯就啱啱好啦，又健康又好味，大家記得㗎試吓啦！

芋角好大個呀，都幾好味的，入面的肉粒唔肥雞絲粉卷正常大小，三條也是薄皮夠滑，入面d肉也滑嫩的，幾好味！潮州粉果三大隻，皮不是好厚，入面的料也是好香的，好味，有沙葛，花生同豬肉，仲有䓤，好惹味的！！珍珠雞兩件，普普通通，就是有d肉碎蝦米。這裏樓底有點矮，感覺有d壓迫！

今日同家人嚟食2人套餐$388生炸脆皮乳鴿乳鴿剛剛炸起，好脆，不過 鹹咗少少紅燒花膠雞絲翅夠熱，有好多翅同花膠，唔會好咸，濃度啱啱好，湯底好清富貴帶子蚌片帶子好鮮甜，蚌片有少少韌清蒸沙巴龍躉仔條魚蒸得好oK，好嫩同鮮甜，配埋D魚豉油濃湯花膠筒珍菌浸時蔬飲完碗湯已經有D飽，慢慢食菜侍應姐姐服務態度殷勤有禮，仲幫我地換過D熱茶，叫我地慢慢坐，傾下謁添仲有鮮果拼盤同糖水，食到好飽埋單加一連茶位$450，Happy Friday輕鬆下！

我地呢班師奶最鐘意飲茶，今日嚟左帝豪😁😁😁百花釀魚肚，D魚肚好乾净及入味，蝦又爽口😄😄😄,上湯餃子，D餃子好新鲜，上湯又清，配上九黄D香味，係清新首選😋😋😋咸水角，熱辣辣，好脆又唔多油😋😋😋雷沙湯丸，D饀料芝麻好香，糯米嘅韌度好適中，超新鮮🤗🤗🤗價錢適中，夠貼地，啱哂師奶嘅荷包😆😆值得一提，D茶都算幾好味，一D都唔差，良心之選😎仲有D知客姐姐同部長哥哥都好有礼貌，服務態度好好，問佢擺個膠袋都超快👍

龍蝦🦞夠新鮮，燒鵝夠嫩口，魚翅有口感，雖然當晚即刻人數不多，但伙記服務細心周到。每上一道菜都會換碟，炸子雞肉多汁juicy，平日晚上九點後入坐更有折扣優惠。！

👯👯 表姊妹們的飯聚! 4人食左5餸1點心 + 3罐可樂 $740 又好食又抵食! .薑葱炒蟹 🦀 ~ 超大隻, 勁多膏, 仲4個人食極都仲有 😂😂白灼蝦 🍤 ~ 大隻新鮮, 爽口彈牙! 啫啫芥蘭 🌱 ~ 芥蘭爽脆, 內有大量肉碎 及 蝦干, 多到可以送飯 😋 只係穫氣差少少! 蒸唔知咩斑 🐟 ~ 好滑, 無過火, 清晒 😂😂乳鴿🐦 ~ 味道幾好, 不過太細隻 😁馬拉糕 🍰 新鮮蒸出嚟, 鬆軟柔潤, 明明個個都食飽晒, 再食點心都覺好好味! 呢間酒樓平時都好多人, 回頭率高!