常悅素食

营业中

休息中

朋友喜歡吃齋，所以想喺旺角區搵一間齋舖上網嘅時候就見到這一間店，諗住一試嘅心態所以嚟咗，食物比我想像中超細碟價錢亦都唔係平，尤其是佢嘅白飯真係難食又乾又硬，本身都諗住算數，因為冇下次，直至到我埋單嘅時候，我走到收銀處埋單，只見那一位好像是老闆娘的人不停同佢旁邊嘅同事傾偈，等對完單嘅時候我就奉上信用卡過數，到佢給我信用卡嘅收條之後，佢問我仲有什麼事，我說我的信用卡還在你那處，她就緊張起來不停說已給我信用卡，我同佢講你未俾信用卡我我冇收到，她和她旁邊的女人一起說已給了我，我不停說你沒有給我，就在我諗我需不需要報警的時候，她在混亂之中，終於在一處找到我的信用卡，所以佢之前的堅持根本就係佢唔啱，好心佢地如果做緊嘢嘅時候請專心一點不要顧住傾偈！令到我這一餐飯真的有點不滿！！！！身為收錢嘅人，你竟然這麼大意我覺得真係離晒譜！

久不久就相約同學聚餐, 今次選擇了素食. 真想不到现在的齋菜如此精美, 款式與葷菜無異, 還是國際多元化的, 例如法式焗牛油果、冬蔭烤魚、烤羊肉串, 都令我大開眼界, 同學們都拍照留念.

平時我訂OpenRice 的餐廳，好食或不好食都比較少出評論，但今次我去到這間素食餐廳，一起無限時，我差不多等了1小時，朋友才到齊，但服務員都是好熱情地招呼我們，難得感受到小店的人情味，實在難得！食物都不錯，服務員的態度不錯！如果愛食素食，可以一試！

平日下午茶，唔使卜位都有位坐。環境算係寬敞，幾舒服，招呼都唔錯。下午都幾抵食，食物水準不錯。最鍾意食蜜汁叉燒。其他點心都熱辣辣上檯，是日點了素蓮藕餅、棗皇糕、水餃。下次想叫錦滷雲吞，見到隔離檯點了，新鮮炸起，好脆！

農曆十五果然多人食素, 不過二個人仍有位😅眼見大多數都係一圍枱😃, 望下餐牌都好多選擇, 唔知食乜嘢好, 叫左壺鐵觀音👍叫左錦鹵雲吞, 怡香茄子炆伊麵, 南乳香酥骨同鐵板新豬肉煎釀涼瓜, 另外有d包走😅依度d茶幾香,洗茶杯已經聞到茶的香氣陣陣飄出來👍隔左一陣, 南乳香酥骨送上, 賣相還可以😅, 但份量似乎少左一点, 食落去都有排骨的質感, 另外有鹽同醋比你点, 再食應該係猴頭菇, 味道唔太差, 但隔一回已經開始變淋, 再隔多一陣送來錦鹵雲吞, 賣相唔錯🥰, 酸甜汁都做得出色, 但d汁好似少左一点😄, 錦鹵雲吞炸得鬆脆, 食落唔油, 推介可以試🤩, 再之後送來鐵板新豬肉煎釀涼瓜, 依個份量算多, 不過賣相同相就唔同, 似乎過左少少火, 涼瓜已經變左深綠色, 但味道還可以, 涼瓜也不算太苦😜再隔一段時間, 怡香茄子炆伊麵送來, 份量一般, 賣相都係一般, 味道叫做合格, 我自己覺得咸左dd🤣或者琴晚實在太多人食素, 服務同食物質素似乎比過往遜色左d, 但傾計都係一個好地方😋

終於去到佛友推薦嘅間開咗二十幾年嘅素食餐廳，佢有唔同款式嘅廣東素炒菜同點心，真係好豐富，啲素食迷同一般食客都係好好嘅選擇。我試咗啲點心同小菜，揀擇好多，最深刻印象係主要係東江豆腐煲、杞子桂花糕。豆腐煲入口好滑嫩，加埋素肉丸，清甜鮮美。桂花糕飄散住花香同果香、桂花清香。餐廳環境舒適溫馨，好多客人都係熟客，氣氛好好，服務細心周到。有好多大枱，同朋友聚會啱啱好揀嚟呢度飲茶。總括嚟講，呢間餐廳提供嘅素食選擇多元豐富，食物清淡美味，氣氛極佳。開咗二十幾年都依然大受歡迎，絕對有佢嘅獨特之處。

在油麻地返工，我之前一直到幫襯開常悅素食的外賣，然而它實在是貴得令我高攀不起，自從走膠令出現後，更加令我一去無回頭。今天不舒服，我懶行去一森素食。 就近近地去返常悅幫襯一次，叫了碗粟米粥、湯、干炒豬扒意粉。如圖所見，‘’絕世好兜‘’，每個盛惠2蚊 ，埋單total$76。士頭婆仲問我點解咁耐無見人？我心諗，唔通坦白同你講，好貴咩。好啦，到拎住袋外賣返到公司，發覺兜就是兜，羹就係羹。 逐樣同你計， 係無羹無盛。難道真係四大皆空咩？好啦，你話政府收費，咁各位讀者，你幫我計下條數，2蚊一兜，我唔食碗粥，淨叫粉麵加碗湯再配合四大皆空mode進食。一日都要畀多4蚊，一星期20蚊。一個月就80蚊。其實政府鼓勵市民去膠，係咪應該提供環保餐具予市民進食呢？ 你一句要支持環保，市民就要奮身跳海攞血汗錢去配合你。究竟你有無良心？

同食素嘅朋友食飯，有時都幾難揀餐廳。今次朋友介紹咗呢間素食餐廳，話佢哋啲嘢食好食，而且選擇都幾多。第一道菜係芥菜懶肉煲。個假懶肉做得幾似，口感同味道都幾接近真嘅懶肉。芥菜煮得啱啱好，唔會太老，都幾好食。我每間素食餐廳都會試嘅就係咕嚕肉。量角嘅咕嚕肉做得幾出色，頭兩啖真係覺得有肉feel。個汁酸酸甜甜，好開胃。最後試咗芋頭魚。呢個個芋頭炸得好脆，入面嘅素魚都幾有口感。質素同其他素菜店嚟講都差不多。餐廳仲送咗綠豆沙糖水。個糖水唔會太甜，好解渴。

今次嚟到呢間食肆，先講下嗰碟乳豬拼福卷係真係正👌！素鵝細滑，海鮮汁夠香，包埋饅頭卷一啖咬落去，小朋友都讚好！再嚟就係蜜椒鐵板牛仔粒，大粒杏鮑菇、翠玉瓜、紅椒咁夾埋一塊，啖啖正！同桌又點咗個五柳仙班，crispy嘅芋頭魚皮，入口即溶，配埋個酸酸甜甜嘅汁，咪講，又係另一番享受😋。不過，今次食有少少掣肘，紅燒竹笙素翅啲湯底味道淡咗啲，差少少火候。話說返嚟，個糖醋小排骨就冇失望，啲素肉丸燒香咗，曉得點拌到啱嘅甜酸味，口感正！服務方面，店員反應迅速，雖然有頭一款菜色有啲問題，但好快就處理好咗，令人心情舒服起嚟。總括來講，呢度仲係個幾好嘅素食選擇，下次有得揀，我仲會再來試吓其他嘅菜式！🥬🍲👍

跟朋友嚟到呢間餐廳，揸實肚皮準備試下佢哋的素食風暴。首先，就係果個京式燻鵝 — 上菜嗰陣，我直頭以為自己搞錯左店，個模樣，個色澤，完美仿得好似真㗎！🍽️咬一口，個燻味嚟得夠哂勁，外皮脆卜卜，入口嘅質感之好，真係想大叫「我要再嚟一份！」然後轉吓戰場，試吓福壽綿綿嗰個「乳豬件」，我話你知，呢個真係出奇制勝！搭配饅頭一齊嗌喊 — 入口即溶，鬧佢一聲「幾得意！」😍真㗎，唔食仲以為係真乳豬件！嚟到主菜，羅漢齋炒麵真係份量足，賣相睇落勁吸引。麵條QQ嘅，蔬菜爽口，調味都正中紅心，炒得啱啱好，一啖接一啖，加餸加飯都唔煩！最後個綠豆布甸，清新解膩，食落啲綠豆粒粒分離，再澆上香滑嘅花奶，sweet到我心入面😋。要講，今日食素食真係一點都唔負擔，反而好享受㗎！味覺俾挑戰，天倫樂，真係肚仔都滿意！下次再嚟，肯定要攞埋家陣一齊享受呢度嘅美食旅行！🌟🥢

一個星期六晚一間素食鋪都可以旺成咁真係勁咩年齡層客人都有當然唔少得宗教人士啦食物方面我覺得還可以但環境普普通通一來比較嘈二來枱與枱之間空間好少侍應生行過會成日撞到真係肥啲都過唔到個素鰻魚幾ok又唔會有一般素肉好乾嘅問題亦無素雞嘅豆腥味點埋個汁有幾分似錦X雲吞沙嗲素肉串賣相好好夠熱夠份量但係個汁非法重味如果無啲白飯空口食會好咸蟲草花浸菜苗有啲失望本來以為係豆苗但就幼身好多咬落都硬比較有渣感覺食完唔係太容易消化wo

我自己本身就係一個素食者，所以我自己其實對素食都幾有要求。呢間素食店係我可以邀請同朋友一齊食素，而朋友又可以接受同覺得好食既素食店。我自己最鍾意佢地既點心，白菜菇餃子係我心中既favourite！珍珠雞都好食！可惜點心只做到5:00

有素食英國朋友來港，我經OpenRice找到這間好評的素食餐館，決定一試，幸好亦沒有讓我和英國朋友失望。食物有質素，餐牌有中英對照，夠貼心，位處大廈的2樓，環境不錯，職員有禮貌！薑蛋白炒飯，芝士焗菠菜，豆沙鍋餅，非常美味，英國朋友也讚不絕口，價錢合理，值得再試

在預知在光棍節後，可以舉行飯局的日子，揾食肥華已被夫卜，所以在11月1O日，肥華就趁呢個僅有的，星期五食晚飯嘅黄金檔期，讌請在眼科相識同事，提早食今年嘅埋齋宴，今餐連同肥華及靚媽合共有10人出席，而此店嘅套餐，最多只有八人一席，所以今餐柯打了一個八人餐外，再另加兩份乳豬加福卷和此店員工，極力推薦嘅甜品，綠荳布甸，縱觀今餐菜色，除咗另加個兩份，乳猪味道略差外，其他每樣菜色，包括另加甜品，賣相和味道都有A級評分，没有令出席今餐嘅同事失望，共同都有一個歡樂晚宴，肥華在此多謝今晚，賞面出席同事，寄望日後，肥華飯局，長食長有，越食越好味🙏🙏🙏

A restaurant I frequently return to for both sim sum menu and dinner menu. So many options especially in the dinner menu that it can be overwhelming. Definitely some dishes are better than others but there’s lots of photos on the menu to help you decide. Kind staff and casual experience in clean and bright environment. Best for sharing as some dishes are very powerful on their own.