平昌 Premium (已結業)

秋冬除咗食火鍋之外，另一個選擇就係韓燒啦，之前已經想去呢間平昌食韓燒，今次放工同同事們一齊去，地點非常方便，到佐敦地鐵站行過去3分鐘就到，餐廳地方都幾大，只係油煙重左少少～呢度分咗三個唔同價錢嘅套餐，都係放題任飲任食，只係食物嘅種類有唔同，我哋就選擇中位價的世子御膳～有多達20款的肉類選擇，仲有好多韓國料理、小食添，首先店員會送上韓式錢財如泡菜、芽菜、淹薯仔等等，燒烤爐旁邊仲有蒸蛋及迷你薯仔添，我哋三個女仔嘅食量都唔細㗎～肉類方面我哋最推介五花腩、LA牛排骨、牛脷、照燒牛五花肉、特級豬頸肉、牛肉醃漬叉肉，肉質新鮮幼嫩～仲有海鮮好似肥美的生蠔、大大隻的凡立貝、新鮮蝦、爽口的魷魚～另外仲有串燒類，最愛雞肉雞腎、香草五花肉、豬皮～職員會時不時過嚟檢查烤盤是否需要更換，上菜速度都好快，基本上沒有漏單～另外仲有好多韓國美食包括泡菜煎餅、生牛肉石鍋飯、醬油蝦、海鮮豆腐湯、炒辣年糕等等，絕對滿足喜歡食韓國嘢嘅朋友～最後like同share佢哋嘅Facebook 仲會有韓國雪條送～二百幾蚊有咁嘅質素絕對抵食，下次要同屋企人再嚟食！

高質烤肉!讚!!!又平又抵食。香草五花肉十分之香同朋友們叫左好多碟，食極唔厭，入口秒跪，各位朋友黎呢間食既話必定要一試，小弟誠意推薦。我地今次叫左高級D紅色果個set覺得很不錯，牛肉都好好味，有好多種唔同既牛可以選擇，可以每種都試哂。個碟成碟都係肉，見到果刻真心治愈，另外，佢地D雞都好好食，雞翼正就一定嫁啦，但佢地既雞肉都好好食，調味真心讚，朋友食過都讚好。除左烤肉，紅色set同藍色set都有好多其他小食同飯。需要食飯既朋友絕對唔洗擔心，而且佢地呢度既小食係勁好食，醬汁豬仔骨係必叫，另外私心覺得炸雞都好好食。雞串都可以叫黎試下，我覺得很不錯，食完仲有包飯後甜品--雪條一條。整體黎講我覺得呢間係又平又好食，又食得好飽，地點又方便，岩哂我地依D上班族去食。誠心推薦!!!

平昌韓燒相信好多人都食過吧，我都食過幾次 。。。不過係好耐之前lu! 今次再試試佢嘅質素如何啦！我地今次4個人叫咗世子御膳嘅buffet set 比大君果個set 貴d d ！多d 肉食😍😍我地仲叫咗傻豬任飲果個plan!有得任飲韓國酒架！提子🍇味真露！好飲呀 幾易入口！但我勸大家唔好去試士多啤梨味🍓😂⋯⋯枱上都會有前菜！未叫野食之前佢地會先幫我地上咗個拼盤先有肉有海鮮！要開動了之後我地仲叫咗好多五花肉，然後成個爐都係白色的肉但真心五花肉好好味，雖然好邪惡😈好彩佢地都有菜比我地包嘅真心好多選擇呀d肉 同我以前相比真係多咗好多唔同嘅部位，唔同味，唔好款式！而且睇得出係靚肉!有雪花架d牛另外熟食都做得唔錯架其中最最最最讚係豬肋骨！好入味又「林」另外仲有炸雞都好好味太快被人搶食所以影唔到！佢個皮係炸到鬆脆，而唔係厚粉果種！可以即食嘅仲有醬油蝦！第一次食，覺得都幾好味！因為我都幾鐘意食蝦嘅刺身，所以覺得可以呀！最後每一包一支雪條！正呀⋯⋯總括呢間真心高質韓燒放題 因為肉有好多選擇！而且熟食都做得幾好味！BTW 呢到有好多 真韓妹同真韓仔做店員！因為佢地唔識講又唔識聽中文佢地只會用英文同我地溝通

相信大家都知道如果一要出去食韓燒的話，往往兩個人埋單都要過千蚊。今日朋友就帶左我去位於佐敦站上面既平昌 Premium 去食約二百蚊左右價位既任食放題了。今次我地要左基本既大君御膳，一個價位全包連飲品，入去無幾耐就set好晒位連前菜給我們。肉類方面有不同部位既牛肉，新鮮香口，有口感，讚。另外豬五花腩都不錯的，有韓式風味。海鮮類方面估不到有較高成本的原隻帆立貝同生蠔，鮮味十足既貝類放在爐上鮮味出晒來，讚好推介。熱食類方面好多人去吃放題都忽略了熱食，我地就試左海鮮湯，石鍋麵豉湯同韓式拉麵。特別推介韓式拉麵，同係首爾食既一樣咁有風味。飲品類方面另外佢有各類汽水同罐裝茶可以係飲品櫃任拎的，不錯。

女兒一向喜歡韓國，所以她特別喜歡食韓國菜，最近她發現在佐敦莊士敦廣場有一間食韓燒放題，名叫平昌，食物高質素又好食，今天放工就約埋我一齊去試試！店內地方整潔，座位寬敞舒適。多款飲品和韓國雪條任飲任食。有三款價錢選擇，我們選了世子御膳，是中間的價錢。醬油蝦：醃製得好入味，蝦新鮮爽囗，醬油調的味不錯。梅頭肉新鮮又大塊，肉質鮮味有口感。大蝦新鮮彈牙。海鮮好新鮮，食多兩轉已回本。經過醃製的雞翼、雞肉串、豬腸好入味。除了燒肉外，還有料理選擇，炸蝦外層酥脆，蝦肉爽口。炒粉絲香滑，煎海鮮蔥餅香口，韓國飯捲有口感。韓國雪條有多種味道，我最喜歡蜜瓜味和椰子味！

行完兩個展，中環大會堂書畫展和尖沙咀篆刻展，今天眼部和腳步都很滿足，天氣又涼涼地最好就去燒烤下，就去平昌食下韓國燒烤，好多人啊！環境都幾大下，佈置以黑色為主，雖然坐位與坐位很近，但燒烤起來 絕對冇影響隔離嗰台㗎，侍應生也手快腳快地取客人點菜牌和送餸，見佢哋好齊心，不分你我只要客人有需要就快跑去幫忙，態度很好，可能太肚餓，好多食物都想食添，哈哈！ 好多款式呀 韓式拉麵 炸物小食 生蠔 五花肉 魷魚 海鮮煎餅 韓式炒米粉 辣味海鮮湯 青魚 la牛扒骨等等。我們都是食肉獸呢？個人比較喜歡食牛排骨和蝦，都叫了幾次呢！原來個燒烤盤好特別㗎！兩則都有坑還一早預備了蛋漿和番薯在內，好特別呀！味道唔錯添。LA牛排骨肉汁淋和細細塊快熟👍好滑的蛋漿以為是栗子原來是番薯甜甜地好味韓式拉麵少少辣拉麵有啲煙煙靭靭叫了兩碗食海鮮酸辣湯熱熱辣辣不過唔見有海鮮韓式炒粉絲粗粗地不算太油膩前菜

朋友試過話好食，要我一定要黎試下。一出lift門，嘩！大煙到以為火燭😨好明顯抽煙系統做得好差，希望可以改善下，係咁大煙環境食嘢真係有啲辛苦。我哋揀咗最平嘅大君御膳。雖然係入門級，但都幾多嘢食㗎，有唔同口味嘅五花肉、牛脷、牛肋骨、雞肉、扇貝、蠔、蝦、鯖魚、鰻魚、湯、麵、飯、年糕......坐低即上伴菜，醃豆芽最好味，清淡得黎唔會無味，夠爽甜，而且少有地送上紫菜卷，紫菜好脆又夠芝麻香點餐用油性墨水筆填落呢張卡度，有啲難寫有蛋汁同蕃薯仔🍠，蕃薯🍠外層有層糖包住，燒一陣會外脆內軟食完再要就要加錢，所以無再叫，蛋汁可添加。接住落黎梗係瘋狂叫肉類啦牛仔骨好入味，蝦🦐夠爽口彈牙，最正係豬頸肉🐖，無醃過，食到好重肉味，十分爽口！不停encore 扇貝同蠔一般，唔夠新鮮，無咩味，又要燒好耐，阻住燒肉，無再order。蛋夠滑，唔好燒太耐！牛脷同牛肋骨肉無醃，肉味濃郁，好正呢度啲無醃過嘅肉類好出色，夠新鮮就唔駛整色整水落咁多調味，食到肉嘅原汁原味竟然有得燒鰻魚，鰻魚夠嫰滑，燒嘅時候小心痴底。呢個炸蝦不得了！外脆內軟，蝦肉好彈牙，好食過燒蝦另外飲品自助，有好多韓國罐裝飲品。食得太飽，我哋無食雪糕。今次都試唔晒

近期變咗燒肉怪，又去咗食燒肉，依間任食韓燒有醬油蝦食，吸引咗我去會一會佢。佢有唔同種類嘅任食套餐，我哋嗌咗有得點世子料理，兩百幾蚊嚟講又幾多選擇。焦點推介醬油蝦、大蜆、帶子同海帶湯。大蜆真係幾大粒，燒完粒粒飽滿，入面嘅蜆汁都好鮮味；帶子幾甜，不過有少少難燒得好。牛肋骨肉幾嫩口，薄片夠油；牛扒大大塊多肉先啦，不過都係易燒到過熟。整體都有牛味，唔柴，多部位揀，夠油香。牛舌薄片止到癮，薄片五花腩比起厚身冇咁肥膩，唔會滯。海帶湯係韓國隻味，海帶都好足料，仲有豬肉喺入面。冷麵冇梨子湯，但麵質夠煙韌，清油膩一流。燒生蠔都幾大隻，貝柱位夠甜。醬油蝦夠入味，肉質結實，又夠大隻，我都食咗幾轉。嘢飲櫃都幾多嘢揀，有我放題必飲嘅龍井菜消脂，又可以食多幾轉，仲有雪糕食，幾多選擇。可惜個爐同火力太猛，都要燒得幾少心同要成日換爐。

提起韓燒，坊間已經有林林總總既餐廳今次既韓燒餐廳係佐敦的平昌 Premium一坐低，待應先奉上數款既小食，泡菜，大荳芽菜，韓式壽司等。味道濃淡得宜我食既係入門級既任食，價錢$188一位但選擇已經非常豐富有牛，豬，海鮮三大類可以揀而且平昌主打韓食，自然少不免有其他熟食可以一試，冷面，韓式拉面，紫菜湯等等，返到正題，韓燒重點當然係燒肉！由牛排骨，牛五花，到調味牛肉，都一律出色！首先推出黎時已經見到肉質鮮紅，燒完已經有陣陣既肉香牛排骨本身牛味濃調味牛味道得宜，唔會比調味搶左牛味甚至牛五花肥瘦得宜，叫左幾次都無問題食落仲有油脂香係口腔迴盪。直頭係邪惡既化身！條腰又要粗多吋啦！至於豬類，私心推介豬頸肉同五花腩！豬頸肉既爽脆既口感，同五花腩既濃滑口感，配生菜食絕對一絕呀！到海鮮類，188既價錢可以燒到生蠔，真係性價好高嫁！仲有海蝦，青魚，帶子等等！海鮮新鮮，值回票價最後值得一提係，換燒盤既速度好快，侍應見你個盤有d燶，就馬上換個新既比你保證火夠猛，燒得好𣈱快埋單2個人都係around $400

星期五晚食飯，冇優點，缺點極多，詳細如下。1,性價比極低，三四百蚊價錢，三四十蚊質素2,侍應完全當你冇到，燒肉醬汁唔會俾你，生菜要叫幾廿次先有，油唔會俾你，嗰啲泡菜小食更加唔需要講，直頭係冇嘅。注意個190幾個好評入面係有齊晒小食醬汁㗎。3,坐咗40分鐘，同我講要交枱，明明係寫120分鐘，冇一個鐘就叫人哋交枱。4,食物質素，絕對垃圾， 我完全吾明白好評入面點解可以無敵吹捧每一樣食物，特別係嗰個醬油蝦，完全冇特別到一個點，如果係當係日式刺身嘅話，我比50分。5，我只係入咗第一張單已經唔齊，第二張單影都冇埋，侍應話唔記得咗入，最後一張單嚟咗三份一嘅嘢，6,空氣質素差到絕，油煙多到嚇死人，返到去要洗幾次頭都整唔到嗰陣味， 枱上面給油煙嗰舊嘢好似係裝飾品咁，唔好睇又唔好用。最後總結，問心嗰句，$300一個人嘅放題， 唔好咁冇良心，乜嘢都求求期期，我俾你呃到我第一次又點樣，你咁樣冇回頭客。

今晚接納老公的提議，到了平昌Premium 吃晚飯時段的任飲任食韓燒，因為他和同事之前來過，還讚口不絕呢！我們點了世子御膳，原來叫世子御膳，可以點埋大君御膳，真的超興奮啊！我們第一輪先點海鮮，之後叫了肉類，最後才叫熱食。還有，like 及 share 它們的Facebook，還可以任食雪條，真是大滿足啊！韓式前菜款式多，好味醬油蝦食到舔舔脷第一輪叫了海鮮，最like 鰻魚及蠔，正豬皮及豬腸是少有韓國食店吃到的雞肉醃得很入味，肉質細滑熱食也很不錯，款式很多吃完韓燒，再來一枝雪條，確是大滿足

My friends and I went to a Korean BBQ restaurant called "Pyeong Chang Premium" (平昌 Premium ) located in 5/F, Chuang's London Plaza, 219 Nathan Road, Jordan佐敦彌敦道219號莊士倫敦廣場5樓2-min walk from Exit D, Jordan MTR Station.The restaurant is very spacious with wooden decor in modern style.There are 3 gradings of dinner buffet that charge different prices.1.Standard buffet (大君御膳) costs HKD$188 per adult2.Luxury buffet (世子御膳) costs HKD$258 per adult3.Premium buffet (國王御膳) costs HKD$358 per adultMy friend a

諗住生日食韓燒慶祝，去完真心氣谷啲餐具油淋淋蛋漿冇未啲牛肉好似柴皮咁，無牛味，硬到食完會胃痛。其實要幾差嘅牛先可以又硬又冇味呢？成三百蚊一個人，真係只係咁嘅質素？服務更加差到極點兩小時任食，未到一個半小時已截單之後不斷催賣單，因為要騰我地張四人枱俾人做八人枱！賣單好似欠佢咁！完全不知所謂如果好食牛，唔好似為叫貴啲嘅餐會好啲，你只會呻自己戇居通風系統好差，食完由頭油到落腳FB like 可以有雪條食都 like唔落！費事害朋友！未試過劣評任何餐廳，我嘅第一次劣評加食評送俾你，希望少啲人中伏！

今晚又去增肥啦，呢間已經食過好多次啦！有抽風器，燒個陣唔會太大煙，幾好一坐低就拎左呢5碟前菜上來，味道都可以接受，唔錯我地唔想太浪費食物，所以每次都少少咁叫雞肉好滑，推薦，牛排骨燒岀來好香，而且食落去唔算肥，牛肋骨肉都好食，雞翼就正常由於雞肉真係好好食，所以再叫牛脷我個人覺得要必食，因為好大片，又厚身！食落去一d都唔硬！正！照燒五花肉好野味再叫牛脷鰻魚大大塊，朋友最愛海鮮算高質豆腐海鮮辣湯，朋友話真係有好多海鮮，而且辣味唔算太辣，幾好 石鍋麵鼓湯，呢個好飲，好正宗到最後仲有雪條食，好滿足吖

嬲嬲豬羅。。呢個係絕對真實既食後感覺。。真係忍唔住羅係度寫下。。氣難下！我得兩個人去食，我叫四塊牛肉，次次都得兩件黎，一係就漏單一件都無黎過，我投訴，佢就話因為得兩個人，所以次次都只可黎兩件，咁樣食一啲都唔爽，兩件兩件咁黎，燒到下年都未燒完，仲要限時兩個鐘，根本食唔飽。我果日為左食醬油蝦，加錢叫左大君，次次兩件咁叫已經好麻煩，佢仲要漏單，揾侍應禁極鐘都無人理，好嬲。早知唔加錢，由頭到尾只係黎左六隻，叫極都唔黎如果以任食做招來吸引人黎食，唔該唔好咁小家，亦唔好咁麻煩啲客去落order，好嬲