影片
港铁旺角站 E2 出口, 步行约5分钟
继续阅读
电话号码
22670808
附加资料
進食時間 60分鐘,每人至少消費一個套餐
营业时间
星期一至日
12:00 - 16:00
18:00 - 22:00
公众假期
12:00 - 19:00
公众假期前夕
12:00 - 19:00
以上资料只供参考，请与餐厅确认详情
大家好！今日就來到了旺角一間相當受歡迎的平民扒房嚐味，個人最中意嘅就係佢哋嘅石燒牛扒同生蠔啦！首先要提嘅係佢哋嘅生蠔🦪，食落肥美又鮮甜，尤其喺塊面盤子大過塊面咁大張，簡直正到爆燈！完全無腥味，個人覺得勁正！接著，點咗石燒牛扒🥩，真係過癮！牛扒帶點微焦嘅香，外層煎得啱啱好，入口juicy，嚼落有點彈牙，啖啖肉感真係令人滿足！最正係可以按自己啱嘅方式燒，食到最後一啖都熱辣辣嘅，真係幾有得益！而家講吓意粉，蒜蓉白汁蜆意粉🍝口味就比較輕身，蒜蓉香味撲鼻，加上啖啖肉質彈牙嘅蜆，食落過癮得滯，雖然唔係晒太突出，但係整體來講都算挺正！最後，來個雜莓乳酸梳打🍹，清新提神之餘，亦幫助清理下口腔，準備下一次嘅味蕾衝擊。總結落嚟，如果想體驗平價但質素好過市嘅扒房，呢度絕對係你嘅不二之選！大家下次行過旺角，記得嚟試下佢哋嘅牛扒同生蠔啊！保證令你舌尖興奮不已！💯😋👍🏼
继续阅读
因為好想食扒，上網見到好多人話好食，所以今日見無人排隊就入黎食。食完之後好嬲。1）自家秘制紐西蘭肉眼200g，黑椒汁$78好難食，食嘅時候諗起飛機餐嘅牛柳粒。佢本身味道偏鹹，肉質完全唔軟，仲要好多筋（可能我唔好彩），食左唔夠一半真係頂唔順，好似中學啲飯盒質素。佢分開比個黑椒汁仲要凍，但侍應又叫我地唔好直接倒落鐵板，完全唔知點解要凍。雖然78蚊好平唔應該期望太多，但真心唔係CP值高。2）澳洲和牛200g，黑椒汁$148稍微好食過肉眼，稍微軟啲啲，同埋肉汁都比較多，中規中矩（用價錢衡量的話）呢塊雖然貴過肉眼，但如果真係要黎嘅話都比較推薦呢塊。塊石熱左都冇3分鐘，淨係夠塊扒由一成熟煎到兩成熟，其實真係唔建議嚟食扒。3）是日推介生蠔拼盤12隻（升級6隻頂級法國生蠔）$258入口都鮮甜，黎嘅時候都凍，開殼都乾淨（有一隻有少少殼碎）。整體黎講，無加錢嘅（來自智利）好食啲，加錢嗰啲（頂級法國）口感有啲鞋，唔夠新鮮。我地原本想試下正價餐牌$198 6隻嘅蠔，但侍應話疫情影響無返貨。side note: 一開始杯水有粒黑色嘢，叫佢換一杯就有另一粒🫠🫠。餐湯係南瓜湯，唔creamy，好多渣，味道唔夠，一般水平。配菜普通，都係四分之一個粟米，兩條細蘿蔔，一舊西蘭花，全部都係凍嘅，我覺得一係就整熱佢，懶嘅話俾個沙律都好。佢餐牌寫湯，前菜同飯都係任添，但係完全唔會想添。🤮🤮🤮side note:女侍應服務態度唔錯，但全餐廳得佢負責落單、執枱、收銀，唔知搞乜。佢忙得滯唔記得比飯我地，我地食到途中問一問先知原來飯係免費嘅。Total連加一：$532最後奉勸大家一句，真係唔好嚟食，俾錢買難受。🙏🏻🙏🏻
继续阅读
平日晚餐，叫了熱石牛扒，200g肉眼及200g牛板腱，附送蕃茄湯，蕃茄湯擺明茄膏加茄汁，酸到痛不欲生。牛肉個樣幾好，但啲肉衰過大家樂鐵板餐。無論肉眼定牛板腱，一啲牛味都無！肉質好似擦子膠，難以吞下。醬汁竟然是死鹹現成照燒汁，如果舊肉質素正常，其實用鹽已經好好食，又點解會選用濃味汁呢？隨餐附上既前菜，一睇就吾開胃，衰過以前小學嗌啲飯盒。如果無心機整，不如吾好送，好寒酸。因為餐點無野飲，加了$12要特飲，用糖水加水就叫特飲！你杯野如果係送既，就算，但係我加左$12，比少少誠意好無！另外，加了一隻焗蠔，🙂臭既！最後，隆重介紹，利用優惠價加既$88兩隻西班牙珍寶生蠔。來到既時候，好震撼，好大隻，食落味道正常，有少少海水味，都creamy既。但係！我翻到屋企之後，就肚疴，疴水個隻~大家參考下啦，祝大家好運👍🏻
继续阅读
今日同表弟去旺角行街，喺女人街下睇下有冇啲好嘢食。鍾意食牛肉🐂嘅哦，呢間「平民扒房」就啱曬我，又有牛扒食又有生蠔食🦪，正🤗鋪頭唔算大間，但裝修好特別，好復古feel,個鐘係真係會郁嘅🤭見到個lunch set都好多嘢揀，黎到扒房梗係要點塊牛扒啦，叫咗個石燒肉眼，加錢要有個意粉底。個南瓜湯好好飲，非常之濃郁,個lunch set包埋嘅。石燒牛肉🐂好處就係幾多成熟自己決定，仲可以鎖住啲牛肉汁，好juicy，喺上面加啲蒜蓉上去，非常之香，牛肉要咁樣食先至過癮，配埋個蒜香意粉真係好好味🤟🏻🤟🏻。黎到間扒房有蠔食，套餐價錢可以叫生蠔🦪，咁梗係要試下啦，啲生蠔真係識叫即開，好新鮮非常之鮮味。今日真係蛋白質豐富，有牛肉又有蠔，正💯💯最後叫埋杯特色果汁，芒果特飲，聽個店員講話唔係成日有貨，真係lucky🤗🤗環境質素🏚：❤️❤️❤️❤️❤️衛生程度🧽：❤️❤️❤️❤️❤️美味程度😋：❤️❤️❤️❤️❤️抵食指數🤩：❤️❤️❤️❤️❤️回頭指數🤩：❤️❤️❤️❤️❤️
继续阅读
홍콩 레이디스마켓 맛집😋中文向下面👇🏻몽콩에 가면 바로 레이디스마켓이지😍 매점을 많고 양쪽에 맛집이 많이 있어요!!!! 맛있고 가격도 저렴해요🤣이번에 스테이크 앤 생굴하우스 먹으러 왔다❤️점심시간에 와서 대기를 필요없이 바로 자리는 잡았다🥰 저녁에 대기해야된대요. 다들 퇴근후에 레이디스 마켓와서 그러나봐요 ㅎ ㅎ오늘 메뉴:프라스 생굴 ₩33000-넘나 싱싱하고 맛있다 추천추천돌판 스테이크 ₩15000-400g 시겼는데 양이 많구나 ㅋ ㅋ ㅋ 랍스터 크림 파스터 ₩16500-랍스터를 영원히 최고지❤️점심 세트 포함❤️감자튀김 ,과일맛 사이다, 토마토 수프女人街有驚喜西餐😍😍😍女人街多好野食真係人人皆知😋可惜因為疫情好耐冇嚟🥲今次難得過嚟旺角，梗係要搵一間好味嘅嘢啦🤣🤣🤣網上面見到大家推介呢間性價比高扒房，豪豪地就去食佢啦！😍餐廳個名叫平民扒房，本身期待值唔高，誰不知蕃茄餐湯直接衝擊味蕾😍😍用鮮茄煮湯，湯入面有幾多薯仔粒，同埋粒粒分明嘅蕃茄仔！正啊！生蠔送到上枱非常新鮮，隻隻都有手掌咁大！食落好有淡淡嘅鹹水味，配上少少檸檬，真係好清爽！👍🏻石燒牛叫左牛柳，上到枱聽到聲音真係非常治癒！大大舊平過其他相似既石燒牛！跟餐仲配埋薯條，男仔都一定夠飽😋龍蝦忌廉意粉係好多cream個啲🤤🤤🤤超驚喜係意粉加左好多龍蝦膏！不得了！出面真係好少見，抵啊！
继续阅读