平發潮洲館

营业中

休息中

收工已經係夜晚9點冇咩選擇~之前同事已經有食過幾次,今次佢地帶我去食好野!!!呢間潮州野係收好夜~啦啦聲去醫肚, 餓到呢~~~~今晚決定去呢間9點幾入到去已經有8成滿座 老細好親切, 4個人叫左6個送滷水鵝片好食, 鵝肉唔鞋夠入味陳皮骨香,脆, 有陳皮味, 唔會太油, 好好食虎皮尖椒 - 隻隻都辣, 好食滷水三拼 - 唔錯潮州炒米粉+凍魚大合照 老細好親切,樣樣都好好食又推介食野俾我地, 下次一定會再黎

今晚一家人去左呢間小店食打冷，除左有打潮洲野食，重好有人情味，伙記們都上左年紀，但好熱心想方便客人可以舒適d👍🏻滷水鵝片-鵝片、豆腐、花生，好入味，滷水汁味道啱啱好，鵝片肉質軟腍美味。滷水墨魚、生腸-爽口，墨魚切得好薄，咬口好好。方魚肉碎粥-熱辣辣、有方魚既鮮又有香菜既味道。招牌陳皮骨-有淡淡既陳皮味，炸得好干身，少少熱氣，但好食，食骨比較大舊。胡椒豬肚湯煮花甲-花甲都多但唔夠新鮮，好重胡椒味，又有勝瓜墊底。重叫左煎蠔餅-唔算好油，而且蠔仔超大隻。還有苦瓜煎蛋餅都唔錯。呢咁多野食加埋汽水都係$700左右埋單，性價比好高～

在長沙灣道附近有兩間潮州打冷餐廳，平發潮州館打冷是其中一間，上次因為星期六去吃晚餐要排很久的隊，所以轉了去另外一間潮州打冷館吃。今次特登約朋友平日加早少少去食晚餐，所以不用排隊就可以入座。這間餐廳價錢十分之親民，而且食物分量大大碟，免加一，啤酒價錢平過出面一般餐廳，絕對物超所值！這間餐廳除咗打冷食物之外，亦有其他小菜選擇。椒鹽九肚魚$98分量大大碟很多條，炸得很香口，送酒一流。蠔仔肉碎粥例$98雖然話係例，但是上檯是一鍋，足足有八小碗，粥內蠔仔份量十足，食落沒有沙乾淨，而且沒有腥味。鹵水什拼加鵝片$178顧名思義乜都有，有紅腸、墨魚、鵝腸、豬耳、豬腩肉、豆腐和芽菜。潮式煎蠔餅（大）$98蠔餅份量十足，每塊有手掌大，十分抵食！大良煎藕餅$88採用潮州傳統做法，魚肉、豬肉加蓮藕粒一齊煎，表面香脆內裏帶有少少煙韌感，好吃！

呢個星期先開返，好掛住佢lol梗係即刻外賣支持下！蠔仔肉碎粥咪睇佢細細碗，料多蠔仔夠新鮮，已經夠哂兩個人慢慢食再加埋好香嘅蝦子同香茜勁夾！招牌陳皮骨酥脆香口，送酒一流，同普通嘅金沙骨味道不同，好香陳皮味，啱哂想試新口味嘅朋友而且唔多地方整到！值得一試！炸蠔餅 蠔夠哂足料，大大塊餅拎外賣時睇住佢即炸即整真係香到坐到好遠都聞到

老實講，一般水平，做街坊生意，唔算係好正宗嘅潮洲店。但d 小炒同炸物都ok。同d 伙記問有冇某某潮洲菜色，竟然俾個黑人問號樣我。如想食好正宗嘅潮洲嘢，就免啦，你當佢係一間食得嘅大排檔啦。鹵水拼盤，正路嘢，冇乜驚喜。但冇得拼鵝肝鵝翼。鵝肝大貴丁，成百幾蚊一碟，一定要我單點一碟，雙拼都唔得，仲要唔係珍寶鵝肝，老闆仲話珍寶鵝肝太"淋" 😅，冇點到。出面通常食開係 春菜排骨，呢度係春菜豬腩片，尚可。竟然比較好吃，係個椒鹽鮮魷。唯一好處，可自帶酒水。

突發想食蠔餅所以就去了附近的潮州美食試試，因時間尚早，不算太多人，可以有卡位，坐得舒服， 食打冷常常要坐圓凳，好少可坐得咁舒服。看了餐牌，有好多選擇，有鹵水鵝的每一個部分， 椒鹽類，海鮮等等，最後選了蠔餅、鵝片和胡椒豬肚沉花甲。只需十分鐘左右已經全部來到， 鵝片有10塊左近，有跟豆腐、大豆芽和花生，味道只是一般，無乜驚喜！ 胡椒豬肚湯味道似乎淡啲，而花甲也细隻似蜆仔，好彩蠔餅算是最出色，鬆脆而D蠔也算大隻帶鲜味！ 最後想講講這店應該非常乾淨，最初我都擔心食花甲和蠔餅會令我的玻璃腸胃出事， 吃飽回到家一切都非常好，值得讚讚！

⭐️平發潮洲館⭐️📍:長沙灣元州街潤發大廈地下B3鋪⏰:5:00pm-3:00am (唔係疫情既時候)💰:人均$100-$200⭕️: 現金** (不設加一)👍🏻👉🏻蠔仔肉碎粥 (碗)💰48 (例)💰98🌜我地👦🏻👧🏻本身念住叫一例 但系舖頭嘅姨姨同我地講 一碗已經夠我地兩個食 當蠔仔粥嚟到 好大碗！！好足料 夠我哋每人食兩/三小碗 姨姨好良心！唔會因為想搵多啲叫我地叫一例👍🏻❤️ 但係👧🏻🍼估唔到有芹菜😭走芹菜會好食好多！👉🏻椒鹽鮮魷💰98🌜炸粉比出邊其他嘅更加出色👍🏻唔會太厚 好薄好鬆脆 再配埋醋👍🏻一流 必食！👉🏻黑椒牛仔骨💰88 ⭐️👧🏻覺得麻麻地⭐️👉🏻豉椒炒蜆💰88🌜本身我哋叫豉椒炒花甲 賣晒😭最後變咗豉椒炒蜆 味道方面 醬汁好濃郁 略嫌鹹咗少少 當中其中幾隻都有沙 不過蜆肉都好多🤤🌟一般潮州菜館份量都唔多 但系呢間小菜份量足 價錢都合理 👍🏻餸菜好有鑊氣 味道都出色 👧🏻🍼我覺得佢個椒鹽鮮魷同埋蠔仔粥好食🙌🏻 所有餸菜都係略鹹咗少少 醬汁都偏重口味 可能要飲多啲水 食慣清淡既人可能食唔慣 🌟👧🏻🍼係好鍾意食大排檔打冷個啲野 佢係有冷氣既打冷👍🏻😂 如果好似我哋兩個人嚟食 三碟都已經好

重點1: 性價比高味道好最推小菜TOP 1 ☝🏻 $138胡椒豬肚浸花甲🥣對胡椒豬肚嘅熱愛係無分季節的💛花甲嘅烹煮方法一係上湯浸一係炒用胡椒豬肚湯浸花甲係一個特別嘅味道湯底配埋瓜落去令成個感覺昇華😍 重點係花甲有好多隻，仲要有肉，唔係得個殼🤣先飲啖湯覺得辣辣地嘅時候，啲瓜湯又帶返甜，花甲嘅鮮都仍然保留😍 💦食嘅部分都唔輸蝕😬豬肚好淋身 唔會咬好耐🤤啲花甲肉唔會太細粒🤪啲瓜自帶甜味又有胡椒豬肚湯味😬呢個配搭足以配多碗白飯🤞🏻嗰晚仲叫咗拼盤，非常足料😍啫啫雞通菜煲，上菜仲有煮緊嘅聲音🤩椒鹽鮮魷， 炸粉唔太厚，食得返魷魚味🤓薯仔粒炒牛柳粒，牛柳粒非常淋身，有鑊氣🤤不過偏咸🙈重點2: 茶餐廳嘅服務係中上一坐低就會有水同盆俾你洗吓餐具，通常洗到張枱都會濕哂！😑店員收走污糟盆，仲會貼心到拎毛巾幫你抹返乾張枱！ 😬試問邊間茶餐廳做到呢個質素😍 真心欣賞！因為地方唔算大，幫襯嘅人好多，令到坐近門口嘅人都會感受喺冷氣同街外嘅熱氣中間，唔算好舒適🙈 有得揀記住坐入面🤣同埋！ 因為好多人，所以緊記要book位！

經過這潮州菜館已經很多次，但這還只是第一次光顧。點了滷水鵝片、豉汁蒸白鱔和韭菜豬紅。鵝片出乎意料之外的嫩滑，味道不錯，以$108的價錢來說，份量也算多，鵝片下面有很多滷水豆腐和大豆芽。白鱔雖然不至於十分肥美，但肉質不錯，份量也不少，豉汁的味道調校得很好，價錢$118 ，合理。韭菜豬紅味道比較一般，份量極多，感覺上豬紅怎麼吃也吃不完。一般的潮州菜館食物份量比較少，這店的食物份量足，而且價錢合理，可以一試。

我在「長沙灣」「元州街」光顧港式茶餐廳，食完「咖喱牛腩飯」晚餐、甜辣味道「羅宋湯」，以及擁有懷舊色彩的「忌廉溝鮮奶」飲品之後，需要為「雞肉」部分的晚餐食品而煩惱。結果我在「元州街」的另外一邊地方，找到「平發潮州館」這一間，主打潮州菜食品的餐館。「平發潮州館」裡面雖然也有電視機，但是電視機播放的節目，對我的實際影響沒有預期那麼大。我很快已經鎖定了，在「平發潮州館」裡面享用的「雞肉類」晚飯菜式。這款「平發潮州館」的雞肉菜式，正正就是一大鍋直接上的「粟米雞粒湯」。另一方面，最重要的是我在「平發潮州館」，找到一款平日光顧潮州菜餐廳的時候必點的潮州菜食品「潮州煎蠔餅」。「平發潮州館」的「潮州煎蠔餅」，分別有大小不同版本任君選擇。我發現原來「平發潮州館」的大份版本潮州菜小食「潮州煎蠔餅」實際售價價錢，相對小份版本的「潮州煎蠔餅」，昂貴了足足港幣二十元。結果我只是選擇了，先試食享用小份版本的「潮州煎蠔餅」。原來「平發潮州館」製造的大「潮州煎蠔餅」實際份量，感覺也都很大份。幸好「平發潮州館」原來實際上，也有為小份「潮式煎蠔餅」食品預備了一碟，味道偏向酸和甜，十分開胃的潮州小食食品酸醋調味醬料。小份「潮

💛 平發潮洲館 💛..............................👦🏻👧🏻想食打冷好耐但紅伶又一直都未開😩所以就再試下新嘅打冷黃店😈.🔅想知黃店原因請Pm💛..............................🍽滷水鵝片 $107（👏🏻6/10）主角鵝片分量正常 唔會得細細碟咁個鹵水汁都幾香 墊底嘅豆腐索埋鹵水汁都幾正不過鵝肉唔係好夠滑 鵝油香都唔算好重😣😣.🍽蠔餅 (大) $88（👏🏻8.5/10）蠔餅有三大塊 食到好滿足😋蠔餅厚薄啱啱好 連中間都炸到好酥脆蛋漿同薯粉比例啱啱好 同埋啲蠔一啲都唔腥抵讚！.🍽雞煲 (半隻) $128（👏🏻7/10）雞煲上枱仲有”咋咋”聲味道都唔錯嘅 唔會話食到中哂伏咁不過就無咩特別 好似走豬潤嘅啫啫雞煲🤣.🍽啫啫通菜煲 $68（👏🏻8.5/10）通菜超有鑊氣 上枱咋咋聲 收汁收得啱啱好👍🏻好惹味 配飯食一流 估唔到係最快清碟嘅餸！.🍽豉汁蒸白鱔 $118（👏🏻5/10）啲鱔都彈牙 但條鱔好幼 唔夠厚肉😣所以就唔夠啖啖肉同埋油香同埋豉汁唔係好夠濃味 偏淡😣...............................🎈 平發潮洲館 (長

煎蠔餅唔會太多粉，脆得嚟又唔會好油膩，新鮮熱辣上， 啲蠔仔又多汁，而且都唔係好細粒， 口感唔錯。 鹵水鵝肉亦都係好入味， 而且咬落去啲肉汁都好鮮甜。Quite a pleasant dinner with my foreign friends. Recommend to try it.

潮州打冷推介下長沙灣嘅平發潮州館做街坊生意嘅食咗滷水拼盤佢覺得鵝腸超爽跟住食咗胡椒花蛤湯，我覺得真係冇落味精胡椒味超夠最後強烈推介嘅就係蠔仔粥啲蠔仔又大粒仲要一啲都唔腥附近街坊可以幫襯下

不經不覺新年就咁就完咯，同兩個朋友約埋放工去食野，黎到長沙灣呢頭係宇宙商場對面夾完公仔，行左兩三步路就見到呢間平發潮州館，咁我同朋友一行三個人就係咁易每人點碟餸，分別係韭菜豬紅，菠蘿生炒骨，椒鹽鮮魷，但又唔知點解黎到潮州舖又好想食蠔仔粥，就係咁又叫左碗蠔仔粥。環境不錯，夠寬闊，有五六張卡位，我地去果時係凌晨點幾鐘，d卡位都坐左一半。落完單後，上菜都好快，10-15分鐘左右就上齊菜。先講下個韭菜豬紅，我個人覺得好入味，偏咸，可以點小小辣椒醬就更加好味，而豬紅又唔會話輕輕一夾就散，都維持到一舊舊（之前係第二度食過d一黎到係散收收咁）。椒鹽鮮魷同生炒骨都正正常常，唔會話好細條。另外蠔仔粥方面我d朋友就話咸左d咁。（不過我就話，咁潮州菜不嬲都係偏咸架啦）整體黎講，佢d餸菜其實都好大碟，價錢都係位於適中價錢，大部份價錢都係$68起，而相對出黎既份量，我足以覺得好扺食好夠食。另外值得一讚既係，咁我同我朋友一段時間無見，食下野飲下野，傾下傾下都無睇時間，傾到接近3點鐘左右先發現原來咁晏架喇，咁就準備走啦，同老闆講開幾句後，先發現原來佢地係3點鐘收舖，我地都覺得唔好意思，好似阻住左佢地收舖咁，係過程中

早兩個星期肥雞去咗長沙灣嘅潮州打冷館食晚 叫做平發潮州打冷館 今次除咗係喺舖頭買餸食飯之外 仲喺出面買海鮮加料 首先買咗個蒜蓉雜菜粉絲煲 一邊有菜心芥蘭 粉絲索曬啲湯汁入味 入面仲有唔同嘅海鮮例如八爪魚蝦米 蜆等 幾重海鮮味 買咗個椒鹽排骨 呢個排骨係即炸嘅 啖啖肉 香口 肥雞嗌咗個小炒王 但係佢啲菜竟然唔係用九菜 而係用大蔥嘅莖 冇咗韭菜嗰隻香味 肥雞真係好失望 之後到我哋買料加餸嘅環節我哋買咗條龍躉攞嚟蒜蓉 清蒸肉呢就一定新鮮㗎啦 今次佢都冇正到過咗火猴 所以都幾滑 買咗幾斤蝦一啲攞嚟清蒸 一啲就攞嚟豉油王炒 用豉油王炒嗰啲好香口唔會特別太濃味 令肥雞食完一隻又一隻 相對清蒸嗰啲呢就要點豉油食佢嘅本身肉嘅鮮味 肥雞再嗌咗個韭菜豬紅反而呢一個就比較失色啦 豬紅冇咩味 再嗌咗個 方魚粥 味道有啲似淡味的鹹魚 加埋芫茜蔥 成個湯底都好香