幸亭拉麵 (已結業)

今日我食咗“地獄拉麵 L4”拉麵好有口感，夠彈牙溏心旦真係溏心旦，個旦黃仲會流出嚟豚角煮有少少肥，但肥嘅程度適中，厚度適中，好味湯底夠濃夠香辣味已經叫最辣，但我覺得再可以加辣就好

一個人的晚餐都唔知食咩好，拉麵係我最愛之一食多多都唔駒，睇埋OPENRICE食評就去試下。以拉麵為主，供應黑胡麻、豬骨湯、地嶽、味噌、黑蒜油等拉麵，配料有叉燒同豚角煮 (五花腩)、糖心蛋、粟米、木耳、椰菜同蔥花。我點了黑胡麻拉麵，麵條OK，軟硬適中，粟米過分小量，食到底先發覺原來係有幾粒粟米；椰菜軟身帶甜，木耳爽口；重點嘅湯有少少失望，唔夠香，好在夠熱，否則更加油膩。食完之後覺得好口渴，可見調味重手，要好好考慮改良個湯底。主要配料叉燒同豚角煮 (五花腩)味道適中，肥瘦肉交雜，肉質可口，同個湯好配合。亮點仲有係糖心蛋好甜好有蛋香，非常驚喜！另外試左明太子雞翼，足料明太子，但個雞翼唔太新鮮，肉質偏乾而且唔夠香脆，可以改善！是次選擇坐喺後巷的位置，幾有風味。服務員專業有禮，抵讃！ 

灣仔區有許多日本食店，但欠缺正式拉麵店，這間幸亭拉麵屬區內少見。見 OPENRICE 的食評，評論偏佳。由於座位少，我和同事們 12 時多便來，幸好有一張枱空著，不用等位。我當天點了御品豚骨拉麵。先說湯底，豚骨味超濃，有點膠口，好明顯用豚骨煮了好久，足料！此處的叉燒跟其他拉麵不同，好像食廣東燒肉般有一層肥膏，因此口感十足。叉燒咬下去好'林'身，吸滿湯汁，十分美味。拉麵還有木耳、椰菜、及紫菜。木耳椰菜爽口，紫菜大大片。埋單時我們發現有 9 折，可能是 12 時多入座的優惠，63 蚊一碗靚麵真的超抵食，值得推介！

路經灣仔, 上openrice見到評語好壞參半, 都有所保留去唔去試下, 係諗唔到食其他野既情況下, 抱住頂多食一次既心態去試坐低睇menu, 諗左好耐都唔知叫咩好, 最後揀左"人氣"既黑胡麻拉麵我食拉麵會有個習慣, 先來試下個湯得唔得, 飲左2啖, 夠濃味, 唔味精跟住再食個麵, 點知 ... 唉 ... 林左少少 ... 唔好味 !!再食埋配料既木耳, 嘩 !! 好得叉燒佢有2種 : 普通叉燒同豚角煮 (五花腩)個麵比我想像中少芝麻最後食埋個溏心蛋, 嘩 !! 超流 ... ... 心 !! 好正湯底同配料救返佢麵唔好食既不足門面裝修就真係有點日本風味, 都加返少少分

黑胡麻拉麵同味噌拉麵各一碗麵既軟硬掌握得唔錯但係唔太吸到湯既味叉燒同角煮肥瘦間住,林得來又有肉應該有既口感,都好入味而且份量比較多,無令人覺得比人昆水勁多木耳,但係無粟米,用左椰菜..個人覺得唔match蛋係原隻上 好流心兩種湯底都好普通黑胡麻完全無味道,只有點綴效果豬骨湯味道都無濃郁既感覺難令人留下深刻印象唔知點解無啦啦比著數我地哈哈結果價錢比有日本師傅既拉麵店平坐後巷 唔可以話有feel..似大排檔同碗麵好夾 夠港式不過staff幾好,我地寫錯單同有問題,佢地都好樂意幫忙

今日收工女朋友話帶我去街邊食拉麵，我聽得一頭霧水，最後經佢張路終於來到幸亭。鋪頭唔算大，但布置尚精緻，可以揀座店內或店外，我地就揀左內。而是晚我地order左2款食物…御品黑胡麻拉麵-黑胡麻湯底好香，食落好特別，而麵既軟硬亦very good，叉燒亦夠稔，令人滿意元祖黑亭拉麵-湯底比上者更濃味有口感，而豚肉亦好入味，非常不錯。相信會再次幫襯，因為同市場上各大拉麵店既濃湯底比較別樹一幟，可惜位比較少，去既朋友要有耐心等

係Yahoo買左團購，$49包黑蒜油叉燒拉麵一碗+1杯飲品(可選啤酒)，團購抵食，即使食正價套餐價錢亦不算貴。不過，實物跟團購食物照片頗有出入就難免啦，黑蒜油葱花粟米粒都比照片顯示少了頗多，唔知正價套餐係咪會好d?但anyway,團購價而有此質量己不錯。btw，叉燒嫌未夠軟身juicy，而店員的服務態度是有禮的。但是，店铺太細，內裡地方較淺窄，有些客人寧願坐外邊，天氣不太冷不太熱不下大雨的話，還可以的。

拉面熱潮從沒有在我心中停止過,一個人黎到,我本卜六點三,但佢叫我卜六點半,咁我六點四已經黎到,照樣同六點半的人一齊上菜,可能佢要我卜六半係要集合一齊黎煮啦,呢杯提子汁好藥水味,好難食,拉面係黑,先試左未混合黑蒜的清湯,味道比較淡,可能我自己喜歡濃少少的吧,加了黑蒜的味道好了一點,但面唔太吸到湯的味,,所以面比較淡口,叉燒都OK,唔UN易咬亦有味

本身我地都唔係諗住食拉麵,不過原本想食果間太多人要等好耐,經過見到就試下啦!我見到個麵黑蚊蚊,不過我相信應該都唔差,呢間舖好得意,有白麵同黃麵揀,我鐘意食蛋白,所以揀白麵!其實我本身都唔係太好叉燒拉麵,不過呢個面真係令我從此改觀!個湯好香好滑,應該係因為黑芝麻既問題,蛋白麵好滑好Q,唔會有一般拉麵既味,之後最正係個叉燒!!真係不得了!!佢係肥瘦間住既豬肉,一咬落去D油好香,果陣味滲出黎,好難形容,真係非常好食!我以前都唔食日式叉燒,不過呢次令我對日式叉燒改觀!!下次一定要再食!!!

8時放工，害等了多過一小時的男友喊又餓又累，我說:好啦, 我帶你去吃拉麵!這間拉麵是早陣子跟同事發現的，店面的裝修挺搶眼，路過一眼就看到這間蠻特色的店。這家店的位子不多，入面約8個，出面約6-7張吧檯的。因為男友怕熱，本想走進入面坐，但座位有點迫，冷氣有點過大@@於是走出去看看，看到有三台風扇對著，且今晚的天氣又不太熱，於是我們改坐出面了。拉麵的選擇不少，比最近吃過的拉麵店還多。除了熱的，還有夏日限定的三款冷麵。下了單，食物很快便送到，原來有個窗口可以把麵從廚房送出!   最後我點了幸亭御品味噌拉麵，習慣先喝一口湯，唔，沒什麼特別。再咬一口麵，反而麵質彈牙，是近期比較喜歡的麵質!這碗拉麵還有很多木耳，跟菜，感覺挺健康，不會全肉全麵的。糖心蛋只有合格而已，沒什麼味道的。叉燒跟豚角煮的味道不錯，豚角煮有一點甜甜的。男友點了黑武王，是冷麵，亦是沾麵，這個比想像中好吃!平常比較喜歡吃熱的拉麵，熱的沾麵倒試過，冷麵再加上沾麵，印象中沒有吃過!撈起來，由於加了黑麻油，變了黑黑的麵~開始時試了一口，那個汁有點酸。後來自己的吃了一半，跟男友交換吃 看到一旁有蒜蓉跟黑椒，加了點在那碗汁裡，比第一啖好吃

向來唔鍾意食拉麵嘅我，跟同事們試一試！我揀左地獄地麵，本來都唔抱住太大期望！但原來相反，係好好味！雖然唔夠辣，但啲叉燒真係好好味！一啲都唔"鞋＂，而麵就非常彈牙！佢地有分兩種拉麵，一隻係蛋白麵，一隻係蛋黃麵！我揀蛋黃麵！雖然店鋪細，坐得辛苦，但大家可以一試！

想試呢間拉麵好耐，今日終於有機會一試。之前睇報紙見到呢度有唔同辣度嘅勁辣拉麵，好似好正咁，其實我就係為咗佢而嚟XP呢度嘅地獄拉麵有4個辣度，肉方面有豚角煮或叉燒，同有齊兩款肉嘅御品拉麵。其他配料包括糖心蛋、木耳等。既然價錢唔差太遠，我就揀咗御品拉麵。辣度方面揀咗3級。我大約7點到達，由於尚未有其他客，大概5分鐘已有得食。御品地獄拉麵 - 3級辣配料同麵嘅份量都幾足，豚角煮同叉燒各有兩件，另有木耳同半隻糖心蛋。肉質夠淋同尚算入味。但可能依家啲拉麵店已做得好出色，所以配料整體嚟講其實唔算好突出。至於湯方面，顏色比我想像中淡，辣度亦唔夠，所以嗜辣嘅我最後都係加咗好多一味粉同辣油；值得一讚嘅係呢度嘅辣油都幾香架喎。湯底方面雖然唔算好濃，但食時反而覺得冇咁滯，相信較適合香港人嘅胃口。麵方面就有啲驚喜。粗幼適中，硬度適中、而且亦十分彈牙，比出面嘅拉麵店較有口感。價錢方面亦十分大眾方，$60-70已有一碗。唯獨係店舖太細，只有8個座位，只適合食完就走。 

這星期不斷的下雨,到訪朋友家,剛考他也未吃午飯,便順道買些東西在他家裡吃. 他打電話到他家附近的幸亭拉麵叫外賣,約需15分鐘,小人亦差不多在此時到達. 看到一間很小很小的店子 -- 實在太小了, 店內只有4個座位,空間小得更是迫得連轉身也成為極其艱鉅的一個動作!!幸好的是店外有一列座位. 反正是外賣的,還是集中食物方面吧.要了御品味噌拉麵,呷口湯.....EE.....發覺湯汁濃香而不會太咸,吃後沒有很口渴的感覺,不俗啊!!麵質點選了硬麵,口感QQ,掛湯亦OK~~配料方面必提的是真正熱的流心蛋(因為其他地方的都是凍的)、暖暖的滑滑的"雪"入口中,滋味無窮,半只剛剛好^v^很腍的叉燒一片、肥瘦適中的豚角兩塊、木耳、紫菜及椰菜,其中特別令人齒頰留香的豚角,肥瘦均勻,其香無比,更有2片呢^v^小吃點了餃子,出其地香及足料~~炸蠔酥脆不油,咬下去更有汁"必"出來~~唯一美中不足的是拉麵使用本地蔥,但以$70來說真的又化算又美味.

已不是第一次叮了, 今次試了味噌. 朋友第一次食, 我介紹招牌黑糊麻, 都是招牌黑糊麻比較好吃, 朋友吃完一個黑糊麻, 想試多一款, 於是叫了地獄拉麵share, 2度辣. 十分好味, 有驚喜!值得一提是, 拉麵的蛋十分好味, 半熟! 很有水準.下那麼大雨也有人排隊, 果然受歡迎, 而且食店很有日式街頭shop feel!

6/Apr 同太太漫遊灣仔舊區，星街，月街一帶，這區有香港的懷舊建築及帶有一些異國風情，感覺非常良好，最主要是沒有自由行。該區有不少特色食肆，我們最終選擇了一間日式拉麵店。當時該店人流少，完全不需要等位，而錢價亦可接受，所以一試。進入店內時，沒有抱著太大的期望，因為看見menu 上除了拉麵之外，有不很各款小食。感覺上很不專注在拉麵上。我和太太各點了一碗拉麵，店內推介的黑芝麻豚角及叉燒豬骨湯底拉麵。在menu上可以因客人不同的喜愛而選擇麵條的軟硬度，湯底的濃度，十分細心。而我們選擇的麵及湯底都是屬正常。麵質爽滑，韌度亦適中。而湯底亦濃而不搶口，叉燒及豚角很入味。絕對不遜適於其他要大排長龍的麵店。最讚的是麵中有黑木耳，好有日本的感覺！不讚的是筷子有點不潔及茶杯只用一些港式茶餐廳的膠杯及好一般的茶包。