幸拉麵 (已結業)

一直都知道幸拉麵得師傅一腳踢，未能定時開業，咁耐只係食過2次。而我一直有留意幸拉麵動向，知道佢今日做感謝日，再去捧場！叫了白豚同海老名味噌，叉燒好淋，好入味。湯底濃郁，試過兩種湯底後，比較喜歡海老名多了一層鮮味既湯底！流心蛋入口有陣甜味，正！😋食緊既時候，見到有食客堅持付款，店員都拒受，叫佢地下次再來食啦！我走時都同老公講，我地要再來食，多謝佢地今日既款待！點知，剛剛佢地網上宣布要結業了！原來呢個先係今日感謝日既目的…可惜…🥲有幸食到師傅最後一碗幸拉麵，謝謝款待💛期待你再開新店，記得通知香港人😀

早排同朋友都係喺尖沙咀返工，會成日出嚟食飯，自從朋友轉咗工去咗北角之後就少咗一齊食嘢，早排請咗假塭佢食飯，佢知我係門小雷fans，就話帶我去試一間好隱蔽嘅拉麵店。店舖喺北角AIA地點下，不過因為唔係喺正門位置，所以有啲唔太顯眼，店舖唔算大但係有種日式小店嘅感覺，門口貼咗三張門小雷嘅海報。喺介紹拉麵之前介紹一下門小雷，門小雷係一位我非常鍾意嘅香港畫師，好多歌手例如容祖兒、周國賢、Rubberband都有塭過佢設計專輯封面或者演唱會海報。拉麵有五款選擇，我鍾意重口味嘅我所以我要咗個黑豚，另外追加10蚊筍。黑豚即係大蒜豚骨拉麵，一擺低碗麵就已經聞到一陣蒜香味，雖然大蒜味好重但係冇冚過個湯本身嘅豬肉味，平衡得啱啱好，叉燒嘅肥瘦亦好均勻，食落都好入味，絕對可以再嚟食。臨走之前我問老闆仲有冇門小雷嘅卡賣，好彩仲有少少存貨，於是買咗一set返去收藏。

💫平時好少去北角嗰頭，見去staycation 前咁岩順路就試下呢間都幾🔥嘅拉麵小店🤩鋪頭細細間咁，大概得十幾個位左右，得一個廚師加一個侍應，好忙🙈個日平日大概1點左右，前面排左1個人大概等左10分鐘先可以入座，食完出嚟見到大排長龍😂海老湯底係好濃嘅櫻花蝦味，鮮甜，有驚喜，叉燒係偏瘦帶少肥嘅薄切，啱曬我，好味😋溏心蛋係原隻上，咬開係勁流心㗎，而麵質嘅硬度如果硬多少少就更好，整體都幾好味白豚嘅湯底相對海老冇咁濃，少左d鮮味，但都唔錯，濃郁嘅豚骨味，其他配料都一樣😆整體都ok👍🏻有冰水提供👍🏻💫呢間鋪嘅裝修都有少少日本feel🇯🇵, 而佢個碗好特別😂，有個囍字😅整體覺得呢間拉麵店都幾抵食，都幾推介😋但排隊嘅位置有d熱🙈

🍜幸拉麵😆•今次推介嘅係位於炮台山嘅拉麵店 由一名日本學師嘅港人主理 所有嘅配料、湯底、麵 和廚房嘅一切都由佢一人負責🙀以製作博多拉麵為主 採用一種極幼細嘅傳統乾麵 工序比起傳統生麵繁複😢店內所有嘅麵都由店主一手負責製作過程 絕對唔會假手於人🙇🏻‍♀️真心respect💛除此之外都好欣賞佢嘅叉燒、糖心蛋和湯底✨上面三樣我都覺得比起其他拉麵店特別🌟整體來講表現都好出色！真心好推薦大家一試🙈 (每次都山長水遠入去就係為咗食一碗拉麵🍜)————————————————❶ 赤豚 (香辣蕃茄豚骨味道) $98(肩胛肉|半熟蛋|筍干|大蔥|紫菜)📌湯底: 個人推薦 因為出面少見而且幾特別🌟豚骨湯底濃郁但絕對冇過鹹過油嘅感覺 聞落有香濃嘅蕃茄味但帶點微辣✨ 中和咗本身嘅湯底 飲落黏口順喉😆而且加深湯頭嘅味道嘅層次 (好少食拉麵會飲晒成碗湯🤫因為飲飲下會覺得好鹹 但係呢款絕對可以🌟) 上面鋪滿用上百分百嘅新鮮蕃茄蓉和辣肉碎 有麻嘅後勁 食食下覺得少似肉醬意粉嘅味道🤣 另外有專屬嘅芝士粉 個人覺得味道都唔錯 但落咗之後更加似肉醬意粉😂📌肩胛肉:叉燒選用係每日新鮮用原條歐洲梅頭肉醃味按摩 紮起定型 慢煮入味

呢間喺北角嘅拉麵小店相當受歡迎，長期都有人龍，全店只有主廚老闆同一個樓面，都做得幾踢腳，收完碗、抹完枱，又去傳嘢食，疫情期間呢啲細節就真係麻麻。黑豚湯底蒜味極重，完全冚過左豬骨湯味，叉燒同半熟蛋都正常，可惜個有一陣鹼水味，所以不了！⁣⁣This ramen place has been very popular recently after being featured. However, the ramen itself was just below average - very disappointed! Also, the same waitress was cleaning tables, collecting money, and serving food (without washing her hands in between) - which was extremely unsanitized during COVID!

舖頭門口無寫營業時間, 所以都係睇佢o地社交平台開11點半, 11點搭半開始但都係門口等咗一陣. 第一批入舖第一次食所以選擇比較基本o既味噌豚骨, 加豬肩肉.味道無想像中濃厚, 但可以接受. 加埋台頭芝麻芝士粉又有另一種質感下次經過可以試埋其他口味

叫左最多人揀既赤豚同白豚呢到無得揀麵既軟硬度，所以對我黎講係偏硬🥲而且隻拉麵好似唔係常見食開個d，覺得呢隻麵底唔岩胃口。而本身好鍾意食有蕃茄既食物，之前mk同天后好出名的蕃茄拉麵同沾麵都結業了😢所以滿心期待呢到既香辣蕃茄赤豚，辣味ok既肉醬仲要幾多下，但蕃茄味完全吃不到。如果唔係menu有寫應該唔知有蕃茄係入面。當三哥既蕃茄湯三小辣都辣同蕃茄味兼顧到，但呢到兼顧唔到，叫我呢個蕃茄迷如何不心痛~~~~~~~~~~而白豚就。。。。你幻想到既豬骨湯味啦，都唔錯既唔會伏先囉。要讚下隻蛋就好好味啵入晒味。

\除咗上一篇嘅黑豚我同朋友都試左赤豚🌶🍅湯底同配料都好特別包括慢煮肩胛肉.筍干.大蔥.紫菜.半熟蛋重有自家制肉碎拉麵湯底顏色令到隔離叔叔睇到話係咪好辣😂 一試其實算微辣.但蕃茄豚骨既酸甜味又中和左豚骨湯既油膩感.加埋赤豚專用既芝士粉.令到湯頭整體味道更有層次..老闆重話每日用8磅蕃茄去熬製湯底.可以話超充料🤓見到好實在既蕃茄蓉同肉碎.口感實在.味道有蕃茄既甜味加埋芝士粉有D似肉醬意粉但係拉麵版🤔成辣湯底好濃郁 🤤重口味又鍾意酸嘅朋友可以試吓🍜兩款拉麵嘅湯底都足以令你飲到見底..所以下一次要試海老味增.事關聞到隔離碗拉麵都好香🤤➿  黑豚 (大蒜豚骨拉麵) HKD 88➿  赤豚 (香辣蕃茄豚骨) HKD 98

黃店比人報道過一定好多人去加持.唔想同人逼只好搵少人D既時間去.聽講成間店都係得🧔🏻老闆同一位職員打理.當日去到位置唔多.坐吧枱有少少逼但好處係睇到師傅做麵過程👨🏼‍🍳黑豚其實係大蒜豚骨拉麵.一尼到就聞到香醇蒜味.重有濃濃豚骨味.飲落唔係出面既味精湯👍🏻. 湯底唔算稠身有厚度..而且配幼身麵.食落偏硬身爽口.好怕食到太冧身既麵😌🍜配料有酸酸既黑木耳.大蔥.紫菜.同慢煮肩胛肉叉燒..因為真係得🧔🏻老闆擔任廚房位置.所以每碗麵制作需時.見到老闆煮麵途中又準備緊啱啱煮好既叉燒🐷老闆堅持唔用外面既叉燒.寧願用多D時間準備品質較好嘅叉燒配料比客人.所以幸拉麵既叉燒唔係肥膩型叉燒👍🏻🥚半熟蛋生熟程度掌握恰到好處.蛋黃係蜜蠟狀ga😍真係食完會有想返兜既衝動.而且外面既拉麵店都要另加玉子.但尼到$88價錢已經有.價值比高🌟.➿ 黑豚 (大蒜豚骨拉麵) HKD 88➿ 赤豚 (香辣蕃茄豚骨) HKD 98

聽人講就講得多，呢間未食過，小店係港島，新界牛的我表示好遠為左食濃濃的櫻花蝦拉麵，夾啱行程，港島行山之後，就會一會佢小店座位不多，要係門外等一陣湯好濃，叉燒唔係我杯茶，唔係肥叉，但烤得好香，麵度軟硬適中，麵度可以硬d就prefect下次出開港島，會再食佢

幸拉麵💛小店位於 炮台山高質拉麵店店舖內的空間不算大但座位算寬躺好喜歡它的玻璃外牆設計 自然光透射進來增加了空間感今次點了赤豚蕃茄味香同時又帶點小麻辣（譚仔食小辣）小小刺激口腔 不過一下就沒有了 有點過引湯底濃味但不會有過咸或者太油的感覺食完也不會口渴而且水夠冰凍！😍😍😍那是很重要😜出自老闆一個人的手是一種幸福滿足的感覺😍**********店舖貼有門小雷的海報😍😍（而且仲有咭仔換！換完即止）

見推薦，點了赤豚和白豚白豚湯很濃但喜歡赤豚多些，有蕃茄香，有點辣，辣得過癮蛋好味整體吃到店主的誠意服務也很好suggest 店舖可加多點紙巾，當時全店得一包不夠用

🍽海老拉麵（3.8/5）💰88湯底濃郁，超多櫻花蝦，蝦味超重😋但叉燒好薄，真係好薄身😢筍好爽同甜，而麵仔份量十足，但未算好彈牙🤔🍽赤豚（4/5）💰98番茄辣湯底，湯底比海老湯底再濃郁啲添😍番茄味幾香，唔算好辣，但有陣麻勁🤔一飲個麻會比佢麻咗一下，但好快就完，比較特別🤤🤤🤤價錢比一般拉麵店平啲啲，而且東區仇議員親身認證黃店💛💛💛流心蛋好入味，蛋黃好靚‼️‼️‼️但店主曾經接受訪問過唔希望大家讚佢地隻蛋靚🤔因為隻蛋做得靚係基本的😤整體味道都相當唔錯，經過呢頭都推薦試下！

上星期日等位期間，見到樓面位女士徒手從地下拾起一個已經用過嘅口罩，再用紙巾包住（沒有包好，口罩仍突出可見)，然後問其中一位食客是不是他的，該位男士表示不是。然後這位女士繼續手持紙巾包住的口罩繼續收錢，之後行去廚房bar 枱位置處理order紙。之後才用多一張紙巾將口罩全包好才掉。跟住見她沒有洗手繼續工作，再去安排食客入坐並接過新入座食客的order紙⋯⋯然後我雖然等了15分鐘，然後再沒然後了。此店有很多好評真的很想試，但係今時今日咁嘅衛生觸覺真係有啲失望。

好耐無食過拉麵主因無乜突破 就算日本名店嚟香港開都係食一次算 無回頭過而且同價錢嚟講太多好選擇今日見有人推介就嚟咗依間幸拉麵鋪面細細吧台大約八個位冰水夠凍 好緊要但枱面無自家醃菜食咗個最基本嘅白豚湯色偏啡 味偏酥但個人接受到 無問題食完唔會太口渴麵質 叉燒 荀 紫菜 合格可取嘅係有成隻流心蛋依個價錢 港島區 有以上配料算抵食師傅好有禮貌入嚟同走都有打招呼其實唔係好明點解有啲拉麵鋪要整個加一依度係無嘅同埋如果有得揀埋麵款同軟硬度會好啲