幸時餅店 (已結業)

之前反工成日經過見弋到佢地啲蛋糕都睇落唔錯 今日放假又經過所以就終於走左入去買感左件藍梅芝士蛋糕 平民價錢算唔錯嘅藍梅芝士蛋糕 食落都幾有芝士味 藍梅醬都幾好食 又算好甜 岩晒我

行過唔覺意見到有合桃酥賣，即管買嚟試下啦，想食番童年嘅感覺，5蚊個和13蚊3個，買了兩個回家試試，第一口感覺夠脆口，但冇童年時感覺，食了一半後，發覺冇乜香味只有甜味，同埋下feel到漿住口嘅感覺，都有啲失望。但出面好少舖頭自己做，值得鼓勵， 其實佢仲有蝴蝶酥等等其他懷舊小食， 也有麵包又抵又好味值得推介 ^ ^ 😄😀👍

💜紫薯雪菓子($14)▪️🙋🏻‍♀️告白，我真係麻麻地食Cream質地嘅嘢，其實都略知雪媚娘係內藏大量cream，但見到佢脹卜卜，表皮透淡藍色光咁好靚🤭💙忍不住買了一個試試看。-可能就係無期望😌就覺得味道比想像中唔錯！首先塊大福皮，又薄又煙韌🤤好好吃呢，而且完全成件包圍晒，不是只有表面馬虎蓋著就算。-一啖咬落去，如期般在口中爆cream🤣質感好似泡沫咁輕盈不膩😲👍呈淡紫色，散發著雀巢雪糕香芋味😋咬多幾啖就有紫薯蓉😚💜質地軟滑，配搭底層的朱古力海綿蛋糕，層次都幾豐富。

母親大人特意買了兩盒雜果撻給親戚的小朋友們吃，原本我沒有想過吃這些雜果撻，不過看到它們精緻又可愛的樣子，我也忍不住變了小朋友一般對它愛不釋手，所以我最終也吃了一件。雖然雜果撻小小的一個，但撻底做得非常好，口感鬆脆之餘，還富有相當濃郁的牛油香。將它配上香甜幼滑的忌廉和雜果一起吃，味道和口感真的是不錯，可是它還是有點美中不足。如果他們能在雜果撻的忌廉下加一點加朱古力醬則更為美味可口。今次吃過他們的雜果撻後，我們都相當滿意，下次再到他們的餅舖也一定要試試他們其他的產品。

天氣冷好易肚餓，食完午餐到4點多又餓餓地，經過麵包店忍不住落車，粉紅色招牌少女心，店面唔大，店內係港式麵包店格局，比較平實！麵包款式都係港式，呢個時間都有幾款麵包做緊特價！我買$12/3個（可以揀唔同款）雞尾包：賣相幾好，喜歡夠多芝麻，焗得皮脆，麵包可能放耐咗略乾身，入面椰絲餡多，味道甜美！芝麻豬仔包：喜歡芝麻多彈牙，皮脆內彈牙，麵包鬆軟好味，味道微鹹好味！店員姨姨無講野，爽手袋好比我！無交流！如果熱啲就好

去到元朗，見到西鐵站附近的面包店。買了熱狗包，裡面還有青瓜和蕃茄，加上醬汁的配搭，很新鮮的感覺，只是7.5元。這店不像連鎖餅店，所有面包都是新鮮製造，價錢也合理。

工作中同事好有心，去買了點心比我！呢間普通麵包店格局，地方唔大！芒果糯米糍（$10/3粒）攞上手凍的！每個用錫箔紙兜盛載！橙黃色，面頭黏滿椰絲！咬落好煙韌！不過糯米皮好厚，無乜芒果味！中央只有好少芒果肉，味道好酸！一般！店員爽手！只係用膠袋袋三個糯米糍啫！

芒果一直都是我的最愛...遇上芒果甜品我當然要試試..飯後甜品跟相公一人一個...誰不知............好多CREAM加上太甜....中間的芒果肉又太少....蛋糕底還可以...最值得一讚是個皮.夠薄...但整體來說太多CREAM...我真是不太愛...下次都是買麵包好了~~

食過呢間餅店既cheesecake 我諗都有10次，佢地開朝6晚8：45，我通常收工返到去趕得切就8點半去買。佢地原價係原味$11，藍莓味$12，有時收工前會計平d(本身已經勁抵！)我既最愛一定係佢地！！Blueberry Cheesecake 上面既jam吾會死甜，帶微酸，可以中和芝士既膩，芝士相當扎實，食落cheese味香濃！ 原味都係我既必推之選，無左藍莓醬，蛋糕上層反而帶出一種焗蛋糕既麵粉香味，而且芝士味比藍莓味更為突出！加上自製既牛油消化餅餅底，我每次就算食完飯點飽都好，都會一次過食曬2件，因為真係好食到停吾到口㗎！！！😭😭親民既價錢但就食到超班水準既芝士蛋糕，比起其他大型連鎖餅店有過之而無不及！留意佢地近西鐵站果間分店無呢2款蛋糕買㗎！😉

有時去元朗做facial經過這條街見到這麵包店,有日在openrice見到評價幾好,前天去元朗吃飯後,順便買麵包做早餐，它的麵包又唔貴，我揀了10元3條蒜溶包,第二日起身返工,我拎起來吃,真的好好味,蒜溶味道好重,口感好鬆軟，又不會太硬,相當好味,我覺得比知名麵包店更加好吃，這間在元朗鳳悠北街開了好耐,這裡服務亦好好,下次去元朗可以再買食物水準蒜溶包,口感十分鬆軟，蒜溶味道好重,我覺得好好吃服務這裡幾好環境這裡冇豪華裝修，店鋪企理乾淨，亦有舊式人情味,感覺好好價錢 10元3條十分抵買番吃下次去元朗再光顧

食飽行過餅店，見到大大粒糯米滋，賣相好吸引，$3.5一粒，$10有3粒，好抵所以買返屋企食。返到屋企放入雪櫃雪一陣，再攞出黎食。糯米滋個皮好滑好煙韌，甜度適中，芒果新鮮！真係食完翻尋味！

搬到了元朗個多月，很多地方都未去過，幸好有OPENRICE可以比我搜尋下屋企附近有乜野好食由於屋企都與大馬路頗遠，而且大馬路係自由行既根據地，怕迫的我除左去銀行都係少去為妙~離家步行20MINS的雞地是我另一個搵食既地方，我都係搬左去元朗至知，原來鳳攸街附近廿幾年前係雞禽批發市場，鳳字頭街名就係當時批發市場附近，所以街名都以鳳字作開首; 自從YOHO MIDTOWN入伙後，有很多食店在雞地附近開業了~今次就去了頗多好評既幸時買<芒果糯米糍> $3粒，買4粒就有個膠盒仔~回到家再雪凍一下當飯後甜品!!芒果糯米糍的外皮是橙黃色的，顏色很討好， 未吃而經被吸引住了，咬落口外皮相當煙UN，入裡係一大粒芒果肉，成熟香甜，而且完全無加CREAM OR 吉士在內，真材實料，賣$3 一粒真係做足功課，一定會再買來吃。過了數天，有朋友入來元朗探我，為食的我專登買定等朋友仔來吃，他們都讚口不絕呢!!

呢排我差唔多每個星期都會黎幫襯一次, 因為佢好近我屋企, 而且啲cake抵食同埋好味! 呢個藍莓芝士餅賣$12.5一個, 比起出面大集團既價錢真係平一截!味道方面, 一啲都唔失禮~甜度適中既藍莓醬, 再加上芝士味濃既蛋糕, 真係好好味! 值得encore!

最近常來到幸時買甜品，離家很近而且幾好味，價錢又ok，都懶得試第二間了，呢幾日試左以下三樣。朱古力泡芙，四元一個，十元三個，幾平又大個。泡芙沒有雪得過硬，少少鹹配上朱古力和忌廉，真係好好味，可以一口氣吃光三個，哈哈。而且每天都賣哂都唔使驚係隔夜貨，推介！藍莓蛋糕，厚厚的藍莓醬和奶油包著海綿蛋糕，中間仲有桃、芒果等，好味。很大塊，一個人吃一件好像有點漏了，而且頗甜，配上一杯紅茶應該會好點，是日我在喝著果汁。才八元一件，平！芒果布甸，這個比較失色了，上面一層有不少芒果肉，可是布甸本身沒有芒果味，唯賣相幾靚，而且吃得很方便。同樣是八元一個，我會選別的。還有好幾款甜品未試，留待下次吧。

飯後想食下甜品，但係又唔想排隊等位，來了幸時買了兩個芒果糯米糍。size根雪糕糯米糍差不多，橙黃色，上面粘著椰絲。咬下一口，很煙韌，皮有淡淡的芒果味亦沒有過厚，裏面有一顆方形芒果，芒果很甜，但不是人功的，很不錯。才三蚊一粒，幾抵食。