幸福小廚

营业中

休息中

早餐$4️⃣3️⃣🫕雪菜豬扒通粉豬扒醃得不錯，有四件切件，雪菜有少少鹹，通粉煮得不會過淋🥪奶醬厚多士多士超級厚，比方間一般茶餐廳厚好多，烘得外脆內軟，加埋奶醬很好吃☕️熱奶茶正正常常水準餐廳位置喺巷仔裏面，幫襯左十幾年，敵不過時代巨輪，本來結業，現在業主主動減租，再續租半年。我會繼續默默支持小店，食的是一份人情味，希望小店繼續經營。

很久沒有幫襯這個店子，這隱世店子也很多年了！能夠捱過疫情，真的不容易！🦾昨晚點了粟米肉粒飯和楊州炒飯，還有一個雞髀多士。先生第一口吃入口的楊州炒飯，已讚口不絕！飯粒粒粒分明，材料搭配均勻，味道可口，不油不膩！真的用心製作！試過多間茶餐廳都是一嚿一嚿、亂作一團的炒飯！今次終於試到一間用心製作，真的不妨一試！多士是厚多士極厚的多士．．好吃！🫶🏻😋

又係一間我每個星期都要食一次嘅飯檔之一，幸福小廚嘅常餐真係冇得頂。雖然佢後巷店舖細細得幾張枱，樓面得一個阿姐態度都唔係幾好，但係我都每個禮拜都要嚟一次，因為佢嘅常餐真係幾好食，好多時好食雪菜米個湯底好好味，所以都成為咗必食嘅飯堂嘢飲，水準都好，尤其是平時食開嘅雪菜豬扒米豬扒係好好味嘅米粉加湯底我每一次都飲埋湯底因為係絕配好至於態度這些可能自己一個在樓面做態度都係咁㗎啦，不過食開茶記都會接受到嘅，大家有興趣試吓佢嘅常餐啦

叫外賣，係門口等差咗15分鐘，見好多人食完走咗都未有，入去問，俾阿姐趕返出門口，最後要等超過25分鐘先有，明明留咗單，一句對唔住都冇，依個唔係食物質素嘅問題，係人嘅問題。朋友們如果有時間同鍾意睇人面色就去試吓！

今日家人下午要出外，所以諗住於屋企食埋早/午餐先出去。咁啱幸福小廚的早餐供應至11:45，就落咗共3份早晨 (因外賣平台滿120有折扣及免運費)。雪菜豬扒米粉 - 豬扒肉質唔會太韌，幾入味沙嗲牛肉蛋通粉 - 沙嗲汁小小唔夠，但牛肉口感算唔錯，份量亦算OK，通粉係用大型的，唔錯，幾好味。雞扒腸仔通粉 - 雞扒整得算啱啱好，唔會太縮水或者韌。腸仔一般正常。厚多士我地牛油及煉奶都有要，2種都OK，雖然係送餐，但都仲有小小鬆脆。整體早晨CP值滿意，而且仲供應至11:45。飲品方面，凍奶茶較一般。

幸福小廚喺雞地一條巷仔入面，出名炒飯夠穫氣，鋪頭唔大，如果外賣自取，可以早少少打電話去落單。今日喺幸福小廚食早餐，最想係飲佢杯奶茶，奶茶茶底香濃，有水準，每個星期日朝早，飲到一杯，會覺得好圓滿。早餐有多款選擇，截早餐時間係11:45am，想食到早餐，就要預早少少，通常11:15就會多人啲，要等下位，都有機會要搭枱。叫咗一個雞排腸仔公仔麵 + 厚醬多 + 凍奶茶、火腿煎蛋通粉 + 厚奶油多 + 凍奶茶 、雪菜雞翼公仔麵 + 薄奶油多 +熱奶茶。雪菜豬排麵餐可以轉雞翼，唔需要加錢，好彈性～多士兩面都有烘過，有厚同薄揀，可以揀果醬、花生醬、牛油同煉奶。厚多士有一吋厚度，係台式吐司嗰種，呢度係港式版，唔係咁多茶餐廳可以食到厚多士。個人比較鍾意熱奶茶，因為飲到茶味濃啲，唔多奶，好濃郁。如果鍾意甜啲嘅朋友，可以叫茶走，一樣好飲。凍奶茶偏甜咗少少，飲唔到好香濃嘅茶味，但質地好滑身，少甜會好啲。雞排腸仔公仔麵，雞排有兩件，厚身，有醃過，唔會太鹹，無雪藏味。腸仔無廚師腸咁鹹，有煎過，好香口。雪菜雞翼公仔麵，雞翼有3隻，好入味，雞皮煎得好香脆，唔會好乾身，雪菜唔太鹹，公仔麵唔會好生，又唔會太淋，剛剛好。火

今日一早出咗去，中午過後先返到元朗，途中睇定午餐的選擇，好似未曾食過幸福小廚，就決定試下。家人叫咗星洲炒米，味道OK，而且炒米份量都算多，唯一係食物材料較為少，食到中途已經無晒餸，要就咁清晒啲米粉。而紅豆冰的水準滿意。我就叫咗個揚州炒飯，炒飯都好夠鑊氣，餸亦相比炒米較多，而且份量同樣夠大，唯一係食到底見至有微量的油，現今大家都注重健康的飲食，我相信幸福小廚可以略為減少啲用油。餐湯我地叫咗羅宋湯，湯夠濃，而食材方面准。

喺元朗嘅後巷入面有間隱世嘅茶餐廳，相信識搵食嘅大家都會知道有呢間餐廳。平時收工嘅時候都會利用外賣平台預先落單，因為餐廳係即叫即整而且人手唔多，所以有時餐廳都會直接唔接單，所以叫到外賣都好好彩。佢哋嘅雪菜肉絲炆米真係好好食，雪菜加米粉加埋佢哋嘅調味融合得好好，食到最後都唔會覺得好油膩。屋企人最鍾意食黑椒牛柳絲炒意粉同埋鮮茄豬扒意粉。佢哋都覺得好抵食，而且味道好好。黑椒牛柳絲意粉好夠辣，不過相對上會濃味同埋油膩少少。

晚上8點35返到元朗, 見到佢仲開門就入去, 老闆娘親切招呼.  食物來到好大碟又夠鑊氣,  料仲食極都有, 非常推薦. 清哂成碟唯一缺點係碟底有油, 但XO醬有油好正常, 所以都接受到. 琴晚又想食 , 8點半去到點知冇開門.....  

時近八半, 剛從醫院探病回到市區, 雞地雖然美食雲集, 但大部份餐廳都九點打烊, 幸福小廚也一樣。 聽說那是炒鑊遠近聞名的茶記, 平日晚上只想用相宜的價錢吃一頓飽飯, 茶記人情味重, 應該會通融吧。點了是日晚餐(只比餐牌正價便宜$2)蝦仁炒蛋飯($48)和仁尼炒飯($50)。晚市較午市大約貴十元, 包熱飲, 最後一批食客老闆娘贈湯。取名字比想像中重要, 幸福小廚乍看是外賣檔, 略顯年紀, 推開玻璃門有電視、 有卡座, 雖然mirror的歌聲聲量完全覆蓋了韓劇。 這種小家庭經營彷彿為不修邊幅的茶座增添魅力, 家庭是收穫幸福的地方, 廚房將之發揚光大。口味淡的宜蝦仁炒蛋, 蝦仁量多, 沒有特大顆; 口味重宜印尼炒飯, 不辣, 也有蝦, 有咖哩粉, 料就是豬肉、洋蔥、火腿、菜絲、蛋絲。填飽了肚子匆匆離開, 店家還在處理家務, 清潔、準備明天食材。

下就唔知食乜好，咁岩見到大排檔啲谷友食呢間炒飯，我又跟風叫下先～～😆🤤我叫左楊洲炒飯，我係foodpanda外賣平台叫既，仲有湯有嘢飲添🧃都好抵下🤣 炒飯勁大兜 夠我食2餐，下次真係要攞個兜分開裝住，食一餐，再裝埋下一餐呀！！🤣🤣料又夠多又有穫氣～每一啖都食到大量生菜叉燒同埋火腿🤣不過食到最尾見到個匙羹有啲油～即刻好有罪惡感🥲🥲〰️〰️以後翻工有好嘢食啦 唔洗餐餐意粉快餐啦～有得食有穫氣嘅嘢啦！

元朗尋日既大型購物行動後🏪 周日早上出去搵食🍽️雞地大約有一半舖頭開咗門5️⃣0️⃣🈺係橫街經過幸福小廚🥰風暴過後睇黎好多人都係度追尋呢種簡單既幸福, 簡單食一餐飽飯🥢 舖頭長型, 水吧係一入門口左手邊🍺右手邊有一排排既座位, 大約坐廿人左右, 同其他茶記一樣, 擺放係凌亂🤣然後極其重要既係部電視📺  11:45黎到, 尬尷地早餐完咗, 午餐又未到🤔原來幸福早已預備, 佢係有全日既常餐架, 都不外乎係一個麵 🍜+ 多士 🥪+ 咖啡或茶☕  花生醬厚多士一啲都唔孤寒, 啲醬係多到你每啖都一定咬到, 而麵包底亦有稍稍烘過💓 E餐既雞扒腸仔麵唔駛等好耐就黎, 賣相呢個字係茶記字典裏面係無既, 個濃濃湯底熱暖暖過黎, 盛載住煮到微淋既公仔麵; 本來極抗拒淋麵既我, 係呢個烚似拉麵湯底同麵身既組合下敗陣, 好快咁成碗食晒🤤仲有條腸仔🌭竟然係可以煎到表面收水小小香脆無燶但入面肉地全熱, 然後雞扒雖然沾左湯🐔 亦都保留到肉香😇 最後杯凍咖啡, 不過不失, 但無老身變澀☕  埋單兩個人82蚊, 話平唔係最平💵 本人對於呢啲小店, 尤其每個小骨節眼做好少少, 成件事變正好多, 係無抵抗力😍再加之係一個元朗人心力交

下午茶$37!好有鑊氣大大碟仲要包野飲紅豆冰+$5不愧為招牌紅豆冰紅豆同椰奶真心出色出面真係搵唔到好味得過佢星洲炒米同楊洲炒飯經典茶餐廳碟頭飯完全食到應有既經典味道好完美好滿足

上星期六約了一班好朋友到元朗做掃街茂，其實已不是第一次這樣瘋狂！在2015年元朗大食遊中狂掃8間店已可見一斑！ 行了一會到達幸福小廚來是為了吃厚多士喔！店子充滿舊式茶記風味，但衛生程度不俗尤其是洗手間！！ 這杯叫華田脆爆擁小朋友口味的好友劉總一見即點，這杯特飲令我想起小時候最愛將美祿、好立克粉一口吃下的情境呢！小時候真快樂喜歡任性便任性！ 點了三款口味分別有奶醬多士、奶油多士和占醬多士！上檯時那厚切確令人有無比快感！！ 厚多士須然沒有十分香脆和特别味道，但厚厚的身型還是可愛非常，而且店內貼滿小朋友的畫作，明白為什麼這兒叫幸福小廚！

約左友人係雞地食晏，見網民話呢間既厚多士好正，就專程來拜訪，入到條巷仔，竟然行過左都唔察覺，行番轉頭再認真望招牌，才找到這裡。門口剛好有一張枱，一坐低就話今日得常餐，因為不停跳fuse，無炒粉麵食，但無所謂啦，我地黎都係想食多士，我對厚多士無咩興趣，所以就叫了個薄多士。到友人既厚多士上枱，真係大家都嘩一聲，乜真係甘厚！食完都食唔落碗粉啦！淨係影相都已經好滿足，厚薄多士既口感都好正，好好味！一定會介紹朋友黎試下，杯凍檸茶都不錯，值得再回頭！