幸福珈琲町

营业中

休息中

我已經係第二次嚟呢間食，雖然等候的時間比較長，始終佢哋每個崗位得1-2個人做嘢多，但質素真係好好，食物好正，咖啡亦都好好飲如果唔係趕時間，呢度係一個可以幾放鬆慢活的地方。

幸福珈琲町位於新蒲崗萬迪廣場一樓，被店名吸引，入來試試，店面不大，但裝飾有花心思，在裝飾櫃上有不同款式的漂亮茶壺和茶杯，座位舒適，可以輕鬆休息一下。平日有優惠是散點加$28有不同的熱咖啡選擇，主食有all day breakfast，自選款式的牛角酥、多士，意粉，自家製的提子或咖啡鬆餅，賣相幾吸引，我點了煙肉蘑菇忌廉意粉、牛角酥、cafe mocha和特別手Shakerato（冰瑤咖啡），食物味道不錯，咖啡味香濃，但價錢則有點偏貴。

呢間Cafe嘅位置係一個唔起眼嘅角落，平時都冇留意到原來有一間Cafe喺度，經朋友介紹後先至發現到👀Cafe環境唔錯，相對上係比較安靜，而啲意粉同咖啡都係出色👅，對比其他Cafe嚟講算係中上級別，強推燉牛小排肉醬水管粉🐮，聽老細講呢個係呢間Cafe嘅signature意粉，牛小排燉咗起碼三四個鐘以上，所以口感軟爛而且又夠晒入味，份量亦都唔少，性價比極高👍🏻配合埋其他意粉同食物，渡過一個滿足嘅晚上😋

同朋友下午茶，想揀間靜靜地的cafe，呢度評價幾高，可以留座，就嚟試下。之前去過同層的The Brew Dog Coffee ，覺得一般，而呢間就出色啲。下午茶時段冇tea set/cake set，只得主菜加$25可跟$42或以下飲品，價格唔算經濟實惠，但食物同環境都令人滿意。沙律：食材幾豐富，新鮮；有蔬菜、生果同杏仁，營養均衡，味道清新牛油果水波蛋酸種麵包：麵包細長形，薄薄一片，烘咗，香脆，味道唔錯；整體份量偏細，作為下午茶亦只係輕食；用料不過不失，只係唔抵食Latte：粉色杯好girly，有少少夢幻感覺，拉花ok；咖啡味幾濃，推薦花茶：朋友點，味道唔清楚，但presentation好睇，雖然茶蛊同茶杯唔係套裝，但分開睇都賞心悅目Cafe環境安靜，座位寬敞，坐得舒服，幾適合傾偈，惟獨係冷氣弱，喺酷熱天氣下，呢度只適合唔怕熱人士。Cafe人手唔多，服務有限，呢度係用自助形式，需自行到收銀處落單、俾錢，坐低後亦冇水供應，不過，免加一的話，都係可以接受既~~

性價比高嘅Cafe室，這間咖啡店的食物和招呼都很好，環境舒服，店員都好nice 。我order 一杯熱latte ，質素好高, 因早幾天去了一間聲稱冠軍咖啡的Cafe ，也不及今天飲的😆預訂了芒果特飲，朋友話有驚喜，喜歡芒果的朋友必定要飲。 當天訂了枱給好友慶生日，訂了牛油果沙律，沙律好新鮮， 大蝦意粉的香祘味的我最鍾意， 水管通粉，我有幾位朋友試過叫我一定要order, 結果真的味道十分好，有朋友試過來吃已售罄。因此早些訂，因有限供應。

這間店應該是新開的，環境挺舒服，有點像台灣的咖啡室。我點了egg Benedict + smoke Salmon Bagel，這個沒什麼特別技巧吧！(太餓了，切了一下才記得拍照)另外點了一杯焙茶拿鐵這個有驚喜啊！喝下去茶味香濃應該是新開的緣故，員工都比較生手，不過服務態度夠親切，下次再來試試主食😁

早前於新蒲崗等待上瑜珈班時，無意間發現了這間很有水準的小店。餐廳不是很大，裝潢佈置令人舒適休閒放鬆。還有熱情的店員，食物更是廚師誠意之作，令人充滿著幸福的感覺。那不勒斯燉牛小排肉醬水管粉 $118這不是非一般肉醬，是慢煮了數小時以製的牛小排肉醬，味道濃郁，配以軟硬度適中的長管粉，非常掛汁。(製作需時)慢煮雞胸凱撒沙律 $85滿滿的嫩滑雞胸味道一流，配上新鮮凱撒沙律，飽腹感滿滿。香煎牛小排特式沙律 $108厚切的牛小排肉質鮮嫩，煎得恰到好處，配上新鮮沙律，很清新的配搭。煙三文魚牛油果貝果 $52滿滿的熟成厚切牛油果，加上美味煙三文魚，都是我最愛，如果可以加點醬汁就更好。伯爵茶巴斯克芝士蛋糕 $52非常實在及充滿濃郁的伯爵茶味，面層帶點脆口，口感一流。這是我故意光顧2次後才推介的，因為這餐廳實在值得被更多人知道。

order 2杯飲品2份食品，包括一杯焙茶鮮奶一杯果茶，一份牛油果水波蛋酸種包，一個焦糖布丁。由落單到出第一杯飲品等左35分鐘，其後每5分鐘出多一樣野，出齊4樣野等左50分鐘，最後被迫花5分鐘倒落肚度。最嬲係遲過我哋落單嘅人嘅嘢食都出曬，我哋都係冇嘢食，到催佢嘅時候，店員話「我知呀，我而家整」（但佢態度良好）。如果不是落單已畀晒錢，否則一定走。我本身都唔係好趕時間都搞到幾乎遲到，趕時間喺度食真係大鑊。嘢食味道冇問題，但等待時間真係冇可能接受。

幸福咖啡町開業大約半年，近期見有群組推介佢既mint chocolate muffin , 身為薄荷朱古力控既一定要買黎試，我一試難忘， 而家仲做緊試食價優惠💰$30 ,超抵食😋我用微波爐叮熱一樣咁好食，外面有少少脆，一咬落去有淡淡既薄荷味，中間仲有朱古力流心，真係好好食，下次經過一定會再去買，肥就肥啦，因為太好食，下次試買配佢地出品既咖啡先😍😍聽講佢既muffin 係買完就無，建議專程去既朋友要打去問下有冇stock 先📞

之前搜尋新浦崗咖啡時， 看到新開的 「幸福珈琲町」，便決定進來試試看. 點了一份全日幸福早餐. 可加 + HK25選配HK$42或以下之飲品， 便再點了Flat White.酸種包上面還抹了牛油香草，嚐起來真香～用了蒜蓉洋蔥炒蘑菇也很好吃😋，不像有些餐廳只是簡單的煎磨菇而已。個人也覺得咖啡也不錯喝😊整體非常滿意👍

朋友仔生日，約埋班friend 10幾人👫一齊包場，環境唔錯，坐得幾舒服，冷氣夠足，靜靜地自成一角。🏝️始終咖啡店有高質花茶同咖啡，呢樣已經吸引。✌️包場前菜有青口，芝士薯條，雞翼同雞肉沙律、鮮雜果柚子沙律，我自己就鍾意嗰個雜果沙律，好fresh，甜度適中😋，主菜雜扒就有牛扒、羊架同大蝦，煮嘅時間啱啱好，保留到肉汁🍗，正！🤩仲有叫咗signature那不勒斯牛肉水管通粉，呢個係我暫時食過最好食嘅通粉🥳🥳。大蝦意粉都唔錯，個汁濃度較得好好。龍蝦包龍蝦好多，而且包好軟熟，真係好好食。👍👍廚師search咗綠茶蛋糕同朱古力蛋糕，🍰我就食朱古力雲朵蛋糕，配埋Panama Esmeralda咖啡好多層次，而且入口好順滑，perfect match! 😘美中不足就係個場中最多只係容納到10幾人，不過好處就係小人都包到場，同埋個Menu可以自己同老闆溝通，可以有啲Taylor Make😎，個friend就好搞笑，因為鍾意食麥樂雞，廚師幫佢整咗個幸福麥樂雞盤，加藍芝士醬配襯。😝整體來講係好味同服務好好！老闆同員工都好nice, 唔係壽星仔幸福，我去食都覺得幸福滿滿。🥰💕

第一次黎呢間舖好有驚喜，一問之下完來係新開張冇幾耐，d員工好nice好好笑容，又會主動問下客人有咩改進嘅空間，值得一提嘅係d野食好有水準，叫咗個長通粉，mocha 同埋伯爵茶芝士蛋糕，長通粉絕對唔hea 睇得出店主好有心機做，牛小排炆得好淋好入味，個芝士蛋糕好香伯爵茶味，texture 好好，岩哂我呢個伯爵茶控，杯mocha 都好出色，值得推介嘅一間人情味小店😊 我聽店主講搽茶蛋糕都好受歡迎，有機會會再黎幫襯試下！

唔係第一次食喇，個牛角包好似又大個咗，包脆蛋滑蝦嫩。食完飽到呢😆飲奶啡最驚飲到好重奶蘇味，呢間啲啡無呢個問題，同埋無苦味。上次飲咗杯long black 都very good。性價比高，實會再去。

今日過去新蒲崗做野，經過想食少少野，在Google 搵到依間咖啡店，剛過了食午飯時間還是有一些人流，叫咗個大蝦牛角包和凍薑汁牛奶咖啡，整體食物好味和環境都舒服，下次經過可以有個歇腳地方。

早前收到單張介紹這裡新開了一家咖啡室剛好去開附近就上門一訪究竟.咖啡室不算很大但佈置得很溫馨散發著一種家的氣息🏠員工們態度也很友善特別是老闆娘帶點自來熟簡單對話而令人有種朋友的感覺感受舒暢💬.我和朋友各自叫了一杯飲品我叫的培茶拿鐵非常香濃培茶和溫熱的🥛比例剛剛好🤎🤍很合我的口味..另外叫了蒜蓉牛油大蝦意大利粉🧈🦐🦐的量也很多味道較為清淡 吃開重點口味的可自行加點黑胡椒調節.想起有朋友生日於是也叫了一份自家製焦糖布丁🍮帶走本來用外賣包裝就影響了外觀老闆娘知道後就讓我們把堂食的器皿帶走🙈送上驚喜後才拿回來還另外送了個生日牌給我們慶祝之用💓.在這相對冷漠的社會竟然能遇著這麼友善的店主感到很窩心💓雖然附近也有很多不錯的咖啡室但在這裡有滿滿的人情味謝謝招待～