康橋廳

营业中

休息中

康橋廳 (九龍塘)九龍塘劍橋道10A號九龍仔業主會1️⃣啫啫芥蘭豬爽肉呢個小菜真係整得好入味啲芥蘭唔會有苦味，而豬爽肉都幾爽一攞上台嘅時候，就超級香估唔到係會有鑊氣2️⃣台式三杯珍珠蠔本身對呢個餸都幾有期望但係佢啲蠔唔係煮得好入味亦有啲腥味佢落咗好多金不換落去，但係就炒唔香佢變咗冇乜味道，得啲普通嘅鹹味3️⃣椰皇柚子凍糕呢個幾好食，柚子味同埋椰汁味唔會搶咗對方而且仲有一粒粒柚子喺入面而且呢個甜品都唔貴，幾抵食👍4️⃣即製蛋白杏仁茶佢嘅蛋白杏仁茶好滑，唔會好重杏仁味所以本身唔係太鍾意杏仁嘅人都可以接受到蛋白佢都有好多係入邊嘅，但係就唔會太大粒結論：入面嘅小菜都幾多選擇，不過係要會員先可以入去

星期日食飯，選擇困難，最後決定去康橋廳食家常小菜椒鹽九肚魚，新鮮熱辣，保持一貫水準！竹笙扒豆腐份量充足。如果四個人就不會過份飽。砵酒焗美國生蠔，共六隻，每隻都唔細。欖角骨，酸酸甜甜，非常開胃！不過肉多個骨最後仲有腐竹糖水送。 這裏的甜品非常高水準，我最喜歡的是芋頭西米露。 如果打算吃家常小菜，這裏是非常不錯的選擇。

點心熱辣辣，一次過上，好有睇頭。兼且都非常好食！蝦餃、燒賣添好運水準。牛柏葉、蒸魷魚、小籠包和蒸排骨，都很有水準。連和蒸排骨一起的南瓜都不放過。蒸魷魚和牛柏葉有稻庭烏冬墊底，啲烏冬索曬啲湯汁，非常美味。炸魷魚鬚、蝦多士和椒鹽九肚魚，都是新鮮出爐，熱辣辣的。 轉眼間，食物便清掃一空。 最後叫了一個福建炒飯做總結 (搶住食，忘記影相)。

同同事星期六打完波就嚟到附近康橋廳飲茶。康橋廳飲菜都幾出名下，之前都有幾次打完波嚟嚟飲過茶。今次4個人嚟飲嗌咗7樣嘢食到，有飯,上湯菜,蝦餃,燒賣,鳳爪,牛肉球,叉燒酥,腸粉。燒賣同出邊嘅茶樓比真係好食好多，個樣望落都精緻啲，用料豐富，而且唔會太乾。蝦餃都係保持到水準，鳳爪就普普通通冇咩特別，個人最鍾意係叉燒酥，一上個陣仲好熱酥皮咬落好鬆化，擺咗陣食都仲係熱，個酥皮鬆化度都係一樣，真係即叫即整。牛肉球我食就冇咩特別，但有同事唔鍾意食芫荽，佢就話個芫荽味唔重食落都唔錯，所以如果唔鍾意芫荽味但想食牛肉球嘅人都可以嗌嚟食。整體環境都坐舒服，食物水準保持得唔錯，但唔知係咪太少侍應，好多時想搵人幫手都冇人，連埋單舉咗好耐手都冇人理。

咖喱牛腩配炸米餅渣米餅真係第一次食外型炸得唔錯而且外脆內又軟軟地。配埋咖喱更加好味！感覺好新鮮！啲點心都幾精緻唔錯。椒鹽九肚魚好味！小籠包都唔錯～馬拉糕都好鬆軟～椒鹽豆腐都好味！食咗炸兩同叉燒腸蝦餃燒賣牛肉球。大滿足～

食物分量足，用料亦靚。團年飯很多套餐都是很大路菜式，但今餐味道不錯。瑤柱大大粒，蝦肉份量佔大半個碟。條魚新鮮，又厚肉，雞皮脆肉香。最驚喜的是在傳統菜式中，有一味比較新穎而好吃的，就是荔芋帶子夾，新奇又好味。

小編已經第二次黎呢度食飯皆因屋企人係呢度常客。但小編極度唔like黎呢度食晚飯，油膩到一個點呀食完一定痾囉但中午點心都ok既，最喜歡佢地既白飯魚真係好鬆脆好正，椒鹽鮮魷都係極度推介雖然價錢唔太貴但呢度地方太細人太多、真心唔chillax、寧願去遊艇會or馬會好過。但不得不提呢度既bar反而唔錯、幾舒服、小食好味，雖然小編唔食牛但屋企人次次都order牛柳粒因為真係好正wor順帶一提呢度d接泊車位雖然好多但食飯時段都好多人泊車所以最好提早少少去費事行餐死至有車位啦

今日因工作關係有客人請我去九龍塘業主會午餐傾啲野，其實一開頭Expect只係普通酒樓一間，冇咩特別，入到門口，見到環境好舒服，枱同枱之間嘅距離好遠，唔會有迫嘅感覺。跟手客人Order咗個牛腩煲，冇諗過一間酒樓嘅牛腩可以咁軟綿綿，一啲都唔老，超 好 食 !之後仲叫咗個炸雞翼，超級熱辣辣即叫即整👍🏻之後仲食咗幾隻BB乳鴿，勁嫩滑。雖然好食環境又舒服不過一分錢一分貨，買單個價錢有啲貴，不過冇辦法啦始終係有錢人嘅地方💪🏻

lunch同同事黎飲茶，水準依然，好好食5個人無叫餐，主要都係點心小食為主。點心嗌左：紫菜帶子餃（$38）、黑松露野菌餃（$34）、鮮竹牛肉球（$36）；小食嗌左：椒鹽魷魚鬚（$58）、蜜糖芥末腐皮卷（$45）、蜜汁叉燒腸（$40）、薑蔥蜆介陵魚球（$55）；主菜淨係叫左瑤柱瓜粒海鮮湯飯（$118）。腐皮卷夠脆超好食，牛肉球馬蹄好爽但真係完全係芫茜味瓜粒海鮮湯飯好解暑，加上pepper吊味，值得推介！下次再黎

朋友岩岩入咗會做會員就帶我嚟試呢度飲茶，我地2個人叫左5樣點心黑松露野菌餃，一咬落去啲黑松露味湧出黎，超香，皮又唔痴牙，仲要入面每粒菇都沾滿哂黑松露（平時出面啲餃淨係聞其味不見其影）喇沙湯鮮竹卷，好小見點心咁特別嘅combination 所以即刻點嚟試下，點知出奇地match喎，喇沙湯底好香，拍得住出面啲專做喇沙嘅餐廳，仲想叫多個米粉撈埋啲汁食呀，而鮮竹卷亦都好足料，入面仲有蝦有蘿蔔鮑魚雞粒酥，酥皮好鬆化，酥皮入面釀左雞肉及菇，仲要真係有鮑魚嫁喎，絕對值得等20分鐘!!!!芝麻蝦多士，蝦膠整得好彈牙，多士亦唔會炸得過時，重點係咬落完全無油淋淋嘅感覺（最怕出面一咬就全口油），好味到我都食左2件蔥花炸兩腸，相比其他點心就有啲失色，但都合格嘅，腸粉唔會太黏，只係油炸鬼有啲硬身姐…總結全餐，每款點心性價比都好高，我嘅點心排名係鮑魚鷄粒酥👉🏻蝦多士👉🏻黑松露餃👉🏻喇沙鮮竹卷👉🏻炸兩已經約咗朋友下個月再帶我嚟