康記菜館 (已結業)

現在長洲真的多了很多特色小食，串串薯片、鮮果棒、勁大魚蛋固然要食；「師妹甜品」（Katie Dessert）更是值得推介，18蚊一碗疏乎厘，28蚊一碟心太軟，市區食的話，一倍價錢恐怕也不夠。最令我印象深刻的要算是晚飯時幫襯的「康記菜館」，由於晚飯時段其他海鮮飯店都要排一條長長的人龍，只有那間「康記」依然有位，姑且一試，點了一個6-8人用的套餐，嘩！真是一試難忘：豉椒炒蜆一半的蜆根本沒有開殼，約三分一的蜆有殼冇肉，剩下的蜆食落去勁多沙lo，明顯厨師製作之前沒有把蜆放進水中放沙。西檸雞尚可，不過這道菜難度不大，開飯店連這道菜也做不好便沒有存在價值。全個餐最好吃的要算是蒜蓉炒白菜，難怪很快賣完。瀨尿蝦及蒸魚就ok la。消費？三百多元8個人食，仲想點？總而言之，如果各位發現長洲的海鮮飯店已經滿座，我建議大家去M記解決算了。

跟友人夜晚去長洲食 seafood行去海邊o既海鮮酒家睇下食邊間~呢間都算多好食客, 係o個日最旺, 最多人食就係呢間, 所以就入左去食~叫左一個二人餐, 有四道菜, 但係可能一分錢一分貨, 味道soso....蒜泥 扇貝 好細隻,肉質好奇怪, 唔新鮮 ? 清蒸黃立魚倉: 蒸得夠滑, 豉油太少.....兩個人份量, 條魚算夠食, 椒鹽肉排, 好香脆, 炒白菜仔: 炒得好林, 都係一般..再叫左兩個飯, 兩支汽水環境-- 都叫做坐住海/路邊食晚飯, 而天氣相當好, 所以都幾舒服.. 雖然食物質素一般 , 不過價錢都可以接受。

康記唔夠樂多好評但係睇相及好評比例, 康記更好薑蔥蟹 : 好大碟, 好抵食, 沙拉骨 : OK好食扇貝 : 新鮮, 唔韌炒白菜 : 炒得好食, 好大碟叫左支啤酒, 整體不錯

雖然是平日雖然下著雨不過康記還是依舊滿座爸媽選了這個十分抵吃的二至三人餐心知道他們不捨我花錢算了吧 現在不花到了國外不也花得一蹋糊塗一向都是有水準的店海鮮十分惹味份量亦不小價錢當然相宜爸爸果然是瀨尿蝦人 很會"mock"不斷mock給我 回家皮膚敏感又起=_=來年要再來當我變得更懂事的時候

18.12.2008夜晚去左海邊o既海鮮酒家睇下食邊間~記得OPENRICE 呢間都算多好評, 同埋o個日最旺, 最多人食就係呢間, 所以就入左去食~叫左一個二人餐, 原本個餐入面有個小菜, 加$10 就改左做海鮮~有四道菜, 但係可能一分錢一分貨, 同o係南丫島食天虹o既味道差別好大....薑荵炒蟹: 好細隻蟹, 一碟炒左兩隻細蟹... 但係肉質好奇怪, 唔爽, 好林, 但係無咩質感, 好似軟綿綿o既蛋糕咁... 有d奇怪.. 不過炒得好香~清蒸黃立魚倉: 兩個人份量, 條魚算夠食, 蒸得夠滑, 但豉油太少..所以魚頭有d乾... 椒鹽賴尿蝦: 好香脆, 但係賴尿蝦o既肉唔夠爽, 好多時都要連個殼一齊食, 唔能夠用手開.. 有d蝦仲未煮到唔"攣" (生生地), 開唔到, 同埋入面好多沙 (黑黑地), 所以最後覺得唔太好... 炒芥蘭: 炒得好林, 同埋個"獻" (汁) 有D結..所以都係一般..叫左兩個飯, 同埋兩支汽水~ 成場都好旺, 所以叫左好耐先至有人拎比我地~環境-- 都叫做坐住海/路邊食晚飯, 而天氣相當好, 所以都幾舒服.. 不過食食下隔離檯開始食煙, 所以焗住要吸二手煙

長洲第三站，康記菜館晚餐，誰會不吃海鮮呢? 其實長洲都好多間海鮮店。當天一排海鮮店最旺就是這一間，就試一試。第一道菜是炒蜆，份量算多，加上汁做得很惹味，不過不是用來送飯。我倆不停地食，像吃不完似的。 第二道菜係骨，因為有人想吃，又不知吃那一款好，侍應就推薦吃雙拼骨，一邊椒鹽骨一邊甜酸骨。個人覺得椒鹽骨做得不太好，太濕太油了，一向食椒鹽都是要夠熱氣。甜酸骨都一般啦，多肉無骨都好既。上菜算是快，relax 的一餐。九十幾蚊兩個人食，不錯吧!不過今次既位唔係咁靚，下次睇下會唔會對住靚海景坐先~~

點了二人套餐~好像是$168~海鮮算係咁好豐富有西檸雞~不夠熱~但味道很好有炒蟹~係蚊型蟹...不太新鮮又無肉...唔推介有聖子~又係麻麻新鮮~得五隻~不過算好食~加碟油菜白飯只係兩蚊又幾抵整體都算好都無後悔去食同埋真係好飽飽不過不要期望好乾淨始終在街的大排檔嘛~

兩個禮拜o既今日,今次入o黎長洲玩番三曰.上次買料o黎煮感覺良好,今次再接再勵.今次就買左兩隻肉蟹,一斤海螺同埋一斤蟶子.老闆推介我地白灼海螺.首先上檯o既就係豉椒少蟶子,味道很好,豉椒唔會太搶蟶子o既鮮味,亦唔會好似出面o既餐館咁煮得太咸.跟住上檯o既就係白灼海螺.本來打算用辣酒煮,但係老闆就推薦我地用白灼o既方法.幸好我地聽左老闆o既意見,隻隻比姆指還要大o既螺肉,白炫出o黎唔會走左o的鮮味,點小小海鮮醬就已經好好好好味.呢個真係俾多小小都唔介意.最後就係清蒸肉蟹.加小小蔥吊出鮮味,反而會令到蟹肉更鮮味,加上老闆的細心,另外上了一碟浙醋,點小小就已經帶出左蟹o既鮮味.雖然今次比上次貴小小,但係就比上次更加滿足

同朋友仔入黎長洲玩左3日第一晚已經食康記~6個人叫4人餐已經超豐富~~第二日本來諗住試其他野~但大家對康記抵食海鮮念念不忘結果又再encore!! 沙律海鮮卷是必食的!!!! 超級好味!!!! 第一晚去到gei 時候已經賣哂, 好失望~ 好彩, 皇天不負有心人, 第二晚終於有得食~ yeah!! 椒鹽賴尿蝦, 豉椒炒蟶子, 豉椒炒蜆, 彊葱蟹, 白灼蝦, 蒜蓉蒸扇貝, 蒸魚, 全都是水準之作!! 很新鮮, 而且味道剛好! 最好是蒜蓉蒸扇貝同豉椒炒蟶子! 腐乳炒通菜, 魷魚炒西芹, 炒西蘭花, 不過不失的~~ 西檸雞, 麻麻, 個粉漿唔係做得太好, 太粉gei 感覺~ 椒鹽豆腐, 唔錯, 外脆內軟的~ 粟米羹, 好味!! 好足料, 但又唔會好漿糊gei 感覺~ 很好很好~平均每人都係$50-60 左右真係好抵食!!值得encore 再encore 呀!!

難得有一日假期,同女朋友入長洲遊一轉.行左大半日,到傍晚就去街市買海鮮.買左一斤扇貝,一斤海蜆同斤半中蝦.呢度加埋 $ 140.拎左去呢度做加工,扇貝做左蒜泥粉絲蒸,扇貝,粉絲同汁都好好味,雖然蒸得有小小過火侯.油鹽水海蜆,可以算係唔錯,蜆亦都算大隻厚肉.蒜泥開邊蝦,可能蝦膏多同蝦比較大,加埋蒜泥蒸就一流.最後連加工同埋汽水同白飯就要 $ 114 ,加埋料就 $ 254 ,雖然好似唔係太便宜,但係就食得非常滿足.

入黎唔食海鮮，唔算入過長洲。叫左$168 二人套餐。包括任選兩種海鮮，一樣小菜及一個菜。1: 椒鹽瀨尿蝦-- 一上抬，估唔到咁大碟，雖然係bb瀨尿蝦，但瀨尿蝦好甜，出面個椒鹽又正，殼都食埋。正呀!!2: 西檸雞-- 呢個遜色左d，個人唔鍾意佢個炸粉，雖然有好多西檸汁係個蝶，但d雞無西檸味。3: 椒絲腐乳炒通菜-- 呢過菜又係超大碟，腐乳唔係好香，同埋多油左d。但都ok4: 蒜蓉蒸扇貝-- 扇貝唔大隻，但都好鮮，加埋蒜蓉及粉絲，吸晒d汁，’送’飯一流!!呢度服務都幾好，二人套餐其實三個食都得。D野食有夠熱。兩個人$168食海鮮，你仲想點？

炎夏將至, 想要和陽光玩遊戲, 又遇著某某的生辰, 所以借故於周末出走到長洲行一轉. 出發前幾天都是陰天沉沉下大雨, 但由於人懶沒有準備雨程, 最後還是照去可也, 幸好天公造美, 當日雖不至於陽光燦爛, 但藍天碧海也是有的, 到達後景色足以令身邊人雙眼發亮, 嚷著要即時落沙灘游水. 但查實對兩個不懂游水的人來說, 說是"戲水"比較貼切. 戲水過後, 肚子已經打鼓, 決定大吃大喝. "靠山吃山, 靠水吃水", 今趟當然要食海鮮. 事前做過功課, 打算吃新金湖或這間,最後新金湖因旺到冇哂材料做套餐, 只可散吃, 所以就選了這間康記. 我人總是眼闊肚窄, 加上心情好, 當然叫多幾味, 結果兩個人叫了5 個菜 (4個菜2人餐另加1個菜). 先來的是咕嚕肉, 酸酸甜甜, 正好開胃, 汁味道調得好, 肉外層微脆, 肉質適中, 整個菜味道不錯, 肚子餓一來已吃了幾件肉. 接著是椒鹽瀨尿蝦, 瀨尿蝦算不上肥美, 由於是套餐的關係, 總不能期望太多, 不過份量而言, 是頗大碟, 瀨尿蝦滿滿的鋪在碟上, 足料的, 令人有很滿足的感覺, 至於味道是一般大排檔水準, 新鮮程度合格, 肉也炒得入味. 跟著是一

晚飯時間由街頭都街尾都座無虛席, 好難先係呢間搵到個海邊位, 人手唔係好夠, 等好耐阿姐先黎執好張檯. 二人餐$168好似有四樣食送, 但唔係好岩食就決定散叫椒鹽瀨尿蝦 - 蝦身炸到好香脆, 將隻蝦熱一熱身就好容易去殼, 椒鹽好重手所以唔係好食到鮮味, 不過用來送酒確係唔錯豉椒炒蜆 - 醬汁好香濃, 又唔會炒到一團漿糊咁, 不過最敗筆係有沙冬菇扒鴨掌 - 食左兩樣香口野, 就叫個清D既中和下, 雖然都係一道濃味既菜, 但起碼唔會油膩, 冬菇雖然細細隻但炆得幾腍, 而鴨掌亦扣得幾入味, 下面仲有白菜仔墊底, 份量都唔少另加兩支大青島和白飯, 埋單$200, 比心中預算平臨走去洗手間見班後生仔玩隊酒...紅酒加忌廉, 唔知咩味既呢?食食飽飽時間差唔多去迎接今晚既重頭戲......搶包山

今次去長洲食海鮮，由揀舖到點菜全由長洲地膽一手包辦，完全冇say，所以吃得不過癮。假日的長洲人山人海，晚飯一十多人叫了兩個套餐，因為由地膽熟客訂，每人只需夾60元左右，海鮮如蝦、蟹、魚、蟶子等尚算新鮮，但件頭細，賣相吸引力自然低。蟹拑細小如手指公，我也懶得去吃。白灼蝦同樣小得可憐；蟶子則有點韌，但算炒得香口；一向喜歡啖啖肉的我自然有點失望；唯有寄望下次自己拍版點菜，寧可貴一點，叫些有份量的海鮮。

一個32度高溫既下午﹐1:30pm第一次入長洲﹐就原本想去興樂菜館食海鮮﹐點知裡面冷氣位以坐滿又唔想搭臺﹐所以來左呢度。叫左$168二人套餐﹐自選兩個海鮮就ORDER左蒜蓉扇貝﹐彊葱蟹﹐西零雞AND蒜蓉菜心。1)扇貝蒜蓉夠多﹐粉絲夠淋﹐但係比較油左D2)彊葱蟹﹐味道鮮美﹐唔會太鹹﹐雖然蟹比較細隻﹐但係肉質夠厚﹐幾好。應該有3隻﹐因為有幾隻鉗同埋有3個蟹蓋。3)西零雞﹐(第一道來既菜)味道唔會太酸﹐幾開胃﹐唔洗用飯送都得。4)菜心﹐OK。Overall:廚師炒工一流﹐食落又唔覺得有好多味精﹐但係價錢好像比其他貴一些。可能人手唔夠﹐所以等左以排先有人幫我地寫菜。