影片
电话号码
2686 1778
附加资料
是葵涌，不是沙田區！
营业时间
星期一至日
07:00 - 01:00
以上资料只供参考，请与餐厅确认详情
幾年前喺沙田河畔開左個頭，一直都會間唔中去下，直到有次去到見到關門大吉。事隔幾年上網再搵返，難忘佢啲牛同大粒魚皮餃，決定再訪。地點令我有少少困惑，又沙田又葵涌，建議大家信google map, 唔好走左去沙田。當晚十點半入座，第一眼同之前河畔好大差別，入舖，乾淨光猛。一色用電爐而非炭爐。無錯，睇到呢度你可能會問: 無炭爐燒烤？係，無炭爐。老細話我知佢都好想做返炭爐，氣氛完全唔同，佢都知。問題係之前做得太出名，樹大招風，曾經有間裝修好既新舖受到食環拖延審批九個月，結果都要放棄，啱既地方又難搵，無辦法。老細話炭爐同新花款正在安排緊。我就諗，佢出名唔通只係個炭爐？唔會既，係因為野食同湯底都好先有之前打落既名氣。所以當晚無炭爐，照打。揀左沙嗲湯底，有豆腐，芋頭，冬茹，唐芹，好香。老闆加左個蒸籠喺上面，先蒸大蜆，再打邊爐，唔錯，大蜆好鮮甜爽囗。叫左手切牛，肥廋適中，好林好甜，牛味濃！粉腸新鮮乾淨，唔會預先處理得太林。魚麵老細無介紹錯，好彈牙實淨，唔倫工減料。我最鍾意食佢地魚皮餃，皮好煙un，餡好正，一啲都唔腥。生蠔都唔差，不過個人偏愛廣島蠔多啲。蟶子成個筷子咁長，好新鮮又好甜，一定要叫。蝦丸好大粒，食過最大粒既蝦丸，好結實。生料同湯底同以前一樣出色，會繼續支持！寄語老細，逆境波唔易打，見到你地依舊有心製作，本身唔寫食評既我都要寫返一篇支持你地。
继续阅读
<特色炭火邊爐燒烤 – 廣東人>沙田河畔既廣東人小廚，幾年前岩岩開業已吃過及介紹過，由於擺哂出街俾食環日捉夜捉，最後連牌都釘埋，近半年又在後面幾個鋪再開過，繼續以炭會友。老實生火的是煤是炭我就唔多知，所以都無選擇燒烤，但冬日可以對住個火，的確風味過人。不知是否轉了手關係，老闆很後生，做事勤奮醒目過人，除了幫客人燒烤外，聊天問感受外。無端端又走來話請我食個$118既醉雞湯底，見佢咁有心做好佢，當然幫佢寫番篇短評。醉雞鍋足料，雞件十來廿件，但就酒味過濃，灼料夠味但如藥材與酒比例再調調會更好﹔牛肉$208，香軟味濃。其餘生料都大碟，有相為證。未有酒牌，自己去對面7仔買酒便可，老闆仔仲話將轉戰大圍，鋪位已落實，叫我留意佢地Facebook咁話。最近又凍番，對住個爐暖洋洋的感覺十分好Feel，圍爐夜話，酒也喝多幾瓶呢﹗我的FB: smallsmallsmalllin
继续阅读