廣源小廚茶餐廳

营业中

休息中

剛剛叫了個咖哩牛腩飯，食食下發現有條大約一寸長的攣毛髮，同呀姐講，佢再換過一碟比我地..點知第二碟，再食係舊牛肉入面伸佐條頭髮出嚟，真係好恐怖…再同呀姐講，佢話好短喳喎…下？乜食物有唔食得的東西係入面要分大少？！呀姐o既回應令我真係O佐嘴.兩碟牛腩飯都有毛髮，同你講佐你覺得無問題…如果店員覺得平時食物入面見到有毛髮係入面係正常，我無話可說。味道已經好一般，連衛生都有問題.食物衛生非常差，唔會再光顧。

中午諗住去食飯，去左依間食。一入到去服務態度好差，求其指我去搭枱。食左個蛋包飯，成個飯都好咸落左好多豉油，食到一半都食唔落好膩，食完個肚好唔舒服。下次都係唔會幫襯依間。

專程嚟廣源邨睇吓附近好多連鎖快餐店但呢度個餐牌比較吸引入面好多位相信係接近晚市時間人流較少店內面積都唔細講返下午茶主要嚟想試吓呢度嘅炸髀$29 有炸雞髀同紅豆冰加$6可以配薯條或者西多士隻雞髀好好食係茶記嘅味道薯條即炸好脆冇益味紅豆冰應該係用椰奶做底非常之咁香滑 好飲係會想返轉頭食第二次嘅茶餐廳不過唔知其他食品係咪都咁有水準至少可以建議大家可以嚟食呢度嘅下午茶街坊生意有呢個水平算係咁$35性價比唔錯👍🏻

茶餐廳早餐🥰榨菜肉絲米粉、煎雙蛋、熱茶走✊💪🏻👍好耐未試過咁正嘅奶茶，如果可以用瓷杯同埋大杯啲會更加好👍榨菜肉絲米粉好食，煎荷包蛋太熟麻麻哋！$39蚊完全接受，因為琴日食碗魚蛋粉都要收$38蚊。#廣源小廚

服務員態度極差！！完全諗住趕你走！！！叫咩冇咩 仲要黑口黑面仲慘過番工受氣！！ 千祈唔好嚟！ 完全唔推薦！希望佢早日收檔 比番個位出嚟開第二間大家諗住嚟真係要諗清諗楚！

屋企大廈樓宇維修，全間屋沙塵滾滾，由朝整到晏晝，又冇得用廁所又冇得用廚房，仲要冇水，煮唔到嘢食師傅搞掂，即刻換衫落去食個下午茶，喺門口睇咗一陣，下午茶餐都冇自己好鍾意食嘅嘢，不過都唔諗咁多入咗去坐低先睇咗一陣，最後叫咗個黑椒炒牛柳烏冬雖然係下午茶，個份量有啲小，食完好似食空氣咁，早知就叫個飯食牛嘅份量都多嘅，但係有一半係好韌，完全咬唔唔到😑下次真係唔知食啲咩好，都係叫番常餐好過應該比較穩陣，屋企樓下冇咩選擇食咗咁多年，唔食佢食啲咩好

今日1130am 出咗去灣仔見工，見完工之後朋友急call下午要幫手新屋入夥要搬嘢見完工行左一陣趕去朋友度，點知唔使咁早，要搬嘅嘢仲未到，所以我決定喺屋企樓下食啲嘢先，返屋企換件衫再出去下午茶時間，平時鍾意食乾炒牛河或者係雪菜肉絲炆米，不過近排個menu改咗，睇咗一陣，因為一陣要搬嘢，要體力勞動要食飽啲，決定食揚州炒飯不過唔知點解，廚房今日可能有少少失手，我記得平時食炒嘅嘢都ok，今日個揚州炒飯唔同爽口，同埋有d油，平時一直食開都正正常常，可能今日係個別例子，不過我住喺度咁多年，幫襯開，下次再試多次

我未試過在茶餐廳吃到一點都不熱的炆米，而且米粉全部好短、斷哂的，好明顯係在一段時間前煮定的。我跟一名男店員說炆米不熱，他說一炒炒兩份以上，是這樣的。我說我怕肚痛，他說不會肚痛，顯然不想幫我翻熱份米粉。我心想但沒有說出口：你能確保一段時間前煮的食物沒有細菌（不翻熱的話）？我說餐牌上寫明即叫即炒，他大聲說”佢直情寫錯添啦!”。我不想跟他吵架，只係直接要求佢翻熱食物。翻熱後的米粉啖啖油，估計是加了很多油炒熱食物，超難食。

35度高溫行完山，落到廣源要好好享受下。成個商場得一間茶記，無得揀入去試。點左至愛西多凍啡。難得凍啡濃味，西多直情岀色，炸得金黃脆卜卜，廿六蚊無得輸。勝利下午菜開心完成

原本一心以為，廣源邨都冇無好野食ga la, 得番茶樓，m記，一葉 同 大快活呢幾個choice... 一心諗住以後都係m記ga la. 點知原來呢間咁唔起眼既茶餐廳，個廚房又幾得ga wo, 都幾有鑊氣ga wo~同男友一連食左兩餐晚餐， 菜膽雞半隻，菠蘿生炒骨，呢兩個我地第一次叫，賣相同味道都幾唔錯，分量亦多。叫小菜會有例湯跟埋，湯水都幾好，飲完唔會口乾~應該冇咩點落味精啦！第二次再去，食左咖哩豬排飯同菜遠牛肉河粉， 分量相當之多！食完好似未食過咁！味道亦幾好~飯餐跟湯要加6蚊呀~都唔貴呀！所以剩左既緊係打包拎去帶埋飯聽日做lunch!!!

好鬼激氣！唔講啲野好食與否啦～同隔離位阿叔嗌同一份早餐，份量係隔離既1/3，同佢啲職員反映QC問題，一句份量廚房訂，我話我反映下意見，佢話反映都係咁！仲有個菠蘿油，中間夾住塊錫紙，同佢講，佢淨係解釋係焗爐紙就諗住走！要同佢講佢先話咁換個比你囉～呢間野愈轉愈差！！

又黎附近學校做野, 朝早響屋村餐廳食個早餐. 呢間新裝修幾多人, 走入去試試.早餐都係大路野, 三文治, 麵餐, 扒餐等等, 不算平, 要30幾.最普通既沙嗲牛意粉, 火腿蛋. 意粉少腍, 所以麵條唔彈牙, 勝在份量多. 沙嗲牛個汁都幾濃, 牛肉唔會太鬆, 尚算入味, 而且牛肉都有好多片. 至於火腿蛋就無咩煎過, 較清唔油膩, 正正常常. 麵包都算軟熟, 唔會又乾又硬. 呢個價既食物質素算OK, 而且坐得幾舒服.

到廣源練歌，今日唔想食麥當當，所以去試下面的新餐廳。 餐廳裝修ok wow,唔似屋村舊餐廳，坐得都ok 舒服。有唔同款categories既嘢食，例如煲，家常屋企飯餸，炒粉麵，湯麵等。我就叫左雪菜肉絲炆米。色水就夠了，唔知食落點呢。好大碟，無論米粉同肉絲的份量都夠多。 食落有點兒辣， 有啲辣椒絲，粉炆得剛好，唔犬淋，仲有很多雪菜粒，卜卜脆，但就咸左啲，食完飲左好多茶。可惜無鴨絲吖，我都唔食肉絲的。 欣賞佢播的係HKTV 不是CCTVB,原因？？？你覺得呢？！